HighLight News

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ အစည်းအဝေးခန်းမ၌ ဒုတိယတိုင်းဦးစီးမှူး ဦးစိုးဦး၊ စားသုံးသူရေးရာဦးစီးဌာနခွဲတာဝန်ခံ ဦးကျော်စိုးရီနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံ ဒေါ်ဖြူဖြူလတ်တို့သည် ဟင်္သာတမြို့နယ်အတွင်းရှိ ဓာတ်မြေဩဇာရောင်းချလျက်ရှိသော လုပ်ငန်းရှင် (၄)ဦးတို့နှင့် ဩဂုတ်လ (၁၆)ရက်နေ့၊ နံနက် (၁၁:၃၀) နာရီအချိန်တွင် တွေ့ဆုံဆွေးနွေးခဲ့ကြပါသည်။

  ဟင်္သာတခရိုင်၊ ဟင်္သာတမြို့နယ်၊ စစ်ဆေးရေးမှူးနှင့်ပူးပေါင်းအဖွဲ့သည် ဇူလိုင်လ (၂၈) ရက်နေ့နှင့် ဩဂုတ်လ (၁၀) ရက်နေ့တို့တွင် ဟင်္သာတမြို့ရှိ ဓာတ်မြေဩဇာရောင်းချလျက်ရှိသော အရောင်းဆိုင် (၄) ဆိုင်၌ ကုန်ညွှန်းအမှတ်အသားပြည့်စုံမှုမရှိခြင်းနှင့် မြန်မာဘာသာဖြင့် ဖော်ပြထားခြင်းကိုမတွေ့ရှိရပါသဖြင့် နောင်တွင် သက်ဆိုင်ရာဌာနများ၏ထောက်ခံချက်၊ စားသုံးသူရေးရာဦးစီးဌာနကသတ်မှတ်ထားသော ကုန်ညွှန်းအမှတ်အသားများပြည့်စုံစွာဖော်ပြရန်နှင့် မြန်မာဘာသာဖြင့်ဖော်ပြထားသော ဓာတ်မြေဩဇာများကိုသာရောင်းချရန် ကတိဝန်ခံချက်ရေးထိုးခိုင်းပြီးနောက် ဒု-တိုင်းဦးစီးမှူးက စားသုံးသူကာကွယ်ရေးဥပဒေ၊ စီးပွားရေးလုပ်ငန်းရှင်များ၏တာဝန်များကိုရှင်းလင်းပြောကြား၍ စားသုံးသူရေးရာဌာနခွဲတာဝန်ခံကလည်း ဦးစီးဌာန၏လုပ်ပိုင်ခွင့်နှင့်လုပ်ငန်းတာဝန်များအကြောင်းကိုအသိပညာပေးခဲ့ပြီးနောက် ထုတ်ကုန်လုံခြုံစိတ်ချရမှုဌာနခွဲတာဝန်ခံကလည်း ကုန်ညွှန်းအမှတ်အသားများနှင့်ပတ်သက်၍ အသိပညာပေးဆွေးနွေးပြောကြားခဲ့ကြောင်းသိရှိရပါသည်။

DOCA(ဧရာဝတီ)

   ဧရာဝတီတိုင်းဒေသကြီးအတွင်း MSME များကိုအားပေးမြှင့်တင်ရန် One region One Product ထုတ်ကုန်အဖြစ် အကောင်အထည်ဖော်ဆောင်ရွက်မည့် Action Plan ရေးဆွဲရန်တို့အတွက် တိုင်းဒေသကြီးအစိုးရအဖွဲ့၊ အစည်းအဝေးခန်းမ၌ ဩဂုတ်လ(၁၆)ရက်နေ့တွင် ကျင်းပပြုလုပ်ခဲ့ရာ သက်ဆိုင်ရာကော်မတီအဖွဲ့ဝင် တိုင်းအဆင့်ဌာနဆိုင်ရာများနှင့် စားသုံးသူရေးရာဦးစီးဌာနမှ ဒု-တိုင်းဦးစီးမှူး ဦးစိုးဦးတက်ရောက်ခဲ့ပါသည်။

