HighLight News

           စားသုံးသူရေးရာဦးစီးဌာနအနေဖြင့် အဓိကလုပ်ငန်းတာဝန်ကြီးဖြစ်သည့် ကုန်စည်/ဝန်ဆောင်မှုများ နှင့် ပတ်သက်၍ စားသုံးသူအခွင့်အရေးချိုးဖောက်ခံရမှုများအပေါ် တိုင်ကြားလာမှုများအား လက်ခံဖြေရှင်း ဆောင်ရွက်ခြင်းများကို ဆောင်ရွက်လျက်ရှိပါသည်။ တိုင်ကြားမှုများအား လက်ခံဖြေရှင်းနေယုံဖြင့် စားသုံးသူ ၏ အခွင့်အရေးများအား အပြည့်အဝကာကွယ်မှုများ ရရှိရန် မလုံလောက်သဖြင့် ကုန်စည်များအား ဈေးကွက် မရောက်မီနှင့် ဈေးကွက်ရောက်ပြီး အခြေအနေများတွင် ဘေးအန္တရာယ်ဖြစ်နိုင်မှု အခြေအနေများကိုလည်း မြေပြင်ကွင်းဆင်း စစ်ဆေးမှုများ ဆောင်ရွက်လျက် စားသုံးသူကာကွယ်ရေး လုပ်ငန်းများကို ထိထိ ရောက် ရောက် ဆောင်ရွက်လျက်ရှိပါသည်။  ထိုကဲ့သို့ တိုင်ကြားမှုများအား လက်ခံဖြေရှင်းခြင်း နှင့် ဈေးကွက် စောင့် ကြည့်စစ်ဆေးသည့် လုပ်ငန်းများအား အများပြည်သူသိရှိစေရန် ကျယ်ကျယ်ပြန့်ပြန့် အသိပညာပေး လုပ်ငန်း များ ဆောင်ရွက်ရန်လည်း လိုအပ်လာပါသည်။  အသိပညာပေးလုပ်ငန်းများ ဆောင်ရွက်ရန်အတွက် နေရာ များအလိုက် လျာထားချက်များချမှတ်၍ ဆောင်ရွက်နေသောလည်း ကျေးရွာဒေသများရှိ စားသုံးသူများ ထံ သွားရောက်၍ အသိပညာပေး လွမ်းခြုံနိုင်မှုဟာလည်း လွန်စွာမှ အရေးကြီးလှပါတယ်။

           ထို့ကြောင့် (၁၀.၃.၂၀၂၅) ရက်နေ့ ၊ နံနက်(၁၃:၃၀) နာရီအချိန်ခန့်တွင် ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်ရှိ ပလွန်စာကျေးရွာတွင် နေထိုင်ကြသည့် ရွာသူရွာသားများ (၃၀)ဦး အား ပလွန်စာအုပ်ချုပ်ရေးမှူးနေအိမ်သို့ ဖိတ်ခေါ်၍ စားသုံးသူကာကွယ်ရေးအသိပညာပေးများ ဆောင်ရွက် ခြင်း၊ ကုန်စည်/ဝန်ဆောင်မှုများ နှင့်ပတ်သက်၍ ထိခိုက်နစ်နာမှုများ ကြုံတွေ့နေရပါက စားသုံးသူရေးရာ ဦးစီးဌာနသို့ တိုင်ကြားနိုင်သည့်နည်းလမ်းများ နှင့် တိုင်ကြားနိုင်သည့် ဖုန်းနံပါတ်များအား ပြောကြား၍ အသိ ပညာပေးဟောပြောမှုများ ဆောင်ရွက်ခဲ့ကြောင်း သတင်းရရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး ပုဂ္ဂလိက စက်မှုလုပ်ငန်းကြီးကြပ်ရေးအဖွဲ့ ၏ (၃/၂၀၂၅) လုပ်ငန်းညှိနှိုင်းအစည်းအဝေးကို မတ်လ ၁၁ ရက်နေ့ နေ့လယ် (၁၄:၀၀) နာရီအချိန် စက်မှုကြီးကြပ်ရေးနှင့်စစ်ဆေးရေးဦးစီးဌာန တိုင်းဦစီးမှူးရုံးတွင် ကျင်းပပြုလုပ်ရာ ပုဂ္ဂလိက စက်မှုလုပ်ငန်းကြီးကြပ်ရေးအဖွဲ့ ဥက္ကဋ္ဌဦးရဲမြင့်၊ စားသုံးသူရေးရာ ဦးစီးဌာန၊ ကျန်းမာရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာန၊ မီးသတ်ဦးစီးဌာန၊ စည်ပင်သာယာရေးအဖွဲ့၊ အစား အသောက်နှင့်ဆေးဝါးကွပ်ကဲရေးဦးစီးဌာန၊ သစ်တောဦးစီးဌာန အဖွဲ့ဝင်ဌာနများ တက်ရောက် ခဲ့ပါသည်၊၊

