HighLight News

      စားသုံးသူရေးရာဦးစီးဌာန၊ ပန်းတနော်မြို့နယ် မြို့နယ်တာဝန်ခံနှင့် ဝန်ထမ်းများသည် ခရေကန်ကျေးရွာအုပ်စုရှိ ကျေးရွာနေပြည်သူများကို  (၁၁.၁၂.၂၀၂၅ ) ရက်နေ့၊ နေ့လယ် (၁၃:၃၀) နာရီအချိန်တွင် ကျေးရွာအုပ်ချုပ်ရေးမှူးအပါအဝင် ပြည်သူများ လက်ဝယ်သို့ စားအုန်းဆီဝယ်ယူခွင့် စာအုပ်များပေးအပ်ခဲ့ပြီး ဆီထုတ်ယူခွင့်စာအုပ်များနှင့် ပက်သက်၍ ရှင်းလင်းဆွေးနွေးပေးခဲ့ကြောင်း သိရသည်။

        ပန်းတနော်မြို့နယ် ခရေကန်‌ကျေးရွာတွင် အိမ်ထောင်စု ၉၅၀ခန့်ရှိပြီး ကျေးရွာနေပြည်သူများကို စားအုန်းဆီထုတ်ယူခွင့်စာအုပ်ဖြင့် လစဉ် အိမ်ထောင် တစ်စုလျှင် ဆီ ၁ပိဿာခန့် လစဉ် သတ်မှတ်ရက်အတွင်း သတ်မှတ်ရည်ညွှန်းဈေးဖြင့် ဆီရောင်းချသူ ကိုယ်စားလှယ်ထံမှဝယ်ယူရန်၊ ဆီစာအုပ်များကို မပျောက်မပျက်စေရန် သေခြာသိမ်းဆည်းထားရန်ကိုလည်းကောင်း၊ မိမိဆီထုတ်ယူရာတွင် ရောင်းချသူမှ ဗီနိုင်းချိန်ဆွဲဖော်ပြသည့်ဈေးထက် ပိုမိုရောင်းချကြောင်းသိရှိပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်း၊ သတ်မှတ်ရက်အတွင်းတွင် ဆီများကိုဝယ်ယူရန်နှင့် စားသုံးသူရေးရာဦးစီးဌာနမှ ပြည်သူများထံ စားအုန်းဆီ အမှန်တကယ်ရောက်ရှိစေရေးကို စားအုန်းဆီ ဖြန့်ဖြူးမှုမှတ်တမ်း (၆)မျိုး မှန်(၆)မှန်ဖြင့် ကြပ်မတ်ဆောင်ရွက်လျက်ရှိကြောင်း၊  လက်ကား/လက်လီ စာရင်းမှန်၊ နေရာမှန်၊ အချိန်မှန်၊ ဈေးနှုန်းမှန်၊ အရေအတွက်မှန်၊ အချိန်အတွယ်နှင့် အရည်အသွေးမှန်ရန် ကြပ်မတ်ဆောင်ရွက်လျက်ရှိကြောင်းတို့အား ပြည်သူများသိရှိနိုင်ရန် အသိပညာပေးခဲ့ပါသည်။

         ထို့နောက် တက်ရောက်သူပြည်သူများမှ သိရှိလိုသည်များ မေးမြန်းခဲ့ရာကာ တာဝန်ရှိသူများက ပြန်လည်ဖြေကြားခဲ့ကြောင်းနှင့် တက်ရောက်သူ ၂၅ဦးရှိကြောင်း သိရှိရပါသည်။

DOCA(ဧရာဝတီ)

 စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် မိတ်ဘက်ဌာနဆိုင်ရာများနှင့်ပူးပေါင်း၍(၁၂.၁၂.၂၀၂၅)ရက်နေ့ နံနက်(၁၀:၀၀)နာရီအချိန်တွင် ကြံခင်းမြို့နယ် အင်းလပ်ကျေးရွာ အရှေ့ရှိ အခြေခံပညာအလယ်တန်းကျောင်းတွင် ဆရာ၊ ဆရာမ နှင့် ကျောင်းသား၊ ကျောင်းသူ ၁၀၆ ဦးအား စားသုံးသူကာကွယ်ရေးဆိုင်ရာအသိပညာပေးဟောပြောခြင်းကို ဆောင်ရွက်ခဲ့ပါသည်။

          ဟောပြောပွဲတွင် မြို့နယ်တာဝန်ခံ ဦးကျော်နိုင်ဝင်းက စားသုံးသူကာကွယ်ရေးဥပဒေပါ စားသုံးသူစကားရပ်၏အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့် တာဝန်များအကြောင်း၊ အစားအသောက်နှင့် ကုန်စည်တွေပေါ်မှာဖော်ပြရမည့် ကုန်အညွှန်းအမှတ်အသားများအကြောင်း၊ စားသုံးသူတို့အနေဖြင့် အသင့်စားမုန့်များ ဝယ်ယူစားသုံးရာတွင် ထုတ်လုပ်သည့်ရက်စွဲနှင့် သက်တမ်းကုန်ဆုံးရက်များ အဓိက ဖက်ရှု့ရမည်ဖြစ်ကြောင်း၊ ဝယ်ယူအသုံးပြုခဲ့သောကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်းကို အကျယ်တဝင့် ရှင်းလင်းဆွေးနွေးဟောပြောခဲ့ပါသည်။

