သတင်းနှင့် လှုပ်ရှားမှုများ

      မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံသည် (၁၁-၁၁-၂၀၂၄) ရက်နေ့၊ နံနက်(၁၀:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံ ရဲတပ်ဖွဲ့၊ မီးသတ်တပ်ဖွဲ့မှ တာဝန်ရှိသူများနှင့်ပူးပေါင်းကာ စားသုံးသူပြည်သူများဘေးအန္တရာယ်စေရေးအတွက်ရည်ရွယ်၍ တောင်တွင်းကြီးမြို့၊ စည်ပင်သာယာမြို့မဈေးပတ်ဝန်းကျင်ရှိ စားသုံးဆီ အရောင်းဆိုင်များတွင် ရောင်းချလျက်ရှိသည့် ရောနှောဆီအမျိုးမျိုးအား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်းသိရသည်။

         ဒေသတွင်းအသုံးပြုလျက်ရှိသည့် ကုန်စည်များနှင့်စပ်လျဉ်း၍ ယခုကဲ့သို့ဈေးကွက် စောင့်ကြည့်စစ်ဆေးခြင်းကို မိတ်ဖက်ဌာနများနှင့်အတူ လအလိုက်၊ အပတ်စဉ်အလိုက် စစ်ဆေးဆောင်ရွက်လျက်ရှိရာ ကုန်ဈေးနှုန်းတည်ငြိမ်ရေးအတွက်စစ်ဆေးခြင်း၊ စားသုံးဆီအရောင်းဆိုင်များတွင် စားအုန်းဆီများကို ရည်ညွှန်းဈေးနှုန်းဖြင့် ရောင်းချခြင်းရှိ/မရှိစစ်ဆေးခြင်း၊ ဆီအရောင်းဆိုင်များတွင် ပဲဆီနှင့် နှမ်းဆီများကို အချိုးနှင့်ရောနှောရောင်းချခြင်း၊ ဝါစေ့ဆီများရောနှောရောင်းချခြင်းမရှိကြောင်းတွေ့ရှိရပြီး စားသုံးသူများသည် ရောနှောဆီများသုံးစွဲရာတွင် အချိုးနည်းပြီးဈေးနှုန်းသက်သာသော ရောနှောဆီသုံးစွဲသူများကြောင်းတွေ့ရှိရပါသည်။

DOCA(မကွေး)

             ရန်ကုန်တိုင်းဒေသကြီးအတွင်း ဒေသဆိုင်ရာ MSME အေဂျင်စီများအနေဖြင့် နိုင်ငံတော်မှမတည်ရင်းနှီးထားသည့် ငွေကြေးအရင်းအနှီးကို Quality Loan အဖြစ်အမှန်တကယ်လိုအပ်သည့် MSME လုပ်ငန်းရှင်များထံသို့ အပြည့်အဝရရှိစေရေးနှင့် အကျိုးထိရောက်စွာအသုံးပြူနိုင်ရေး စီမံကြပ်မတ်ဆောင်ရွက်လျက်ရှိရာ ဗိုလ်တထောင်ခရိုင်၊ ပုဇွန်တောင်မြို့နယ်အတွင်းရှိ HLM လူသုံးကုန်ပစ္စည်းအမျိုးမျိုးအရောင်းဆိုင်သို့ ၁၂.၁၁.၂၀၂၄ ရက်နေ့ နေ့လယ်(၁၄း၃၀)တွင် လုပ်ငန်းရှင်အား ချေးငွေပံပိုးပေးနိုင်ရေးအတွက် ဗိုလ်တထောင်ခရိုင်၊ အထွေထွေအုပ်ချုပ်ရေးဦးစီးဌာန၊ ပုဇွန်တောင်မြို့နယ်အထွေထွေအုပ်ချုပ်ရေးဦးစီးဌာန၊ ပြည်တွင်းအခွန်၊ စားသုံးသူရေးရာဦးစီးဌာန၊ မြို့နယ်ရဲတပ်ဖွဲ့၊ စက်မှုကြီးကြပ်နှင့်စစ်ဆေးရေးဦးစီးဌာန၊  မြန်မာ့စီးပွားရေးဘဏ်စသည့် သက်ဆိုင်ရာဌာနများပူးပေါင်းပြီး ကွင်းဆင်းဆောင်ရွက်ခဲ့ကြောင်း သိရှိရပါသည်။

