HighLight News

            ၁၁.၂.၂၀၂၅ ရက်နေ့တွင် မွန်ပြည်နယ်၊ သထုံမြို့၊ သိင်္ဂနိတ်တောင်ထိပ်ရှိ ဆံတော်ရှင် မြသပိတ်စေတီတော်မြတ်ကြီး၏ (၆၇) ကြိမ်မြောက် ဗုဒ္ဓပူဇနိယပွဲတော် အထိမ်းအမှတ်အဖြစ် မြန်မာ့ရိုးရာထမနဲထိုးပြိုင်ပွဲသို့ သထုံခရိုင်မှူးမှ တက်ရောက်ခဲ့ပါသည်။

          ရှေးဦးစွာ မြသပိတ်စေတီတော်မြတ်ကြီး ဘဏ္ဍာတော်ထိန်း ဂေါပကအဖွဲ့ဥက္ကဌ ဦးစိုးမြင့် ကပြိုင်ပွဲကျင်းပရသည့်ရည်ရွယ်ချက်နှင့် နှစ်စဉ်ပြိုင်ပွဲကျင်းပနိုင်ခဲ့မှုအခြေအနေများကို ရှင်းလင်း ပြီး အကဲဖြတ်ဒိုင်အဖွဲ့ဝင်များနှင့် တစ်ဦးချင်းမိတ်ဆက်ခဲ့သည်။

          ယင်းနောက် သထုံခရိုင်စီမံအုပ်ချုပ်ရေးဥက္ကဌ ဦးရဲနိုင်၊ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးဇော်မိုးစိုး၊ ခရိုင်နှင့်မြို့နယ်စီမံအုပ်ချုပ်ရေးအဖွဲ့ဝင်များ၊ အကဲဖြတ်ဒိုင်အဖွဲ့တို့က ပြိုင်ပွဲဝင် အဖွဲ့များ၏ ပြင်ဆင်ထားရှိမှုများကို လိုက်လံစစ်ဆေးကာ ပြိုင်ပွဲအားဖွင့်လှစ်ပေးပြီး အကြိတ်အနယ်ယှဉ်ပြိုင်နေမှုတို့ကို ကြည့်ရှုအားပေးခဲ့ကြောင်း သိရှိရပါသည်။

DOCA(မွန်)

           ၁၂.၂.၂၀၂၅ ရက်နေ့ နံနက် (၀၉:၃၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ မုဒုံမြို့နယ်တာဝန်ခံ ဒုတိယဦးစီးမှူး ဦးညီလွင်အေးသည် မုဒုံမြို့နယ်၊ အ.မ.က (စက်သစ်) ကျောင်း၌ စားသုံးသူကာကွယ်ရေး အသိပညာပေးဟောပြောပွဲ ပြုလုပ်ခဲ့ကြောင်း သိရှိရပါသည်။

          အဆိုပါ ဟောပြောပွဲတွင် ကျောင်းအုပ်ဆရာကြီးက အဖွင့်အမှာ စကားပြောကြားခဲ့ပြီး စားသုံးသူရေးရာဦးစီးဌာနမှ မုဒုံမြို့နယ်တာဝန်ခံ ဦးညီလွင်အေးက ဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာနမှဆောင်ရွက်နေသည့်လုပ်ငန်းများအကြောင်းနှင့် စားသုံးသူကာကွယ် ရေးဥပဒေ ၂၀၁၉ အခန်း(၉)ပါ စားသုံးသူများ ရရှိနိုင်မည့် အခွင့်အရေးများနှင့် လိုက်နာရမည့် တာဝန်များ၊ စားသုံးသူကာကွယ်ရေး ဥပဒေအခန်း (၁၈) ပါ ကုန်စည်များတွင် ဖော်ပြရမည့် ကုန်အညွှန်းအမှတ်အသားများကို နမူနာပစ္စည်းများပြသ၍ ကျယ်ကျယ်ပြန့်ပြန့်ရှင်းလင်းပြီး ကုန်ပစ္စည်းများဝယ်ယူအသုံးပြုရာတွင် ကုန်အညွှန်းအမှတ်အသား ပြည့်စုံစွာဖော်ပြ ထားသော ကုန်စည်များကို ဝယ်ယူအသုံးပြုသင့်ကြောင်း၊ ကုန်စည်နှင့် ဝန်ဆောင်မှုကို ဝယ်ယူသုံးစွဲရာတွင် နစ်နာဆုံးရှုံးမှုများ ဖြစ်ပေါ်လာပါက အရေးဆိုခွင့် တိုင်ကြားနိုင်ခွင့်နှင့် ပြန်လည်ကုစားနိုင်ခွင့်ရှိကြောင်း၊ တိုင်ကြားရန် CICC ရုံးများ ဖွင့်လှစ်ထား ရှိပြီးဖြစ်၍ နစ်နာသည့် စားသုံးသူများမှ တိုင်ကြားနိုင်ကြောင်း၊ Facebook စာမျက်နှာ၊ DOCA Myanmar Mobile Application နှင့် Consumer Call Center (1535) တို့တွင် တိုင်ကြား နိုင်ကြောင်းတို့ကို အသေးစိတ်ရှင်းလင်း ဆွေးနွေးခဲ့ကြောင်း သိရှိရပါသည်။

