HighLight News

          ပဲခူးတိုင်းဒေသကြီး၊ သာယာဝတီခရိုင် မင်းလှမြို့နယ် ဆန်စက်လုပ်ငန်းရှင်များအသင်း၏ လက်ရှိအမှုဆောင်များသည် ၂၀၂၂ ခုနှစ်၊ ဇူလိုင် ၂၈ ရက်နေ့တွင် ၃ နှစ်တာကာလ သက်တမ်းပြည့်မည်ဖြစ်သဖြင့် ၂၀၂၂-၂၀၂၅ သက်တမ်းကာလအတွက် ဗဟိုလ်တိုင်းဒေသကြီးနှင့် မြို့နယ်အဆင့် အမှုဆောင်အဖွဲ့  ပြန်လည်ရွေးချယ်တင်မြှောက်ပွဲကို ၉.၆.၂၀၂၂ ရက်နေ့ နံနက် ၁၀:၀၀ နာရီအချိန်တွင် စားသုံးသူရေးရာဦးစီးဌာန မြို့နယ်တာဝန်ခံရုံး၌ ကျင်းပပြုလုပ်ခဲ့ပါသည်။

         အမှုဆောင်အဖွဲ့  ပြန်လည်ရွေးချယ်တင်မြှောက်ပွဲသို့ မြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မြို့နယ်ဆန်စက်လုပ်ငန်းရှင်များ၊ မြို့နယ်အမှုဆောင်အဖွဲ့ ရွေးချယ်တင်မြှောက်ရေးကော်မတီမှ မြို့နယ်အမှုဆောင်အဖွဲ့ဝင်များ တက်ရောက်ကြပြီး ဗဟိုလ်တိုင်းဒေသကြီး အသင်းအတွက် ကိုယ်စားလှယ် ၂ ဦးကိုလည်း ရွေးချယ်တင်မြှောက်ခဲ့ကြောင်း သိရှိရပါသည်။

DOCA(ပဲခူး)

          စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူးနှင့်ဝန်ထမ်းများသည် စျေးကွက်တွင်းရောင်းချနေသော ဓါတ်ဆီ၊ဒီဇယ်များ စျေးနှုန်းမြှင့်တင်ရောင်းချမှု ရှိ/မရှိ၊ အချိန်အတွယ်၊ လီတာ၊ဂါလံများ ပြည့်မီမှုရှိ/မရှိကို မိတ္ထီလာမြို့နယ်အတွင်းရှိ Danko(1၊2၊3)နှင့် Max Myanmar (1၊3) ဆီဆိုင်များအား ၂၀၂၂ ခုနှစ်၊ ဇွန်လ ၆ ရက်နေ့တွင် စျေးကွက်စောင့်ကြည့်ကွင်းဆင်းစစ်ဆေးခဲ့ပါသည်။

          ထိုသို့ ကွင်းဆင်းစစ်ဆေးရာတွင် စီးပွားရေးလုပ်ငန်းရှင်များအနေဖြင့် ကုန်စည်နှင့်စပ်လျဉ်း၍ အာမခံချက်ပေးရာတွင် ကုန်စည်၏အရည်အသွေး၊ အချိန်အတွယ်ပမာဏနှင့် အလေးချိန်မှန်ကန်မှု ရှိရမည်ဖြစ်ကြောင်း၊  အရည်အသွးပြည့်မီမှန်ကန်သည့် သတ်မှတ်ချက်နှင့်ကိုက်ညီသော စက်ဆီ၊ ချောဆီများကိုသာ တင်သွင်း၊ဖြန့်ဖြူးရောင်းချရစေလိုကြောင်း ၊သတ်မှတ်ချက်နှင့်မကိုက်ညီသော ပစ္စည်းများဖြစ်ပါက ဥပဒေနှင့်အညီဆောင်ရွက်သွားမည်ဖြစ်ကြောင်း၊ စက်သုံးဆီများကို ပြည်သူများလက်ဝယ်သို့ အမှန်တကယ်ရောင်းချပေးစေလိုကြောင်း၊  အသိပညာပေးဆောင်ရွက်ခဲ့ပြီး ဆီဆိုင် များမှ စက်သုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကော်မတီမှ သတ်မှတ်ထားသော နှုန်းထားများအတိုင်းသာရောင်းချမှုရှိပြီး၊ အချိန်အတွယ် ၊လီတာ၊ ဂါလံများကိုလည်း  (၂၀) လီတာစံဝင်ခွက်ဖြင့် တိုက်ဆိုင်စစ်ဆေးခဲ့ရာ ပြည့်မီမှုရှိကြောင်း သိရှိရပါသည်။

