သတင်းနှင့် လှုပ်ရှားမှုများ

                 စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးနှင့် ဝန်ထမ်း(၃)ဦးတို့သည် “ခရိုင်ဆန်သိုလှောင် ဈေးနှုန်းမြှင့်တင်ရောင်းချမှုများ စိစစ်ရေးလုပ်ငန်းအဖွဲ့”မှ အဖွဲ့ဝင်များဖြစ်သော ခရိုင်အထွေထွေ အုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်အတူ ၂၀၂၆ ခုနှစ်၊ ဖေဖော်ဝါရီလ ၉ ရက်နေ့နံနက် ၁၀:၀၀ နာရီအချိန်တွင် စစ်ကိုင်းမြို့၊ မီးရထားရပ်ရှိ ဆန်အရောင်း ဆိုင်များဖြစ်သော သိန်းထိုက်အောင်၊ ဩပြည့်လျှံနှင့် OK ဆိုင်များသို့ ကွင်းဆင်း၍ ဈေးနှုန်းဈေးကွက် အခြေအနေများ၊ စီးဝင်/စီးထွက်မှုအခြေအနေများ၊ သယ်ယူခနှုန်းထားများနှင့် ဈေးနှုန်းမြှင့်တင် ရောင်းချ ခြင်း အလို့ငှာ သိုလှောင်ခြင်း၊ ဖြန့်ဖြူးရောင်းချမှုများ ရှိ/မရှိကို ကွင်းဆင်းစစ်ဆေး ဆောင်ရွက်ခဲ့ကြောင်း၊ ထိုသို့ ဆောင်ရွက်ရာတွင် စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူး ဦးဆောင်သော ပူးပေါင်း အဖွဲ့သည် ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ရန် သိုလှောင်ထားခြင်းများ မပြုလုပ်ရန်၊ ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန် ရည်ရွယ်ချက်ဖြင့် သိုလှောင် ထားခြင်း များရှိပါက အရေးကြီးဝန်ဆောင်မှုဥပဒေအရ အရေးယူမည်ဖြစ်ကြောင်း၊ ဆန်အိတ် (၅၀၀)နှင့် အထက် သိုလှောင်ထားရှိပါက သိုလှောင်ရုံ မှတ်ပုံတင် ပြုလုပ်ရမည်ဖြစ်ကြောင်း အသိပညာပေး ဆွေးနွေးခြင်းများ ဆောင်ရွက်ခဲ့ရာ စစ်ကိုင်းမြို့၊ မီးရထားရပ်ရှိ ဆန်အရောင်းဆိုင်များဖြစ်သော သိန်းထိုက်အောင်၊ ဩပြည့်လျှံနှင့် OK ဆန်ဆိုင်များအနေဖြင့် ဆန်များကို ရွှေဘိုမြို့မှ အများဆုံး ဝယ်ယူရောင်းချကြောင်း၊ ရွှေဘိုမြို့သို့ သွားရောက်ဝယ်ယူ၍ လည်းကောင်း၊ မိမိတို့ဆိုင်များသို့ အရောက်ပို့၍လည်းကောင်း ဝယ်ယူကြောင်း၊ ဝယ်ယူရာတွင် ရောင်းအားရှိသလောက် ဝယ်ယူကြောင်း၊ စစ်ကိုင်းမြို့ပေါ်ရှိ ပြည်သူများ ကြိုက်နှစ်သက်စွာ ဝယ်ယူသုံးစွဲမှု အများဆုံးဆန်မှာ ရွှေဘိုပေါ်ဆန်း၊ ဧရာမင်းနှင့် မနောသုခဆန်များကို အများဆုံးရောင်းချသည်ကို စိစစ်တွေ့ရှိရကြောင်း၊ ဆန်အမျိုးအစား အလိုက် (၂၄) ပြည်တစ်အိတ် ဈေးနှုန်းများမှာ ဆန်အမျိုးအစား၊ အရည်အသွေးအလိုက်သိန်းထိုက်အောင်၊ ဩပြည့်လျှံနှင့် OK ဆိုင်များသည် ရွှေဘိုပေါ်ဆန်း(သစ်) (၁၉၀၀၀၀)ကျပ်၊ ဧရာမင်း(ဟောင်း)(၁၅၅၀၀၀) ကျပ်နှင့်ဧရာမင်း(သစ်)(၁၃၅၀၀၀)ကျပ်၊မနောသုခ(ဟောင်း)(၉၅၀၀၀)ကျပ် နှင့်မနောသုခ(သစ်)(၆၅၀၀၀-၇၀၀၀၀)ကျပ်ဖြင့် အရောင်း အဝယ်ရှိကြောင်း ၊သယ်ယူခ နှုန်းထားများမှာ ရွှေဘိုမြို့မှ စစ်ကိုင်းမြို့သို့ ဆန် (၂၄)ပြည် တစ်အိတ်လျှင် (၆၀၀၀) ကျပ်မှ   (၇၀၀၀) ကျပ်ရှိကြောင်း ဆန်များကို သိုလှောင်ထားခြင်းမရှိဘဲ   လိုသလောက်သာ မှာယူရောင်းချသောကြောင့် ဆန်သိုလှောင်သော ဆန် ဂိုဒေါင်များမရှိပါကြောင်း၊ အရောင်းဆိုင်များတွင်ရောင်းအား   ရှိသလောက် ဝယ်ယူရောင်းချနေကြောင်း  သတင်းရရှိ ပါသည်။

