သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ်တာဝန်ခံ ဦးမြင့်ဌေးသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၂၂.၅.၂၀၂၅)ရက်နေ့ နံနက်(၁၀;၀၀)နာရီက လပွတ္တာမြို့နယ် အမှတ်(၆)ရပ်ကွက်အတွင်းရှိ ကုန်မျိုးစုံဆိုင်များတွင် ရောင်းချနေသော သူဌေးမင်းပဲဆီသန့်ဘူးများတွင် ကုန်အညွှန်း အမှတ်အသားဖော်ပြချက် ပြည့်စုံခြင်း ရှိ/မရှိ ကွင်းဆင်းစစ်ဆေးခဲ့ပါသည်။

   ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံမှ အမှတ်(၆)ရပ်ကွက်အတွင်းရှိ ကုန်မျိုးစုံ ဆိုင်များတွင် ရောင်းချနေသော သူဌေးမင်းပဲဆီသန့်စားသုံးဆီဘူးများတွင် ကုန်ညွှန်းအမှတ်အသား ဖော်ပြခြင်း ပြည့်စုံ မှုရှိ/မရှိစစ်ဆေးခဲ့ပြီး၊ ကုန်မျိးစုံဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန် ထားသော စားသုံးသူကာကွယ်ရေးဥပဒေ ၂၀၁၉ပါပြဌာန်းချက်များမှ အခန်း(၁၈)ပါ  ကုန်ညွှန်းအမှတ်အသား ဖော်ပြခြင်းနှင့်စပ်လျဉ်း၍ မည်သည့် စီးပွားရေးလုပ်ငန်းရှင်မဆို ပုဒ်မ၄၁ ပုဒ်မခွဲ(ခ)နှင့် (ဆ)တို့ပါ ကုန်ညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့) တစ်ခုထက်ပို၍ တွဲလျက် ဖြစ်စေရေးသား ဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထား သည့် ဥပဒေညွှန်ကြား ချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ်အသား ဖော်ပြချက်၊ ပြည့်စုံမှုရှိ/မရှိအားဌာနအနေဖြင့် ဈေးကွက် စောင့်ကြည့် စစ်ဆေး မှုများ စဉ်ဆက်မပြတ်ဆောင်ရွက်သွားမည် ဖြစ်ကြောင်းသိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြို့နယ်တာဝန်ခံ ဦးလှထွဠ်ဦးသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၂၂.၅.၂၀၂၅)ရက်နေ့ နံနက်(၁;၀၀)နာရီက မြောင်းမြမြို့နယ်၊မြို့မဈေး အတွင်းရှိ ကုန်မျိုးစုံဆိုင်များတွင်ရောင်းချနေသော ဧရာဝတီပဲဆီသန့်ဘူးများတွင် ကုန်အညွှန်းအမှတ်အသား ဖော်ပြချက် ပြည့်စုံခြင်း ရှိ/မရှိ ကွင်းဆင်းစစ်ဆေးခဲ့ပါသည်။

     ထိုသို့ကွင်းဆင်းစစ်ဆေးဆောင်ရွက်ရာတွင် မြောင်းမြမြို့နယ် တာဝန်ခံမှမြို့မဈေးအတွင်းရှိ ကုန်မျိုးစုံဆိုင် များ တွင်  ရောင်းချနေသော ဧရာဝတီပဲဆီသန့်ဘူးများတွင် ကုန်ညွှန်းအမှတ်အသားဖော်ပြခြင်း ပြည့်စုံမှု ရှိ/မရှိစစ်ဆေးခဲ့ပြီး၊ ကုန်မျိးစုံဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူ ကာကွယ်ရေးဥပဒေ၂၀၁၉ပါပြဌာန်းချက်များမှ အခန်း(၁၈)ပါ  ကုန်ညွှန်းအမှတ်အသားဖော်ပြခြင်းနှင့် စပ်လျဉ်း ၍ မည်သည့်စီးပွားရေးလုပ်ငန်းရှင်မဆို ပုဒ်မ၄၁၊ပုဒ်မခွဲ(ခ)နှင့်(ဆ)တို့ပါ ကုန်ညွှန်းအမှတ်အသား ဖော်ပြရာတွင် မြန်မာ ဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေရေးသားဖော်ပြရမည် ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့်ဥပဒေညွှန်ကြား ချက် များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ်အသား ဖော်ပြချက်၊ ပြည့်စုံမှု ရှိ/မရှိအားဌာနအနေဖြင့် ဈေးကွက်စောင့်ကြည့် စစ်ဆေးမှုများ  စဉ်ဆက်မပြတ်ဆောင်ရွက်သွားမည် ဖြစ်ကြောင်းသိရှိရပါသည်။

