HighLight News

            ဧရာဝတီတိုင်းဒေသကြီး၊ ဟင်္သာတခရိုင်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ဟင်္သာတမြို့၊ ဇလွန်မြို့၊ လေးမျက်နှာမြို့နယ်များနှင့်  မြန်အောင်ခရိုင်ရှိ မြန်အောင်မြို့၊ အင်္ဂပူမြို့နယ်တို့တွင် စားသုံးသူကာကွယ်ရေးအသိပညာပေး Talk Show အစီအစဉ်များကို ပြုလုပ်ဆောင်ရွက်ခဲ့ပါသည်။

         ဇူလိုင်လ ၂၀ ရက်နေ့ဟင်္သာတမြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်အေးအေးမာနှင့် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမိုးကျော်မှလည်းကောင်း၊ (၈.၇.၂၀၂၂)ရက်နေ့ ဇလွန်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဒေါ်အေးမြင့်သိန်းနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန့်ဇင်ဦးမှလည်းကောင်း၊ (၁၈.၇.၂၀၂၂)ရက်နေ့ လေးမျက်နှာမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဒေါ်နွယ်နွယ်ထွန်းနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးအောင်သန်းဌေးမှ လည်းကောင်း၊ (၂.၇.၂၀၂၂)ရက်နေ့ မြန်အောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဦးဇော်မင်းထွန်းနှင့် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမြင့်အောင်မှ လည်းကောင်း၊ (၁၅.၇.၂၀၂၂)ရက်နေ့ အင်္ဂပူမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဒေါ်သီသီရှိန်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးဘိုဘိုမှလည်းကောင်း စားသုံးသူကာကွယ်ရေးအသိပညာပေး အမေးအဖြေများ မေးမြန်းခြင်း၊ ဖြေကြားခြင်းတို့ကို ပြုလုပ်ခဲ့ပါသည်။

          Talk Show တွင် ၂၀၁၉ ခုနှစ် မတ်လ (၁၅) ရက်နေ့တွင် ပြဌာန်းထားသော စားသုံးသူကာကွယ်ရေးဥပဒေအကြောင်း ရှင်းလင်းပြောကြားပြီး  အခန် း(၁၅) တွင် ပါဝင်သော ပုဒ်မ (၂၈) ၊(၂၉) ပါ စားသုံးသူတို့အတွက် ကုန်စည် သို့မဟုတ် ဝန်ဆောင်မှု လုံခြုံစိတ်ချရမှုရှိစေရေး၊ အခန်း(၁၈) ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဖော်ပြရမည့် ညွှန်ကြားချက်များအကြောင်း၊ အခန်း (၁၀) ပါ စီးပွားရေးလုပ်ငန်းရှင်၏တာဝန်များအကြောင်းနှင့် Online Shopping နှင့်ပတ်သက်၍ စားသုံးသူနစ်နာဆုံးရှုံးမှုမရှိစေရေးဆောင်ရန်၊ ရှောင်ရန်များအကြောင်းတို့အား မေးမြန်းဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် ၁၈.၇.၂၀၂၂ ရက်နေ့ (၁၁:၁၅) အချိန်တွင် မင်္ဂလာတောင်ညွှန့်မြို့နယ်၊ မင်္ဂလာဈေးတွင် ဖွင့်လှစ်ရောင်းချလျက်ရှိသော အလှကုန်ဆိုင်များသို့ Mistine အလှကုန်ပစ္စည်းများတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားခြင်းနှင့် FDA ၏ ထောက်ခံချက်များ ပါရှိ/မရှိ ဈေးတာဝန်ခံများနှင့်အတူ ကွင်းဆင်းစစ်ဆေးမှုများ ဆောင်ရွက်ခဲ့ကြောင်း သိရှိရပါသည်။

       အဆိုပါကွင်းဆင်းဆောင်ရွက်ရာတွင် အရှေ့ပိုင်းခရိုင်ဦးစီးမှူးရုံးမှဝန်ထမ်းများသည် ဈေးတာဝန်ရှိသူများနှင့် အလှကုန်ရောင်းချလျက်ရှိသောဆိုင်များမှ တာဝန်ခံများ၊ ဆိုင်အရောင်းဝန်ထမ်းများအား ရောင်းချလျက်ရှိသော အလှကုန်ပစ္စည်းများတွင် အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက်နှင့် မြန်မာစာကုန်အညွှန်းအမှတ်အသားများ ပြည့်စုံစွာပါရှိသည့် ကုန်ပစ္စည်းများကိုသာ ရောင်းချရန် အသိပေးပြောကြားခဲ့ပါသည်။

