HighLight News

       စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ရွှေဘိုခရိုင်၊ ဝက်လက်မြို့နယ်တာဝန်ခံ ဦးမျိုးအောင်သည်  ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ စားသုံးသူအကာအကွယ်ပေးရေးအသိပညာပေး Talk Show အား (၁၀.၆.၂၀၂၂)ရက်နေ့ နေ့လည် (၂:၀၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန(Community Centre) ခန်းမတွင် ပြုလုပ်ခဲ့ကြောင်း သိရှိရပါသည်။

      အဆိုပါဆွေးနွေးပွဲတွင် ဝက်လက်မြို့နယ်တာဝန်ခံ ဦးမျိုးအောင်မှ စားသုံးသူကာကွယ်ရေးဥပဒေပါ စားသုံးသူအခွင့်အရေးများကို ရှင်းလင်းဆွေးနွေးပြီး စားသုံးသူများအနေဖြင့် ကုန်စည်နှင့်ဝန်ဆောင်မှုများကို ဝယ်ယူသုံးစွဲရာတွင် မိမိတို့၏အခွင့်အရေးများကို သိရှိရန်လိုအပ်ပါကြောင်း၊ စားသုံးသူအခွင့်အရေးချိုးဖောက်ခြင်းခံရပါက စားသုံးသူနစ်နာဆုံးရှုံးမှုဖြစ်ပါကြောင်း၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုဖြစ်ပါက အရေးဆိုတိုင်ကြားနိုင်မှုအခြေအနေများကို အကျယ်တဝင့်အသိပညာပေး ဆွေးနွေးခဲ့ကြောင်း းသိရှိရပါသည်။

DOCA(စစ်ကိုင်း)

          ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူမြို့နယ်တာဝန်ခံ ဦးမြင့်သူသည် တောင်ငူမြို့နယ် စီမံအုပ်ချုပ်ရေးအဖွဲ့ အဖွဲ့ဝင်(၁) ဗိုလ်မှူးရဲနိုင်လွင်ဦးဆောင်၍ မြို့နယ်ရဲတပ်ဖွဲ့၊ ရေနံထွက်ပစ္စည်းကြီးကြပ်စစ်ဆေးရေးဦးစီးဌာနတို့မှ တာဝန်ရှိသူများပါဝင်သော ပူးပေါင်းအဖွဲ့ဝင်များနှင့်အတူ ဇွန်လ ၉ ရက်နေ့က တောင်ငူမြို့နယ်အတွင်း ရောင်းချလျှက်ရှိသော စက်သုံးဆီအရောင်းဆိုင်များသို့ ကွင်းဆင်းစစ်ဆေးခဲ့ပါသည်။

         မြို့နယ်တာဝန်ခံပါဝင်သော ပူးပေါင်းအဖွဲ့သည် တောင်ငူမြို့ပေါ်ရှိ စက်သုံးဆီအရောင်းဆိုင်များဖြစ်သော Nilar Yoma, High Way Star, Regency, New Day, ASK, ရွှေဝါနှင့် သန်းနိုင်ဆိုင်များသို့ သွားရောက်၍ စက်သုံးဆီဈေးနှုန်းနှင့် လက်ကျန်အခြေအနေများကို ကွင်းဆင်းကြည့်ရှု စစ်ဆေးရာ သက်ဆိုင်ရာဆိုင်မန်နေဂျာများက ရှင်းလင်းတင်ပြပါသည်။

