HighLight News

     စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် ထန်းကုန်းကျေးရွာ၊ သဲဖြူအုပ်စု၊ ထန်းလျက်ဖို၌ အုန်းထန်းလျက်လုပ်ငန်းရှင်များအား (၆-၁၁-၂၀၂၃) ရက်နေ့၊ နေ့လယ် (၁၄:၀၀) နာရီအချိန်တွင် စားသုံးသူကာကွယ်ရေးအသိပညာပေးဟောပြောဆွေးနွေးခဲ့ပါသည်။

     ဟောပြောပွဲတွင် မြို့နယ်တာဝန်ခံ ဦးကျော်နိုင်ဝင်းက စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများပြည့်စုံမှန်ကန်စွာဖော်ပြခြင်းရှိ/မရှိတို့ကိုသိရှိရန်၊ မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များ ကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် သတ်မှတ်အရည်အသွေးနှင့်ပြည့်မီသော ကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်းကိုသိရှိလိုပါက www. doca. gov. mm Website တွင် ဝင်ရောက်လေ့လာနိုင်ကြောင်းတို့ကို အသိပညာပေးဟောပြောခဲ့ကြောင်းသိရှိရပါသည်။

DOCA(ဧရာဝတီ)

   ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် ပြန်ကြားရေးနှင့်ပြည်သူဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာနတို့နှင့်ပူးပေါင်း၍ (၉-၁၁-၂၀၂၃) ရက်နေ့၊ နံနက်(၉:၀၀)နာရီအချိန်တွင် ဆည်ကြီးကုန်အုပ်စု၊ အောင်မြေသာယာရပ်ကွက် (အ.လ.က) ချည်မျှင်ကျောင်း၌ စားသုံးသူအသိပညာပေးဟောပြောပွဲကျင်းပပြုလုပ်ခဲ့ပါသည်။

     အဆိုပါ စားသုံးသူအသိပညာပေးဟောပြောပွဲတွင် စားသုံးသူရေးရာဦးစီးဌာနမှ ဒေါ်ယဉ်ယဉ်ဆင့်က စားသုံးသူကာကွယ်ရေးဥပဒေပါ အခန်း(၉)မှ စားသုံးသူအခွင့်အရေးနှင့်တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသားများအကြောင်းနှင့် စားသုံးသူနစ်နာဆုံးရှုံးမှုရှိပါက Call Center ဖုန်းနံပါတ် (၁၅၃၅)သို့ တိုင်ကြားနိုင်သည့်နည်းလမ်းများကို ဆွေးနွေးဟောပြောခဲ့ကြောင်း သတင်းရရှိပါသည်။

DOCA(ပဲခူး)

   ပဲခူးတိုင်းဒေသကြီး၊  ပြည်ခရိုင်၊ ရွှေတောင်မြို့နယ်၊ ဆည်ကြီးကုန်းအုပ်စု၊ ကြက်ဖြူတောင်ရွာရှိ (အ.မ.က) ကြက်ဖြူတောင်ကျောင်း၌ (၁၀-၁၁-၂၀၂၃)ရက်နေ့၊ နံနက်(၉:၀၀)နာရီအချိန်မှ နံနက်(၁၁:၀၀) နာရီအချိန်ထိ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှဝန်ထမ်းများ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာ‌ဦးစီးဌာနတို့ပူပေါင်း၍ အသိပညာပေးဟောပြောပွဲကျင်းပခဲ့ပါသည်။

     အဆိုပါ စားသုံးသူအသိပညာပေးအခမ်းအနားတွင် ကျောင်းသား/ကျောင်းသူ (၄၇)ဦးအား စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဒု-ဦးစီးမှူးဒေါ်ဇင်မာချောစုကြည်က ကုန်အညွှန်းအမှတ်အသား(၈)ချက်ကိုလည်းကောင်း၊ စားသုံးသူသိရှိရမည့်အခွင့်အရေးနှင့်တာဝန်များအကြောင်းကို ဆွေးနွေးဟောပြောခဲ့ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါငြိမ်းငြိမ်းသန့်က လူကုန်ကူးမှုတိုက်ဖျက်ရေးနေ့နှင့် မူးယစ်ဆေးဝါးများအကြောင်း ဆွေးနွေး ဟောပြောခြင်း၊ တိုင်းရင်းဆေးပညာဦးစီးဌာနမှ ဒေါ်ဇာဇာအောင်က စားဖိုဆောင်မှ တိုင်းရင်းဆေးဖော်စပ်အသုံးပြုနိုင်သောပစ္စည်းများအကြောင်းကို အသိပညာပေးဆွေးနွေးဟောပြောခဲ့ကြကြောင်း သတင်းရရှိပါသည်။

DOCA(ပဲခူး)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းနှင့် ဌာနဆိုင်ရာဝန်ထမ်းများသည် (၂-၁၁-၂၀၂၃) ရက်နေ့၊ နံနက် (၁၀:၀၀)နာရီအချိန်တွင် ဌာနဆိုင်ရာများစုပေါင်း၍ ကျောင်းသား/ကျောင်းသူ(၁၂၀)အား အသိပညာပေးဟောပြောခဲ့ပါသည်။းခဲ့ပါသည်။