           အဆိုပါ ဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ စုစုပေါင်း (၇၆) ဦး တက်ရောက်ခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မွန်)

             နတ်တလင်းခရိုင်၊ နတ်တလင်းမြို့နယ်၊ ရှမ်းကုန်းကျေးရွာ၊ အ.ထ.က(ခွဲ) ရှမ်းကုန်းကျောင်း တွင် စားသုံးသူရေးရာဦးစီးဌာနနှင့်  မြို့နယ်ပြန်ဆက်ဦးစီးဌာန တို့ပူးပေါင်း၍ ဖေဖော်ဝါရီ(ပထမ) ပတ်တွင် အသိပညာပေး ဟောပြောဆွေးနွေးခြင်း ဆောင်ရွက်ခဲ့ပါသည်။

            အဆိုပါ အသိပညာပေး ဟောပြောဆွေးနွေးခြင်းကို ဆရာ/ဆရာမနှင့် ကျောင်းသား/ ကျောင်းသူ (၂၂၅) ဦးအား  နတ်တလင်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံမှ စားသုံးသူကာကွယ်ရေးဥပဒေပါ  စားသုံးသူအခွင့်အရေးနှင့်တာဝန်များအကြောင်း၊ ကုန်အညွှန်း အမှတ်အသားဆိုင်ရာအကြောင်း၊ အစားအသောက်များကို ရွေးချယ်ဝယ်ယူစားသုံးတက်စေရန် အသိပညာပေး ဟောပြောဆွေးနွေးခြင်းနှင့် ကျောင်းတွင်းမုန့်ဈေးတမ်းအစားအစာ အန္တရာယ်ကင်းဝေးစေရန် ကျောင်းမုန့်ဈေးတန်းစစ်ဆေးခြင်း ဆောင်ရွက်ခဲ့ပါသည်။ မြို့နယ်ပြန်ဆက်ဦးစီးမှူးမှ ကျောင်းသား၊ ကျောင်းသူများအား အသိပညာဗဟုသုတရရှိစေမည့် စာအုပ်စာစောင်များကိုပြသ၍ ဖတ်ရှု့စေခြင်း၊ ကလေးအလုပ်သမားပပျောက်ရေး နံရံကပ် စာစောင်နှင့် အသိပညာဗဟုသုတ ကြွယ်ဝဖို့ စာအုပ်စာပေဖတ်ကြစို့ အသိပညာပေးနံရံကပ် စာစောင်များပြသခြင်းတို့ကို ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

             စားသုံးသူရေးရာဦးစီးဌာန၊ သာယာဝတီခရိုင် သာယာဝတီမြို့၌ ခရိုင်ဦးစီးမှူး၏ လမ်းညွှန်မှုဖြင့် ၁၁.၂.၂၀၂၅ ရက်နေ့နံနက်(၁၀:၀၀)နာရီအချိန်တွင် မြို့မဈေးအတွင်းရှိကုန်စုံဆိုင်များအား ကုန်အညွှန်းအမှတ်အသားများ ပြည်စုံစွာဖော်ပြခြင်း ရှိ/မရှိ စားသုံး/ထုတ်လုံတာဝန်ခံ ဒေါ်ခိုင်ခိုင်ရီ၊ ပြည်တွင်းကုန်သွယ်ရေးဖွံဖြိုးမှုနှင့်သုတေသနဌာနခွဲ ဦးဝင်းထွဋ်လွင်နှင့်ဝန်ထမ်းများမှ ဈေးကွက် စောင့်ကြည့်စစ်ဆေးခဲ့ပါသည်။ စားသုံးသူများ တိကျမှန်ကန်ရှင်းလင်းသောသတင်းအချက်များ သိရှိစေရန်၊ စားသုံးသူများဘေးအန္တရာယ်ကင်းရှင်းစေရန်၊စိတ်ကျေနပ်မှုရှိစေရန်အတွက်အာမခံချက်ပေးနိုင်သည့် အရည်အသွေးမြင့်မားသော ကုန်စည်ဝန်ဆောင်မှုများဖော်ဆောင်ဖြည့်ဆည်းပေးနိုင်စေရေးနှင့် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေအား သိရှိလိုက်နာဆောင်ရွက်ရန် အသိပညာပေးခြင်း ကုန်စည်အမျိုးအစားအလိုက် သတ်မှတ်ချက်များနှင့် အညီ ပြည့်စုံစွာဖော်ပြခြင်းရှိ/ မရှိ ဈေးကွက်စောင့်ကြည့်စစ်ဆေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်းသိရှိရပါသည်။

