သတင်းနှင့် လှုပ်ရှားမှုများ

   မွန်ပြည်နယ် မုဒုံမြို့နယ်တွင် (၄၁) ကြိမ်မြောက် မုဒုံမြို့လုံးဆိုင်ရာ ဂိုဏ်ပေါင်းစုံ ဝါတော် (၄၀) နှင့်အထက် ဆရာတော်ကြီးများအား ပူဇော်ပွဲအခမ်းအနားကို (၁၀.၈.၂၀၂၅) ရက်နေ့ နံနက် (၉း၀၀) နာရီက မြို့မ (၂) ရပ်ကွက်ရှိ လေးထပ်သာသနာ့ဗိမာန်တော်ကြီး၌ ပြုလုပ်သည်။

   ဦးစွာ နမောတဿ သုံးကြိမ်ရွတ်ဆို၍ အခမ်းအနားအား စတင်ဖွင့်လှစ်ခဲ့ပြီး မြို့နယ်သံဃနာယက ဥက္ကဋ္ဌ ဂျုံးဂျုံးကျတောရကျောင်းဆရာတော် ဘဒ္ဒန္တ ကိတ္တိဝဏ္ဏထံမှ မြို့နယ်အုပ်ချုပ်ရေးမှူး ဦးပြည်သိမ်း၊ မုဒုံမြို့နယ်တပ်နယ်မှူး ဒုတိယဗိုလ်မှူးကြီး မိုးဝင်း၊ ပြည်နယ် (YMBA)အသင်း နာယက ဦးဝင်းနိုင်ဦး၊ မြို့နယ်ဌာနဆိုင်ရာ တာဝန်ရှိသူများနှင့် ဧည့်ပရိသတ်အပေါင်းတို့က သီလတော်မြတ်ခံယူသည်။ ထို့နောက် ဆရာတော်ကြီးများအား ပူဇော်ကန်တော့၍ ဆရာတော်၊ သံဃာတော်များထံမှ မေတ္တသုတ် ပရိတ်တရားတော်များ ရွတ်ပွားချီးမြှင့်တော်မူသည်။

     ဆက်လက်၍ မြို့နယ်အုပ်ချုပ်ရေးမှူးနှင့် ဧည့်ပရိတ်အပေါင်းတို့က ဆရာတော်ကြီး များအား လှူဖွယ်ဝတ္ထုပစ္စည်းများ ဆပ်ကပ်လှူဒါန်းပြီး ဓမ္မဒူတကျောင်း ဆရာတော်ကြီးမှ အနုမောဒနာတရား ချီးမြှင့်ကာ လှူဒါန်းမှုအစုစုတို့အတွက် ရေစက်သွန်းချအမျှပေးဝေ၍ ဗုဒ္ဓသာသနံ စိရံတိဋ္ဌတု သုံးကြိမ်ရွတ်ဆို အခမ်းအနားအား ရုပ်သိမ်းခဲ့ကြောင်း သိရသည်။

DOCA (မွန်

          ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူးသည် (၆.၈.၂၀၂၅) ရက်နေ့၊ နေလယ် (၁၂း၀၀) နာရီအချိန်တွင် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌနှင့် အတွင်းရေးမှူး၊ မြို့နယ်မီးသတ်အရာရှိတို့နှင့် အတူ  လှေကြီးတက်ကျေးရွာရှိ မိဘမေတ္တာ စက်သုံးဆီဆိုင်သို့ သွားရောက်၍ ဓာတ်ဆီ 92/95 ဈေးနှုန်း၊ ဒီဇယ်ဈေးနှုန်းများ မှန်ကန်စွာ ရောင်းချခြင်းရှိ/ မရှိနှင့် ဓါတ်ဆီ၊ ဒီဇယ်ဆီ ဝင်ရောက်မှုအခြေအနေ၊ လက်ကျန်အခြေအနေများကို အမျိုးအစားအလိုက် (၁) တန်ချင်း သတ်မှတ်ပေတံများဖြင့် စစ်ဆေးပြီး၊ တောင်သူများ စိုက်ပျိုးရာသီနီးကပ်လာသဖြင့် စက်သုံးဆီပြတ်လပ်မှုမရှိစေရေး၊ မော်တော်ယာဉ်နှင့် ရေယာဉ်များကို ပုံမှန်ရောင်းချရန် သယ်ယူရောင်းချခွင့်မရှိသောပုံးများနှင့် သယ်ယူရောင်းချခြင်းကို လိုက်နာဆောင်ရွက်ရန်နှင့် သတ်မှတ်ယူနစ်အတိုင်း ရောင်းချရန် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (ဧရာဝတီ)

   ၈.၈.၂၀၂၅ ရက်နေ့ နံနက် (၁၀း၀၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ ပေါင်မြို့နယ်တာဝန်ခံ ဦးအောင်မျိုးဦးသည် သက်ဆိုင်ရာတာဝန်ရှိသူများနှင့် ပူးပေါင်း၍ ပေါင်မြို့နယ်၊ မြို့ပေါ်ရပ်ကွက် (၄)ခု၌ စျေးကွက်အတွင်း “စားအုန်းဆီအမျိုးမျိုး” အား စျေးကွက်စောင့်ကြည့် စစ်ဆေးခဲ့ကြောင်း သိရသည်။

