သတင်းနှင့် လှုပ်ရှားမှုများ

     ၁၈.၁၁.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ‌မော်လမြိုင်ခရိုင်၊ ခရိုင်ဦးစီးမှူး ‌ဒေါ်ဝါဝါမြိုင်၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေး ဌာနခွဲတာဝန်ခံ ‌ဒေါ်မိုးမိုးနှင့် ချောင်းဆုံမြို့နယ်တာဝန်ခံ ဒေါ်ထက်ထက်နွေဦးတို့သည် ချောင်းဆုံမြို့နယ် ကညှော်ကျေးရွာတွင် ဆန်စက်များနှင့် ဆန်၊ စပါးသိုလှောင်ရုံများအား MyRo တွင် မှတ်ပုံတင်သက်တမ်းတိုးရန် ကွင်းဆင်းဆောင်ရွက်ခဲ့ကြောင်း သိရသည်။

    ထို့သို့ ကွင်းဆင်းဆောင်ရွက်ရာတွင် ချောင်းဆုံမြို့နယ်၊ ကုလားတို့ကျေးရွာရှိ “ကြည်မိုးဟိန်း” ဆန်စက်အားကွင်းဆင်းခဲ့ရာ MyRo တွင် မှတ်ပုံတင်သက်တမ်းတိုး ဆောင်ရွက် နိုင်ရေး၊ ဆန်၊ စပါး ကုန်ရ၊ ကုန်ထုတ်၊ ကုန်လက်ကျန် စာရင်းအား လစဥ်ပုံမှန်ဖြည့်သွင်းနိုင်ရေး ကွင်းဆင်းစစ်ဆေးဆောင်ရွက်ခဲ့ပြီး ဆန်စပါး သိုလှောင်ထားရှိမှု အခြေအနေ၊ ဆန်ကြိတ်ခွဲနိုင်စွမ်းအား၊ စျေးကွက်/စျေးနှုန်း အခြေအနေ၊ ဆန်စပါးရောင်းဝယ် ဖောက်ကားမှု အခြေအနေများအား ဆွေးနွေးမေးမြန်းခဲ့ကြောင်း သိရှိရပါသည်။

DOCA (မွန်)

      ၁၅.၁၁.၂၀၂၅ ရက်နေ့တွင်    မွန်ပြည်နယ်၊ပေါင်မြို့နယ်၌ ပြည်သူများ မီးဘေးအန္တရာယ် ကင်းဝေးရေး၊ မီးသတိမူရေး၊ မီးဘေးကြိုတင်ကာကွယ်နိုင်ရေးအတွက် သတိပေးနှိုးဆော်ခြင်း၊ မီးဘေးကြိုတင်ကာကွယ်ရေးလုပ်ငန်းများကို ပေါင်မြို့နယ် မီးသတ်ဦးစီးဌာနမှ အရှိန်အဟုန် မြှင့်တင်ဆောင်ရွက်လျက်ရှိရာ ယနေ့နံနက်ပိုင်းက မြို့နယ်မီးသတ်ဦးစီးဌာနမှ ဌာနဆိုင်ရာ ရုံးများတွင်  မီးဘေးကြိုတင်ကာကွယ်ရေး စစ်ဆေးခဲ့ကြသည်။ ထိုသို့စစ်ဆေး ဆောင်ရွက်ရာတွင် ရုံးများ၌ မီးသုံးစွဲမှုများ စနစ်တကျဆောင်ရွက်ကြရန်နှင့် မီးအသုံးပြုစဉ် လူစောင့်ရှိရေး၊ လျှပ်စစ်မီးများ စနစ်တကျအသုံးပြုရေး၊ ရုံးတွင် လူမရှိချိန်၌ မိန်းခလုပ်များ ချထားရေး၊ မီးလောင်မှုဖြစ်ပွားပါက မိမိရုံးရှိ မီးငြှိမ်းသတ်နိုင်သော ပစ္စည်းများဖြင့် ကနဦး မီးငြှိမ်းသတ်ပြီး မီးသတ်ဦးစီးဌာနသို့ အချိန်မီအကြောင်းကြားကြရန် အသိပညာပေး၍ ပညာပေးလက်ကမ်းစာစောင်ဝေငှပြီး အရေးပေါ်ဖုန်းနံပါတ်ပါသော မီးသတိပြုစာတမ်းပါ ကြော်ငြာစာရွက်ကို အဆောက်အဦများတွင် ပညာပေးကပ်ပေးကြသည်။ ပြည်သူများ မီးဘေး အန္တရာယ်ကင်းဝေးစေရေးစစ်ဆေးပညာပေးခြင်းကို မီးသတ်ဦးစီးဌာနမှ ဦးစီးအရာရှိ ဦးဟိန်း‌ဇော်၊ သန္ဓေနှင့်အရန်မီးသတ်တပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့မှ တာဝန် ရှိသူများဖြင့် စစ်ဆေးခဲ့ကြကာ  မီးဘေးလုံခြုံရေး အထူးဂရုပြုဆောင်ရွက်ကြရန် ပညာပေးခြင်း ဆောင်ရွက်ခဲ့ကြကြောင်း သိရသည်။