DOCA(မန္တလေး)

              မန္တလေးတိုင်းဒေသကြီး၊ မိတ္ထီလာခရိုင်၊ စက်ကြီးဆည်မြောင်း(၁၄)လမ်း ၊ ဝန်ဇင်းရပ်၊ မိတ္ထီလာမြို့၌ “MAY” အမှတ်တံဆိပ်ဆပ်ပြာလုပ်ငန်း ထုတ်လုပ်ရောင်းချနေသော လုပ်ငန်းရှင်သည် ၎င်း၏အမှတ်တံဆိပ်တွင် ထည့်သွင်းဖော်ပြသွားမည့် ကုန်အညွှန်းအမှတ်အသားများတွင် စားသုံးသူ ကာကွယ်‌ရေးဥပဒေပြဌာန်းချက်များနှင့် ကိုက်ညီမှုရှိ/မရှိနှင့် လိုအပ်ချက်များပြင်ဆင်ပြုပြင်နိုင်ရန်အတွက် စိစစ်ဆောင်ရွက်ပေးပါရန်၂၀၂၂ ခုနှစ်၊ ဇွန်လ (၇) ရက်နေ့တွင် စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး ဦးဇော်မင်းနှင့် တွေ့ဆုံဆွေးနွေးခဲ့ပါသည်။ 

               အဆိုပါတွေ့ဆုံမှုအရ “MAY” အမှတ်           တံဆိပ်ဆပ်ပြာလုပ်ငန်းတွင် ဆပ်ပြာခဲအမျိုးစား (၂၃)မျိုး၊ သဘာဝခေါင်းလျှော်ရည်၊ ရေချိုးဆပ်ပြာရည်၊ ဆံကေသာအားဖြည့်ပေါင်းဆီ၊ ခြင်ယင်ပြေးဆေး၊ အဝတ်လျှော်ပန်းကန်ဆေးဆပ်ပြာ၊ Scrub စသည့် ကုန်စည်များကို မိသားစုထုတ်လုပ်ကြောင်း၊ မိတ္ထီလာမြို့အတွင်း ဖြန့်ဖြူးရောင်းချလျက်ရှိကြောင်းသိရှိရပါသည်။ ထို့နောက် ခရိုင်ဦးစီးမှူးမှ လူသုံးကုန်ပစ္စည်းအမျိုးမျိုးတွင် ကုန်စည်အမျိုးစားအလိုက် ကုန်အညွှန်းအမှတ်သားများအား ပြည့်စုံစွာဖော်ပြရန်အတွက် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားရှိသည့်ကုန်အညွှန်းအမှတ်အသား‌ဖော်ပြခြင်းဆိုင်ရာ အမိန့်ကြေငြာစာ (၂/၂၀၁၉)အား ထုတ်ပြန်ထားရှိကြောင်းကိုလည်းကောင်း၊ ကုန်စည်များတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတွဲလျှက်ရှိစေ ဖော်ပြရမည့်အချက်အလက်များကိုလည်းကောင်း ရှင်းလင်းဆွေးနွေးပြောကြားခဲ့ပြီး ဌာနသို့စိစစ်ဆောင်ရွက်ပေးပါရန် တင်ပြလာမှုအပေါ် ကူညီဆောင်ရွက်ပေးမှုများ ပြုလုပ်ခဲ့ပါသည်။

