HighLight News

          မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တာဝန်ခံသည် အခြေခံပညာဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနများနှင့်ပူးပေါင်း၍ (၁၈.၂.၂၀၂၅)ရက်နေ့၊ နံနက်(၀၉:၃၀)နာရီအချိန်တွင် ချောက်မြို့၊ အမှတ် (၃) အခြေခံပညာအလယ်တန်းကျောင်း၌ လူငယ်ရေးရာအသိပညာပေးဆွေးနွေးဟောပြောပွဲ ဆောင်ရွက်ခဲ့ကြောင်း သိရသည်။

          ချောက်မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံက “ကုန်အညွှန်းအမှတ်အသား ပြည့်စုံစွာပါရှိသောပစ္စည်းများ ရွေးချယ်ဝယ်ယူတတန်စေရန်နှင့် Online လိမ်လည်မှုဆိုးကျိုး များအကြောင်း” ခေါင်းစဉ်ဖြင့် လည်းကောင်း၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိက “လူငယ်နှင့်ဗလငါးတန်” ခေါင်းစဉ်ဖြင့်လည်းကောင်း၊ မြို့နယ်ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန လက်ထောက်ညွှန်ကြားရေးမှူးက “သဘာဝဘေးအန္တရာယ်ဆိုင်ရာ သိကောင်း စရာများ” ကိုလည်းကောင်း အသီးသီးဟောပြောခဲ့ကြပြီး  အဆိုပါ အသိပညာပေး ဟောပြောပွဲတွင် ကျောင်းအုပ်ဆရာမကြီးနှင့် ဆရာ၊ ဆရာမ၊ ကျောင်းသား၊ ကျောင်းသူ၊ စုစုပေါင်း (၂၀၀)ဦး တက်ရောက်ခဲ့ကြောင်း သိရသည်။

           ဆက်လက်၍ စားသုံးသူရေးရာဦးစီးဌာန၊ မြို့နယ်တာဝန်ခံက ကျောင်းအတွင်း ရောင်းချနေသော မုန့်စျေးတန်းရှိမုန့်ဆိုင်များအား စားသုံးသူအန္တရာယ်ကင်းရှင်းစေရေး စစ်ဆေးခြင်း၊ ကုန် အညွှန်းအမှတ်အသားများ ပြည့်စုံစွာဖော်ပြမှုရှိ/ မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(မကွေး)

           မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံသည် (၁၉.၂.၂၀၂၅) ရက်နေ့၊ နေ့လယ်(၁၄:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲ တပ်ဖွဲ့နှင့် မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်ပူးပေါင်း၍ စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် တောင်းတွင်ကြီးမြို့၊ ရွှေအိုး(၂)ရပ်ကွက်၌ ဘူးသွပ်ဆီများ ရောင်းချလျက်ရှိသည့်ဆီဆိုင်များအား စားသုံးသူကာကွယ်ရေးဥပဒေနှင့် ကိုက်ညီမှုရှိ/မရှိ  သက်ဆိုင်ရာ(FDA)ထောက်ခံချက်ပါဝင်ခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

          ထိုသို့စစ်ဆေးရာတွင် ဘူးသွပ်ဆီများ၏ ကုန်အညွှန်းအမှတ်အသားဖော်ပြမှုနှင့် စပ်လျဉ်း၍  စားသုံးသူကာကွယ်ရေးဥပဒေဖြင့် ကိုက်ညီမှုရှိကြောင်းနှင့် သက်ဆိုင်ရာ(FDA) ထောက်ခံချက်များလည်း ပြည့်စုံစွာပါဝင်ကြောင်း စစ်ဆေးတွေ့ရှိရပြီး လုပ်ငန်းရှင်များအား စားသုံးသူကာကွယ်ရေး ဥပဒေ (၂၀၁၉) အခန်း(၁၈)၊ ပုဒ်မ(၄၁)တွင်ပါရှိသည့် ကုန်အညွှန်းအမှတ်အသားဖော်ပြခြင်းဆိုင်ရာ အကြောင်းအရာ (၈)ချက်အားလည်းကောင်း၊ အခန်း(၁၀)၊ ပုဒ်မ(၂၁)ပါ စီးပွားရေးလုပ်ငန်းရှင်၏ တာဝန်များဖြစ်သည့်  အချက်(၁၁)ချက်အားလည်းကောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