   ဧရာဝတီတိုင်းဒေသကြီးအတွင်း One Product ထုတ်ကုန်အဖြစ် အကောင်အထည်ဖော်ဆောင်ရွက်မည့် Action Plan ရေးဆွဲရာတွင် အဓိကထုတ်ကုန်အမျိုးအစားများဖြစ်သော ဆန်၊ ဆန်ထွက်ပစ္စည်း၊ ပဲအမျိုးမျိုး၊ ရေထွက်ပစ္စည်း၊ အသားငါး၊ ပြောင်း၊ နှမ်း၊ ဝဥ၊ ကော်ဖီစေ့၊ ရော်ဘာ၊ သီဟိုဠ်၊ ပီလောပီနံ စသည့်လယ်ယာထွက်ကုန်သီးနှံများအား အကောင်အထည်ဆောင်ရွက်မည့် သက်ဆိုင်ရာဌာနများ၊ အသင်းအဖွဲ့များ၊ လုပ်ငန်းရှင်များနှင့်ပူးပေါင်းဆောင်ရွက်ရန်နှင့် ထို့ပြင် ပြည်တွင်းထုတ်ကုန်များကိုပေးမြှင့်တင်ရန်၊ သွင်းကုန်အစားထိုးလုပ်ငန်းများဆောင်ရွက်ရန်သာမက ဧရာဝတီမှ ပြည်ပပို့ကုန်တိုးမြှင့်တင်ပို့နိုင်ရေးနှင့်ပတ်သက်၍ သက်ဆိုင်ရာဘဏ္ဍာနှစ်အလိုက် ဆောင်ရွက်မည့်အချိန်အကန့်အသတ် Target Time Line ဖြင့်ဆောင်ရွက်ရန် MSME များကို အားပေးမြှင့်တင်ရေးအစီအစဉ် အောင်မြင်စွာအကောင်အထည်ဖော်ဆောင်ရွက်ရန်တို့အတွက် Action Plan ရေးဆွဲခဲ့ကြကြောင်းသိရသည်။

DOCA(ဧရာဝတီ)

    ဝန်ထမ်းများအသိပညာဗဟုသုတများတိုးပွားစေရေး၊ လုပ်ငန်းများဆောင်ရွက်ရာတွင် သတင်းအချက်အလက်များမျှဝေနိုင်ရေး၊ ကိုးကားဖော်ပြနိုင်ရေးနှင့် အလွယ်တကူရှာမှီးနိုင်စေရေးအတွက် စားသုံးသူရေးရာဦးစီးဌာန၊ တိုင်းဒေသကြီး/ပြည်နယ်ဦးစီးမှူးရုံးများတွင် ရုံးတွင်းစာကြည့်တိုက်များထားရှိလျက်ရှိရာ စာကြည့်တိုက်လုပ်ငန်းဖွံ့ဖြိုးစေရေးနှင့် စနစ်တကျရေရှည်လည်ပတ်နိုင်စေရေးအလို့ငှာ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ သတင်းနည်းဌာနခွဲတာဝန်ခံ ဦးမျိုးဝင်းနိုင်နှင့် ရုံးတွင်းစာကြည့်တိုက်တာဝန်ခံ ဒေါ်သီတာဌေး (ဒု-ကြီးကြပ်ရေးမှူး)နှင့်ဝန်ထမ်းများသည် ကရင်ပြည်နယ်၊ ဘားအံမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပြည်သူ့စာကြည့်တိုက်သို့သွားရောက်၍ စာကြည့်တိုက်လုပ်ငန်းများကို ကွင်းဆင်းလေ့လာခဲ့ကြောင်းသိရသည်။

