သတင်းနှင့် လှုပ်ရှားမှုများ

မော်လမြိုင်ခရိုင်၊ မော်လမြိုင်မြို့နယ်ရှိ စက်သုံးဆီအရောင်းဆိုင်များအား ကွင်းဆင်းစစ်ဆေး

၁၅.၁၁.၂၀၂၅ ရက်၊ ၁၅:၀၀ အချိန်တွင် စားသုံးသူရေးရာဦးစီးဌာန၊ မော်လမြိုင်မြို့နယ် တာဝန်ခံသည် မော်လမြိုင်မြို့နယ် ရေနံနှင့်ရေနံထွက်ပစ္စည်းဆိုင်ရာ လုပ်ငန်းများထိန်းသိမ်း ကြီးကြပ်ရေးဆပ်ကော်မတီနှင့်ပူးပေါင်း၍ မော်လမြိုင်မြို့၊ မြေနီကုန်းရပ်ကွက်၊ မြို့ရှောင်လမ်း ရှိ PUMA Power စက်သုံးဆီအရောင်းဆိုင်သို့ကွင်းဆင်း စစ်ဆေးခဲ့ကြောင်း သိရှိရသည်။

ထိုသို့ကွင်းဆင်းစစ်ဆေးရာတွင် အဆိုပါဆီဆိုင်၌ မြို့နယ် ကော်မတီမှ ရည်ညွှန်းဈေးနှုန်း အတိုင်းရောင်းချမှုရှိ/မရှိနှင့် အရောင်းဆိုင်ပိတ်ထားမှု ရှိ/မရှိ ကွင်းဆင်းစစ်ဆေး ဆောင်ရွက် ခဲ့ရာ သတ်မှတ်ရည်ညွှန်းဈေးနှုန်းဖြင့် အရောင်းဆိုင်ဖွင့်လှစ်ရောင်းချနေသည်ကို စစ်ဆေး တွေ့ရှိရကြောင်း သိရှိရပါသည်။

DOCA (မွန်)

မော်လမြိုင်ခရိုင်၊ မုဒုံမြို့နယ်ရှိ စက်သုံးဆီအရောင်းဆိုင်များအား ကွင်းဆင်းစစ်ဆေး

သတင်းနှင့် လှုပ်ရှားမှုများ

၁၅.၁၁.၂၀၂၅ ရက်နေ့တွင် မုဒုံမြို့နယ်ရှိ ရေနံနှင့် ရေနံထွက်ပစ္စည်းဆိုင်ရာလုပ်ငန်းများ ထိန်းသိမ်းကြီးကြပ်ရေးဆပ် ကော်မတီ မြို့နယ်ထွေ/အုပ်မှ ဒုတိယမြို့နယ်အုပ်ချုပ်ရေးမှူး ဦးအောင်ထွန်းထွန်းနိုင် ဦးဆောင်၍ မြို့နယ်ရဲတပ်ဖွဲ့၊ မီးသတ်ဦးစီးဌာန၊ အခွန်ဦးစီးဌာန၊ စားသုံးသူဦးစီးဌာန၊ လျှပ်စစ်၊ လမ်းဦးစီးဌာန၊ မြို့နယ်စည်ပင်သာယာ ရေးအဖွဲ့နှင့် သက်ဆိုင်ရာရပ်ကွက်/ကျေးရွာအုပ်စု အုပ်ချုပ်ရေးမှူးများ ပါဝင်သော ပူးပေါင်းအဖွဲ့သည် ကျော်စံ၊ အာရှမွန်၊ Always၊ အပါးချမ်း စက်သုံးဆီဆိုင်များအား စစ်ဆေးခဲ့ရာ စက်သုံးဆီအရောင်းဆိုင်များအနေဖြင့် ပုံမှန်ရောင်းချလျက်ရှိကြောင်း စစ်ဆေးတွေ့ရှိရပြီး ပူးပေါင်း အဖွဲ့မှ ဆီလက်ကျန်အခြေအနေအား မြို့နယ်ကော်မတီ သို့ နေ့စဉ် သတင်း ပေးပို့ရန်၊ စက်သုံးဆီများအား ပေပါလိုက် ရောင်းချခြင်း မပြုရန်၊ စက်သုံးဆီဆိုင်များ ပုံမှန်ဖွင့်လှစ်ရောင်းချနိုင်ရေးဆောင်ရွက်ရန်နှင့် တရားမဝင်စက်သုံးဆီများ ရောင်းချခြင်း၊ သယ်ဆောင်ခြင်းများ မပြုလုပ်ရန် စက်သုံး ဆီဆိုင်လုပ်ငန်းရှင်များအား မှာကြားခဲ့ကြောင်း သိရှိနိုင်ပါရန် တင်ပြအပ်ပါသည်။