  DOCA (မွန်)

       မွန်ပြည်နယ်အစိုးရ၏အစီအစဉ်ဖြင့် မွန်ပြည်နယ်ဒေသထွက် MSME ထုတ်ကုန် ပြခန်းများဖွင့်လှစ်ပြသခြင်းကို မော်လမြိုင်မြို့၊ ပြည်နယ်ခန်းမ၌ (၁၄.၁၁.၂၀၂၅) ရက်မှ (၁၆.၁၁.၂၀၂၅) ရက်နေ့ထိ (၃) ရက်တိုင်တိုင် ဖွင့်လှစ်ပြသခဲ့ရာ မွန်ပြည်နယ်စားသုံးသူရေးရာ ဦးစီးဌာနမှ ပူးပေါင်းပါဝင်ဆောင်ရွက်ခဲ့သည်။

     ပြခန်းများဖွင့်လှစ်ပြသရာတွင် ဒေသထွက် စိုက်ပျိုးရေးထုတ်ကုန်များ၊ ရေထွက်ပစ္စည်း များ၊ ရော်ဘာပြားများနှင့် ရော်ဘာထုတ်ကုန်များ၊ Rubber Wood ထုတ်ကုန်များ၊ ကွမ်းသီးနုပေါင်း၊ ဝဥခြောက်ထုတ်ကုန်များ၊ ပန်းပုရုပ်တုများ၊ ဝါးအခြေခံထုတ်ကုန်များ၊ စက်မှုလက်မှုထုတ်ကုန်ပစ္စည်းများ၊ ရိုးရာအဝတ်အထည်များ၊ စားသောက်ကုန်များ၊ လူသုံး ကုန်များ၊ အလှကုန်များ စသည့် မွန်ပြည်နယ်အတွင်းထုတ်လုပ်သည့် MSMEs ထုတ်ကုန် ပြခန်းပေါင်း (၂၅) ခန်းဖွင့်လှစ်ပြသခဲ့ရာ အဆိုပါ ပြခန်းများသို့ ပြည်ထောင်စုသမ္မတ မြန်မာနိုင်ငံတော်ယာယီသမ္မတ နိုင်ငံတော် လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် တာဝန်ရှိပုဂ္ဂိုလ်များ၊ မွန်ပြည်နယ်ဝန်ကြီးချုပ်နှင့် အစိုးရအဖွဲ့ဝင်ဝန်ကြီးများက ကြည့်ရှုအားပေးခဲ့ကြပြီး လိုအပ်သည်များ လမ်းညွှန်မှာကြားခဲ့ကြောင်း သိရှိရပါသည်။

DOCA (မွန်)

      ဧရာဝတီတိုင်းဒေသကြီး၊  စားသုံးသူရေးရာဦးစီးဌာန၊ လပွတ္တာခရိုင်၊ မော်ကျွန်းမြို့နယ် တာဝန်ခံ ဦးမင်းဇော်လတ်သည် (၁၇.၁၁.၂၀၂၅)ရက်နေ့၊ နေ့လယ် (၁၁:၃၀)နာရီက  မြို့နယ်စည်ပင်သာယာရေးအဖွဲ့နှင့် ပူးပေါင်း၍ အိ်မမဲမြို့နယ်၊ မြို့မဈေးရှိ ကုန်မျိုးစုံဆိုင်များတွင် ရောင်းချနေသောကုန်ပစ္စည်းများ၌ ကုန်အညွှန်း အမှတ်အသား ပြည့်စုံမှုရှိ/မရှိ ဈေးကွက်စောင့်ကြည့်စစ်ဆေး ခဲ့ပါသည်၊