   ထိုသို့ လေ့လာရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဘားအံခရိုင်ဦးစီးမှူး ဒေါ်စိုးစိုးအေးက ပြည်ကြားရေးနှင့်ပြည်သူ့ဆက်ဆံရေးဦးစီးဌာန၊ ပြည်သူ့စာကြည့်တိုက်၏ ဖွဲ့စည်းဆောင်ရွက်မှု၊ စာအုပ်စာတမ်းများကို အမျိုးအစားရာစုအလိုက် ထားသိုသိမ်းဆည်းမှု၊ စာအုပ်ငှားရမ်းမှု နှင့် e-Library စနစ်ဖြင့်  Data Base စာရင်းထည့်သွင်းမှုအခြေအနေများကို အသေးစိတ်ရှင်းလင်းပြောကြားခဲ့ပြီး စားသုံးသူရေးရာဦးစီးဌာန၊ ဝန်ထမ်းများက သိလိုသည်များကို ပြည်လည်မေးမြန်းဆွေးနွေးခဲ့ကြသည်။

   စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၌ ရုံးတွင်းစားကြည့်တိုက်အား ၂၀၂၂ခုနှစ်  အောက်တိုဘာလတွင် စတင်ဆောင်ရွက်ခဲ့ပြီး ဘာသာရပ်ဆိုင်ရာစာအုပ်များဖြစ်သည့် သိမှတ်ဖွယ်ရာများ၊ ဥပဒေ/မူဝါဒဆိုင်ရာစာအုပ်စာတမ်းများ၊ ကုန်သွယ်မှုဆိုင်ရာအချက်အလက်များ၊ သမိုင်းမှတ်တမ်းများ၊ သုတ/ရသစာပေများနှင့် မဂ္ဂဇင်း၊ သတင်းစာ၊  ဂျာနယ် စသည့်စာအုပ်စာတမ်းပေါင်း ၁၁၄အုပ်ကိုစုဆောင်းထားရှိပြီး ဝန်ထမ်းများသို့ အခမဲ့ငှားရမ်းပေးလျက်ရှိကြောင်းနှင့် ယခုကဲ့သို့ ဆောင်ရွက်ခြင်းအားဖြင့် ဝန်ထမ်းများသည် လုပ်ငန်းများဆောင်ရွက်ရာတွင် လိုအပ်သောသတင်းအချက်အလက်များကို အချိန်တိုအတွင်း ရှာဖွေကိုးကားနိုင်မည်ဖြစ်ပြီး လုပ်ငန်းစွမ်းဆောင်ရည်မြင့်တက်လာမည်ဖြစ်ကြောင်း သတင်းရရှိပါသည်။

DOCA(ကရင်)

     ၂၀၂၃ခုနှစ်၊ ဩဂုတ်လ (၁၇) ရက်နေ့၊ နေ့လယ် (၁၃:၀၀) နာရီအချိန်တွင် စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူးနှင့်ဝန်ထမ်းများသည် အသေးစားစက်မှုလက်မှုလုပ်ငန်းဦးစီးဌာနမှ ဝန်ထမ်းများနှင့်ပူးပေါင်း၍ တာချီလိတ်မြို့၊ ပါလျှံ(၂)၊ ရန်အောင်မြေရပ်ကွက်ရှိ “VIP”တံဆိပ်ကိတ်/ပေါင်မုန့်လုပ်ငန်းနှင့် ပန်ဟတ်ကျေးရွာရှိ ပုစွန်တံဆိပ် ငါးမုန့်ကြော်လုပ်ငန်းတို့အား ထုတ်ကုန်များလုံခြုံစိတ်ချရမှုရှိစေရန်အတွက် ကွင်းဆင်းစစ်ဆေးခဲ့ကြပါသည်။