DOCA(ပဲခူး)

          ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ညောင်ဝိုင်းကျေးရွာရှိ အခြေခံပညာမူလ တန်ကျောင်းသို့ (၁၁.၂.၂၀၂၅)ရက်နေ့၊ နံနက်(၉:၀၀)အချိန်တွင် စားသုံးသူရေးရာ ဦးစီးဌာန၊ ရွှေတောင်မြို့နယ်တာဝန်ခံနှင့် ဝန်ထမ်းများအဖွဲ့သည် မိတ်ဖက်ဌာနဆိုင်ရာများဖြစ်သော ပြန်ကြား ရေးနှင့် ပြည်သူ့ဆက်ဆံရေးဦးစီးဌာနနှင့် တိုင်းရင်ဆေးပညာဦးစီးဌာနတို့နှင့်ပူးပေါင်း၍ စားသုံးသူ အသိပညာပေးဟောပြောပွဲဆောင်ရွက်ခဲ့ပါသည်။

         ထိုသို့စားသုံးသူအသိပညာပေးဟောပြောပွဲတွင် ဆရာ/ ဆရာမနှင့် ကျောင်းသား/ကျောင်းသူ ၁၀၁ ဦး တက်ရောက်ခဲ့ကြပါသည်။ အဆိုပါဟောပြောပွဲတွင် စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံရုံးမှ ဒေါ်ယဉ်ယဉ်ဆင့်(ဒု-ဦးစီးမှူး)မှ စားသုံးသူများတွင် အခွင့်အရေး ရှိကြောင်း၊ စားသုံးသူများ ဘေးအန္တရာယ်ကင်းစေရေးအတွက် စီးပွားရေးလုပ်ငန်းရှင်များအားလည်း ကုန်အညွှန်းအမှတ်အသား(၈)ချက်ပြည့်စုံစွာပါရှိရန် ညွှန်ကြားထားပြီးဖြစ်ကြောင်း၊ ယခုအခါ ဈေးကွက်တွင်လည်းကုန်အညွှန်းများပြည့်စုံစွာပါရှိလာပြီဖြစ်ကြောင်း၊ အစားအစာများ ဝယ်ယူ စားသုံးလျှင် သတိပြု၍ဝယ်ယူစားသုံးတက်စေရန် နှင့်စားသုံးသူများနစ်နာဆုံးရှုံးမှုရှိပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်း Call Center 1535 သို့ တိုင်ကြားနိုင်ကြောင်း တိုင်ကြားရန် နည်းလမ်းများကိုလည်း ဟောပြောဆွေးနွေးခဲ့ပါသည်။ ထိုအပြင် ပြည်သူဆက်ဆံရေးနှင့် ပြည်သူဆက်ဆံရေး ဦးစီးဌာန မှ ပုံပြင်များပြောခြင်း ပိုစတာဖြင့် ပြသ၍ရှင်းလင်းဆွေးနွေးခြင်း နှင့် တိုင်းရင်းဆေး ပညာဦးစီးဌာနမှ သုံးစွဲရန်မသင့်သောတိုင်းရင်းဆေးများကို ကျောင်းသား၊ ကျောင်းသူများအား အကျယ်တဝံ့ရှင်းလင်းဆွေးနွေးဟောပြောခဲ့ပြီး အသိပညာပေးဆွေးနွေးပွဲအား နံနက်(၁၁:၀၀) နာရီအချိန်အထိ ဟောပြောခဲ့ကြောင်းသိရှိရပါသည်။

DOCA(ပဲခူး)