DOCA (မွန်)

ဘီးလင်းမြို့နယ်၌(၁၀၅)နှစ်မြောက်အမျိုးသားအောင်ပွဲနေ့အခမ်းအနားကျင်းပ

သတင်းနှင့် လှုပ်ရှားမှုများ

၁၄.၁၁.၂၀၂၅ ရက်နေ့တွင် မွန်ပြည်နယ် ဘီးလင်းမြို့နယ်၌ (၁၀၅) နှစ်မြောက် အမျိုးသားအောင်ပွဲနေ့အခမ်းအနားကို ယနေ့ နံနက်ပိုင်းက အ.ထ.က(ကန်သာယာ) ကျောင်း မဟော်သဓာခန်းမ၌ ကျင်းပပြုလုပ်ခဲ့သည်။

ရှေးဦးစွာ အခမ်းအနားကို အ.ထ.က (ကန်သာယာ)ကျောင်းမှ ကျောင်းသား၊ကျောင်းသူ လေးများက ဇာတိမာန်သီးချင်းဆီဆို၍ အခမ်းအနားကိုဖွင့်လှစ်ခဲ့သည်။ထို့နောက် ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်း သာယာရေးကော်မရှင် ဥက္ကဌ ဗိုလ်ချုပ်မှူးကြီး သတိုမဟာသရေစည်သူ သတိုသီရိသုဓမ္မ မင်းအောင်လှိုင်ထံမှ (၁၀၅) နှစ်မြောက်အမျိုးသားအောင်ပွဲနေ့ သဝဏ်လွှာအား မြို့နယ် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးစည်သူအောင်က ဖတ်ကြားခဲ့သည်။

ဆက်လက်၍ (၁၀၅) နှစ်မြောက် အမျိုးသားအောင်ပွဲနေ့ အထိမ်းအမှတ် အထက်တန်း၊ အလယ်တန်း၊မူလတန်း အဆင့်စာစီစာကုံးပြိုင်ပွဲတွင် ပထမ၊ဒုတိယ၊တတိယ ဆုရရှိကြသော ကျောင်းသား၊ကျောင်းသူလေးများကို မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးစည်သူအောင်နှင့် တာဝန်ရှိသူ အသီးသီးတို့က ဆုများပေးအပ်ချီးမြှင့်ခဲ့ကြောင်းသိရသည်။

DOCA (မွန်)

ဘီးလင်းမြို့နယ်အတွင်းရှိစက်သုံးဆီအရောင်းဆိုင်များအား စျေးနှုန်းမှန်ကန်စွာရောင်းချခြင်းရှိ၊မရှိကွင်းဆင်းစစ်ဆေး

သတင်းနှင့် လှုပ်ရှားမှုများ

၁၅.၁၁.၂၀၂၅ ရက်နေ့တွင် မွန်ပြည်နယ် ဘီးလင်းမြို့နယ်တွင် စက်သုံးဆီရောင်းချ လျက်ရှိသော ဆီဆိုင်များအား ပုံမှန်စျေးနှုန်းအတိုင်း ရောင်းချခြင်းရှိ၊မရှိ ကွင်းဆင်း စစ်ဆေးခြင်းကို ယနေ့ နံနက်ပိုင်းမှစတင်ကာ တာဝန်ရှိသူများက စစ်ဆေးခဲ့ကြောင်း သိရသည်။