        ထိုသို့စစ်ဆေးကြည့်ရှုရာတွင် အချို့ဆိုင်များ၌ ဆီဘောက်ဆာများဝင်ရောက်လာသည်ကို တွေ့ရှိရပြီး အချို့ဆိုင်များတွင် ဆီဘောက်ဆာရောက်ရှိခြင်းမရှိသေး၍ လက်ကျန်ဆီနှင့်ရောင်းချနေသည်ကို တွေ့ရှိရကြောင်း၊ ဆီဘောက်ဆာများ မကြာမီရောက်ရှိမည်ဟု သက်ဆိုင်ရာ ဆိုင်မန်နေဂျာ များ၏တင်ပြချက်အရ သိရပါကြောင်း၊ စက်သုံးဆီဘောက်ဆာယာဉ်များ ရောက်ရှိလာပြီဖြစ်သဖြင့် ဆီဈေးနှုန်းမှာ ယခင်ရက်များကထက် အနည်းငယ်ကျဆင်းသွားကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီး၊ သာယာဝတီခရိုင် လက်ပံတန်းမြို့တွင် (၇.၆.၂၀၂၂) ရက်နေ့၌ မြန်မာနိုင်ငံ ဆန်စက်လုပ်ငန်းရှင်များအသင်း ၂၀၂၂/၂၀၂၅ သက်တမ်း ပဲခူးတိုင်း (အနောက်) ရွေးချယ်တင်မြှောက်ခြင်းအခမ်းအနားကို ကျင်းပပြုလုပ်ခဲ့ပြီး အဆိုပါ အခမ်းအနားသို့  စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူး ဦးဇေယျာဆွေ၊ မြန်မာနိုင်ငံ ဆန်စက်လုပ်ငန်းရှင်များအသင်း ဥက္ကဋ္ဌ ဦးကျော်ဝင်း၊ ဆန်စက်လုပ်ငန်းရှင်များ အသင်းဥက္ကဋ္ဌ ဦးထင်ဇော်လှိုင်၊ ဒုတိယ ဥက္ကဋ္ဌ ဦးခင်မောင်ချိုနှင့်အတွင်းရေးမှူးများ၊ အလုပ်အမှုဆောင်အဖွဲ့များ၊ သာယာဝတီခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး၊ ဒု-ခရိုင်ဦးစီးမှူးနှင့်ဝန်ထမ်းများ၊ ပြည်ခရိုင်ဦးစီးမှူးတို့ တက်ရောက်ခဲ့ကြပါသည်။

          ပထမဦးစွာ တိုင်းဒေသကြီးဦးစီးမှူး ဦးဇေယျာဆွေမှ အဖွင့်အမှာစကားပြောကြားရာတွင် ပဲခူးတိုင်းဒေသကြီး အစိုးရအဖွဲ့ စီးပွားရေးရာဝန်ကြီးကိုယ်စား အဖွင့်အမှာစကား ပြောကြားခွင့်ရသဖြင့် ဝမ်းမြောက်မိပါကြောင်း၊ ဆန်စက်လုပ်ငန်းရှင်များ စုံလင်စွာတက်ရောက်လာပါသဖြင့် ဝမ်းသာ ပါကြောင်း၊ ပဲခူးတိုင်းဒေသကြီး (အနောက်) တိုင်းခွဲအသင်း ဖွဲ့စည်းရခြင်း၏ ရည်ရွယ်ချက်မှာ ဆန်စက်လုပ်ငန်းရှင်များ၏ အကျိုးစီးပွားကို ပိုမိုဖွံ့ဖြိုးတိုးတက်စေရန်အတွက် အသင်းဝင်အချင်းချင်း လိုအပ်သော နည်းပညာ၊ အကူအညီ၊ ငွေကြေး၊ ဈေးကွက်ညီညွတ်မျှတစွာ ကူညီမှသာ အားလုံး ဖွံ့ဖြိုးတိုးတက်သော လမ်းကြောင်းပေါ်သို့ါ် ရောက်ရှိမှာဖြစ်ကြောင်း၊ ထို့မှသာ ဆန်စက်လုပ်ငန်းရှင်များအနေနှင့် မိမိတို့လုပ်ငန်းများနှင့် မိမိတို့အသင်းကြီး ပိုမိုတိုးတက်ကောင်းမွန်မည် ဖြစ်ပါကြောင်း၊ အရေးကြီးသော အခက်အခဲများကို တစ်ဦးတစ်ယောက်တည်း ဖြေရှင်းရမှာထက် စုပေါင်း၍ အချင်းချင်း ကူညီရိုင်းပင်းဆောင်ရွက်သွားမည်ကိုလည်း ယုံကြည်ပါကြောင်း၊ မြန်မာနိုင်ငံတွင် ဆန်၊စပါးအများဆုံး စိုက်ပျိုးသောတိုင်းမှာ ဧရာဝတီတိုင်းဖြစ်ပြီး ပဲခူးတိုင်းသည် ဒုတိယအဆင့် တိုင်းနေရာတွင် တည်ရှိနေပါသောကြောင့် စပါးစိုက်တောင်သူများအပေါ်တွင် သင့်တင့်မျှတသောဈေးနှုန်းဖြင့် ဝယ်ယူနိုင်စေရန်နှင့် သို့မှသာ လယ်သမားများ ဘဝဖွံ့ဖြိုးတိုးတက်မှုရလာမှာဖြစ်ကြောင်း၊ အသင်းကြီး၏ ဥက္ကဋ္ဌ နေရာရွေးချယ်ရာတွင်လည်း ပုဂ္ဂိုလ်ရေးထက် မှန်ကန်မျှတစွာ ရွေးချယ်မှသာ အသင်းကြီး၏အကျိုးအတွက် မှန်ကန်ပြီး အနစ်နာခံနိုင်သော၊ ကိုယ်ကျိုးမဖက်သော၊ ခေါင်းဆောင်နိုင်သော ခေါင်းဆောင်ကောင်း ရရှိမည်ဖြစ်ကြောင်း ပြောကြားခဲ့ပါသည်။