  ထိုသို့ စစ်ဆေးရာတွင် “VIP”တံဆိပ်ကိတ်မုန့်/ပေါင်မုန့်နှင့် ပုစွန်တံဆိပ် ငါးမုန့်ကြော်သည် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်အမှတ်အသားဖော်ပြခြင်းနှင့်ပတ်သက်၍ ပြည့်စုံစွာဖော်ပြထားပြီး ထုတ်ကုန်များကိုလည်း သန့်ရှင်းသပ်ရပ်စွာထုတ်လုပ်ဖြန့်ချိသည်ကိုစစ်ဆေးတွေ့ရှိရပါသည်။ ထို့နောက် စစ်ဆေးရေးမှူးနှင့် ဌာနဆိုင်ရာဝန်ထမ်းများသည် လုပ်ငန်းရှင်များအား စားသုံးသူများဘေးအန္တရာယ်ကင်းရှင်းစေရေးကို အလေးထားဆောင်ရွက်ရန်၊ သက်ဆိုင်ရာဌာနများ၏ လုပ်ငန်းလိုင်စင်နှင့် ထောက်ခံချက်များပြုလုပ်ရန်၊ လုပ်ငန်းတွင်အသုံးပြုသော စက်ပစ္စည်းများကို သန့်ရှင်းရေးပုံမှန်ပြုလုပ်ပေးရန်နှင့် စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏တာဝန်များကို လိုက်နာဆောင်ရွက်ရန်ဆွေးနွေးခဲ့ကြောင်းသိရှိရပါသည်။

DOCA(ရှမ်း)

     စာသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဝန်ထမ်းများသည် ပြည်နယ်အတွင်းရှိ စားသုံးသူပြည်သူများအနေဖြင့် ကုန်စည်နှင့်ဝန်ဆောင်မှုများကိုဝယ်ယူသုံးစွဲရာတွင် ဘေးအန္တရာယ်ကင်းရှင်းစွာအသုံးပြုနိုင်ရန်နှင့် ထုတ်ကုန်များလုံခြုံစိတ်ချရမှုရှိစေရန်အတွက်သော်လည်းကောင်း၊ စားသုံးသူအခွင့်အရေးနှင့်ပတ်သက်၍ သိရှိစေရန်အတွက်သော်လည်းကောင်း၊ အခွင့်အရေးများနှင့်စပ်လျဉ်း၍ နစ်နာဆုံးရှုံးမှုများရှိပါက တောင်းဆိုရယူတတ်စေရန်ရည်ရွယ်၍ စားသုံးသူအသိပညာပေးဟောပြောဆွေးနွေးခြင်း၊ စီးပွားရေးလုပ်ငန်းရှင်များနှင့်တွေ့ဆုံဆွေးနွေးခြင်း၊ ဈေးကွက်စောင့်ကြည့်စစ်ဆေးခြင်း၊ ဝန်ထမ်းများ လုပ်ငန်းခွင်အတွင်း စွမ်းဆောင်ရည်ပြည့်ဝစေရန် သင်တန်းများဖွင့်လှစ်ပို့ချခြင်း၊ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့် ပြည့်စုံစွာထည့်သွင်းဖော်ပြလာစေရေး စိစစ်ဆောင်ရွက်ပေးခြင်း၊ Online စနစ်ဖြင့် Talk Show များဆွေးနွေးဆောင်ရွက်ခြင်း၊ အငြင်းပွားမှုများနှင့်ပတ်သက်၍ အရေးဆိုတိုင်တန်းလာပါက ညှိနှိုင်းဖြေရှင်းပေးနိုင်ရန်အတွက် စားသုံးသူရေးရာကော်မတီအစည်းအဝေးများကျင်းပပြုလုပ်ခြင်း စသည့်လုပ်ငန်းများကို ကျယ်ပြန့်စွာဆောင်ရွက်လျက်ရှိပါသည်။