           စားသုံးသူရေးရာဦးစီးဌာနသည် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေး လုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” မျှော်မှန်းချက်နှင့်အညီ စားသုံးသူကာကွယ် ရေး အသိပညာပေးဆွေးနွေးခြင်းနှင့် ပြည်တွင်းကုန်သွယ်မှုကဏ္ဍဖွံ့ဖြိုးတိုးတက်ရေးလုပ်ငန်းများ အား ဆောင်ရွက်လျှက်ရှိရာ ပြည်တွင်း အသေးစား၊ အငယ်စားနှင့်အလတ်စား စီးပွားရေးလုပ်ငန်း များ ဖွံ့ဖြိုးတိုးတက်စေရေးအတွက် ဒေသတွင်းရှိ MSMEs လုပ်ငန်းရှင်များထံ ကွင်းဆင်း သွားရောက် တွေ့ဆုံပြီး လုပ်ငန်းရှင်၏ ကြုံတွေ့နေရသည့် အခြေအနေ၊ အခက်အခဲ၊ လိုအပ်ချက်နှင့် ထုတ်လုပ် ဖြန့်ဖြူးရောင်းချမှုများအား တွေ့ဆုံမေးမြန်းကူညီဆောင်ရွက်ပေးလျက်ရှိပါသည်။

          မကွေးတိုင်းဒေသကြီး၊ မကွေးခရိုင်ဦးစီးမှူးရုံးမှ မကွေးမြို့နယ်တာဝန်ခံနှင့် ဝန်ထမ်းသည် (၁၉.၂.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့၊ ရန်ကင်းရပ်ကွက်ရှိ “ရွှေမြင့်မော်” မုန့်မျိုးစုံလုပ်ငန်းသို့ သွားရောက်တွေ့ဆုံပြီး နေ့စဉ်ကုန်ကြမ်းသုံးစွဲမှု၊ ထုတ်လုပ်မှု၊ စျေးနှုန်းစျေးကွက်အခြေအနေများအား တွေ့ဆုံမေးမြန်းခဲ့ကြောင်း သိရသည်။

          “ရွှေမြင့်မော်” မုန့်လုပ်ငန်းမှ ကိတ်ခြောက်၊ ပေါင်မုန့်ခြောက်၊ ပေါင်မုန့်ရှည်၊ နို့စိမ်းကိတ်နှင့် ပဲဒါးလှီးမုန့်များ ထုတ်လုပ်လျက်ရှိရာ (၁)ရက်လျှင် ကုန်ကြမ်းဂျုံ (၃၅၀)ပိဿာနှင့် စားအုန်းဆီ (၁၅၀) ပိဿာခန့် သုံးစွဲရကြောင်း၊ ထွက်ရှိလာသော ကုန်ချောကိတ်ခြောက် (၁၆)ချပ်ပါ (၁)ထုပ် လျှင် ကျပ်(၃၀၀၀)၊ ပေါင်မုန့်ခြောက် (၁)ထုပ်လျှင် ကျပ်(၃၈၀၀)၊ ပေါင်မုန့်ရှည်(၁)ထုပ်လျှင် ကျပ် (၂၀၀၀)၊ ပဲဒါးလှီး(၄)ခုပါ (၁)ထုပ်လျှင် ကျပ်(၁၈၀၀)နှင့် နို့စိမ်းကိတ်(၁)ထုပ်လျှင် ကျပ်(၂၈၀၀) နှုန်းတို့ဖြင့် မကွေးမြို့နယ်အတွင်းသာမက မင်းဘူးမြို့၊ မင်းလှမြို့၊ နတ်မောက်မြို့၊ တောင်တွင်း ကြီးမြို့၊ ကျောက်ပန်းတောင်းမြို့နှင့် ချောက်မြို့များအထိ ဖြန့်ဖြူးရောင်းချလျှက်ရှိကြောင်း၊ ဝန်ထမ်း အင်အားအနေဖြင့် အမျိုးသား(၁၀)ဦးနှင့် အမျိုးသမီး(၈)ဦးရှိပြီး အမျိုးသားဝန်ထမ်း (၁)ဦးလျှင် ကျပ်(၂၀၀၀၀၀-၂၅၀၀၀၀)၊ အမျိုးသမီးဝန်ထမ်း(၁)ဦးလျှင် ကျပ်(၁၈၀၀၀၀-၂၀၀၀၀၀)  လစာပေး ချေရပြီး လုပ်ငန်းအတွက် အဓိကလိုအပ်သော စားအုန်းဆီများအား စားသုံးသူရေးရာ ဦးစီးဌာန၏ ကူညီချိတ်ဆက် ဆောင်ရွက်ပေးမှုကြောင့် လစဉ်ခွဲတမ်းဝယ်ယူရရှိနေ၍ လုပ်ငန်းအဆက်မပြတ် လုပ်ကိုင်နေရကာ လုပ်ငန်းရှင်သာမက လုပ်ငန်းတွင် မှီခိုလုပ်ကိုင်နေသော ဝန်ထမ်းများပါ စားဝတ်နေရေးအဆင်ပြေလျက်ရှိကြောင်း လေ့လာသိရှိရပါသည်။

DOCA(မကွေး)