               ထိုသို့ ဆောင်ရွက်ရာတွင် အသေးစားကုန်ထုတ်လုပ်ငန်းများ ဖန်တီးပေးနိုင်ရေး၊ မိသားစုဝင်များဝင်ငွေတိုးတက်စေရေးအတွက် တန်ဖိုးမြှင့်ထုတ်ကုန်လုပ်ငန်းများဖန်တီပေးနိုင်ရေးနှင့်   တန်ဖိုးမြှင့်ထုတ်ကုန်များထုတ်လုပ်ဖြန့်ဖြူးရောင်းချရာတွင် သက်ဆိုင်ရာအဖွဲ့အစည်းများ၏ ထောက်ခံချက်များ ပြည့်စုံစွာဖော်ပြရန် စားသုံးကာကွယ်ရေးဥပဒေတွင် ဖော်ပြပါရှိရမည့် စီးပွားရေးလုပ်ငန်းရှင်များလိုက်နာဆောင်ရွက်ရမည့် လုပ်ငန်းတာဝန်များကိုသိရှိလိုက်နာ ဆောင်ရွက်ရန်တို့ကို အသိပညာပေးခြင်းများကို ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

           ကုန်ဈေးနှုန်းကောက်ယူမှုလုပ်ငန်းဆောင်ရွက်နိုင်ရေး လုပ်ငန်းညှိနှိုင်းအစည်းအဝေးလမ်းညွှန်ချက်များကို အကောင်အထည်ဖော်ဆောင်ရွက်နိုင်ရေးအတွက် စားသုံသူရေးရာဦးစီးဌာန၊    ရန်ကုန်တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ဒေါ်ထူးမြတ်အိ၊   ဦးစီးအရာရှိ ဒေါ်ခင်သီ၊  ရန်ကုန်တိုင်းဒေသကြီး၊  အရှေ့ပိုင်းခရိုင်ဦးစီးမှူးရုံးမှခရိုင်ဦးစီးမှူး ဦးလှစိုး နှင့် ဦးမင်းမင်းစိုး (ဌာနခွဲစာရေး)၊ ဗဟိုစာရင်းအင်းအဖွဲ့မှ တိုင်းဒေသကြီးဦးစီးမှူး ‌ဒေါ်တင်တင်လှနှင့် ဝန်ထမ်း(၂)ဦးပူးပေါင်း၍ အလုံမြို့နယ်၊  ဆင်မင်းဈေးရုံးမှ တာဝန်ရှိသူများလိုက်ပါပြီး ၁၂.၁၁ .၂၀၂၄ ရက်နေ့၊   နံနက် (၀၈း၃၀) နာရီအချိန်တွင် ရန်ကုန်မြို့တော်စည်ပင်သာယာရေးကော်မတီလက်အောက်ရှိ ဆင်မင်းဈေးစည်ပင်သာယာရုံးသို့သွားရောက်ပြီး အထက်ဌာနများသို့ တင်ပြလျက်ရှိသည့် အခြေခံစားကုန်များ၏ (လက်လီ) ရောင်းချနေသည့်ဈေးနှုန်များ မှန်ကန်မှုရှိစေရေးနှင့် ဈေးကွက်အတွင်း ဝင်ရောက်မှုအခြေအနေတို့ကို ကွင်းဆင်းစိစစ် ဆောင်ရွက်စေရေးနှင့် ဈေးကွက်အတွင်းဝင်ရောက်မှုအခြေအနေတို့ကို ကွင်းဆင်းစိစစ်ဆောင်ရွက်ခဲ့ကြောင်း သိရှိရပါသည်။

             ထိုသို့ စားသုံးသူရေးရာဦးစီးဌာန၊ ဗဟိုစာရင်းအင်းအဖွဲ့တို့ ပူးပေါင်းဆောင်ရွက်ခြင်းဖြင့် မြေပြင်တွင်အမှန်တကယ်ဖြစ်ပေါ်နေသည့်   အခြေခံစားသောက်ကုန်ဈေးနှုန်းအခြေအနေများကိုသိရှိနိုင်ပြီး လိုအပ်သည်များကို စီမံဆောင်ရွက်သွားနိုင်မည့် အကျိုးကျေးဇူးများကို ရရှိလာနိုင်မည်ဖြစ်ကြောင်းသိရှိရပါသည်။