    ထိုသို့ဆောင်ရွက်ရာတွင် ကာလဒေသအခြေအနေအရ ပြည်နယ်တစ်ခုလုံးကိုလွှမ်းခြုံနိုင်မှုရှိအောင် မဆောင်ရွက်နိုင်သော်လည်း လုပ်ငန်းများဆောင်ရွက်နိုင်သည့် လွိုင်ကော်ခရိုင်၊ လွိုင်ကော်မြို့နယ် မြို့ပေါ် ရပ်ကွက်များအတွင်းရှိ ဈေးများ၊ စာသင်ကျောင်းများ၊ စတိုးဆိုင်၊ ကုန်စုံဆိုင်များ၊ လည်ပတ်လျက်ရှိသည့်ဆီစက်များ၊ စီးပွားရေးလုပ်ငန်းရှင်များ စသည်တို့ထံသို့သွားရောက်၍ အသိပညာပေးခြင်း၊ ဆွေးနွေးခြင်းများ၊ ဈေးကွက်စောင့်ကြည့်စစ်ဆေးခြင်းများဆောက်ရွက်လျက်ရှိပါသည်။

  (၂၀၂၃-၂၀၂၄) ဘဏ္ဍာရေးနှစ်၊ ဧပြီလမှ ဇူလိုင်လအတွင်း စားသုံးသူကာကွယ်ရေးအသိပညာပေးခြင်းကို တက္ကသိုလ်/ကောလိပ်များတွင် (၁)ကြိမ်၊ အခြေခံပညာအထက်တန်းကျောင်းများ၌ (၁)ကြိမ်၊ Online စနစ်ဖြင့် Talk Show (၁)ကြိမ်၊ စီးပွားရေးလုပ်ငန်းရှင်များနှင့်တွေ့ဆုံဆွေးနွေးခြင်း(၃)ကြိမ်၊ ဈေးကွက်စောင့်ကြည့်စစ်ဆေးခြင်း(၁၇)ကြိမ်၊ ကော်မတီအစည်းအဝေး(၁)ကြိမ်ဆောင်ရွက်ခဲ့ပါသည်။ ကုန်အညွန်းအမှတ်အသားဖော်ပြခြင်းနှင့်စပ်လျဉ်း၍ လုပ်ငန်းရှင်(၁)ဦးက ကုန်စည်အမျိုးအစား(၂)မျိုးတို့မှာ မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉) ညွှန်ကြားချက်ပါ အချက်အလက်များနှင့်ကိုက်ညီမှုရှိကြောင်း အတည်ပြုပြန်ကြားခြင်းများဆောင်ရွက်ခဲ့ပါသည်။

  စားသုံးသူကာကွယ်ရေးလုပ်ငန်းသည် နိုင်ငံသားတိုင်းနှင့်သက်ဆိုင်သည်ဖြစ်၍ သက်ဆိုင်ရာအစိုးရဌာန၊ အသင်းအဖွဲ့၊ လုပ်ငန်းရှင်များနှင့်ပူးပေါင်းဆောင်ရွက်ခြင်းအားဖြင့် စားသုံးသူပြည်သူများဘေးအန္တရာယ်ကင်းရှင်း၍ လုံခြုံစိတ်ချရမှုရှိသောကုန်စည်နှင့်ဝန်ဆောင်မှုများကို ရွေးချယ်ဝယ်ယူသုံးစွဲတတ်လာပြီး စီးပွားရေးလုပ်ငန်းရှင်များကလည်း ကျင့်ဝတ်၊ စည်းကမ်းသတ်မှတ်ချက်များနှင့်အတူ အရည်အသွေးပြည့်မီပြီး စားသုံးသူကာကွယ်ရေးဥပဒေ အခန်း (၁၈) ပါ ကုန်အညွှန်းအမှတ်အသားသတ်မှတ်ချက်များနှင့်ကိုက်ညီသော ကုန်စည်များထုတ်လုပ်ဖြန့်ဖြူးတင်သွင်းရောင်းချပါက ဒေသတွင်းစီးပွားရေးပိုမိုတိုးတက်လာဖြစ်ပြီး ဈေးကွက်ဝေစုများပိုမိုရရှိကာ ဌာန၏ရည်မှန်းချက်၊ မျှော်မှန်းချက်တို့မှာလည်း ပိုမိုအောင်မြင်လာမည်ဖြစ်ပါကြောင်း ရေးသားတင်ပြအပ်ပါသည်။

DOCA(ကယား)