          ဟောပြောပွဲအပြီးတွင် မြို့နယ်တာဝန်ခံနှင့်အဖွဲ့သည် ကျောင်းမုန့်ဈေးတန်းကော်မတီဝင်များနှင့် အတူ ကျောင်းမုန့်ဈေးတန်းများရှိ ရောင်းချနေသောမုန့်များတွင် ကုန်အညွှန်းအမှတ်အသား ပြည်စုံမှုရှိ/ မရှိကွင်းဆင်းစိစစ်ခဲ့ပြီး၊ ကုန်အညွှန်းအမှတ်အသားပြည့်စုံသော မုန့်များကိုသာရောင်းချရန် မုန့်ဈေးတန်းရောင်းချသူများအား မှာကြားခဲ့ကြောင်း သိရှိရပါသည်။

DOCA (ဧရာဝတီ)

         စီးပွားရေးလုပ်ငန်းဆောင်ရွက်ရန်အလို့ငှာ ဆန်တန်ချိန် ၂၅ နှင့်အထက် သိုလှောင်ရုံ သို့မဟုတ်. စပါးတင်း ၂၅၀၀ နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူသည် www.myro.com.mm တွင်. သတ်မှတ်ထားသည်နှင့် အညီ  မှတ်ပုံတင်ဆောင်ရွက်လုပ်ကိုင်ရန် အမိန်ညွှန်ကြားချက်များ ၈၂/၂၀၂၄ ဆန်စပါးသိုလှောင်ရုံမှတ်ပုံတင်ခြင်းဆိုင်ရာအမိန်ထွက်ရှိပြီးWebsite တွင် မှတ်ပုံတင်ဆောင်ရွက်လျောက်ထားရမည်ဖြစ်ကြောင်း ကြော်ငြာထားရှိပြီးဖြစ်သည်။

         စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်မှ သိုလှောင်ရုံ (၃၉)လုံး မှတ်ပုံတင်ပြီးဖြစ်သော်လည်း မအူပင်မြို့နယ်အနေဖြင့် မှတ်ပုံတင်ရန်ကျန်ရှိသူများ မအူပင်ခရိုင်ဦးစီးမှူးရုံးသို့ လာရောက်၍ မှတ်ပုံတင်ဆောင်ရွက်လျက်ရှိရာ ၂၀၂၅ခုနှစ် နိုဝင်ဘာလနောက်ဆုံးပတ်နှင့် ဒီဇင်ဘာလ ပထမပါတ် အကြားတွင် မှတ်ပုံတင်ဆောင်ရွက်နိုင်ရန် ရွှေတော်မှော်ကျေးရွာရှိ ဦးဂျင်မီ၏ ကောင်းမြင့်မြတ် ဆန်စက်၊ တလုပ်လပ်နောက်၊ တာကောက်ကျေးရွာရှိ စိုးမိုးအောင်ဆန်စက်၊ ပန်းပင်စုကျေးရွာရှိ ဦးမောင်ဝင်း သိုလှောင်ရုံ (၃) MyRO တွင် မှတ်ပုံတင်နိုင်ရေး ကူညီဆောင်ရွက်ပေးခဲ့ကြောင်း သိရသည်။

       အဆိုပါ ဆန်စက်(၂)လုံးနှင့် သိုလှောင်ရုံ(၁)လုံး သည် ဝင်ဆံ့နိုင်သည့်ပမာဏမှာ ကောင်းမြင့်မြတ် ဆန်စက်မှ စပါး(၅၀၀၀)တင်း၊ စိုးမိုးအောင်ဆန်စက်မှ  စပါး(၁၃၅၀၀)တင်း၊ သိုလှောင်ရုံမှ စပါး (၄၅၀၀)တင်းရှိပြီး အမျိုးအစားအရယ်စားတွင် ပါဝင်ပါသည်။ သိုလှောင်ရုံအဆောက်အဦမှာ ၂၀၁၂ ခုနှစ်က စတင်တည်ထောင်ခဲ့ပြီး အလျား(၃၀)ပေ၊ အနံ(၂၀)ပေ၊ အမြင့်(၁၀)ပေရှိပြီး အမိုး(သွပ်)၊ အကာ (အုတ်)၊ အခင်း(ကွန်ကရစ်) ဖြင့် ဆောက်လုပ်ထားပါသည်။ သိုလှောင်ထားသော စပါးအမျိုးအစားမှာ ဧည့်မထအုပ်စု မျိုးစုံဖြစ်ကြောင်း  သိရှိရသည်။

