သတင်းနှင့် လှုပ်ရှားမှုများ

  မွန်ပြည်နယ်၊ မုဒုံမြို့နယ်တွင် ဥပဒေအကြောင်းများ၊ စာဖတ်ရှိန်မြှင့်တင်ရေး အသိပညာ ပေးခြင်း၊ စားသုံးသူကာကွယ်ရေး အသိပညာပေးဟောပြောပွဲ၊ သဘာဝဘေးအန္တ ရာယ်ဆိုင်ရာ အသိပညာပေးခြင်းနှင့် နံရံကပ်ပိုစတာ၊ စာအုပ်စာစောင်ပြပွဲကို (၆.၈.၂၀၂၅) ရက်နေ့ နံနက် (၁၀း၀၀) နာရီက အခြေခံပညာအလယ်တန်းကျောင်း(ခွဲ) မြိုင်ကုန်း၌ ပြုလုပ်ခဲ့သည်။

     ဦးစွာ မုဒုံမြို့နယ်ပညာရေးမှူးရုံးမှ လက်ထောက်ပညာရေးမှူး ဒေါ်မြင့်မြင့်စိန်က အမှာ စကားပြောကြားပြီး မြို့နယ်ဥပဒေအရာရှိ ဒေါ်ဝင်းသျှန္နီအေးက ကျောင်းတွင်း အကြမ်းဖက်မှု အကြောင်းအရာများ၊ ကျောင်းသား/သူများ အချင်းချင်း ခိုက်ရန်ဖြစ်ပွားစေတတ်သည့် အပြုအမူ များကို ရှောင်ရှားစေရန် အကြောင်းအရာများနှင့် မူးယစ်ဆေးဝါးအန္တရာယ် အကြောင်းအရာ များကို ရှင်းလင်းပြောကြားခဲ့သည်။

   ထို့နောက် မုဒုံမြို့ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိက ကျောင်းသား/သူများ အသိပညာဗဟုသုတများပြည့်စုံစေရန်နှင့်စာဖတ်ရှိန်မြင့်မားစေရေးအတွက် ကျောင်းစာအပြင် ပြင်ပစာပေများဖြစ်သည့် ရုပ်ပြ၊ ကာတွန်း စသည့် စာအုပ်စာစောင်များကို လေ့လာဖတ်ရှုကြရန်နှင့် အကျိုးအကြောင်း အဆိုးအကောင်းများကို ဝေဖန်ပိုင်းခြားနိုင်ရေး အတွက် စာပေများကို ဖတ်ရှုလေ့လာကြရန် ပြောကြားပြီး၊ စားသုံးသူရေးရာဦးစီးဌာန မုဒုံမြို့နယ်တာဝန်ခံမှ စားသုံးသူအခွင့်အရေးနှင့်တာဝန်များ​၊ ကုန်စည်နှင့်ဝန်ဆောင်မှုများအား ဝယ်ယူသုံးစွဲရာတွင် သတိပြုရမည့်အချက်များ၊ ကုန်ညွှန်းအမှတ်အသားနှင့်ပတ်သက်သည့် အချက်များ၊ စားသုံးသူထိခိုက်နစ်နာဆုံးရှုံးမှုများရှိပါက တိုင်ကြားနိုင်သည့်နည်းလမ်းများကို ရှင်းလင်းပြောကြားခဲ့ပြီး ဟောပြောပွဲသို့ ဆရာ၊ ဆရာမ (၉) ဦးနှင့် ကျောင်းသား၊ ကျောင်းသူ (၁၃၀) ဦး တက်ရောက်ခဲ့ပြီး စာဖတ်ရှိန်မြင့်မားစေရေးအတွက် စာဖတ်စွမ်းရည်ပြိုင်ပွဲများနှင့် စာအုပ် စာစောင်များ၊ စားသုံးသူအသိပညာပေး နံရံကပ်ပိုစတာများ ပြသဆောင်ရွက်ပေးခဲ့ပြီး ကျောင်းသား/သူများက စိတ်ပါဝင်စားစွာ လေ့လာဖတ်ရှုခဲ့ကြောင်း သိရသည်။

​ DOCA (မွန်)

  စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင် သည် ၈.၈.၂၀၂၅ ရက်နေ့ ၁၁:၀၀ နာရီအချိန်တွင် မိုးညှင်းမြို့နယ်၊ နားခါရပ်ကွက် အတွင်းရှိ နွယ်(ဆေးဆိုင်)သို့ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက်များ နှင့် ကိုက်ညီခြင်း ရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