 DOCA (စစ်ကိုင်း)

             ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ မြို့နယ်ဦးစီးမှူး ဦးလှထွဋ်ဦးသည်    မြို့နယ်စည်ပင်သာယာရေးအဖွဲ့၊  တိုင်းရင်းဆေး၊    ပြည်သူ့ကျန်းမာရေးအဖွဲတို့နှင့်ပူးပေါင်း၍(၄.၂.၂၀၂၆)ရက်နေ့နံနက်(၁၁း၀၀)နာရီကမြောင်းမြမြို့ပေါ်ရှိဆေးဆိုင်များတွင် အိမ်သုံးဆေးဝါးများဈေးနှုန်းမြင့်တင်ရောင်းချခြင်းရှိ/ မရှိ ကွင်းဆင်းစစ်ဆေးခဲ့ပါသည်။

          ထို့သို့ ကွင်းဆင်းစစ်ဆေးရာတွင် မြို့နယ်တာဝန်ခံမှ အိမ်သုံးဆေးအရောင်းဆိုင် ဆိုင်ရှင်များအား စားသုံးသူပြည်သူများသက်သာသောဈေးနှုန်းဖြင့် ဝယ်ယူသုံးစွဲနိုင်ရေးအတွက် ဆေးဈေးနှုန်းများမြှင့်တင်ရောင်းချခြင်းမပြုရန် ဆေးဆိုင်များ ပုံမှန်ဖွင့်လှစ်ရောင်းချနိုင်ရေး ဆေးပြတ်လပ်မှုမဖြစ်ပေါ်စေရေးအဓိကထားဆောင်ရွက်ရန် ဈေးကွက် အတွင်း ယခင်လဈေးနှုန်းထက် အနည်းငယ်သာမြင့်တက်မှုရှိပြီး စားသုံးသူပြည်သူများအနေဖြင့် အခြေခံဆေးနှင့် ဆေးပစ္စည်းများဝယ်ယူရာတွင် အခက်အခဲမရှိဝယ်ယူရရှိနိုင်ပြီး သက်တမ်းလွန်ဆေးဝါးများနှင့် လိုင်စင်မဲ့ဆေးဝါးများ ရောင်းချခြင်းမပြုရန်၊ ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများ စစ်ဆေး‌တွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေများအရ အရေးယူဆောင်ရွက်သွားမည်ဖြစ်ကြောင်း သက်ဆိုင်ရာဌာနများ၏ အမိန့်ညွှန်ကြားချက်၊ ဥပဒေများလိုက်နာဆောင်ရွက်ကြရန် အသိပေးစစ်ဆေး ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

