HighLight News

       ၂၄-၁၀-၂၀၂၄ ရက်နေ့တွင် မွန်ပြည်နယ်၊ သထုံခရိုင်၊ စားသုံးသူရေးရာဦးစီးဌာန၊ ပေါင်မြို့နယ်တာဝန်ခံသည် သက်ဆိုင်ရာအဖွဲ့များဖြစ်သော မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်ပူးပေါင်း၍ ပေါင်မြို့နယ်ရှိ ကုန်စုံဆိုင်များတွင် ရောင်းချနေ သော အသားဟင်း၊ ငါးဟင်း စည်သွပ်ဘူးအမျိုးမျိုးတွင် ကုန်အညွှန်းအမှတ်အသားပြည့်စုံမှုရှိ/ မရှိ ကွင်းဆင်းစစ်ဆေးခဲ့ကြောင်းသိရသည်။

      ထိုသို့ဈေးကွက်စောင့်ကြည့်စစ်ဆေးရာတွင် ဈေးကွက်အတွင်းရောင်းချနေသော အသားဟင်း၊ ငါးဟင်း စည်သွပ်ဘူးများပေါ်တွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂ / ၂၀၁၉) နှင့်အညီ ကုန်အညွှန်းအမှတ်အသားကို မြန်မာဘာသာဖြင့် ပြည့်စုံမှန်ကန်စွာဖော်ပြထားသည်ကို စစ်ဆေးတွေ့ရှိရကြောင်းသိရှိရပါသည်။

DOCA(မွန်)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်တာဝန်ခံ ဦးအောင်ဇော်ဦးနှင့် မအူပင်ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ပူးပေါင်း၍ ခရိုင်ပြန်ကြားရေးနှင့်ပြည်သူ့ဆက်ဆံရေး Communit Center ခန်းမ၌ စားသုံးသူကာကွယ်ရေးဥပဒေပါ တိုင်ကြားခြင်းအကြောင်း Talk Show ကို ၂၀၂၄ခုနှစ်၊ အောက်တိုဘာလ ၂၃ရက်နေ့၊ နံနက် (၁၁း၀၀)နာရီအချိန်တွင် ကျင်းပပြုလုပ်ခဲ့ကြပါသည်။

        အဆိုပါဆွေးနွေးပွဲတွင် မအူပင်မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးအောင်ဇော်ဦးသည် စားသုံးသူကာကွယ်ရေးဥပဒေပါ အခန်း(၁၉)ရှိ တိုင်ကြားခြင်းနှင့် စိစစ်ညှိနှိုင်းဖြေရှင်းဆောင်ရွက်ခြင်းမှ တိုင်ကြားနိုင်သည့်ပုဂ္ဂိုလ်များအကြောင်းကို စတင်ဆွေးနွေးပြီး စားသုံးသူများ စားသုံးသူအခွင့်အရေးနစ်နာမှုရှိလာပါက (က) နစ်နာသည့်စားသုံးသူ၊ (ခ)နစ်နာသည့်စားသုံးသူ၏မိသားစုဝင်များ၊ (ဂ) နစ်နာသည့် စားသုံးသူနှင့်ဆက်ှယ်သော ပုဂ္ဂိုလ်များ၊၊ (ဃ) အစိုးရဌာနအဖွဲ့အစည်းများ၊ (င) စားသုံးသူကာကွယ်ရေးဆိုင်ရာ အသင်းအဖွဲ့များမှ တိုင်ကြားမှုကိုဆောင်ရွက်နိုင်ပြီး သက်ဆိုင်ရာဦးစီးမှူးရုံးများသို့ သက်သေခံအထောက်အထားများနှင့်အတူ လူကိုယ်တိုင်ဖြစ်စေ၊ လူထုဆက်သွယ်ရေးနည်းလမ်းများဖြင့်ဖြစ်စေ တိုင်ကြားနိုင်ကြောင်း  အသိပညာပေးဆွေးနွေးခဲ့ပါသည်။

DOCA(ဧရာဝတီ)

        စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ်ဦးစီးမှူးရုံးနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးရုံးတို့ ပူးပေါင်းဆောင်ရွက်မှုဖြင့် (၂၃-၁၀-၂၀၂၄) ရက်နေ့၊ နံနက် (၁၁:၀၀)နာရီအချိန်တွင် စားသုံးသူကာကွယ်ရေးနှင့်ပတ်သက်၍ အရေးကြီးကုန်စည်နှင့် ဝန်ဆောင်မှုဥပဒေအကြောင်း အသိပညာပေး Talk Show ကျင်းပပြုလုပ်ခဲ့ပါသည်။