  ဈေးကွက်စောင့်ကြည့်စစ်ဆေးခဲ့ရာ LIVOLIN Forte အမှတ်တံဆိပ်ပါ အသည်းအားဆေးသည် ဆရာဝန်ညွှန်ကြားချက်မလိုသော အိမ်သုံးဆေးဝါး သောက်ဆေးအမျိုးမျိုးတို့တွင် ကုန်စည်အမျိုးအစား အလိုက် သတ်မှတ်ချက်များနှင့်အညီ မြန်မာဘာသာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဘေးထွက် ဆိုးကျိုးနှင့် ကြိုတင်သတိပေးချက်တို့ကို ကုန်အညွှန်းအမှတ်အသား ဖော်ပြထားရှိခြင်း ရှိ/မရှိ ဈေးကွက် စောင့်ကြည့်စစ်ဆေးခဲ့ရာ ကုန်အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး ဆေးဆိုင်ပိုင်ရှင်အား ဆေးပစ္စည်းအမျိုးမျိုး ဖြန့်ဖြူးရောင်းချရာတွင်လည်း မြန်မာဘာသာဖြင့် ကုန်အညွှန်း အမှတ်အသား ပြည့်စုံမှန်ကန်စွာ ဖော်ပြပါရှိသော ဆေးပစ္စည်းများကိုသာ ဝယ်ယူဖြန့်ဖြူးရောင်းချရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

           ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၊ စားသုံးသူရေးရာဦးစီးဌာနနှင့် ဌာနာဆိုင်ရာများပူပေါင်း၍ မြို့နယ်အတွင်း ဆန်ဆိုင်များအား စျေးနှုန်းမြှင့်တင် ရောင်းချခြင်းမရှိစေရေးနှင့် စျေးနှုန်းတည်ငြိမ်စေရေးအတွက် ကွင်းဆင်းစစ်ဆေးခြင်းကို ၆-၈-၂၀၂၅(ရက်နေ့) နံနက် (၀၉း၀၀)နာရီခွဲအချိန်တွင် မအူပင်မြို့နယ်အတွင်းရှိ ဆန်ဆိုင်များသို့ သွားရောက်၍ ကုန်စည်စျေးနှုန်း ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရသည်။

          အဆိုပါ ဆန်ဆိုင်များ ကွင်းဆင်းစစ်ဆေးခြင်းကို စားသုံးသူရေးရာဦးစီးဌာန  စစ်ဆေးရေးအရာရှိများ၊ မြို့နယ်အထွေထွေ အုပ်ချုပ်ရေးဌာနနှင့် မြို့နယ်စည်ပင်သာယာရေးဦးစီးဌာနမှ စျေးတာဝန်ခံတို့က မြို့နယ်၊ ရပ်ကွက်များအတွင်းနှင့် မြို့မစျေးအတွင်းရှိ ဆန်ဆိုင်များသို့ သွားရောက်၍ ဆန်အမျိုးအစားအလိုက် သတ်မှတ်၍ စျေးနှုန်းမြှင့်တင်ရောင်းချခြင်းရှိ၊ မရှိ စစ်ဆေးခြင်း၊ စျေးနှုန်းမြှင့်တင်ရောင်းချရန်အတွက် စျေးများ သိုလှောင်ထားရှိမှုရှိ၊ မရှိ ကွင်းဆင်းစစ်ဆေးခြင်း၊ MyRo မှတ်ပုဲတင်လုပ်ငန်းများ သက်တမ်းပြည်မီပါက ထပ်မံသက်တမ်းတိုးဆောင်ရွက်ရန်နှင့် ဆန်ဆိုင်ကြီးများမှ ဆန်သိုလှောင်မှု ပမာဏထက် ကျော်လွန်ပါက ပိုမိုသိုလှောင်ခွင့်မရှိ သိုလှောင်ပါက အရေးယူခံရမည်ဟူသော သတင်းမှာ မမှန်ကန်ကြောင်းနှင့် မိမိတို့သက်တမ်းတိုးရာတွင် သိုလှောင်ပမာဏများကို ဖြည့်သွင်းထားပြီး ပြောင်းလဲမှု ကုန်ရကုန်ထုတ်များအပတ်စဉ်ဆောင်ရွက်လျက်ရှိပြီး လုပ်ငန်းအဆင်ပြေချောမွေစွာ လုပ်ကိုင်ရန်အတွက် အသိပညာပေးခဲ့ကြောင်း သိရှိရပါသည်။