အဆိုပါ စက်သုံးဆီဆိုင်များ သတ်မှတ်စျေးနှုန်းအတိုင်းရောင်းချခြင်း ရှိ၊မရှိ ကွင်းဆင်းစစ်ဆေးခြင်းကို မြို့နယ် ရေနံနှင့်ရေနံထွက်ပစ္စည်းဆိုင်ရာ လုပ်ငန်းများ ထိန်းသိမ်း ကြီးကြပ်ရေး ဆပ်ကော်မတီဥက္ကဌ ဦးစည်သူအောင်၊မြို့နယ် ရဲတပ်ဖွဲ့မှူး ရဲမှူး မင်းတင်နှင့် ကော်မတီအဖွဲ့ဝင်များ ပူးပေါင်း၍ မြို့ပေါ်ရပ်ကွက်အတွင်းရှိ စက်သုံးဆီ အရောင်း ဆိုင်များ ဖြစ်သော SOLO ဆီဆိုင် ၊DENKO ဆီဆိုင်၊ PUMAR ဆီဆိုင်၊ ROYAL ဆီဆိုင်နှင့် ပြည့်ဝ ဆီဆိုင်များသို့ သွာရောက်ကာ စက်သုံးဆီရောင်းချသည့် စျေးနှုန်းများစစ်ဆေးခြင်း၊ ရောင်းချဆီလီတာများ ပြည့်၊မပြည့် စစ်ဆေးခြင်းများကို ဆောင်ရွက်ခဲ့ကြပြီးစက်သုံးဆီ အသုံးပြုသူများ ဆီပြတ်တောက်မှုမရှိအောင် စနစ်တကျရောင်းချပေးရေးနှင့် လိုအပ်သည်များကို တာဝန်ရှိသူများအား ထပ်ဆင့်မှာကြားခဲ့ကြကြောင်း သိရသည်။

DOCA (မွန်)

ပဲခူးမြို့ပေါ်ရှိ ဆေးဆိုင်နှင့်အလှကုန်ဆိုင်များအား ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

ပဲခူးတိုင်းဒေသကြီး၊ အစားအသောက်နှင့်ဆေးဝါးကွပ်ကဲရေးဦးစီးဌာနမှ တာဝန်ရှိသူများ၊ ပဲခူးမြို့နယ် စည်ပင်သာယာရေးအဖွဲ့၊ စားသုံးသူရေးရာဦးစီးဌာန ပဲခူးမြို့နယ်တာဝန်ခံတို့သည် (၁၇.၁၁.၂၀၂၅)ရက်နေ့ နံနက် (၉း၀၀)အချိန်တွင် ပဲခူးမြို့ပေါ်ရှိ ဆေးဆိုင်များနှင့် အလှကုန်ဆိုင်များတွင် ရောင်းချလျက်ရှိသော ကုန်စည်များအား ဈေးနှုန်းမြှင့်တင်ရောင်းချခြင်းမရှိစေရေးနှင့် သက်ဆိုင်ရာဌာန များ၏ အထောက်အထားများ ရှိ/မရှိ တို့ကိုဈေးကွက်စောင့်ကြည့်စစ်ဆေးခြင်းလုပ်ငန်းများ ကွင်းဆင်း စစ်ဆေးခြင်းများ ဆောင်ရွက်ခဲ့ပါသည်။

အဆိုပါစစ်ဆေးရေးအဖွဲ့များအနေဖြင့် ဆေးဆိုင်များ နှင့် အလှကုန်ပစ္စည်း များရောင်းချ လျက်ရှိသော ဆိုင်ရှင်များအား မိမိရောင်းချလျက်ရှိသော ကုန်ပစ္စည်းများသည် အစားအသောက်နှင့် ဆေးဝါးကွပ်ကဲရေးဌာန၏ ထောက်ခံချက်မရှိသော ဆေးဝါးနှင့်အလှကုန်ပစ္စည်းများ ၊ သက်တမ်းလွန် ဆေးဝါးများ ရောင်းချခြင်းမပြုမိစေရန် နှင့်အလှကုန်ပစ္စည်းများနှင့် ဆရာဝန်ညွှန်ကြားချက်မလိုသော အိမ်သုံးဆေးဝါးသောက်ဆေးများတွင် စားသုံးသူ ကာကွယ်ရေးဉပဒေအရ မြန်မာဘာသာဖြင့် ဖော်ပြထားသော ဆေးဝါးများကိုသာ ရောင်းချရမည်ဖြစ်ကြောင်း အသိပေးပြောကြားခဲ့ပါသည်။