     အဆိုပါဟောပြောပွဲအခမ်းအနားတွင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးအောင်ဇော်ဦးက စားသုံးသူကာကွယ်ရေးလုပ်ငန်းစဉ်များအကြောင်းကို အသိပညာပေးဟောပြောခဲ့ပြီး ယခုသင်တန်းကျောင်းသို့ မကြာခဏအသိပညာပေးဟောပြောခဲ့ပြီး ကျောင်းသူ/ကျောင်းသားများနားလည်သဘောပေါက်လောက်သည့် ဆွေးနွေးမှုများပြုလုပ်ပြီး ယခင်စားသုံးသူအကာအကွယ်ပေးရေးဥပဒေ (၂၀၁၆) တွင် စားသုံးသူကာကွယ်ရေးလုပ်ငန်းများကို ပိုမိုထိရောက်စွာအကောင်အထည်ဖော်ဆောင်ရွက်ခဲ့ပြီး စားသုံးသူရေးရာဦးစီးဌာနအဖြစ် သီးခြားပြောင်းလဲဖွဲ့စည်းခဲ့ကြောင်း၊ စားသုံးသူကာကွယ်ရေးဥပဒေ (၂၀၁၉) ကိုပြင်ဆင်ရေးဆွဲ၍ ပြည်ထောင်စုလွတ်တော်ဥပဒေ (အမှတ်-၉ ) ၂၀၁၉ ကို မတ်လ ၁၅ရက်နေ့တွင် အတည်ပြုဋ္ဌာန်းခဲ့ပုံအကြောင်း၊ စားသုံးသူကာကွယ်ရေးဥပဒေ၏ အခန်း(၁၈)မှ ကုန်အညွှန်းအမှတ်အသားဖော်ပြခြင်းဆိုင်ရာအချက်အလက်များကိုသိရှိနားလည်ရန် ရှင်းလင်းပြောကြားခဲ့ပြီး စားသုံးသူများအနေဖြင့် ကုန်အညွှန်းအမှတ်အသားပြည်စုံစွာပါဝင်သောကုန်စည်များကို ရွေးချယ်ဝယ်ယူတတ်စေရန်ရှင်းလင်းခဲ့ပြီး စားသုံးသူ၏အခွင့်အရေး (၈) ချက်၊ ကုန်စည်နှင့်ဝန်ဆောင်မှုများကိုရယူသုံးစွဲရာတွင်   စားသုံးသူအခွင့်အရေးအမှန်တကယ်နစ်နာဆုံးရှုံးမှုဖြစ်ပေါ်လာပါက စားသုံးသူရေးရာဦးစီးဌာနသို့ တိုင်ကြားနိုင်သောနည်းလမ်းများ၊ Consumer Call Center No. (1535) သို့ ဆက်သွယ်မေးမြန်းစုံစမ်းနိုင်ကြောင်း၊ စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကာ ကျောင်းသား/ ကျောင်းသူများက သိလိုသည်များကို စိတ်ဝင်တစားမေးမြန်းခဲ့ကြပါသည်။ ၎င်းအခမ်းအနားသို့ (၁၂၀)ဦးတက်ရောက်ခဲ့ကြောင်းသိရပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့်ဝန်ထမ်းတို့သည် ၂၀၂၃ခုနှစ်၊ နိုဝင်ဘာလ(၆)ရက်နေ့၊ နေ့လယ်(၁၃:၀၀)နာရီအချိန်တွင် လုပ်ငန်းရှင်(၁၇)ဦးအား မြို့နယ်တာဝန်ခံရုံး၌ စားသုံးသူကာကွယ်ရေးအသိပညာပေးဟောပြောခဲ့ပါသည်။

   အဆိုပါဟောပြောပွဲတွင် မြို့နယ်တာဝန်ခံက အခန်း(၁၀)ပါ စီးပွားရေးလုပ်ငန်းရှင်များ၏တာဝန်များ၊ စားသုံးဆီ(ဘူးဆီ)၊ ဟင်းသီးဟင်းရွက်ဆီများတွင် မြန်မာဘာသာဖြင့်ဖော်ပြထားသော ကုန်အညွှန်းအမှတ်အသားများနှင့် FDA ၏ထောက်ခံချက်ပါသော ဘူးဆီများအကြောင်း၊ စားအုန်းဆီများနှင့်ပက်သက်၍ ဈေးနှုန်းမြှင့်တင်ရောင်းချခြင်းမရှိစေရေး၊  ဈေးကစားရန်ရည်ရွယ်ချက်ဖြင့် သိုလှောင်ခြင်း၊ မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းနှင့် တရားမဝင်ကုန်စည်များကို ဈေးကွက်အတွင်း ရောင်းချခြင်းမပြုကြရန်လိုအပ်ကြောင်းကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)