HighLight News

     ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ကသစ်ကိုင်းအုပ်စု၊ ကသစ်ကိုင်း (အ-မ-က)ကျောင်း၌ (၁၀-၈-၂၀၂၃)ရက်နေ့၊ နံနက် (၉:၀၀)နာရီအချိန်တွင် စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းများသည် တခြားပူးပေါင်းအဖွဲ့များဖြစ်သော ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာန၊ အားကစားနှင့်ကာယပညာဦးစီးဌာနတို့နှင့် ဌာနအလိုက် အသိပညာများဝိုင်းဝန်းဆွေးနွေးခဲ့ကြပါသည်။

    အဆိုပါ အခမ်းအနားတွင် စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဒုတိယဦးစီးမှူး ဒေါ်ဇင်မာချောစုကြည်က ကုန်အညွှန်းအမှတ်အသားနှင့်ပတ်သက်၍ ဟောပြောပြီးနောက် စားသုံးသူများရရှိရမည့်အခွင့်အရေး၊ လိုက်နာရမည့်အချက်များကို အကျယ်တဝင့်ရှင်းလင်းဆွေးနွေးခဲ့ပါသည်။ ထို့နောက် ပြန်ကြားရေးနှင့်ပြည်သူဆက်ဆံရေးဦးစီးဌာနမှ ဦးစီးအရာရှိ ဒေါငြိမ်းငြိမ်းသန့်က စာဖတ်ခြင်း၏အကျိုးကျေးဇူးကိုဟောပြောခဲ့ပြီး ဒေါ်နွေးနွေးက ကျောင်းသား/ကျောင်းသူများကိုပုံပြင်များပြောကြားခြင်း၊ တိုင်းရင်းဆေးပညာဦးစီးဌာနမှ ဒေါ်နီလာမြင့်က မှတ်ပုံတင်ထားပြီးသော တိုင်းရင်ဆေးများကိုသာဝယ်ယူသောက်သုံးသင့်ကြောင်းနှင့် အားကစားနှင်ကာယပညာဦးစီးဌာနမှ အားကစားမှူးက ကျန်းမာရေးအတွက် ကိုယ်လက်လှုပ်ရှားအားကစားများကိုလုပ်ဆောင်သင့်ကြောင်း စသည်ဖြင့် ဟောပြောဆွေးနွေးခဲ့ကြပါသည်။ ထို့နောက် မြန်မာ့သိုင်းပညာများအနက် သိုင်းကွက် (၆၃)ကွက်သရုပ်ဖော်၍ပြသခဲ့ကြောင်းသိရပါသည်။

DOCA(ပဲခူး)

    ပြည်ခရိုင်၊ ပြည်မြို့နယ်ရှိ အခြေခံပညာ(အ-မ-က)လွန် အောင်မြေသာယာကျောင်းသို့ (၁၇-၈-၂၀၂၃)ရက်နေ့၊ နံနက်(၁၁:၀၀)နာရီအချိန်တွင် သွားရောက်၍ ဆရာ/ဆရာမများနှင့် ကျောင်း သား/ကျောင်းသူ (၇၆)ဦးအား စားသုံးသူအသိပညာပေးဆွေးနွေးခဲ့ပါသည်။

   အဆိုပါ ဟောပြောဆွေးပွဲတွင် ပြည်မြို့နယ်တာဝန်ခံနှင့်အတူ ပြည်ခရိုင်ရုံးမှ ဝန်ထမ်းများက ပူးတွဲ၍ဆောင်ရွက်ခဲ့ကြပါသည်။ ထိုသို့ ကျောင်းသား/ကျောင်းသူများအား စားသုံးသူအသိပညာပေးဟောပြောခဲ့ရာ စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံး၊ မူဝါဒလေ့လာရေးနှင့်စီမံကိန်းစာရင်းအင်းဌာနခွဲမှ  အငယ်တန်းစာရေး ဒေါ်အိသပြေခင်က စားသုံးသူရေးရာဦးစီးဌာနမှပြဋ္ဌာန်းထားသည့် စားသုံးသူကာကွယ်ရေးဥပဒေပါ ကုန်စည်၏အဓိပ္ပါယ်၊ ဝန်ဆောင်မှု၏အဓိပ္ပါယ်၊ စားသုံးသူများသိရှိရမည့်အခွင့်အရေးနှင့် လိုက်နာရမည့်တာဝန်များအကြား၊ ကုန်စည်များရွေးချယ်ကိုဝယ်ယူရာတွင် သတိပြုရမည့် ကုန်ညွှန်းအမှတ်အသားဖော်ပြချက်ဆိုင်ရာအချက်များ စသည့်အကြောင်းအရာများကို မူလတန်းအရွယ်နှင့်လိုက်သော ဥပမာများပေးကာ အသေးစိတ်ရှင်းလင်းဆွေးနွေးဟောပြောခဲ့ပါသည်။ ကျောင်းသား/ကျောင်းသူများထဲမှ သိရှိလိုသည့် အကြောင်းအရာများအားမေးမြန်းခဲ့ရာ တစ်ချက်ချင်းပြန်လည်ဖြေကြားရှင်းလင်းပေးခဲ့ပါသည်။