          မကွေးတိုင်းဒေသကြီး၊ မကွေးခရိုင်၊ ရေနံချောင်းမြို့နယ်တာဝန်ခံသည် (၁၈.၂.၂၀၂၅)ရက်နေ့၊ နံနက်(၀၉:၄၅)အချိန်တွင် မြို့နယ်စည်ပင်သာယာရေးအဖွဲ့၊ မြို့နယ်အထွေထွေအုပ်ချုပ်ရေးဦးစီး ဌာနတို့နှင့်ပူးပေါင်း၍ ရေနံချောင်းမြို့မစျေးအတွင်း ရောင်းချလျက်ရှိသော စားသုံးဆီအရောင်းဆိုင် များတွင် သတ်မှတ်ရည်ညွှန်းစျေးထက်ကျော်လွန်၍ စျေးနှုန်းကြီးမြင့်ရောင်းချခြင်းရှိ/မရှိနှင့် ဘူးသွပ် ဆီများတွင် ကုန်အညွှန်းအမှတ်အသားနှင့် FDAထောက်ခံချက်ပါရှိခြင်းရှိ/မရှိတို့အား စျေးကွက် စောင့်ကြည့်စစ်ဆေးခဲ့ကြောင်း သိရသည်။

          ထိုသို့ကွင်းဆင်းစစ်ဆေးရာတွင် သတ်မှတ်ရည်ညွှန်းဈေးထက် ကျော်လွန်၍ ဈေးနှုန်းကြီးမြင့် ရောင်းချခြင်းမရှိကြောင်း၊ ဘူးသွပ်ဆီများများတွင် ကုန်အညွှန်းအမှတ်အသားနှင့် FDA ထောက်ခံ ချက်ပါရှိကြောင်းစစ်ဆေးတွေ့ရှိရပြီး လုပ်ငန်းရှင်များအား စားသုံးသူကာကွယ်ရေးဥပဒေ (၂၀၁၉) အခန်း(၁၈)၊ ပုဒ်မ(၄၁)တွင်ပါရှိသည့် ကုန်အညွှန်းအမှတ်အသားဖော်ပြခြင်းဆိုင်ရာအကြောင်းအရာ (၈)ချက်အားလည်းကောင်း၊ အခန်း(၁၀)၊ ပုဒ်မ(၂၁)ပါ စီးပွားရေးလုပ်ငန်းရှင်၏ တာဝန်များဖြစ်သည့်  အချက်(၁၁)ချက်အားလည်းကောင်း အသေးစိတ်ရှင်းလင်းပြောကြားခဲ့ကြောင်း သိရှိရပါသည်။

DOCA(မကွေး)

          စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ခုနှစ်၊ ဖေဖော်ဝါရီလ( ၂၁ ) ရက်နေ့၊ နေ့လယ်( ၁၂:၀၀ )နာရီအချိန်တွင် စားသုံးသူရေးရာဦးစီးဌာနမှ ဝန်ထမ်း( ၂ )ဦးသည် လွိုင်ကော်မြို့၊  ရွှေကယားသောက်ရေသန့်စက်ရုံရှိ ဝန်ထမ်း စုစုပေါင်း( ၁၅ )ဦးကို  စားသုံးသူအကာ အကွယ်ပေးရေး အသိပညာပေးဟောပြောဆွေးနွေးခဲ့ပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာန၊ ဒု-ဦးစီးမှူး ဦးကျော်ဇင်ထွေးမှ စားသုံး သူကာကွယ်ရေးဥပဒေအကြောင်း ရှင်းလင်းဆွေးနွေးရာတွင် စားသုံးသူ၏အခွင့်အရေးနှင့် လိုက်နာ ရမည့်တာဝန်များ၊ လုပ်ငန်းရှင်၏တာဝန်များ၊ ကုန်စည်နှင့်စပ်လျဉ်း၍အာမခံပေးထားမှုအပေါ် စား သုံးသူက တောင်းဆိုနိုင်သည့်အခွင့်အရေးများ၊ ဝန်ဆောင်မှုလုပ်ငန်းများ၏ အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့်အခွင့်အရေးများ၊ ကုန်ပစ္စည်း(သို့)ဝန်ဆောင်မှုများဝယ်ယူရာတွင် နစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Websiteမှဖြစ်စေ၊ Doca Myanmar application များမှဖြစ်စေ ဆက်သွယ်တိုင်ကြားနိုင်ပါကြောင်း၊ MPT၊ Ooredoo၊ Telenor၊ Mytel ဆင်းကဒ်များဖြင့်လည်း ၁၅၃၅ နံပါတ်များသို့ခေါ်ဆို၍ ကုန်စည်(သို့)ဝန်ဆောင်မှုနှင့်စပ်လျဉ်း၍ သိရှိလိုသည်များ မေးမြန်း နိုင်ပါကြောင်းနှင့် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် ထည့်သွင်းဖော်ပြရမည့်အချက်အလက်များအား အကျယ်တဝင့်ရှင်းလင်းဆွေးနွေးခဲ့ပြီး အသိပညာပေး လက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(ကယား)