              ဈေးတာဝန်ရှိသူများကလည်း ဌာနဆိုင်ရာများ၏ တားမြစ်ထားသော ကုန်ပစ္စည်းများ သိရှိပါကလည်း ရောင်းချလျက်ရှိသောဆိုင်များသို့ အချိန်နှင့်တပြေးညီတားမြစ်အသိပေး၍ အလှကုန်ရောင်းချလျက်ရှိသော ဆိုင်တာဝန်ခံများမှလည်း ဈေးတာဝန်ခံများ၏ ညွှန်ကြားချက်များကို လိုက်နာကြောင်း၊ ဌာနဆိုင်ရာများ၏ထောက်ခံချက်၊ ကုန်အညွှန်းအမှတ်အသားပြည့်စုံစွာရှိသော အလှကုန်ပစ္စည်းများကိုသာရောင်းချကြောင်း သိရှိရပါသည်။

DOCA(ရန်ကုန်) 

         မွန်ပြည်နယ်၊ ကျိုက်မရောမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်စားသုံးသူရေးရာဦးစီးဌာနတို့ပူးပေါင်း၍ ၁၈.၇.၂၀၂၂ ရက်နေ့ နံနက် (၁၁:၀၀) နာရီက ကျိုက်မရောမြို့နယ်၊ အ.လ.က (အထရံကျောင်း)၌ စားသုံးသူကာကွယ်ရေးအသိပညာပေးဟောပြောကြောင်း သိရပါသည်။

             အဆိုပါ ဟောပြောပွဲ၌ ကျိုက်မရောမြို့နယ်ရုံးတာဝန်ခံ ဦးအောင်ညီညီခန့်က  စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များဖြင့် ဆောင်ရွက်နေမှုများ၊ စားသုံးသူ၏အခွင့်အရေးများ၊ တာဝန်များ၊ စားသုံးသူကာကွယ်ရေးလုပ်ငန်းဆောင်ရွက်ချက်များ၊  စားသုံးသူနစ်နာမှုရှိလျှင် တိုင်ကြားနိုင်သည်နှင့် တိုင်ကြားနိုင်သူများအားရှင်းလင်း၍ အသေးစိတ်ပြောကြားပါသည်။ ပြီးနောက် ကျိုက်မရောမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ချိုမြတ်မြတ်ထွေးက ၂၀၂၂ ခုနှစ် ဇူလိုင် ၁၉ ရက်နေ့တွင် ကျရောက်မည့် (၇၅) နှစ်မြောက်၊ အာဇာနည်နေ့အထိမ်းအမှတ်အား ကြိုဆိုသောအားဖြင့် ကျောင်းသား၊ ကျောင်းသူများကို  ဇူလိုင် ၁၉ ရက်နေ့ အာဇာနည်နေ့သိကောင်းစရာအကြောင်းတို့ကို အသိပညာပေးဟောပြောခဲ့ပါသည်။ စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း‌ဆောင်ရွက်သည့် အသိပညာပေးဟောပြောပွဲသို့ ကျောင်းအုပ်ဆရာမကြီးဒေါ်ယုချိုထက်နှင့် ဆရာ၊ ဆရာမ (၂၂) ဦး ကျောင်းသား/သူ (၁၀၀) ဦးတို့တက်ရောက်ခဲ့ကြောင်း းသတင်းရရှိပါသည်။

DOCA(မွန်)

          မွန်ပြည်နယ်၊ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံ ဦးစိုးဝင်းသည် (၂၂.၇.၂၀၂၂)ရက်နေ့၊ နံနက်(၁၀:၃၀) နာရီက မုဒုံမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ စားသုံးသူကာကွယ်ရေးအသိပညာပေး (Talk Show) ကျင်းပပြုလုပ်ခဲ့ကြောင်း သိရပါသည်။