       ထိုသို့အသိပညာပေးဆွေးနွေးရာတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ အရေးကြီးကုန်စည်နှင့် ဝန်ဆောင်မှုဥပဒေအကြောင်းကိုမေးမြန်းရာ ညောင်တုန်းမြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်လွင်က အရေးကြီးကုန်စည်နှင့် ဝန်ဆောင်မှုဥပဒေကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အမိန့်ကြော်ငြာချက် ၄၆/၂၀၁၈ ဆင့်ပွားဈေးကွက်စနစ်၊  ၅၃/၂၀၁၈ စပါးဆန်၊ ပဲမျိုးစုံတည်ဆောက်၊ မှတ်ပုံတင်၊ ပြောင်းရွှေ့ဖျက်သိမ်းမိန့်။ ၂၁/၂၀၂၀ ကုန်စည်များအပေါ် တားမြစ်မိန့်၊ ၁/၂၀၂၂ ဝါသီးနှံနှင့် ဝါဂွမ်းတားမြစ်မိန့်၊ ၅၀/၂၀၂၃ အွန်လိုင်းစနစ်ဖြင့် ရောင်းချခြင်းလုပ်ငန်းသတ်မှတ်မိန့်တို့ကို ပြည်သူအများသိရှိအောင် အကျယ်တဝင့်ရှင်းလင်းပြီး အရေးကြီးကုန်စည်နှင့် ဝန်ဆောင်မှု အဓိပ္ပါယ် အစားအစာ၊ ဆေးဝါး၊ လောင်စာဆီ၊ ကျန်းမာရေးစောင့်ရှောက်မှု၊ သယ်ယူပို့ဆောင်ရေးနှင့် အခြားသောဝန်ဆောင်မှုတို့အကြောင်းကိုလည်းကောင်း၊ သတ်မှတ်ချက်များကို ကျော်လွန်၍ ရောင်းချခြင်းမျိုးကိုစစ်ဆေးတွေ့ရှိပါက ပြစ်မှု၊ ပြစ်ဒဏ်အရ အနည်းဆုံး ထောင်ဒဏ် ၆လမှ အများဆုံး ၃နှစ်ထိ ငွေကျပ် ၅သိန်းထက်မပိုသော ငွေဒဏ်ချမှတ်နိုင်ကြောင်း၊ ပြစ်မှုနှင့်သက်ဆိုင်သော သက်သေခံပစ္စည်းများကို ဖျက်ဆီး၊ နိုင်ငံတော်ဘဏ္ဍာ၊ အခြားနည်းဥပဒေစီမံခန့်ခွဲချမှနိုင်သည့်အပြင် ရအရေးယူပိုင်ခွင့်ရရှိကြောင်း ရှင်းလင်းပြောကြားခဲ့သည်။

          စားသုံးသူကာကွယ်ရေးလုပ်ငန်းစဉ်ကို သိရှိလိုသော်လည်းကောင်း၊ စားသုံးသူအခွင့်အရေးထိခိုက်နစ်နာပါကလည်း ဆက်သွယ်တိုင်ကြား၍ လွယ်ကူသော  Telenor, Ooredoo, Mytel User ဖြစ်ပါက Consumer Call Center 1535 သို့လည်းကောင်း၊ MPT User ဖြစ်ပါက ၀၉၇၆၅၄၃ (၁၅၃၅) သို့လည်းကောင်း ဆက်သွယ်ပြီး သိရှိလိုသည်များကိုစုံစမ်းနိုင်ကြောင်း စားသုံးသူရော၊ လုပ်ငန်းရှင်အများပြည်သူသိရှိနိုင်ရန် အသိပညာပေးဆွေးနွေးခဲ့ကြောင်းသိရပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်သမဝါယမဦးစီးဌာန၊  ရပ်ကျေးအုပ်ချုပ်ရေးအဖွဲ့ဝင်တို့သည် (၂၃-၁၀-၂၀၂၄) ရက်နေ့၊ နေ့လယ်(၁၃း၀၀)နာရီအချိန်တွင်  စက္ကော့တောင်အုပ်စု အုပ်ချုပ်ရေးမှူးရုံးတွင် ဆောင်းသီးနှံစိုက်ပျိုးသူ တောင်သူ(၃၀) ဦးနှင့်တွေ့ဆုံ၍ ဆောင်းသီးနှံဖြစ်သော နေကြာသီးနှံ စီမံကိန်းဧကပြည့်မီကျော်လွန်အောင် စိုက်ပျိုးနိုင်ရေးအတွက် တောင်သူအသိပညာပေးရှင်းလင်းဆွေးနွေးပွဲပြုလုပ်ခဲ့ကြသည်။