       မြန်မာနိုင်ငံဆန်စက်လုပ်ငန်းရှင်များအသင်းချုပ် ဥက္ကဋ္ဌ ဦးကျော်ဝင်းမှလည်း ဆန်စက်လုပ်ငန်းရှင်များအသင်းသည် မရှိမဖြစ်လိုအပ်ပါကြောင်း၊ ဆန်စက်လုပ်ငန်းရှင်များအနေဖြင့် တောင်သူလယ်သမားများအကျိုးအတွက် ဆောင်ရွက်ပေးစေချင်ပါကြောင်း၊ စီးပွားရေးလုပ်ကိုင်မည်ဆိုလျှင် ပြိုင်ဆိုင်မှုနှင့် စိန်ခေါ်မှုဆိုတာ အများကြီးရှိပါကြောင်း၊ ဆန်စက်ပိုင်ရှင်များအနေဖြင့် မိမိအကျိုးလုပ်ဆောင်ရင်း တောင်သူလယ်သမားဘဝမြင့်မားရေးနှင့် ဖွံ့ဖြိုးတိုးတက်အောင်ပြုစုပျိုးထောင်ပြီး ဝိုင်းဝန်းလုပ်ဆောင်ပေးရမှာ ဖြစ်ပါကြောင်း၊ ထိုသို့ ဝိုင်းဝန်းပြီး  မလုပ်ဆောင်လျှင် ထွက်ကုန်တစ်ဖြည်းဖြည်း လျော့နည်းလာမှာဖြစ်လို့ ဘီလျံနဲ့ချီပြီး ဆုံးရှုံးရမှာဖြစ်၍ လူသားဆန်စွာဖြင့် ဝိုင်းဝန်းလုပ်ဆောင်ကြရန် ပြောကြားခဲ့ပါသည်။

          ဆက်လက်၍ ဆန်စက်လုပ်ငန်းရှင်များအသင်း အတွင်းရေးမှူး ဦးလှဦးက အဖွဲ့ဝင်များ၏ အမည်စာရင်းများကို ကြေငြာပြီး ယခင်ဥက္ကဋ္ဌ ဦးထင်ဇော်လှိုင်သည် ကျန်းမာရေးကြောင့် အဖွဲ့မှနှုတ်ထွက်ကြောင်း၊ လစ်လပ်နေသော ဥက္ကဋ္ဌ နေရာတွင် ဦးခင်မောင်ချို (အုတ်ဖို) အား အစားထိုး ရွေးချယ်တင်မြှောက်ပါကြောင်း၊ အလုပ်အမှုဆောင်မှ နှုတ်ထွက်သူများကိုယ်စား အစားထိုးထည့်သွင်းတင်မြှောက်ခြင်း အလုပ်အမှုဆောင်အဖွဲ့ဝင်အသစ်များကိုလည်း ထပ်မံဖြည့်သွင်းပြီး၊ ၂၀၂၂/၂၀၂၅ သက်တမ်း ဆန်စက်လုပ်ငန်းရှင်များအသင်းအား အသင်းဝင်အသင်းသား (၄၅) ဦးဖြင့် ဖွဲ့စည်းထားရှိပြီးဖြစ်ကြောင်းနှင့် အခမ်းအနားကို နံနက် (၁၁:၄၅) နာရီအချိန်တွင် ရုတ်သိမ်းခဲ့ကြောင်း သတင်းရရှိပါသည်။

DOCA(ပဲခူး)