          အစည်းအဝေးတွင် တိုင်းအတွင်း ပုဂ္ဂလိကစက်မှုမှတ်ပုံတင်ရန် လျှောက်ထားလာသော မြို့နယ် ၁၈ခုမှ အစားအစာထုတ်လုပ်ခြင်း၊ အထည်ချုပ်လုပ်ငန်း၊ ရေနံမီးသွေးနှင့် သန့်စင်ပြီး ရေနံစိမ်းထုတ်ကုန်များ ထုတ်လုပ်ခြင်းလုပ်ငန်း၊ အကြီးစားလုပ်ငန်း (၃)ခု အစားအစာထုတ်လုပ်ခြင်း၊ အထည်ချုပ်လုပ်ငန်း၊ စက်နှင့်စက်ကိရိယာများ ပြင်ဆင်ခြင်းနှင့် တပ်ဆင်ခြင်း အငယ်စားလုပ်ငန်း (၁၅)ခု အား ပုဂ္ဂလိကစက်မှုမှတ်ပုံတင်ရန်အတွက် ဆွေးနွေးတင်ပြခဲ့ပါသည်၊၊

          တက်ရောက်လာသော အဖွဲ့ဝင်ဌာနများမှ ပုဂ္ဂလိကစက်မှုမှတ်ပုံတင်ရန် လျှောက်ထားသည့် လုပ်ငန်းရှင်များမှ တင်ပြလာသော လုပ်ငန်းများအပေါ် သက်ဆိုင်ရာဌာနများဖြစ်သော စည်ပင်၊ မီးသတ်၊ ကျန်းမာရေး၊ လျှပ်စစ်၊ ခရိုင်စီမံအုပ်ချုပ်ရေးအဖွဲ့၊ ပတ်ဝန်းကျင်၊ သစ်တောဦးစီးဌာန အထောက်အထားများပြည့်စုံစွာ တင်ပြလာမှုအပေါ် အဖွဲ့ဝင်ဌာနများမှ စိစစ်၍ပေးခဲ့ပြီး စက်မှုကြီးကြပ်ရေးနှင့်စစ်ဆေးရေးဦးစီးဌာန ပုဂ္ဂလိကစက်မှုကြီးကြပ်ရေးအဖွဲ့မှ အထက်သို့ ဆက်လက်တင်ပြသွားမှာဖြစ်ကြောင်း သိရှိရပါသည်၊၊

DOCA(ဧရာဝတီ)

            မြန်မာ့သနပ်ခါးသည်   “သနခါ”ဟူသော   စကားမှ ဆင်းသက်လာပြီး “သန”ဆိုသည်မှာ မြန်မာ့အဘိဓာန် တွင် “မသန့်မရှင်းဖြစ်သည်။  ယုတ်ညံ့သွားသည် ”ဟုဆို ပါသည်။ “ခါ”  ကမူ “စွန့်ထုတ်ခြင်း”ဟု အဓိပ္ပာယ်ရပါသည်။ ထို့ကြောင့် “သနခါ” ဟူသည် မကောင်းသော အညစ်အကြေးများကို    စွန့်ထုတ်ပေးသောအရာပင် ဖြစ်ပါသည်။ သနခါမှ ကာလရွေ့လျားလာ၍ သနပ်ခါးဟု ပြောင်းလဲလာခြင်းဟု သိရသည်။  သနပ်ခါးသည် မြန်မာ့နံ့သာ ၁၀ မျိုးတွင် အခေါက်နံ့သာ တစ်မျိုးဖြစ်သည်။ မာလာအောင်(ယဉ်ကျေးမှု)၏ ဆောင်းပါးတွင် သနပ်ခါး၏ အမည်နာမနှင့် အမျိုးအစားများကိုခွဲခြားဖော်ပြထားသည်ကိုလည်း တွေ့ရပါသည်။