DOCA(မန္တလေး)

            စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်တာဝန်ခံရုံးမှ ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ တာလေမြို့စည်ပင်သာယာရေးအဖွဲ့တို့မှ ဝန်ထမ်းများနှင့်ပူးပေါင်း၍ ၂၀၂၂ခုနှစ်၊ ဇွန်လ(၈)ရက်နေ့ နံနက်(၁၁:၀၀)နာရီအချိန်တွင် တာချီလိတ်ခရိုင်၊ တာလေမြို့ပေါ်ရှိသောက်ရေသန့်စက်ရုံများအား ထုတ်ကုန်များလုံခြုံစိတ်ချမှုရှိစေရန်နှင့် စားသုံးသူများဘေးအန္တရာယ်ကင်းရှင်းစေရန်အတွက် ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          တာချီလိတ်မြို့နယ် တာဝန်ခံနှင့် ဌာနဆိုင်ရာများသည် သောက်ရေသန့်လုပ်ငန်းရှင်များအား စက်ရုံဝန်ထမ်းများ၏တစ်ကိုယ်ရေသန့်ရှင်းရေးအားဂရုပြုရန်၊ သောက်ရေသန့်များကို စနစ်တကျ ထုတ်ပိုး၍ ဖြန့်ဖြူးရောင်းချရန်၊ သက်ဆိုင်ရာဌာနများ၏လမ်းညွှန်ချက်များအတိုင်း လိုက်နာဆောင် ရွက်ရန်၊ လုပ်ငန်းလိုင်စင်၊ FDAထောက်ခံချက်များ သက်တမ်းတိုးခြင်းနှင့် ရေသန့်ဓါတ်ခွဲစစ်ဆေးခြင်း လုပ်ငန်းများကို ပုံမှန်ပေးပို့စစ်ဆေးကြရန်မှာကြားခဲ့ပြီး စားသုံးသူကာကွယ်ရေးဥပဒေအခန်း(၁၈)ပါ ‘‘ကုန်အညွှန်းအမှတ်အသားဖော်ပြခြင်း”နှင့်၊  အခန်း(၁၀)ပါ ‘‘စီးပွားရေးလုပ်ငန်းရှင်၏ တာဝန်များ”အား သိရှိလိုက်နာဆောင်ရွက်နိုင်စေရန်အတွက် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။

DOCA(ဧရာဝတီ)

             ကယားပြည်နယ်အတွင်း တရားမဝင်ကုန်သွယ်မှုများ လျော့နည်းပပျောက်စေရန် ရည်ရွယ်၍ ပြည်နယ်တရားမဝင် ကုန်သွယ်မှုတိုက်ဖျက်ရေး အထူးအဖွဲ့အနေဖြင့်တရားမဝင် ကုန်သွယ်မှု တိုက်ဖျက်ရေးဆင့်ပွား သင်တန်း (၁/၂၀၂၂)ကို ပြည်နယ်ရဲတပ်ဖွဲ့ မှူးရုံး ခန်းမ၌  ဇွန်လ(၇)ရက်နေ့မှ (၁၀)ရက်နေ့ထိ ၊နံနက်(၀၉:၃၀)အချိန်မှ ညနေ (၁၅: ၃၀)အချိန်ထိ သင်တန်းဖွင့်လှစ်ဆောင်ရွက်ခဲ့ရာ အဆိုပါသင်တန်းတွင် ကယားပြည်နယ် တရားမဝင် ကုန်သွယ်မှုတိုက်ဖျက်ရေး အထူးအဖွဲ့ ဥက္ကဌ လုံခြုံရေးနှင့် နယ်စပ်ရေးရာဝန်ကြီးက အဖွင့် အမှာစကားပြောကြားခဲ့ပြီး သင်တန်းသားများ စုစုပေါင်း (၁၉ )ဦး တက်ရောက်ခဲ့ပါသည်။