           စားသုံးသူရေးရာဦးစီးဌာန၊ ပဲခူးခရိုင်ဦးစီးမှူး၊  ဒိုက်ဦးမြို့နယ်တာဝန်ခံနှင့်အဖွဲ့သည် ဇွန်လ ပထမပတ်တွင် ဒိုက်ဦးမြို့ပေါ်ရှိ ဦးမောင်မောင် ဓာတ်မြေဩဇာနှင့် ပိုးသတ်ဆေးအရောင်းဆိုင်၊ ချင်ကွန်းအလှကုန်အရောင်းဆိုင်သို့ သွားရောက်၍ ဓာတ်မြေဩဇာ ဈေးနှုန်း/ဈေးကွက်အခြေအနေများ နှင့် အလှကုန်အရောင်းဆိုင်ရှိ ဆပ်ပြာခဲများတွင် ကုန်အညွှန်းအမှတ်အသား ပြည့်စုံမှု ရှိ/မရှိ တို့ကို ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် ဇွန် ပထမပတ် ဓာတ်မြေဩဇာဈေးနှုန်းများမှာ ယူရီးယား(လုံးကြီး) မြင်းပျံတစ်အိတ်လျှင် ၈၇၅၀၀ ကျပ်၊ ယူရီးယား (လုံးကြီး)  MC တစ်အိတ်လျှင် ၉၀၅၀၀ ကျပ်၊ ယူရီးယား (လုံးသေး) အာမို တစ်အိတ်လျှင် ၈၇၅၀၀ ကျပ်၊ ယူရီးယား (လုံးသေး)  သြဘာတစ်အိတ်လျှင် ၈၅၀၀၀ ကျပ် ၊ ယူရီးယား (လုံးသေး) ရွှေနဂါးတစ်အိတ်လျှင် ၉၈၀၀၀ ကျပ်၊ ယူရီးယား (လုံးသေး)  MPE တစ်အိတ်လျှင် ၉၅၀၀၀ ကျပ်၊ တီစူပါ (သံကွင်း) တရုတ်တစ်အိတ်လျှင် ၇၉၀၀၀ ကျပ်၊ ရွှေကောမတ် (မြန်မာသြဘာ) တစ်အိတ်လျှင် ၉၂၀၀၀ ကျပ်၊ ပိုတက်( ဂျာမနီ) တစ်အိတ်လျှင် ၉၉၀၀၀ ကျပ်၊ ကွန်ပေါင်းအာမိုတစ်အိတ်လျှင် ၉၀၀၀၀ ကျပ်၊ ကွန်ပေါင်း (သြဘာ) တစ်အိတ်လျှင် ၉၀၀၀၀ ကျပ်ဖြစ်ကြောင်းသိရှိရပြီး တောင်သူများ သီးနှံစိုက်ပျိုးကာလဖြစ်သဖြင့် သွင်းအားစု အဝယ်လိုက်ခြင်းကြောင့် ဈေးနှုန်းမြင့်တက်ခြင်းဖြစ်ကြောင်း သိရှိရပါသည်။ ထို့နောက် အလှကုန်အရောင်းဆိုင်ရှိ ဆပ်ပြာခဲများအား ကုန်အညွှန်းအမှတ်အသား ပြည့်စုံမှု ရှိ/မရှိ ကြည့်ရှုစစ်ဆေးရာ ပြည့်စုံမှန်ကန်မှုရှိသည်ကို  တွေ့ရှိရကြောင်း သတင်းရရှိပါသည်။

DOCA(ပဲခူး)

      စားသုံးသူရေးရာဦးစီးဌာန၊ မွန်ပြည်နယ်၊ သထုံခရိုင်၊ ဘီးလင်း မြို့နယ်တာဝန်ခံနှင့် ဝန်ထမ်းများသည် ၁၄.၆.၂၀၂၂ ရက်နေ့တွင် မြို့နယ်ပြည်သူ့ကျန်းမာရေးဦးစီးဌာန၊ မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ရပ်/ကျေးအုပ်ချုပ်ရေး မှူးများနှင့်ပူးပေါင်း၍ ဘီးလင်းမြို့နယ်ရှိ ဆေးဆိုင် (၄) ဆိုင်အား ဆေးဝါးရောင်းချခွင့်လိုင်စင် အသစ်လျှောက်မှုအပေါ် ဆေးဆိုင်အင်္ဂါရပ်နှင့်အညီ ဆောင်ရွက်ထားရှိမှု ရှိ/မရှိ စစ်ဆေးခဲ့ကြောင်း သိရှိရသည်။ ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ မြို့နယ်တာဝန်ခံက သက်ဆိုင်ရာထောက်ခံချက်များ ပါရှိသော ဆေးဝါးများကိုသာရောင်းချကြရန် အသိပညာပေးပြောကြားခဲ့ပြီး စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ ကုန်အညွှန်း အမှတ်အသားဖော်ပြခြင်းနှင့်ပတ်သက်၍ သိကောင်းစရာများ ဖော်ပြပါရှိသော လက်ကမ်းစာစောင်များအား ဖြန့်ဝေပေးခဲ့ကြောင်း သတင်းရရှိပါသည်။

DOCA(မွန်)