DOCA- ပဲခူး

လားရှိုးမြို့ပေါ်ရပ်ကွက်များရှိ ဆေးဆိုင်များအား ဈေးကွက်စောင့်ကြည့်စစ်ဆေး

သတင်းနှင့် လှုပ်ရှားမှုများ

စားသုံးသူရေးရာဦးစီးဌာနသည် စားသုံးသူအခွင့်အရေးနှင့် အကျိုးစီးပွားကို ကာကွယ်ရန် အလို့ငှာ ဘေးအန္တရာယ်ရှိသော ကုန်စည်နှင့်ဝန်ဆောင်မှုများ ဈေးကွက်အတွင်းသို့ ဝင်ရောက်မှုမရှိ စေရန် (သို့မဟုတ်) ဈေးကွက်အတွင်းမှ ပပျောက်စေရန် ရည်ရွယ်၍ ဈေးကွက်စောင့်ကြည့်စစ်ဆေး ခြင်းလုပ်ငန်းများ အစဉ်တစိုက် ဆောင်ရွက်လျက်ရှိပါသည်။ ရှမ်းပြည်နယ်(မြောက်ပိုင်း)၊ စားသုံးသူ ရေးရာဦးစီးဌာန၊ ဒုတိယပြည်နယ်ဦးစီးမှူးရုံးအနေဖြင့် (၁၂.၁၁.၂၀၂၅)ရက်နေ့၊ နံနက် (၁၀:00) အချိန်တွင် စည်ပင်သာယာရေးဌာန၊ မြို့မဈေးကော်မတီအဖွဲ့၊ မှုခင်းရဲတပ်ဖွဲ့စသည့် ဌာနဆိုင်ရာများ နှင့်ပူးပေါင်း၍ လားရှိုးမြို့ပေါ်ရပ်ကွက်များနှင့် လားရှိုးမြို့မဈေးအတွင်းရှိ ဆေးဆိုင်နှင့် ကုန်စုံဆိုင် များအား ကွင်းဆင်း၍ ဖြည့်စွက်စာအမျိုးမျိုးကိုသွားရောက် ဈေးကွက်စောင့်ကြည့်ကွင်းဆင်း စစ်ဆေးခဲ့ကြောင်း သိရှိရပါသည်။

DOCA(ရှမ်း)

My Ro မှတ်ပုံတင်နိုင်ရေး “စိတ်တိုင်းကျ”ဆန်ဆိုင်၊ “ဒေဝီ”ဆန်ဆိုင်နှင့် “ရွှေပလိုင်း”ဆန်ဆိုင် များသို့ ကွင်းဆင်းစစ်ဆေး

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရှမ်းပြည်နယ် (မြောက်ပိုင်း)၊ ဒုတိယပြည်နယ်ဦးစီးမှူး၏ လမ်းညွှန်မှုဖြင့် ဦးဝင်းဇော်(ဦးစီးအရာရှိ)နှင့် ဝန်ထမ်း များသည် (၁၂-၁၁-၂၀၂၅)ရက်နေ့တွင် “စိတ်တိုင်းကျ”ဆန်ဆိုင်၊ “ဒေဝီ”ဆန်ဆိုင်နှင့် “ရွှေပလိုင်း” ဆန်ဆိုင်များသို့ My Ro မှတ်ပုံတင်နိုင်ရေး ကွင်းဆင်းစစ်ဆေးဆောင်ရွက်ခဲ့ပါသည်။ ကွင်းဆင်း စစ်ဆေးရာတွင် ဆန်၊ စပါး သိုလှောင်ရုံများအနေဖြင့် ဆန်တန်ချိန် ၂၅နှင့်အထက် သိုလှောင်ရုံ(သို့) စပါးတင်း၂၅၀၀ နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူ စီးပွားရေးလုပ်ငန်းရှင်များအနေ ဖြင့် www.myro.com.mm တွင် ဆန်စပါးသိုလှောင်ရုံမှတ်ပုံတင်ခြင်းလုပ်ငန်းကို ဆောင်ရွက်ရမည် ဖြစ်ကြောင်းနှင့် ပြည်တွင်း ဆန်ဈေးနှုန်းတည်ငြိမ်မှန်ကန်မှုရှိစေရေး ရှင်းလင်း ဆွေးနွေးပြောကြား ခဲ့ပြီး My Ro မှတ်ပုံတင်နိုင်ရေးအတွက် ဟောပြောဆွေးနွေးခဲ့ကြောင်း သတင်းရရှိပါသည်။

DOCA(ရှမ်း)

“ရွှေ” အမှတ်တံဆိပ် သောက်ရေသန့်ထုတ်လုပ်ရေးစက်ရုံအား ထုတ်ကုန်များလုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