             အဆိုပါ သင်တန်းတွင် မြန်မာနိုင်ငံရဲတပ်ဖွဲ့၊ ဒု-ပြည်နယ်ရဲတပ်ဖွဲ့မှူး ၊ ရဲမှူးကြီး တင်ရွှေက တရားမဝင်ကုန်သွယ်မှုတိုက်ဖျက်ရေးနှင့် စပ်လျဉ်း၍ ရဲတပ်ဖွဲ့မှဆောင်ရွက်နေ မှုအခြေအနေများ၊ မူးယစ်ဆေးဝါးဆိုင်ရာကိစ္စရပ်များ၊ တရားမဝင်ကုန်သွယ်မှုနှင့် သက်ဆိုင် သည့် ဥပဒေ၊တရား မဝင်ကုန်သွယ်မှုပပျောက်ရေးအတွက် ဆောင်ရွက်သင့်သည့်နည်းလမ်းများ သင်ကြားပို့ချခြင်း၊ အထူးစုံစမ်းစစ်ဆေးရေးဦးစီးဌာန ၊ညွှန်ကြားရေးမှူး ၊ဦးညိုဝင်းက အခြေခံလုံခြုံရေးသဘောတရားများ ပတ်သက်၍ ပို့ချသင်ကြားခြင်း၊ အကောက်ခွန်ဦးစီးဌာန ၊ ယာယီပြည်နယ်ဦးစီးမှူး၊ ဦးဝင်းနိုင်က အကောက်ခွန်ဌာန၏မူဝါဒနှင့်တာဝန်များ၊ တားဆီးဖမ်းဆီးစစ်ဆေးခြင်းများ၊ OSS များ၌ စစ်ဆေးမှုလုပ်ငန်းစဉ်များ၊ တင်သွင်း၊တင်ပို့မှုဆိုင်ရာ လုပ်ငန်းစဉ်များ ၊ ဆုငွေဆိုင်ရာဘာသာရပ်များ ပို့ချခဲ့ကြောင်း၊ ပြည်တွင်း အခွန်များဦးစီးဌာန၊ ပြည်နယ်ဦးစီးမှူး၊ ဦးသန်းဗိုလ်က အခွန်နှင့်ပတ်သက်၍ သိမှတ် ဖွယ်ရာများ၊ အခွန်အယူခံအကြောင်း သိကောင်းစရာများ သင်ကြားပို့ချခြင်း၊ သစ်တောဦးစီးဌာန၊ ပြည် နယ်ဦးစီးမှူး၊ ဦးစောဗဟိဏ်းက သစ်တောဥပဒေနှင့် လုပ်ထုံးလုပ်နည်းများ ၊ တောရိုင်း တိရိစ္ဆာန်၊ တရားမဝင် ကုန်သွယ်မှုတိုက်ဖျက်ရေးလုပ်ငန်းများ ဆိုင်ရာနှင့် စပ်လျဉ်း၍ သင်ကြားပို့ချခဲ့ကြောင်း ၊ အထွေထွေအုပ်ချူပ်ရေးဦးစီးဌာန၊ ညွှန်ကြားရေးမှူး၊ ဦးကိုကိုဦးက  ယစ်မျိုး  စီမံခန့်ခွဲ့မှုနှင့်   ပတ်သက်၍  သင်ကြားခြင်း၊   အစားအသောက်နှင့် ဆေးဝါးကွပ်ကဲရေးဦးစီးဌာန၊ ပြည်နယ်တာဝန်ခံ၊ ဒေါက်တာနွေဦးဆွေက မိမိတို့ဌာနအနေဖြင့် တရားမဝင်အစားအသောက်နှင့် ဆေးဝါးများစိစစ်ခြင်းနှင့် စပ်လျဉ်း၍ပို့ချခြင်း၊ မွေးမြူရေးနှင့်ကုသရေး ဦးစီးဌာန၊ ပြည်နယ်ဦးစီးမှူး ၊ ဒေါက်တာဝင်းဦးက