   ထိုသို့ စျေးကွက်စောင့်ကြည့်စစ်ဆေးရာ စျေးကွက်အတွင်းရောင်းချနေသော စားအုန်းဆီ အမျိုးမျိုးတွင် ကုန်အညွှန်းအမှတ်အသားပြည်စုံစွာဖော်ပြပါရှိခြင်း ရှိ/မရှိ  စစ်ဆေးခဲ့ရာ အဆိုပါ စျေးကွက်အတွင်း ကုန်အညွှန်းအမှတ်အသားမပါရှိသော “စားအုန်းဆီအမျိုးမျိုး” ရောင်းချခြင်း မတွေ့ရှိရဘဲ ကုန်အညွှန်းအမှတ်အသား ပြည့်စုံစွာဖော်ပြထားပြီး သက်ဆိုင်ရာဌာန များ၏ ထောက်ခံချက်ပါရှိသော “စားအုန်းဆီအမျိုးမျိုး” ကိုသာ ရောင်းချနေကြောင်း သိရှိရပါသည်။

DOCA (မွန်)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် တိုင်းဒေသကြီးဦးစီးမှူးရုံးမှ ဝန်ထမ်းများသည် စားသုံးသူများဘေးကင်းလုံခြုံမှုရှိစေရေးနှင့် ထုတ်ကုန် များလုံခြုံစိတ်ချရမှုရှိစေရေးအတွက် (၆.၈.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့၊ မြို့မဈေးအတွင်းရှိ အချိန်အတွယ်ဖြင့်ရောင်းချသည့် စားသုံးဆီအရောင်းဆိုင်များတွင် ရောနှောဆီ ရောင်းချခြင်းရှိ/မရှိနှင့် အမှတ်တံဆိပ်ပါ စားသုံးဆီများတွင် သက်ဆိုင်ရာဌာနများမှ သတ်မှတ် ထုတ်ပြန်ထားသည့် ညွှန်ကြားချက်များ၊ ထောက်ခံချက်များ ဖော်ထားခြင်းရှိ/မရှိတို့ကို ဈေးကွက် စောင့်ကြည့်စစ်ဆေးခဲ့ကြောင်း သိရသည်။

    ထိုသို့ ဈေးကွက်စောင့်ကြည့်စစ်ဆေးရာတွင် ရောနှောဆီရောင်းချခြင်းမရှိကြောင်းနှင့် အမှတ် တံဆိပ်ပါစားသုံးဆီများတွင် သတ်ဆိုင်ရာဌာနများမှ ထုတ်ပြန်ထားသည့်ညွှန်ကြားချက်များ ပြည့်စုံ စွာဖော်ပြထားကြောင်း စစ်ဆေးတွေ့ရှိရပြီး လုပ်ငန်းရှင်များအား ဈေးကွက်အတွင်း အချိန်အတွယ် ဖြင့် ရောင်းချသည့် စားသုံးဆီအရောင်းဆိုင်များတွင် အမျိုးအမည်နှစ်ခု ရောနှောရောင်းချ၍ မရ ကြောင်း၊ ရောနှောရောင်းချနေသည်ကို စစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ်ကြောင်းနှင့် စားသုံးသူကာကွယ်ရေးဥပဒေ အခန်း(၁၀)ပါ စီးပွား ရေးလုပ်ငန်းရှင်၏ တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအကြောင်း အသေးစိတ် ဆွေးနွေးခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များ ဖြန့်ဝေပေးခဲ့ ကြောင်း သိရှိရသည်။

DOCA(မကွေး)

           ကျုံပျော်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံသည် (၅.၈.၂၀၂၅) ရက်နေ့၊ နံနက် (၁၀:၀၀) နာရီအချိန်တွင် မြို့နယ်လယ်ယာဖွံ့ဖြိုးရေးဘဏ်သို့  စိုက်ပျိုးစရိတ်ချေးငွေ လာရောက်ထုတ်ယူသည့် တောင်သူ (၁၅၀) ဦးအား (MYRO) မှတ်ပုံတင်ပြုလုပ်ခြင်းဆိုင်ရာများအား ရှင်းလင်းပြောကြားပြီး၊ မှတ်ပုံတင်ရန် သတ်မှတ်ထားသော ပမာဏထက် သိုလှောင်ခွင့်မရှိကြောင်း သိုလှောင်ထားပါက အရေးယူခံရကြောင်းမှာ မဟုတ်မမှန်သတင်းများသာဖြစ်ကြောင်း အသိပညာပေး ရှင်းလင်း ဟောပြောခဲ့ကြောင်း သိရှိရပါသည်။

DOCA(ဧရာဝတီ)