မွန်ပြည်နယ်၊ စားသုံးသူရေးရာကော်မတီ၏ လုပ်ငန်းညှိနှိုင်းအစည်းအဝေး (၁/၂၀၂၃) ကျင်းပ
၂၀၂၃ခုနှစ်၊ မတ်လ ၃၁ရက်နေ့၊ နံနက် (၀၉:၀၀) နာရီအချိန်၌ မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးအစည်းအဝေးခန်းမ၌ မွန်ပြည်နယ်၊ စားသုံးသူရေးရာကော်မတီ (၁/၂၀၂၃) လုပ်ငန်းညှိနှိုင်းအစည်းအဝေးကျင်းပခဲ့ကြောင်း သိရပါသည်။
မွန်ပြည်နယ်၊ စားသုံးသူရေးရာကော်မတီ(၁/၂၀၂၃)လုပ်ငန်းညှိနှိုင်းအစည်းအဝေးသို့ မွန်ပြည်နယ်၊ စားသုံးသူရေးရာကော်မတီဥက္ကဋ္ဌနှင့်အဖွဲ့ဝင်များ စုံညီစွာတက်ရောက်ပြီး မွန်ပြည်နယ်စားသုံးသူရေးရာကော်မတီဥက္ကဋ္ဌ၊ စီးပွားရေးရာဝန်ကြီး၊ နိုင်လယိတမက အဖွင့်အမှာစကားပြောကြားပြီးနောက် ယခင်ဆောင်ရွက်ခဲ့သည့် မွန်ပြည်နယ်စားသုံးသူရေးရာကော်မတီ (၄/၂၀၂၂) လုပ်ငန်းညှိနှိုင်းအစည်းအဝေး၏ ဆုံးဖြတ်ချက်များအပေါ် ဆောင်ရွက်ပြီးစီးမှုများကို ရှင်းလင်းပြောကြားခဲ့ပါသည်။ ထို့နောက် မွန်ပြည်နယ်၊ စားသုံးသူရေးရာကော်မတီ၏ အတွင်းရေးမှူး၊ စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးဝင်းထွန်းက (၂၀၂၂-၂၀၂၃) ဘဏ္ဍာနှစ်၏ စတုတ္ထ (၃) လပတ်အတွင်း လုပ်ငန်းဆောင်ရွက်ချက်များအနေဖြင့် စားသုံးသူကာကွယ်ရေးအသိပညာပေးမှုနှင့်ပတ်သက်၍ လျာထားချက်(၂၅)ကြိမ်၊ ဆောင်ရွက်(၄၁) ကြိမ်၊ ဈေးကွက်စောင့်ကြည့်စစ်ဆေးမှုလျာထားချက်နှင့်ပတ်သက်၍ (၁၆)ကြိမ်၊ ဆောင်ရွက် (၅၈)ကြိမ်၊ လုပ်ငန်းရှင်များနှင့်တွေ့ဆုံဆွေးနွေးမှုနှင့်ပတ်သက်၍ လျာထားချက်(၈)ကြိမ်၊ ဆောင်ရွက်(၂၃)ကြိမ်ပြုလုပ်နိုင်ခဲ့ကြောင်း၊ ၂၀၂၃ခုနှစ်၊ မတ်လ ၁၅ရက်နေ့၌ ကမ္ဘာ့စားသုံးသူအခွင့်အရေးများနေ့အထိမ်းအမှတ်ကျင်းပခဲ့မှုနှင့် ၂၀၂၃ခုနှစ်၊ မတ်လ ၁၉ရက်နေ့၊ (၄၉)နှစ်မြောက် မွန်ပြည်နယ်နေ့အထိမ်းအမှတ် ဌာနဆိုင်ရာပြခန်းဖွင့်လှစ်ပြသခြင်းတို့ အားပြောကြားကြောင်း၊ မွန်ပြည်နယ်စားသုံးသူရေးရာကော်မတီက စားသုံးသူကာကွယ်ရေးနှင့်ပတ်သက်၍ ရှေ့ဆက်ဆောင်ရွက်သွားမည့် ကုန်စည်အုပ်စုများရွေးချယ်သတ်မှတ်မည့်အစီအမံနှင့် ယခုတင်ပြမှုအပေါ်အစည်းအဝေး၏ အတည်ပြုဆုံးဖြတ်ချက်များချမှတ်နိုင်ရန် အသေးစိတ် Power Point ဖြင့် ကော်မတီအဖွဲ့ဝင်များထံသို့ တင်ပြခဲ့ပါသည်။
အဆိုပါတင်ပြချက်များအား မွန်ပြည်နယ်၊ စားသုံးသူရေးရာကော်မတီအဖွဲ့ဝင်များက အတည်ပြုရန်အချက်များ၊ အကြံပြုချက်များ၊ ဆုံးဖြတ်ရန်အချက်အလက်တို့ကို ကော်မတီအဖွဲ့ဝင်အသီးသီးက ပြန်လည်ဆွေးနွေး၍ အတည်ပြုခြင်း၊ အကြံပြုခြင်းနှင့် ဆုံးဖြတ်ရန်အချက်တို့အား ယခုအစည်းအဝေးတွင် ဆုံးဖြတ်ခဲ့ကြောင်း၊ ရှေ့ဆက်လက်ဆောင်ရွက်မည့် စားသုံးသူကာကွယ်ရေးလုပ်ငန်းများတွင် ကော်မတီအဖွဲ့ဝင်အားလုံးပူးပေါင်းပါဝင်ဆောင်ရွက်မည်ဖြစ်ကြောင်းနှင့် အစည်းအဝေးကို နံနက်(၁၀:၂၀)နာရီအချိန်တွင် ရုပ်သိမ်းခဲ့ကြောင်း သတင်းရရှိပါသည်။
DOCA(မွန်)