တိရိစ္ဆာန်ထွက် ပစ္စည်းများ တရားမဝင် တင်သွင်း/တင်ပို့မှု မရှိစေရန် ဆောင်ရွက်နေမှု အခြေအနေအား  သင်ကြားပို့ချခြင်း၊ စိုက်ပျိုးရေးဦးစီးဌာန၊ ပြည်နယ်ဦးစီးမှူး၊ ဦးသန်းလှိုင်က တင်သွင်း/ တင်ပို့လာသည့် အပင်နှင့် အပင်ထွက်ပစ္စည်းများအား သီးနှံပိုးမွှားရောဂါပြန်ပွားမှု ထိန်းချုပ်ရေး လုပ်ငန်းစဉ်များအား ရှင်းလင်းသင်ကြားခြင်း၊ ရေနံထွက်ပစ္စည်းကြီးကြပ်ရေးနှင့် စစ်ဆေးရေးဦးစီးဌာန၊ ပြည်နယ် ဦးစီးမှူး၊ ဦးမြင့်စိုး က ပြည်ပမှတင်သွင်း ဖြန့်ဖြူးသည့် ရေနံထွက်ပစ္စည်းဆိုင်ရာလုပ်ငန်းလိုင်စင်များ၊ရေနံထွက်ပစ္စည်းဆိုင်ရာ ၂၀၁၇ ဥပဒေ အကြောင်းနှင့် ပတ်သက်၍ သင်ကြားခြင်း၊  စားသုံးသူရေးရာဦးစီးဌာန ၊ ဦးစီးအရာရှိ၊ ဦးမိုးညွှန့်ဦးက တရားမဝင်ကုန်စည်များနှင့် ဘေးအန္တရာယ်ရှိ ကုန်စည်များမှ စားသုံးသူများအား စားသုံးသူကာကွယ်ရေးဆိုင်ရာဆောင် ရွက်မှု လုပ်ငန်းစဉ်များ၊ ယှဉ်ပြိုင်မှု ဥပဒေအကြောင်းသိကောင်းစရာများ၊ ကုန်သွယ်ရေးဆိုင်ရာ ဥပဒေများအား အကျယ်တဝင့် ရှင်းလင်းပို့ချခဲ့ပါကြောင်း ၊ ဆက်လက်၍ ကုန်လမ်းပို့ဆောင်ရေးဦးစီးဌာန၊ ဦးစီးအရာရှိ၊ ဦးကျော်စွာဝင်းက မိမိဌာန၏ လုပ်ငန်းစဉ်များ ရှင်းလင်းတင်ပြခြင်း၊ ဗဟိုစက်ပစ္စည်း၊ စာရင်း အင်းနှင့် စစ်ဆေးရေးဦးစီးဌာန၏ လုပ်ငန်းတာဝန်များ ၊ ကျောက်မျက်ရတနာ  ကဏ္ဍနှင့် သက်ဆိုင်သော အချက်အလက်များကို သင်ကြားပို့ချခဲ့ ကြောင်း၊ သင်တန်းသားများ အနေဖြင့် အဆိုပါ သင်တန်းမှ တရားမဝင်ကုန်သွယ်မှုပပျောက်စေရေးနှင့် စပ်လျဉ်း၍ အသိပညာများ ရရှိပါကြောင်း၊  တရားမဝင် ကုန်သွယ်မှုတိုက်ဖျက်ရေး ဆင့်ပွား သင်တန်း (၁/၂၀၂၂)သင်တန်းဆင်းပွဲ အခမ်းအနားကို ၂၀၂၂ခုနှစ်၊ ဇွန်လ(၁၀) ရက်နေ့ ၊ညနေ(၁၅ : ၃၀ ) အချိန်တွင် အောင်မြင်စွာ သင်တန်းဆင်းပွဲ ပြုလုပ်ဆောင်ရွက်နိုင်ခဲ့ပါကြောင်း သိရပါသည်။

DOCA(ကယား)