          အဆိုပါ Talk Showတွင် မုဒုံမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်မိုးမိုးသန္တာထွန်းက စားသုံးသူကာကွယ်ရေးအသိပညာပေး (Talk Show) ပြုလုပ်ရခြင်း၏ ရည်ရွယ်ချက်ကို ရှင်းလင်းဆွေးနွေးရာတွင် ယခုလို စားသုံးသူရေးရာဦးစီးဌာနနှင့်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ပူးပေါင်း၍ Online ဖြင့် စားသုံးသူကာကွယ်ရေးအသိပညာပေး (Talk Show) ဆောင်ရွက်ရခြင်းမှာ စားသုံးသူများအတွက် စားသုံးသူအသိပညာများ ကျယ်ကျယ်ပြန့်ပြန့် ဗဟုသုတများစွာ ရရှိစေရန် ရည်ရွယ်၍ ဆောင်ရွက်ရခြင်းဖြစ်ကြောင်း ပြောကြားခဲ့ပြီး မုဒုံမြို့နယ်တာဝန်ခံ ဦးစိုးဝင်းက စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူတို့၏ အခွင့်အရေး (၈)ချက်နှင့် လိုက်နာရမည့် တာဝန်(၄)ချက်ကိုလည်းကောင်း၊ စားသုံးသူအခွင့်အရေးများ ချိုးဖောက်ခြင်းခံရပြီး စားသုံးသူနစ်နာဆုံးရှုံးမှုများရှိပါက တိုင်ကြားနိုင်သည့် နည်းလမ်းနှင့် တိုင်ကြားနိုင်သည့်နေရာများ၊ Call Center ဖုန်းနံပါတ်များအား ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(မွန်)

      ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးနှင့်ဝန်ထမ်းများသည် ၁၈.၇.၂၀၂၂ရက်နေ့ နံနက်၀၉:၃၀နာရီအချိန်တွင် ပြန်ကြားရေး နှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ ဗန်းမော်မြို့ရှိ အမှတ်(၅)အခြေခံပညာအထက်တန်း ကျောင်း၊ အောင်ဆန်းခန်းမ၌ စားသုံးသူကာကွယ်ရေးအသိပညာပေး ဟောပြောပွဲပြုလုပ်ဆောင်ရွက် ခဲ့ပါသည်။

    အဆိုပါဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဦးအောင်ကျော်ထွန်းမှ လူငယ်ရေးရာဆိုင်ရာအကြောင်း၊ အာဇာနည်နေ့အကြောင်းသိကောင်းစရာ များကိုဟောပြောခဲ့ပြီး ဗန်းမော်ခရိုင်စားသုံးသူရေးရာဦးစီးဌာန၊ ခရိုင်ဦးစီးမှူး ဦးအောင်ကျော်ဦးက စားသုံးသူရေးရာဦးစီးဌာန၏ သမိုင်းကြောင်း၊ ဌာန၏မျှော်မှန်းချက်၊ ရည်မှန်းချက်၊ စားသုံးသူအခွင့် အရေးနှင့်လိုက်နာရမည့်တာဝန်များကိုရှင်းလင်းပြောကြားခဲ့ပါသည်။ ဆက်လက်၍ ဒေါ်ဆန္ဒမွန်   (ဒု-ဦးစီးမှူး)မှ စားသုံးသူများသည် ကုန်စည်များရွေးချယ်ဝယ်ယူရာတွင် အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက်နှင့်ကုန်အညွှန်းအမှတ်အသားပြည့်စုံစွာ ဖော်ပြထား ရှိသောကုန်စည်များကိုသာ ဝယ်ယူအသုံးပြုရန်နှင့်နစ်နာဆုံးရှုံးမှုများရှိပါက စားသုံးသူရေးရာဦးစီး ဌာနသို့ လာရောက်တိုင်ကြားနိုင်ကြောင်း၊ တိုင်ကြားမှုကို ဖြေရှင်းဆောင်ရွက်ပေးရန် စားသုံးသူ သတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာဖွင့်လှစ်ထားရှိကြောင်း၊ တယ်လီဖုန်းဖြင့်လည်း (၁၅၃၅)သို့ ဆက်သွယ်တိုင်ကြားနိုင်ကြောင်း အသိပညာပေးဟောပြောခဲ့ပြီး  စားသုံးသူ ကာကွယ်ရေးဆိုင်ရာ လက်ကမ်းစာစောင်များဖြန့်ဝေခဲ့ပါသည်။

        ဟောပြောပွဲသို့ ဆရာ/မများနှင့် ကျောင်းသူ/ သား စုစုပေါင်း (၃၀၇)ဦးတက်ရောက်ခဲ့ပါသည်။ ထို့နောက် ကျောင်းမုန့်ဈေးတန်းများတွင် စားသုံးသူများဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရန်အတွက် သက်တမ်းလွန်အစားအသောက်များ ကျောင်းဈေးအတွင်း ရောင်းချမှုရှိမရှိ သွားရောက်စစ်ဆေးခြင်းများ ဆောင်ရွက်ခဲ့ကြောင်း သတင်းရရှိပါသည်။

စားသုံးသူရေးရာဦးစီးဌာန(ကချင်ပြည်နယ်)