DOCA(ဧရာဝတီ)

  ၂၈.၄.၂၀၂၅ ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ သထုံခရိုင်၊ သထုံမြို့နယ်အတွင်း ရောင်းချလျက်ရှိသော IC စားသောက်ဆိုင်၊ အောင်သစ္စာစားသောက် ဆိုင်၊ခိုင်သဇင်ထမင်းဆိုင်တို့အား အစားအသောက်ရောင်းချသည့်ဝန်ဆောင်မှုနှင့် ပတ်သက်၍ စားသုံးသူရေးရာဦးစီးဌာန၊ ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ စစ်ဆေးဆောင်ရွက်ခဲ့ပါသည်။

   ထိုသို့ စစ်ဆေးဆောင်ရွက်ရာတွင် စားသုံးသူရေးရာဦးစီးဌာနမှ ဦးစီးအရာရှိ ဦးအောင်ကျော်မင်းက အစားအသောက်ပြုပြင်ရောင်းချသည့် နေရာများမသန့်ရှင်းခြင်း၊ ဝန်ဆောင်မှုပေးသူ၏ တစ်ကိုယ်ရည်သန့်ရှင်းမှုအားနည်းခြင်း၊ အစားအသောက်များလတ် ဆက်သန့်ရှင်းမှုမရှိခြင်း စသည့်အကြောင်းအရာများကြောင့် ဖြစ်ပေါ်သည့် ကျန်းမာရေးပြဿ နာများမှ စားသုံးသူကာကွယ်ရန်၊ စားသောက်ဆိုင်များသည် မိမိတို့ဆိုင်မှ ပေးအပ်သည့် ဝန်ဆောင်မှုများနှင့် စပ်လျဉ်း၍ စားသုံးသူများအား လုံလောက်သည့် အချက်အလက်များကို အသိပေးဖော်ပြစေခြင်းတို့အား ဆောင်ရွက်သွားရန် ရှင်းလင်းဆွေးနွေးပြောကြားခဲ့ကြောင်း သိရပါသည်။

DOCA(မွန်)

   မွန်ပြည်နယ်၊ ဘီးလင်းမြို့နယ်အတွင်းရှိ ရပ်ကွက်နှင့်ကျေးရွာများတွင် ရန်ကုန်မြို့မှ စားအုန်းဆီကုမ္ပဏီများဖြစ်ကြသော Kaung Hlyan New Asia ကုမ္ပဏီနှင့် Myat A Kan ကုမ္ပဏီတို့သည် ဘီးလင်းမြို့နယ်အတွက် (၁၈.၄.၂၀၂၅) ရက်နေ့မှ (၂၆.၄.၂၀၂၅) ရက်နေ့ အထိ (၁) ပတ်စာ ခွဲတမ်းရသော စားအုန်းဆီ (၄၄) ပေပါအား (၂၆.၄.၂၀၂၅) ရက်နေ့တွင် မော်တော်ယာဉ်များဖြင့် သယ်ဆောင်ခဲ့ပြီး ၎င်းနေ့တွင်ပင် သတ်မှတ်ရည်ညွှန်းဈေးဖြင့် ဖြန့်ဖြူးရောင်းချသူ စားအုန်းဆီကိုယ်စားလှယ်များမှ ရောင်းချပေးခဲ့ရာ (၂၆.၄.၂၀၂၅) ရက်နေ့ မှ (၂၈.၄.၂၀၂၅) ရက်နေ့အထိ ဘီးလင်းမြို့ပေါ်ရပ်ကွက်များနှင့် ကျေးရွာများရှိ စားသုံးသူများ ထံသို့ စားအုန်းဆီ (၄၄) ပေပါအား သတ်မှတ်ရည်ညွှန်းဈေးအတိုင်း အလေးချိန်ပြည့်ဝစွာ ရောင်းချခဲ့သဖြင့် စားသုံးသူများမှ သက်သာသော ဈေးနှုန်းဖြင့် ဝယ်ယူစားသုံးခွင့်ရသဖြင့် နေ့စဉ်လူနေမှုဘဝတွင် စားဝတ်နေရေးစရိတ်များ၌ စားသောက်စရိတ်ကုန်ကျမှု သက်သာစေ ရန် စားအုန်းဆီများကို စိတ်ချမ်းမြေ့စွာ ဝယ်ယူခဲ့ကြကြောင်း သတင်းရရှိပါသည်။