၂၀၂၅ ခုနှစ်၊ နိုဝင်ဘာလ (၁၃) ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာ ဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး (ဦးစီးမှူး) ဦးစီး၍ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာနတို့နှင့်ပူးပေါင်းကာ ကျိုင်းတုံမြို့၊ ယန်းခမ်း၊ ရပ်ကွက် (၁)အတွင်းရှိ “ရွှေ” အမှတ်တံဆိပ် သောက်ရေသန့် ထုတ်လုပ်ရေးစက်ရုံအား ထုတ်ကုန်များ လုံခြုံစိတ်ချမှုရှိစေရေးနှင့် ကုန်အညွှန်းအမှတ်အသား ပြည့်စုံစွာဖော်ပြပါရှိရေးတို့နှင့် ပတ်သက်၍ ဈေးကွက်စောင့်ကြည့်စစ်ဆေးခြင်းလုပ်ငန်း ဆောင်ရွက်ခဲ့ပါသည်။

ထိုသို့ ဈေးကွက်စောင့်ကြည့်စစ်ဆေးခြင်း ဆောင်ရွက်ရာတွင် “ရွှေ” အမှတ်တံဆိပ် သောက်ရေသန့် ထုတ်လုပ်ရေးလုပ်ငန်းအနေဖြင့် သက်ဆိုင်ရာဌာန၏ ထောက်ခံချက်များနှင့် ကုန်အညွှန်းအမှတ်အသားပြည့်စုံစွာ ဖော်ပြထားသည်ကို တွေ့ရှိရပါသည်။

ဆက်လက်၍ စစ်ဆေးရေးမှူးနှင့် တာဝန်ရှိသူများသည် စားသုံးသူကာကွယ်ရေးဥပဒေအခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို သိရှိလိုက်နာဆောင်ရွက်စေရန် အသိပညာပေး ခြင်းလုပ်ငန်း ဆောင်ရွက်ခဲ့ပါသည်။

DOCA(ရှမ်း)

အ.မ.က မူလွန်ဖရဲကျောင်းတွင် အသိပညာပေး ဟောပြောပွဲကျင်းပ

သတင်းနှင့် လှုပ်ရှားမှုများ

ရှမ်းပြည်နယ် စားသုံးသူရေးရာဦးစီးဌာန ဦးခွန်ကျော်ဌေး လက်ထောက်ညွှန်ကြားရေးမှူး ဦးဆောင်သောအဖွဲ့သည်(၁၃.၁၁.၂၀၂၅)ရက်နေ့ ညနေ(၂:၀၀)နာရီအချိန်တွင် တောင်ကြီးမြို့နယ် အ.မ.က မူလွန်ဖရဲကျောင်းရှိ ဆရာ/ဆရာမများ၊ ကျောင်းသူ/ကျောင်းသားများအား အသိပညာပေး ဟောပြောပွဲ ကျင်းပပြုလုပ်ခဲ့ပါသည်။

စားသုံးသူကာကွယ်ရေး အသိပညာပေးဟောပြောပွဲတွင် ဦးခွန်ကျော်ဌေး လက်ထောက်ညွှန်ကြား ရေးမှူးက အဖွင့်အမှာစကားပြောကြားပြီး ဦးတင်ဌေး(ရုံးအုပ်)မှ ကုန်စည်/ဝန်ဆောင်မှုများနှင့် ပတ်သက် သည့် ကုန်အညွှန်းအမှတ်အသားဖော်ပြခြင်း ဆိုင်ရာအချက်အလက်များနှင့် နစ်နာဆုံးရှုံးမှုများဖြစ်ပေါ် လာပါက တိုင်ကြားနိုင်ခြင်းနှင့်တိုင်ကြားနိုင်သည့် နည်းလမ်းများ ရှင်းလင်းဆွေးနွေးခဲ့ပြီး ဒုတိယဦးစီးမှူး ဒေါ်တင်တင်အေးမှ စားသုံးသူကာကွယ်ရေး ဥပဒေတွင်ပါရှိသော စားသုံးသူအခွင့်အရေးနှင့်တာဝန်များ အကြောင်း အသိပညာပေးဟောပြော ဆွေးနွေးခဲ့ပါသည်။

DOCA(ရှမ်း)

စားသုံးသူကာကွယ်ရေးအသိပညာပေးဟောပြောပွဲ

သတင်းနှင့် လှုပ်ရှားမှုများ

၂၀၂၅ခုနှစ်၊ နိုဝင်ဘာလ (၁၂)ရက်နေ့၊ နံနက် (၁၀:၀၀)နာရီ အချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ် ဦးစီးမှူးရုံးမှ ဝန်ထမ်းများသည် ကျိုင်းတုံမြို့၊ မီးသတ်ဦးစီးဌာန၊ မြို့နယ်မီးသတ်ဦးစီးမှူးရုံးခန်းမ၌ စားသုံးသူကာကွယ်ရေး အသိပညာ ပေးဟောပြောပွဲကို ကျင်းပပြုလုပ်ခဲ့ပါသည်။ အဆိုပါ ဟောပြောပွဲသို့ တက်ရောက်သည့် မြို့နယ် မီးသတ်တပ်ဖွဲ့ဝင် စုစုပေါင်း (၁၂)ဦးအား လက်ကမ်းစာစောင်များ ဖြန့်ဝေပေးအပ်ကာ ဟောပြောပွဲ အား ကျင်းပပြုလုပ်ခဲ့ပါသည်။

ယင်းဟောပြောပွဲတွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယ ပြည်နယ်ဦးစီးမှူးရုံးမှ ဦးစီးမှူး ဦးအောင်လင်းဦးက စားသုံးသူကာကွယ်ရေးဆိုင်ရာလုပ်ငန်းနှင့် ပတ်သက်၍ မြို့နယ်မီးသတ်တပ်ဖွဲ့ဝင်များအား အသိပညာပေး ဟောပြောခဲ့ပါသည်။ စားသုံးသူ ကာကွယ်ရေးနှင့်ပတ်သက်၍ စားသုံးသူကာကွယ်ရေးဥပဒေပြဌာန်းချက်ပါ စားသုံးသူ၏အဓိပ္ပာယ် ဖွင့်ဆိုချက်များ၊ စားသုံးသူအခွင့်အရေးနှင့်တာဝန်များ၊ စီးပွားရေး၏လုပ်ငန်းရှင်၏တာဝန်နှင့် ဝတ္တရားများ၊ ကုန်စည်တစ်ခုကို ဝယ်ယူမည်ဆိုပါက စစ်ဆေးကြည့်ရှုရမည့် သိသင့်သိထိုက်သည့် အချက်များ၊ ဘေးဥပါဒ်အန္တရာယ်ဖြစ်စေနိုင်သည့်အစားအစာများနှင့် စားသုံးရန် သင့်/မသင့် သိရှိသင့် သည့် ကုန်အညွှန်း အမှတ်အသားပါအချက်များအား ရှင်းလင်းပြောကြားပြီး ထောက်ခံချက်ရှိသော အစားအစာနှင့် ထောက်ခံချက်မရှိသော အစားအစာများကို ပုံများနှင့်တကွ ပြသခဲ့ပါသည်။

ယင်းနောက် သိကောင်းစရာများဖြစ်သော ဆိုးဆေး၊ ကြာရှည်ခံဖော်မလင်ဆေးနှင့် ဟင်းချိုမှုန့်၏ ကျန်းမာရေးဆိုင်ရာအန္တရာယ်ရှိမှုများကို ရှင်းလင်းပြောကြားခဲ့ပြီး စားသုံးသူ ကာကွယ်ရေး အသိပညာပေးဟောပြောပွဲကို (၁၁:၀၀)နာရီအချိန် တွင် ရုတ်သိမ်းခဲ့ပါသည်။

DOCA(ရှမ်း)

Languages

Main menu

သတင်းနှင့် လှုပ်ရှားမှုများ

မော်လမြိုင်ခရိုင်၊ မော်လမြိုင်မြို့နယ်ရှိ စက်သုံးဆီအရောင်းဆိုင်များအား ကွင်းဆင်းစစ်ဆေး

မော်လမြိုင်ခရိုင်၊ မုဒုံမြို့နယ်ရှိ စက်သုံးဆီအရောင်းဆိုင်များအား ကွင်းဆင်းစစ်ဆေး

ဘီးလင်းမြို့နယ်၌(၁၀၅)နှစ်မြောက်အမျိုးသားအောင်ပွဲနေ့အခမ်းအနားကျင်းပ

ပဲခူးမြို့ပေါ်ရှိ ဆေးဆိုင်နှင့်အလှကုန်ဆိုင်များအား ဈေးကွက်စောင့်ကြည့်စစ်ဆေးခြင်း

လားရှိုးမြို့ပေါ်ရပ်ကွက်များရှိ ဆေးဆိုင်များအား ဈေးကွက်စောင့်ကြည့်စစ်ဆေး

အ.မ.က မူလွန်ဖရဲကျောင်းတွင် အသိပညာပေး ဟောပြောပွဲကျင်းပ

စားသုံးသူကာကွယ်ရေးအသိပညာပေးဟောပြောပွဲ

Pages

You are here

သတင်းနှင့် လှုပ်ရှားမှုများ

Pages