            မအူပင်ခရိုင် နယ်စပ်ရေးရာဝန်ကြီးဌာန။ ပညာရေးနှင့် လေ့ကျင့်ရေးဦးစီးဌာန နယ်စပ်ဒေသတိုင်းရင်းသား လူငယ်များဖွံ့ဖြိုးရေးသင်တန်းကျောင်းတွင် (၅.၃.၂၀၂၅) ရက်နေ့ နေ့လယ် (၁၄း၀၀) နာရီအချိန်တွင် မြို့နယ်စီမံအုပ်ချုပ်ရေး ကောင်စီအဖွဲ့ဝင်(၂) ခရိုင်စားသုံးသူရေးရာဦးစီးဌာနမှ ဝန်ထမ်းများ၊ မြို့နယ်စည်ပင်သာယာရေးအဖွဲ့မှ ဝန်ထမ်းများ မိခင်နှင့် ကလေးစောင့်ရှောက်ရေးအသင်း တို့တက်ရောက်ခဲ့ကြပြီး သနပ်ခါးသွေးလူးခဲ့ကြပြီး ကျောင်းသား၊ လူငယ် ၅၀ဦး ဌာနဆိုင်ရာ ၁၅ဦး တက်ရောက်ခဲ့ကြပြီး အချင်းချင်းအပြန်အလှန် သနပ်ခါးလူးပေးခဲ့ပြီး သနပ်ခါးသည် မြန်မာ့ဒြပ်မဲ့ ယဉ်ကျေးမှု စာရင်းဝင်တစ်ခုဖြစ်ပြီး မြန်မာ့သနပ်ခါး ယဉ်ကျေးမှုဓလေ့ကို ယူနက်စကိုတွင် အမည်စာရင်း တင်သွင်းနိုင်ရေးအတွက် ပြည်သူများ၏ ပူးပေါင်းပါဝင်မှုရှိရန် လိုအပ်လျက်ရှိသဖြင့် မြန်မာ့သနပ်ခါး ယဉ်ကျေးမှုဆိုင်ရာ အစီအစဉ်များတွင် နိုင်ငံသားအားလုံး ပါဝင်ဆောင်ရွက်နိုင်ရန် လိုအပ်ကြောင်းသိရှိရပါသည်။

DOCA(ဧရာဝတီ)

         စားသုံးသူရေးရာဦးစီးဌာနသည် ကုန်စည်နှင့်ဝန်ဆောင်မှုများ ဝယ်ယူအသုံးပြုရာတွင် ဘေးအန္တရာယ်ကင်းရှင်းစေရန်၊  လုံခြုံစိတ်ချရမှုရှိစေရန်၊ ထုတ်ကုန်လုံခြုံစတ်ချရမှုမရှိသောကုန်စည်များ ဈေးကွက်အတွင်းသို့ မရောက်ရှိစေရန်နှင့် ဈေးကွက်အတွင်းမှ ပပျောက်သွားစေရန် ရည်ရွယ်ချက်၍  ၅.၃.၂၀၂၅ ရက်နေ့တွင် ဓနုဖြူမြို့နယ် မြို့နယ်တာဝန်ခံ ဦးဝင်းမင်းစိုးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ဓနုဖြူမြို့ နယ် (၅)ရပ်ကွက်အတွင်းရှိ အလှကုန်ပစ္စည်းအမျိုးမျိုး ရောင်းချနေသော စတိုးဆိုင်(၅)ဆိုင်သို့သွားရောက်၍  အလှကုန်ပစ္စည်းများအား ဈေးကွက်စောင့်ကြည့် စစ်ဆေးခဲ့ကြောင်း သိရသည်။