DOCA(ရန်ကုန်)

             စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ ခရိုင်ဦးစီးမှူးဦးလှစိုးနှင့် ဝန်ထမ်းများသည် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းတို့မှတာဝန်ရှိသူများနှင့် ပူးပေါင်း၍  မြောက်ဒဂုံမြို့နယ်အတွင်းရှိ လက်လီရောင်းချ​ပေး​နေသော စားအုန်းဆီဆိုင်များသို့ ၁၁.၁၁.၂၀၂၄ ရက်နေ့နေ့လယ် (၁၄:၀၀) နာရီအချိန်တွင်    ကွင်းဆင်းစစ်ဆေးမှုများ ဆောင်ရွက်ခဲ့ပါသည်။

         ထိုသို့ ကွင်းဆင်းစစ်ဆေးရာတွင် စားအုန်းဆီလက်လီရောင်းချသူများအနေဖြင့် သတ်မှတ်ရည်ညွှန်းဈေးအပေါ် သယ်ယူပို့ဆောင်စရိတ်အပါအဝင် ဖြစ်သင့်ဖြစ်ထိုက်သည့် အမြတ်ရာခိုင်နှုန်းထက်ပိုမို၍ ရောင်းချ​နေမှုရှိ/ မရှိစစ်​ဆေးခြင်း၊ အလေးချိန်မှန်ကန်စွာရောင်းချပေးခြင်းရှိ/ မရှိတို့ကို စစ်ဆေးခြင်းဆောင်ရွက်ခဲ့ကြကြောင်း သိရှိရပါသည်။

DOCA(ရန်ကုန်)

             စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ ခရိုင်ဦးစီးမှူးဦးလှစိုးနှင့် ဝန်ထမ်းများသည် သင်္ဃန်းကျွန်းခရိုင်၊ သင်္ဃန်းကျွန်းမြို့နယ်၊  သုဝဏ္ဏဈေးရှိ စည်ပင်သာယာရေးကော်မတီနှင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းတို့မှ တာဝန်ရှိသူများပူးပေါင်း၍  ဦးဝင်းနိုင်၊ ဦးဌေးညွန့်၊ ဦးဌေးလွင်စသည့် စားအုန်းဆီအရောင်းဆိုင်များအား ၁၂.၁၁.၂၀၂၄ ရက်နေ့နေ့လယ် (၁၂:၀၀) နာရီအချိန်တွင်   လက်လီရောင်းချ​ပေး​နေသော စားအုန်းဆီဆိုင်များသို့ ကွင်းဆင်းစစ်ဆေးမှုများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးရာတွင် စားအုန်းဆီလက်လီရောင်းချသူများအနေဖြင့် သတ်မှတ်ရည်ညွှန်းဈေးအပေါ် သယ်ယူပို့ဆောင်စရိတ်အပါအဝင် ဖြစ်သင့်ဖြစ်ထိုက်သည့် အမြတ်ရာခိုင်နှုန်းထက်ပိုမို၍ ရောင်းချ​နေမှုရှိ/ မရှိစစ်​ဆေးခဲ့ပြီး စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီအနေဖြင့် ကမ္ဘာ့ဈေးနှုန်းဖြစ်ပေါ်ပြောင်းလဲမှုနှင့် အညီ ပြည်တွင်း၌ဖြစ်သင့်ဖြစ်ထိုက်သည့် စားအုန်းဆီဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိရာ ပြည်တွင်းဈေးကွက်၌ ရောင်းဝယ်ဖောက်ကားရမည့်အထိုင်ဈေး အခြေခံလက်ကားရည်ညွှန်းဈေးနှုန်းကို အပတ်စဉ်ထုတ်ပြန်ပေးလျက်ရှိသည့်အတွက် လုပ်ငန်းရှင်များအနေဖြင့် စနစ်တကျလိုက်နာပေးစေလိုကြောင်း အသိပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)