     ထို့နောက် ကျောင်းမုန့်ဈေးတန်းသို့သွားရောက်၍ ဈေးကွက်စောင့်ကြည့်စစ်ဆေးခဲ့ရာ မုန်ဈေးတန်းရောင်းချသူများအား ကုန်အညွှန်းအမှတ်အသားပြည့်စုံမှုရှိသော မုန့်များကိုသာရောင်းချကြရန်၊ ဘေးအန္တရာယ်ဖြစ်စေတတ်သော မုန့်များကိုရောင်းချခြင်းမပြုရန်နှင့် စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်းများဖြန့်ဝေခဲ့ကြောင်းသိရပါသည်။

DOCA(ပဲခူး)

    စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ အ-ထ-က (၁) ကျောင်း၌ (၁၀-၈-၂၀၂၃)ရက်နေ့၊ နံနက် (၁၀:၀၀) နာရီအချိန်တွင် ပြည်ခရိုင်၊ စားသုံးသူရေးရာဦးစီးဌာန၊ ဒု-ခရိုင်ဦးစီးမှူး ဒေါ်အေးမျိုးရွှေက အဖွင့်အမှာစကားပြောကြားပြီးနောက် စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များနှင့် လက်ရှိထမ်းဆောင်နေသည့် လုပ်ငန်းများအကြောင်း၊ ပြည်ခရိုင်၊ စားသုံးသူရေးရာနှင့်ထုတ်ကုန်လုံခြုံစိတ်ချရမှုဌာနခွဲမှ တာဝန်ခံ ဦးစီးမှူး ဦးနိုင်လင်းထွန်းက စားသုံးသူရေးရာဦးစီးဌာနမှ ပြဋ္ဌာန်းထားသည့် စားသုံးသူကာကွယ်ရေးဥပဒေပါ စားသုံးသူများရရှိရမည့်အခွင့်အရေးနှင့် လိုက်နာရမည့်တာဝန်များအကြောင်း၊ ကုန်စည်များကို ရွေးချယ်ဝယ်ယူရာတွင် သတိပြုရမည့် ကုန်အညွှန်းအမှတ်အသားဖော်ပြချက်ဆိုင်ရာအချက်များအကြောင်း၊ စားသုံးသူနစ်နာဆုံးရှုံးမှုများရှိပါက တိုင်ကြားနိုင်သည့်ပုဂ္ဂိုလ်များ၊ တိုင်ကြားနိုင်သည့်နည်းလမ်းများအကြောင်း၊ ပြစ်မှု၊ ပြစ်ဒဏ်များအကြောင်း စသည်တို့ကို Power Point ဖြင့် အသေးစိတ်ရှင်းလင်းဆွေးနွေးခဲ့ပြီး အသိပညာပေးလက်ကမ်းစာစောင်များဖြန့်ဝေခဲ့ကာ ကျောင်းသူ/ ကျောင်းသားများနှင့် ဆရာ/ ဆရာမများစုစုပေါင်း (၃၈၇)ဦးတက်ရောက်ခဲ့ကြကြောင်းသိရပါသည်။