          မအူပင်ခရိုင်ဦးစီးမှူးရုံးမှ  တာဝန်ရှိသူများ မှ MyRO တွင် မှတ်ပုံတင်ရန် ဆန်လုပ်ငန်းရှင်နှင့် သိုလှောင်ရုံ လုပ်ငန်းရှင်များအား MyRO Website အသုံးပြုနည်းများကို ကူညီဆောင်ရွက်ပေး လျက်ရှိပြီး စပါး၊ ဆန်လက်ကျန်များကို MyRO တွင် လစဉ်(၁)ရက်နေ့မှ (၇)ရက်နေ့အတွင်း ဖြည့်သွင်းရမည်ဖြစ် ကြောင်းကိုပါ အသိပညာပေးခဲ့ကြောင်း သိရှိရပါသည်။

DOCA (ဧရာဝတီ)

     စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးသည် ၂၀၂၅-၂၀၂၆ ဘဏ္ဍာနှစ်အတွင်း ရွေးချယ်ထားသည့် ကုန်စည်(၁၀)မျိုးအား ကုန်စည်(၁)မျိုးစီအလိုက် လစဉ် ဦးစားပေးဈေးကွက်စောင့်ကြည့်စစ်ဆေးရန် လမ်းညွှန်မှုအရ ၂၀၂၅ ခုနှစ်၊ ဒီဇင်ဘာလ(၁၈)ရက်နေ့တွင် စစ်ကိုင်းခရိုင်ဦးစီးမှူး ဦးဆောင်၍ ဝန်ထမ်း (၂)ဦးသည် ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့် အတူ စစ်ကိုင်းမြို့၊ ချင်းစုရပ်ကွက်ရှိ ကလေးကစားစရာပစ္စည်းအရောင်းဆိုင် (၃)ဆိုင်သို့ ကွင်းဆင်း၍ ကလေးကစားစရာအရုပ်နှင့် ပစ္စည်းအမျိုးမျိုးအား ဈေးကွက်စောင့်ကြည့်စစ်ဆေးခဲ့သည်။

     ထိုသို့ ဈေးကွက်စောင့်ကြည့်စစ်ဆေးခဲ့မှုတွင် စားသုံးသူရေးရာဦးစီးဌာနမှ တာဝန်ရှိသူက ဆိုင်ပိုင်ရှင်များအား မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသည့် (၂/၂၀၁၉) ညွှန်ကြားချက်ပါ အသေးစိတ်အချက်များ၊ စားသုံးသူကာကွယ်ရေးဥပဒေ အခန်း (၁၀)ပါ စီးပွားရေးလုပ်ငန်းရှင်၏ တာဝန်များ၊ ဥပဒေအခန်း (၁၁)ပါ ကုန်စည်နှင့် စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များ ရှင်းလင်းပြောကြားခဲ့ပြီး အွန်လိုင်းစနစ်ဖြင့် ရောင်းချခြင်းလုပ်ငန်းနှင့် စပ်လျဉ်း၍ အသိပညာပေးခဲ့ကြောင်း သတင်းရရှိပါသည်။

DOCA(စစ်ကိုင်း)

       ၁၃.၁၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဝန်ထမ်းများသည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနတွင် ပို့ကုန်သွင်းကုန်လုပ်ငန်းရှင်မှတ်ပုံတင်အသစ် လျှောက်ထားလာသော မွန်ပြည်နယ်၊ ကျိုက်ထိုမြို့နယ်ရှိ Ko Pai Lay & Ma Thuzar Co,Ltd ၏ ကုမ္ပဏီသို့ ကွင်းဆင်းစစ်ဆေးခဲ့ကြောင်း သိရသည်။

        ထိုသို့ကွင်းဆင်းစစ်ဆေးရာတွင် ပို့ကုန်သွင်းကုန် လုပ်ငန်းရှင်မှတ်ပုံတင်အသစ် လျှောက်ထားလာသည့် မြန်မာကုမ္ပဏီတစ်ခုဖြစ်သော Ko Pai Lay & Ma Thuzar Co,Ltd ၏ ကုမ္ပဏီတည်ထောင်ထားမှုနှင့် ပတ်သက်၍ ကုမ္ပဏီရုံးခန်း လိပ်စာတွင် အမှန်တကယ် ဖွင့်လှစ်ထားခြင်းရှိ/ မရှိ၊ အမှန်တကယ် လုပ်ငန်းဆောင်ရွက်မှုရှိ/ မရှိ၊ ကုန်သွယ်ရေးဦးစီးဌာနမှ သတ်မှတ်ထားသည့် စံသတ်မှတ်ချက်များနှင့် ကိုက်ညီမှု ရှိ/ မရှိ ကွင်းဆင်းစစ်ဆေးခဲ့ရာ ကိုက်ညီမှုရှိကြောင်း သိရှိရပါသည်။

DOCA (မွန်)