DOCA(ဧရာဝတီ)

  စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၇.၈.၂၀၂၅ ရက်နေ့တွင် မိုးညှင်းမြို့၊ နားခါရပ်ကွက် အတွင်းရှိ SMK (Store)သို့ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက်များ နှင့် ကိုက်ညီခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

  ဈေးကွက်စောင့်ကြည့်စစ်ဆေးခဲ့ရာ Trio အမှတ်တံဆိပ်ပါ အသင့်ဖျော်ကော်ဖီသည် အသင့်ဖျော် ကော်ဖီထုပ်အမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံနည်းလမ်းတို့ကို ကုန်အညွှန်းအမှတ်အသားဖော်ပြထားခြင်း ရှိ/မရှိ ဈေးကွက်စောင့်ကြည့်စစ်ဆေး ခဲ့ရာ ကုန်အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး Storeဆိုင် ပိုင်ရှင်အား ကုန်ပစ္စည်းအမျိုးမျိုး ဖြန့်ဖြူးရောင်းချရာတွင် ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြထားသော ကုန်ပစ္စည်းများကိုသာ ဝယ်ယူဖြန့်ဖြူးရောင်းချရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

   မွန်ပြည်နယ်၊ ပြည်နယ်ဦးစီးမှူးမှ ယခုသင်တန်းသည် (၁၆) ကြိမ်မြောက်သင်တန်း ဖြစ်ကြောင်း၊ အပတ်စဥ်(၁ မှ ၁၆)ကြိမ်အထိ တက်ရောက်ပြီးသော သင်တန်းသားများကို စိုက်ပျိုးရေးဦးစီးဌာနမှ အစေးခြစ်ကျွမ်းကျင်ပညာရှင်များအဖြစ် အသိအမှတ်ပြုပါကြောင်း၊ အစေးခြစ်သင်တန်း မတက်ရောက်ဖြစ်ခဲ့သော အစေးခြစ်လုပ်သားများကိုလည်း ဆင့်ပွားနည်း ပညာများ ဖြန့်ပေးစေလိုကြောင်း၊ မွန်ပြည်နယ်အတွက် ရော်ဘာသီးနှံကို ပန်းတိုင်သီးနှံအဖြစ် အဆိုပြုတင်ပြထားပြီးဖြစ်ရာ project အနေဖြင့် ရော်ဘာသီးနှံကို မြေပြင်ကွင်းဆင်းစစ်ဆေး ဆောင်ရွက်သွားမှာဖြစ်ကြောင်း၊ ယခုသင်တန်းကို ဖွင့်လှစ်ဖြစ်အောင်ဦးစီးဆောင်ရွက်ပေးသော နှစ်ရှည်သီးနှံညွှန်ကြားရေးမှူး၊ သင်ကြားပေးပါသော ဆရာကြီးဦးဝင်းတင်နှင့် ဆရာ၊ ဆရာမများ၊ တာဝန်ရှိဝန်ထမ်းများအားလုံးကို ကျေးဇူးတင်ပါ​ကြောင်း ပြောကြားသွားပါသည်။ အငြိမ်းစား ပညာရှင်ဆရာကြီး ဦးဝင်းတင်မှ သင်တန်းသားများစိတ်ပါဝင်စားစွာတက်ရောက်တာကို တွေ့ရှိရ ကြောင်း၊ သင်တန်းတွင် အစေးခြစ်ပညာနှင့်အစေးစုသိမ်းပုံများကို သင်ကြားပေးခဲ့ခြင်း ဖြစ်ကြောင်း၊ စနစ်တကျပေါက်ခြစ်စနစ်နှင့် အစေးခြစ်ခြင်းကြောင့်အခေါက်ကျနှုန်းသက်သာပြီး စီးပွားရေးသက်တမ်းပိုရှည်မှာဖြစ်ကြောင်း၊ အထွက်အကောင်းဆုံးမျိုးကို ရွေးချယ်စိုက်ပျိုးကြ စေလိုကြောင်းဆွေးနွေးပြောကြားသွားပါသည်။

   ထို့နောက် သင်တန်းတွင် ဆုရရှိသော သင်တန်းသား၊ သင်တန်းသူများအား ဆုချီးမြှင့် ပေးအပ်ခဲ့ပြီး သင်တန်းဆင်းပွဲ ကို (၁၁း၃၀) နာရီတွင်ရုတ်သိမ်းခဲ့ကြောင်း သိရှိရပါသည်။

 ​ DOCA (မွန်)