    ဆက်လက်၍ အ-ထ-က (၁) ကျောင်းမုန့်ဈေးတန်း၌ ရောင်းချလျက်ရှိသောမုန့်များတွင် သက်ဆိုင်ရာဌာနများမှ စားသုံးရန်မသင့်ဟုတားမြစ်ထုတ်ပြန်ထားသော အစားအသောက်များ၊ သက်တမ်းလွန်မုန့်များ၊ ကုန်အညွှန်းအမှတ်အသားဖော်ပြချက်နှင့်ကိုက်ညီမှုမရှိသောကုန်စည်များ ရောင်းချမှုမရှိစေရေးတို့အတွက် ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ပြီး ရောင်းချသူများအား ကုန်အညွှန်းအမှတ်အသားပြည့်စုံမှုရှိသော ကုန်စည်များကိုသာရောင်းချကြရန် အသိပညာပေးခြင်နှင့် ကုန်စည်အမျိုးအစားအလိုက် ဖော်ပြရမည့် အသေးစိတ်အချက်အလက်များပါဝင်သော လက်ကမ်းစာစောင်များဖြန့်ဝေခြင်းကိုလည်းဆောင်ရွက်ခဲ့ကြောင်း သတင်းရရှိပါသည်။

DOCA(ပဲခူး)

   စားသုံးသူရေးရာဦးစီးဌာန၊  ပြည်ခရိုင်ဦးစီးမှူးရုံးအနေဖြင့် ပြည်ခရိုင်အတွင်းရှိ စားသုံးသူပြည်သူများ ကုန်စည်နှင့်ဝန်ဆောင်မှုများကိုရယူအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်စေရေးရည်ရွယ်၍ ဈေးကွက်အတွင်းရောင်းချနေသော အသင့်သောက်အချိုရည်အမျိုးမျိုးတို့၏ ကုန်အညွှန်းအမှတ်အသားများပြည့်စုံမှန်ကန်မှုရှိစေရေး ဈေးကွက်စောင့်ကြည့်စစ်ဆေးလျက်ရှိရာ (၁၆-၈-၂၀၂၃)ရက်နေ့တွင် ပြည်မြို့၊ မြို့မဈေးသို့လည်းကောင်း၊ ရွှေတောင်မြို့၌ (၉-၈-၂၀၂၃)ရက်နေ့တွင် သရက်တောရပ်ကွက်နှင့် (၁၁-၈-၂၀၂၃) ရက်နေ့တွင် ယွန်းတန်းရပ်ကွက်သို့လည်းကောင်း၊ ပန်းတောင်းမြို့၌ (၃-၈-၂၀၂၃)ရက်နေ့တွင် မြို့ပေါ်ရှိ ကုန်စုံဆိုင်၊ (၉-၈-၂၀၂၃)ရက်‌နေ့တွင် ဆင်တဲဈေးအရှေ့ဘက်ရှိ ကုန်စုံဆိုင်၊ (၁၁-၈-၂၀၂၃)ရက်နေ့တွင် နတ်မောက်ကျေးရွာရှိ ကုန်စုံဆိုင်နှင့် (၁၅-၈-၂၀၂၃)ရက်နေ့တွင် ညောင်ညိုရိပ်လမ်းဆုံရှိ ကုန်စုံဆိုင်သို့လည်းကောင်း၊ ပေါက်ခေါင်းမြို့၊ မြို့မဈေးသို့ (၁၄-၈-၂၀၂၃)ရက်နေ့တွင်လည်းကောင်း သက်ဆိုင်ရာမြို့နယ်တာဝန်ခံများဦးဆောင်သော ပူးပေါင်းအဖွဲ့ဝန်ထမ်းများသည် သွားရောက်ကွင်းဆင်း၍ အသင့်သောက်အချိုရည်များတွင် ကုန်အညွှန်းအမှတ်အသားများပြည့်စုံမှန်ကန်စွာဖော်ပြမှုရှိ/မရှိကို ဈေးကွက်စောင့်ကြည့်စစ်ဆေးခဲ့ပါသည်။

  ထိုသို့ ကွင်းဆင်းစစ်ဆေးခြင်းဆောင်ရွက်ခဲ့ရာတွင် ပြည်ခရိုင်အတွင်း ဈေးကွက်များ၌ရောင်းချနေသော အသင့်သောက်အချိုရည်များ၏ ကုန်အညွှန်းအမှတ်အသားရေးသားဖော်ပြခြင်းများမှာ ပြည့်စုံမှန်ကန်မှုရှိကြောင်း၊ ရောင်းချနေသောလုပ်ငန်းရှင်များအားလည်း စားသုံးသူအသိပညာပေးဟောပြောဆွေးနွေးမှုများပြုလုပ်ခဲ့ပြီးနောက် အသိပညာပေးလက်ကမ်းစာစောင်များဝေငှခြင်းများလည်းဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

     စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ စစ်ဆေးရေးအရာရှိ ရေတာရှည်မြို့နယ်တာဝန်ခံ ဦးဇော်ဇော်ထွေးသည် အစားအသောက်နှင့်ဆေးဝါးကွပ်ကဲရေးဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယကြီးကြပ်ရေးမှူး ဦးကျော်လင်းထွန်းဦးဆောင်သောအဖွဲ့ဝင်များနှင့်အတူ ၂၀၂၃ခုနှစ်၊ ဩဂုတ်လ ၁၆ရက်နေ့၊ နံနက်ပိုင်းအချိန်တွင် တောင်ငူခရိုင်၊ ရေတာရှည်မြို့၌ ရောင်းချနေသော အလှကုန်ပစ္စည်းများ၊ အစားအသောက်များနှင့်ဆေးဝါးများ၌ စားသုံးသူများအား အန္တရာယ်ဖြစ်စေနိုင်မှု ရှိ/မရှိကိုကွင်းဆင်းစစ်ဆေးခဲ့ပါသည်။

     တောင်ငူခရိုင်၊ အစားအသောက်နှင့်ဆေးဝါးကွပ်ကဲရေးဦးစီးဌာနနှင့်အတူ ရေတာရှည်မြို့နယ်၊ အစားအသောက်နှင့်ဆေးဝါးကြီးကြပ်ရေးကော်မတီဝင်ဌာနဆိုင်ရာများမှ ကိုယ်စားလှယ်များဖြစ်သော ပြည်သူ့ကျန်းမာရေးဦးစီးဌာနမှ ကျန်းမာရေးမှူး ဦးနန်းမိုးကျော်၊ ရေတာရှည်မြို့နယ်၊ စည်ပင်သာယာရေးအဖွဲ့မှ ဒုတိယဦးစီးမှူး ဒေါ်ဝင်းဝင်းနွယ်တို့ကလည်း ပူးပေါင်းပါဝင်ဆောင်ရွက်ကြပါသည်။  ပူးပေါင်းအဖွဲ့ဝင်များသည် ရေတာရှည်မြို့၊ စည်ပင်သာယာဈေးနှင့် မြို့ပေါ်ရှိ ကုန်စုံဆိုင်ကြီးများတွင်ရောင်းချနေသော အလှကုန်ပစ္စည်းများနှင့် အစားအသောက်များ၌ ခွင့်မပြုဓာတုပစ္စည်းများပါဝင်မှုမရှိစေရေးနှင့် သက်တမ်းလွန်ကုန်စည်များမဖြစ်စေရေးကိုလည်းကောင်း၊ ကုန်အညွှန်းအမှတ်အသားများဖော်ပြထားခြင်းများကိုလည်းကောင်း၊ ဆေးဆိုင်များ၌ရောင်းချနေသော အိမ်သုံး ဆေးဝါးများတွင် တရားမဝင်ဆေးဝါးများမဖြစ်စေရေးနှင့် သက်တမ်းလွန်ဆေးဝါးများမဖြစ်စေရေးကိုလည်းကောင်း ကြည့်ရှုစစ်ဆေးပြီး အစားအသောက်နှင့်ဆေးဝါးကွပ်ကဲရေးဦးစီးဌာနက ကုန်စည်နမူနာများကိုကောက်ယူခဲ့ပါသည်။

    စားသုံးသူရေးရာဦးစီးဌာန၊ မြို့နယ်တာဝန်ခံ ဦးဇော်ဇော်ထွေးက စားသုံးသူကာကွယ်ရေးဥပဒေတွင် ကုန်စည်များ၌ ကုန်အညွှန်းအမှတ်အသားများဖော်ပြရန် ပြဋ္ဌာန်းထားပါကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်ကို အရောင်းဆိုင်များသို့ ဖြန့်ဝေထားပြီးဖြစ်ပါကြောင်း၊ သို့ဖြစ်ပါ၍ အရောင်းဆိုင်များအနေဖြင့် သတ်မှတ်ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိသော ကုန်စည်များကိုရောင်းချခြင်းမပြုကြရန် အသိပညာပေးပြောကြားခဲ့ကြောင်းသိရပါသည်။

DOCA(ပဲခူး)