            အဆိုပါရှင်းလင်းပွဲတွင် မြို့နယ်စိုက်ပျိုးရေးဦးစီးဌာနက မိုးနှောင်းနေကြာသီးနှံများစိုက်ပျိုးရာတွင် အောင်မြင်ဖြစ်ထွန်းရေး မြို့နယ်စိုက်ပျိုးရေးဦးစီးဌာနမှ တာဝန်ရှိသူများက တောင်သူများနှင့်ပူးပေါင်းပြီး နည်းပညာများ စနစ်တကျကူညီပေးလျက်ရှိပြီး အထွက်နှုန်းသေချာစေရန်အတွက် အပင်ကြား/ တန်းကြား (၁၅)လက်မခန့်အကွာ စိုက်ပျိုးစေခြင်းများ ကွင်းဆင်းဆောင်ရွက်ပေးလျက်ရှိရာ တောင်သူများက နည်းစနစ်မှန်ကန်စွာလိုက်နာစိုက်ပျိုးကြရန်ကိုဆွေးနွေးခြင်း၊ သမဝါယမဦးစီးဌာနက သမဝါယမအသင်းဝင်လယ်သမားများကို မြို့နယ်သမဝါယမမှ ဓာတ်မြေဩဇာအမျိုးမျိုးရရှိမည့် ကုမ္ပဏီများနှင့်ဆက်သွယ်ပေးကြောင်း၊ လယ်သမားများကိုယ်တိုင် စပါးစိုက်ပျိုးရေးတွင်သာမက ဆောင်းသီးနှံ အသုံးဝင်သော ဓာတ်မြေဩဇာကို စိတ်ကြိုက်ရွေးချယ်မှာယူနိုင်ပြီး ဈေးနှုန်းကိုလည်း ဈေးကွက်ထဲမှ ဈေးနှုန်းထက်မပိုသောနှုန်းထားဖြင့် ညှိနှိုင်းဆောင်ရွက်နိုင်ပြီး လယ်ယာ၊ ကိုင်းသီးနှံလုပ်ငန်းရှိရာ ရွာကို အရောက်ပို့စနစ်ဖြင့်  ဖြန့်ခြင်းဖြစ်ကြောင်း၊ ဆောင်းဆီထွက်သီးနှံ နေကြာအထွက်နှုန်းတိုးတက်စေရေး နေကြာစိုက်ရာတွင် မျိုးကောင်းမျိုးသန့်ဖြစ်သည့် ရေဆင်းစပ်မျိုး-၁ နေကြာကို ရွေးချယ်စိုက်ပျိုးသင့်ကြောင်း၊ နေကြာစိုက်ပျိုးခြင်းဖြင့် ဒေသနေပြည်သူများအတွက် စားသုံးဆီဖူလုံရေးနှင့် တစ်ဖက်တစ်လမ်းမှလည်း ဝင်ငွေများရရှိနိုင်ကြောင်း၊ နေကြာတစ်မျိုးတည်းကို သီးသန့်မစိုက်ပျိုးပဲ သီးညှပ်စိုက်ပျိုးထားနိုင်မှု၊ နေကြာစိုက်ပျိုးမှုအတွက် စိုက်ပျိုးထုတ်လုပ်ပုံအဆင့်ဆင့်နှင့် သဘာဝမြေဩဇာပြုလုပ်သုံးစွဲခြင်းဖြင့် ကုန်ကျစရိတ်သက်သာမှု အခြေအနေများတို့ကို လည်းရှင်းလင်းပြောကြားခဲ့သည်။