DOCA(မွန်)

          ၂၈.၄.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်နှင့် ဝန်ထမ်းများသည် အထူးစုံစမ်းစစ်ဆေးရေး ဦးစီးဌာန၊ ပြည်နယ်စည်ပင်သာယာရေးအဖွဲ့၊ ပြည်နယ်ဗဟိုစာရင်းအင်းအဖွဲ့၊ မော်လမြိုင်ခရိုင်စီမံ အုပ်ချုပ်ရေးအဖွဲ့တို့နှင့် ပူးပေါင်း၍ မော်လမြိုင်မြို့ပေါ်ရှိ Pro 1 ဆောက်လုပ်ရေးနှင့် အိမ်အသုံးအဆောင်ပစ္စည်း အရောင်းစင်တာ၊ ကျော်ကြားအိမ်ဆောက်ပစ္စည်းအရောင်းဆိုင်၊ ရာမာန်အိမ်ဆောက်ပစ္စည်းအရောင်းဆိုင်များသို့ သွားရောက်၍ ဘိလပ်မြေနှင့်သံချောင်းများ ဈေးနှုန်းမြှင့်တင်ရောင်းချမှု ရှိ/မရှိ ကွင်းဆင်းစစ်ဆေးခဲ့ကြောင်း သိရှိရသည်။

          ထိုသို့ ကွင်းဆင်းစစ်ဆေးခဲ့ရာ ကျော်ကြားအိမ်ဆောက်ပစ္စည်းအရောင်းဆိုင်များတွင် ဘိလပ်မြေစျေးနှုန်းများမှာ ကြံ့တစ်ကောင် (အပြာ)(မြိုင်ကလေး) အမှတ်တံဆိပ် (၁)အိတ်လျှင် ကျပ် (၂၄၀၀၀)၊ အပါချီ (ရွှေညောင်) အမှတ်တံဆိပ် (၁)အိတ်လျှင် ကျပ် (၂၅၂၅၀)တို့ဖြစ်ကြပြီး၊ သံချောင်း(HRB-500) ၅မူး တစ်တန်လျှင် ကျပ် (၃၂၈၀၀၀၀)၊ သံချောင်း(HRB-500) ၆မူး တစ်တန်လျှင် ကျပ် (၃၅၀၀၀၀၀)၊ သံချောင်း (HRB-500) ၃မူး တစ်တန်လျှင် ကျပ် (၃၅၃၀၀၀၀)၊ သံချောင်း(HRB-500) ၃မတ် တစ်တန်လျှင် ကျပ် (၃၄၅၀၀၀၀)၊ သံချောင်း(HRB-500) ၂၀မီလီမီတာ တစ်တန်လျှင် ကျပ် (၃၄၃၀၀၀၀)၊ သံချောင်း(HRB-400) ၅မူး တစ်တန်လျှင် ကျပ် (၂၁၄၀၀၀၀)၊ သံချောင်း(HRB-400) ၆မူး တစ်တန်လျှင် ကျပ် (၂၄၄၀၀၀၀)၊ သံချောင်း(HRB-400) ၃မူး တစ်တန်လျှင် ကျပ် (၂၃၃၀၀၀၀)၊ သံချောင်း(HRB-400) ၃မတ် တစ်တန်လျှင် ကျပ် (၂၆၈၀၀၀၀) ဖြင့်အရောင်းအဝယ်ဖြစ်နေပြီး စျေးကွက်အတွင်းဘိလပ်မြေပြတ်လပ်မှုမရှိကြောင်း အိမ်ဆောက်ပစ္စည်းအရောင်းဆိုင်များမှ သိရှိရပါသည်။

DOCA(မွန်)