       ထိုသို့ကွင်းဆင်းစိစစ်ရာတွင် မြို့နယ်တာဝန်ခံမှ မော်ကျွန်းမြို့နယ်အတွင်းရှိရောင်းချနေသော   ဟင်းခတ် အမွှေးအကြိုင်၊ ခရုဆီ၊ မဆလာထုတ်အမျိုးမျိုးတို့တွင် ကုန်အညွှန်းအမှတ်အသားပြည့်စုံမှုရှိ/ မရှိကွင်းဆင်း စစ်ဆေးခဲ့ပြီး၊ ကုန်စုံဆိုင်ပိုင်ရှင်များအားစီးပွားရေးနှင့်ကူးသန်းရောင်းဝယ်ရေးမှ ထုတ်ပြန်ထားသော စားသုံးသူ ကာကွယ်ရေး ဥပဒေ၂၀၁၉ ပါ ပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင် ၏တာဝန်များ၊ တားမြစ်ချက်များ၊  ပြစ်မှုပြစ်ဒဏ်များ၊ ဥပဒေအခန်း(၁၈) ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ မည်သည့်စီးပွားရေး လုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲလျှက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစား အလိုက်သတ်မှတ်ထားသည့် ဥပဒေညွှန်ကြားချက်များနှင့်အညီ လိုက်နာဆောင်ရွက်ကြရန် ဈေးကွက်တွင်ရောင်းချနေသော ကုန်စည်များတွင်လည်း ကုန်အညွှန်းအမှတ်အသား ပြည်စုံစွာဖော်ပြထားမှုရှိ/မရှိအား ဌာနမှဈေးကွက်စောင့်ကြည့်စစ်ဆေးမှုအား စဉ်ဆက် မပြတ်ဆောင်ရွက်သွားမည်ဖြစ်ကြောင်း အသိပေးစစ်ဆေးခဲ့ပါသည်။

DOCA (ဧရာဝတီ)

       ဧရာဝတီတိုင်းဒေသကြီး၊  စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မမြို့နယ် တာဝန်ခံ ဦးအောင်မိုး သည် (၁၇.၁၁.၂၀၂၅)ရက်နေ့၊ နံနက်(၁၁:၃၀)နာရီက  မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဝါးခယ်မမြို့၊ ရတနာဈေးရှိ ကုန်မျိုးစုံဆိုင်များတွင် ရောင်းချနေသောကုန်ပစ္စည်းများ၌ ကုန်အညွှန်းအမှတ်အသားပြည့်စုံမှုရှိ/မရှိ ဈေးကွက်စောင့်ကြည့်စစ်ဆေး ခဲ့ပါသည်၊

            ထိုသို့ကွင်းဆင်းစိစစ်ရာတွင် မြို့နယ်တာဝန်ခံမှ ဝါးခယ်မမြို့နယ်၊ ရတနာဈေးရှိ အတွင်း  ရောင်းချနေသော   ဟင်းခတ်အမွှေးအကြိုင်၊ ခရုဆီ၊ မဆလာထုတ်အမျိုးမျိုးတို့တွင် ကုန်အညွှန်းအမှတ်အသားပြည့်စုံမှုရှိ/ မရှိကွင်းဆင်း စစ်ဆေးခဲ့ပြီးကု န်စုံဆိုင်ပိုင်ရှင်များအားစီးပွားရေးနှင့်ကူးသန်းရောင်းဝယ်ရေးမှ ထုတ်ပြန်ထားသော စားသုံးသူ ကာကွယ်ရေး ဥပဒေ၂၀၁၉ ပါ ပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင် ၏တာဝန်များ၊ တားမြစ်ချက်များ၊  ပြစ်မှုပြစ်ဒဏ်များ၊ ဥပဒေအခန်း(၁၈) ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ မည်သည့်စီးပွားရေး လုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့) တစ်ခုထက်ပို၍တွဲလျှက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစား အလိုက်သတ်မှတ်ထားသည့် ဥပဒေညွှန်ကြားချက်များနှင့်အညီ လိုက်နာဆောင်ရွက်ကြရန် ဈေးကွက်တွင်ရောင်းချနေသော ကုန်စည်များတွင်လည်း ကုန်အညွှန်းအမှတ်အသား ပြည်စုံစွာဖော်ပြထားမှုရှိ/မရှိအား ဌာနမှဈေးကွက်စောင့်ကြည့်စစ်ဆေးမှုအား စဉ်ဆက် မပြတ်ဆောင်ရွက်သွားမည်ဖြစ်ကြောင်း အသိပေးစစ်ဆေးခဲ့ပါသည်။

DOCA (ဧရာဝတီ)