               ၂၀၂၆ ခုနှစ်၊ ဖေ‌ဖော်ဝါရီလ ၆ ရက်နေ့ နေ့လည် ၂ နာရီအချိန်တွင် စစ်ကိုင်းတိုင်းဒေသကြီး၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ ဦးဆောင်၍ စစ်ကိုင်းတိုင်း‌ဒေသကြီး အစားအသောက်နှင့်ဆေးဝါးကွပ်ကဲရေးကော်မတီအဖွဲ့ဝင်များဖြစ်သည့် တိုင်းဒေသကြီးစားသုံးသူရေးရာဌာန၊ ခရိုင်ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေး အဖွဲ့တို့နှင့် ပူးပေါင်း၍  မုံရွာမြို့ပေါ်ရှိ ချင်းတွင်းရတနာဈေးနှင့်  မြသလ္လာဈေးတို့တွင်ရောင်းချ လျှက်ရှိသော အစားအသောက်များအား ခွင့်မပြုစာတုဆေးများသုံးစွဲထားခြင်းရှိ/မရှိ ရှောင်တခင် စစ်ဆေးခဲ့ကြောင်း သိရှိရပါသည်။

                  ထိုသို့ စစ်ဆေးရာတွင် ချင်းတွင်းရတနာ နှင့် မြသလ္လာဈေးတို့ ‌ရောင်းချလျက်ရှိသော အစား အသောက်များအနက် အချို့ ငါးပိ အ‌ရောင်းဆိုင်များတွင် ခွင့်မပြုဓာတုဆိုးဆေးပါဝင်မှုစစ် ဆေးတွေ့ ရှိရ၍ ခံဝန်လက်မှတ်ရေးထိုးခြင်း၊ သိမ်းဆည်းဖျက်ဆီးခြင်းများ ဆောင်ရွက်ခဲ့ကြောင်း သိရှိရပါသည်။  အလားတူ  စစ်ဆေးသည့်အဖွဲ့သည် မုံရွာမြို့၊ ညောင်တပင်ဈေးအတွင်း ရောင်းချလျက်ရှိ သော အစားအသောက်နှင့်လူသုံးကုန်ပစ္စည်း အရောင်းဆိုင်များအား ခွင့်မပြုဓာတုဆိုးဆေးများ သုံးစွဲရောင်းချမှု ရှိ/မရှိ စစ်ဆေးခဲ့ကြောင်းသိရှိရပါသည်။  

DOCA(စစ်ကိုင်း)

     တံတားဦးမြို့နယ်၊ ပင်းယျကျေးရွာရှိ နေဝန်း Star အမှတ်တံဆိပ်မြေပဲပွကြော် ရောင်းချသည့် လုပ်ငန်းရှင်အား ကုန်အညွှန်းအမှတ်အသားဖော်ပြမှုနှင့်ပတ်သက်၍ ဖေဖော်ဝါရီလ (၅)ရက်နေ့တွင် ကျောက်ဆည်ခရိုင် ၊ စားသုံးသူရေးရာဦးစီးဌာန ၊ ခရိုင်ဦးစီးမှူးရုံး၌ တွေ့ဆုံဆွေးနွေးခဲ့ပါသည် ။ ထိုသို့ တွေ့ဆုံရာတွင် ဦးဇော်မင်းလတ် (ဦးစီးအရာရှိ)က ပြောကြားရာတွင် နေဝန်းStar အမှတ်တံဆိပ် မြေပဲပွကြော် လုပ်ငန်းရှင်အား မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်အမှတ်(၂/၂၀၁၉) နှင့်စားသုံးသူကာကွယ်ရေးဥပဒေပါ လုပ်ငန်းရှင်များ၏ တာဝန်များ နှင့် အခန်း၁၈ပါ စီးပွား‌‌ရေးလုပ်ငန်းရှင်များ လိုက်နာရမည့် ကုန်အညွှန်းအမှတ်အသားဖော်ပြခြင်း နှင့်ပတ်သက်၍ ပုဒ်မ(၄၁)ပါ အချက်အလက်များအား ရှင်းလင်းဆွေးနွေးခြင်း ၊ ၄င်းအချက်အလက် များမှ ပုဒ်မ(ခ)ရှိ ကုန်စည်၏ အမျိုးအမည် ၊ အရွယ်အစား ၊ အရေအတွက် နှင့် အသားတင်ပမာဏ ၊ ထားသိုသိမ်းဆည်းမှုအညွှန်း၊သုံးစွဲပုံနည်းလမ်းနှင့် ပုဒ်မ(ဆ)ရှိ ကျန်းမာရေးဆိုင်ရာဘေးထွက်ဆိုးကျိုး သို့မဟုတ် ဓါတ်မတည့်ကြောင်းဖော်ပြချက် နှင့် ကြိုတင်သတိပေးချက်တို့အား မြန်မာဘာသာဖြင့် ဖြစ်စေ ၊ မြန်မာဘာသာ နှင့် အခြားဘာသာတစ်ခု (သို့) တစ်ခုထက်ပို၍ တွဲလျှက်ဖြစ်စေ ၊ ပြည့်စုံစွာ ဖော်ပြရမည်ဖြစ်ပြီး စီးပွားရေးလုပ်ငန်းရှင်များဘက်မှလည်း ကုန်စည်အမျိုးအစားအလိုက် သတ်မှတ် ထားသည့် ဥပဒေညွှန်ကြားချက်များအား အထူးအလေးထား လိုက်နာဆောင်ရွက်သွားကြရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)                                                                        

   စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦး‌ဇေယျာအောင်(ခရိုင်ဦးစီးမှူး) ဦးဆောင်၍ အထွေထွေအုပ်ချုပ်ရေးဦးစီးဌာန၊ အစားသောက်နှင့်ဆေးဝါးကွပ်ကဲရေးဦးစီးဌာနနှင့် စည်ပင်သာယာရေးအဖွဲ့ တို့ပါဝင်သော ပူးပေါင်းအဖွဲ့သည် ၁၁ - ၂ -၂၀၂၆ ရက်နေ့တွင် မြစ်ကြီးနားမြို့၊ ရှမ်းစုမြောက်ရပ်ကွက်အတွင်းရှိ ကဖေးနှင့်အအေးမျိုးစုံရောင်းချသည့် လုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေးဥပဒေပါ ပြဋ္ဌာန်းချက် များ၊ စီးပွားရေးလုပ်ငန်းရှင်များ လိုက်နာရမည့်ကျင့်ဝတ်များနှင့်ပတ်သက်၍ ရှင်းလင်းဆွေးနွေးခဲ့ပါသည်။ ထိုသို့ဆွေးနွေးရာတွင် ဦးဇေယျာအောင်(ခရိုင်ဦးစီးမှူး)က စားသုံးသူကာကွယ်ရေး ဥပဒေအရ စီးပွားရေးလုပ်ငန်းရှင်၏ လိုက်နာရန်တာဝန်များ ၊ ကျင့်ဝတ်များအကြောင်း၊ မိမိ၏ကုန်စည် သို့မဟုတ် ဝန်ဆောင်မှု အပေါ်တာဝန်ရှိမှုအကြောင်း၊ ကုန်စည်/ဝန်ဆောင်မှုနှင့်စပ်လျဉ်း၍ အာမခံချက်ပေးခြင်းအကြောင်း၊ မိမိ လုပ်ကိုင်ဆောင်ရွက်နေသည့် စီးပွားရေးသည် ဝန်ဆောင်မှုလုပ်ငန်းများပါရှိသည့်အတွက် စားသုံးသူက တောင်းဆိုနိုင်သည့် အခွင့်အရေးများအကြောင်း ၊ မိမိရောင်းကုန်ပစ္စည်းများသည် သန့်ရှင်းသပ်ရပ်မှုရှိရန်လို အပ်ကြောင်း၊ပေးချေရသည့်ဈေးနှုန်းနှင့် စားသုံးသူများ စိတ်ကျေနပ်မှုရှိရန်လိုအပ်ကြောင်း၊ စားသုံးသူပြည်သူ များ ဘေးဥပဒ်အန္တရာယ်မဖြစ်ရန်လိုအပ်ကြောင်း၊ သက်တမ်းကုန်ပစ္စည်းများ ရောင်းချခြင်းမပြုလုပ်ရန်လို အပ်ကြောင်း၊ ဈေးနှုန်းများအဆမတန်မြင့်တင်ရောင်းချခြင်း မပြုရန်လိုအပ်ကြောင်းတို့ကို အသိပညာပေး ဆွေးနွေးခဲ့ကြောင်း သတင်းရရှိပါသည်။

DOCA(ကချင်)