         ၎င်းနောက် မြို့နယ်စားသုံးသူရေးရာဦးစီးဌာနမှ ဦးအာင်လွင်၊ မြို့နယ်ဦးစီးမှူးက ဆောင်းသီးနှံ နေကြာစိုက်ပျိုးမည့်တောင်သူများကို အသိပညာပေးရှင်းလင်းရာ နေကြာသီးနှံကို အဓိကစိုက်ပျိုးမည့်ဒေသများ၊ သီးထပ်သီးညှပ်စိုက်ပျိုးမည့်ဒေသများကို ဧရိယာအလိုက် လိုအပ်ချက်များဖြည့်ဆည်းပေးရန်လိုအပ်ကြောင်း၊ နေကြာစိုက်ပျိုးသော်လည်း မျိုးစေ့ထုတ်လုပ်ငန်းအောင်မြင်အောင် ဆောင်ရွက်ရန်လိုအပ်ကြောင်း၊ နေကြာအထွက်ကောင်းပါက မြို့နယ်စားသုံးဆီဖူလုံနိုင်ပြီး မျိုးစေ့ထုတ်လုပ်ငန်းနှင့် ဆီစက်ဖွံ့ဖြိုးရေးလုပ်ငန်းများတွင် ရင်းနှီးမြုပ်နှံမှုတိုးမြှင့်ဆောင်ရွက်လိုသူများကို ဖိတ်ခေါ်အားပေးဆောင်ရွက်ရန် လိုအပ်ချက်များကိုဆွေးနွေးခြင်း၊ နေကြာဆီစားသုံးခြင်းဖြင့် စျေးနှုန်းသက်သာခြင်း၊ ကျန်းမာရေးအတွက် အထောက်အကူပြုခြင်းတို့ကြောင့် ဆီထွက်နေကြာစိုက်ပျိုးရန် ရာသီဥတုနှင့်ကိုက်ညီသည့် မြန်မာနိုင်ငံအနှံ့အပြားတွင် စိုက်ဧကများ တိုးချဲ့စိုက်ပျိုးသင့်ကြောင်း၊ နေကြာစိုက်ပျိုးရာတွင် လိုအပ်သော သွင်းအားစုဖြစ်သည့် ဓာတ်မြေဩဇာ၊ သဘာဝမြေဩဇာအသုံးပြုမှုကိုလည်း ကုန်အညွှန်းအမှတ်အသားတွင် ဖော်ပြပါဝင်ချက်အတိုင်း အသုံးပြုဆောင်ရွက်မှသာ အထွက်နှုန်းကောင်းမည်ဖြစ်၍ သွင်းအားစုတိုင်းတွင် ကုန်အညွှန်းအမှတ်အသား မြန်မာဘာသာဖြင့် ဖော်ပြပါဝင်သောသွင်းအားစုကိုသာ အသုံးပြုသင့်ကြောင်း၊ သက်ဆိုင်ရာဌာနတို့၏ ခွင့်ပြုချက် တရားဝင်မှတ်ပုံတင်သော ကုန်စည်ကိုသာဦးစားပေးလိုက်နာသုံးစွဲပါက အောင်မြင်သောစိုက်ပျိုးသီးနှံဖြစ်မည်ဖြစ်ကြောင်း ဆွေးနွေးပြောကြားခဲ့သည်။ တောင်သူများကလည်း သိရှိလို သည်များမေမြန်းကြ၍ ဌာနအသီးသီးက ပြန်လည်ဖြေကြားဆွေးနွေးခဲ့ကြောင်းသိရပါသည်။

DOCA(ဧရာဝတီ)

        အောက်တိုဘာလ ၂၃ရက်နေ့၊ နံနက် (၁၁:၀၀) နာရီအချိန်တွင် စားသုံးသူရေးရာဦးစီးဌာန၊ မြန်အောင်မြို့နယ်တာဝန်ခံသည်  စာတဲလမ်းနှင့် မြို့မတဲကြီးကုန်းလမ်းရှိ ကုန်မျိုးစုံဆိုင်နှင့် စတိုးဆိုင်များတွင်ရောင်းချသော အသင့်စားစည်သွပ်ဘူးများအား ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။

       ထိုသို့ကွင်းဆင်းခဲ့ရာ၌ စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြခြင်းရှိ/ မရှိ၊ “အဖွားလက်ရာ” စည်သွပ်ဘူးနှင့် အလားတူ ကုန်စည်များရောင်းချခြင်းရှိ/ မရှိတို့ကိုစစ်ဆေးခဲ့ပြီး၊ မြန်မာနိုင်ငံစားသုံးသူ ကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြ့စုံစွာဖော်ပြထားသော ကုန်စည်များကိုသာရောင်းချကြရန်ဖြစ်ကြောင်းနှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စားသုံးသူဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး၊ အရောင်းဆိုင်(၇)ဆိုင်အား ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြကြောင်းသိရှိရပါသည်။

DOCA(ဧရာဝတီ)