          ထိုသို့ ဈေးကွက်စောင့်ကြည့်စစ်ဆေးရာ သနပ်ခါး၊ အသားလိမ်းဆီ၊ မျက်နှာလိမ်းခရင်(မ်) နှင့် မျက်နှာသစ်ဆပ်ပြာ ကဲ့သို့သော အလှကုန်များကို စစ်ဆေးခဲ့ရာ ထိုအလှကုန် ပစ္စည်းများတွင် ကုန်အညွှန်းအမှတ်အသားပြည့်စုံစွာ ဖော်ပြထားခြင်းရှိ/မရှိ၊ သက်ဆိုင်ရာဌာနများ၏ ထောက်ခံချက် ပါ/မပါတို့ကို စစ်ဆေးပြီး စစ်ဆေးခဲ့သော ကုန်စည်များသည် တရားဝင်အသိအမှတ်ပြု ဆာတီဖီကိတ်ခွင့်ပြုချက်များပါဝင်ကြောင်း  တွေ့ရပါသည်။ ဆိုင်ရှင်များက ၎င်းတို့ရောင်းချသော ကုန်စည်များသည် ယခုအခါ တွင်ဝယ်ယူသူဝယ်ယူအသုံးပြုသူတို့အတွက် ရွေးချယ်ဝယ်ယူကြရာတွင် ကုန်အညွှန်းအမှတ်အသားနှင့် သက်ဆိုင်ရာဌာနများ၏ ထောက်ခံချက်/ အသိအမှတ်ပြု ပါသော ကုန်စည်များကိုသာကြည်ရှု့ပြီး ဝယ်ယူခြင်းများရှိသောကြောင့် တရားဝင်ထုတ်ကုန်လူသုံးများသောကုန်စည် ရွှေပြည်နန်း၊ Nivea၊ bella,  ကဲ့သို့သော အမှတ်တံဆိပ်ပါ ကုန်စည်များမှာ ပို၍ရောင်းရကြောင်း သိရှိရပါသည်။ 

DOCA(ဧရာဝတီ)

            မြန်မာနိုင်ငံတွင် နှစ်စဉ်တပိုတွဲလပြည့်နေ့ကို “မြန်မာ့သနပ်ခါးနေ့” အဖြစ်သတ်မှတ်ထားပြီး အထိမ်းအမှတ် လှုပ်ရှားမှုများဖြင့် ဆောင်ရွက်လျက်ရှိပါသည်။ သို့သော် မြန်မာ့ရိုးရာသနပ်ခါးလိမ်းခြယ်မှုဓလေ့ကို ယူနက်စကို၏ ဒြပ်မဲ့ ယဉ်ကျေးမှုအမွေအနှစ် (Representative List of the Intangible cultural Heritage od Humanity) သို့  အမည်စာရင်း တင်သွင်းနိုင်ရန် (၂၀၂၀) ခုနှစ်မှ စတင်၍ ကြိုးပမ်းမှုများ ဆောင်ရွက်ခဲ့ရာ အချက်အလက်အချို့ လိုအပ်နေကြောင်း ယူနက်စကိုမှ ပြန်လည် အကြောင်းကြားလာခဲ့ပါသည်။ ထို့ကြောင့် လိုအပ်သော အချက်အလက်များ ပြန်လည်ဖြည့်သွင်းကာလာမည့် (၃၁.၃.၂၀၂၅) ရက်နေ့တွင် ပြန်လည်တင်ပြသွားရမည် ဖြစ်သောကြောင့် မြန်မာ့သနပ်ခါးယဉ်ကျေးမှု့ဓလေ့ကို UNESCO သို့ အောင်အောင်မြင်မြင် တင်သွင်းနိုင်ရေးအား ကမ္ဘာ့ကသိသော အထောက်အပံ့ဖြစ်စေရန် ရည်ရွယ်၍ (၅.၃.၂၀၂၅) ရက်နေ့တွင် စားသုံးသူရေးရာဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ ဝန်ထမ်းများအပါအဝင် ပုသိမ်ခရိုင်၊ ဟင်္သာတခရိုင်၊ ဖျာပုံခရိုင်၊ မြောင်းမြခရိုင်၊ မအူပင်ခရိုင်နှင့် လပွတ္တာခရိုင်တို့ရှိ စားသုံးသူရေးရာဦးစီးဌာနမှ ဝန်ထမ်းများကလည်း မြန်မာ့သနပ်ခါးအား ဂုဏ်ယူစွာလိမ်းချယ်၍ ဝိုင်းဝန်းထောက်ပံ့မှုများ ဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)