သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ဘားအံခရိုင်ဦးစီးမှူး ဦးမျိုးဝင်းနိုင်သည် ဘားအံမြို့နယ် ကျောင်းကျန်းမာရေးအဖွဲ့များနှင့် ပေါင်းစပ်၍ ၁၇-၇-၂၀၂၃ ရက်နေ့၊နံနက်(၁၀:၀၀) နာရီအချိန်တွင် ဘားအံမြို့၊အမှတ် ၉ ရပ်ကွက်၊ အခြေခံပညာ မူလတန်းလွန် အ-မ-က (၁၂) ကျောင်းရှိ ကျောင်းသူ / ကျောင်းသားများကို ကျောင်းအစည်းအ‌ဝေးခန်းမ၌ ကျောင်းကျန်းမာရေးနှင့် စားသုံးသူကာကွယ်ရေးဆိုင်ရာ အသိပညာပေး ဟောပြောခြင်းများ  ဆောင်ရွက်ခဲ့ပါသည်။

     စားသုံးသူရေးရာဦးစီးဌာန ဘားအံခရိုင်ဦးစီးမှူး ဦးမျိုးဝင်းနိုင်က စားသုံးသူကာကွယ်ရေးနှင့်ပတ်သက်၍ ကျောင်းသား/ ကျောင်းသူများအနေဖြင့် အစားအသောက်များဝယ်ယူစားသုံးရာတွင် စနစ်တကျ ရွေးချယ်ဝယ်ယူ စားသုံးတတ်စေရန်အတွက် ကုန်အညွှန်းအမှတ်အသားတွင် မြန်မာလိုအသေးစိတ် ဖော်ပြရမည့်အချက်များကို နမူနာမုန့်ထုပ်များဖြင့် လက်တွေ့သရုပ်ပြ ရှင်းလင်းဆွေးနွေးခြင်းဖြင့်လည်းကောင်း၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ ဒေါ်အိသက်စံ ဒုဦးစီးမှူးမှ အစားအသောက်များတွင် တားမြစ်ထားသည့် ဆိုးဆေးများအကြောင်းကိုလည်းကောင်း ၊ တိုင်းရင်းဆေးပညာဦးစီးဌာနမှ မြို့နယ်ဦးစီးမှူးက ကျန်းမာရေးဆိုင်ရာ အလေ့အထကောင်းများကိုလည်းကောင်း အသီးသီးအသိပညာပေးခဲ့ကြသည်။

     ဟောပြောပွဲတွင် Grade 5 , Grade 6 , Gမှ ကျောင်းသား/ကျောင်းသူ ၇၀ ဦးနှင့် ဆရာ/ဆရာမ ၅ ဦး ၊ စုစုပေါင်း  ၇၅ ဦး တက်ရောက်ခဲ့ကြပြီး ဟောပြောပွဲကို နံနက် (၁၁:၃၀) နာရီအချိန်တွင် ရုပ်သိမ်းခဲ့ကြောင်း သိရသည်။

DOCA(ကရင်)

   မွန်ပြည်နယ်၊ သထုံခရိုင်စားသုံးသူရေးရာဦးစီးဌာနနှင့် ဌာနဆိုင်ရာတာဝန်ရှိသူများပူးပေါင်းကာ စားသုံးသူဘေးအန္တရာယ်ကင်းရှင်းရေးအတွက် သထုံမြို့နယ်၊ မြို့မဈေးအတွင်းရောင်းချလျက်ရှိသည့် စားသုံးဆီအမျိုးမျိုးတို့အား ဈေးကွက်စောင့်ကြည့်စစ်ဆေးခြင်းကို ၂၀၂၃ခုနှစ်၊ ဇူလိုင်လ ၁၂ရက်နေ့၊ နံနက်ပိုင်းအချိန်တွင် ဆောင်ရွက်ခဲ့ပါသည်။

   ခရိုင်စားသုံးသူရေးရာဦးစီးဌာနမှ ဦးစီးအရာရှိ ဦးအောင်ကျော်မင်း၊ သထုံမြို့နယ်တာဝန်ခံ ဦးထိန်လင်းထွန်းနှင့်ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် အသေးစားစက်မှုလက်မှုလုပ်ငန်းဦးစီးဌာနတို့မှ တာဝန်ရှိသူများပူးပေါင်းကာ သထုံမြို့မဈေးအတွင်း ရောင်းချနေသည့်ဆိုင်များ၌ စားသုံးဆီအမျိုးမျိုးတို့ကိုဘေးအန္တရာယ်ရှိ/မရှိ၊ ကုန်အညွှန်းအမှတ်အသားတွင် ဖော်ပြရမည့်အချက်များပါဝင်မှုရှိ/မရှိ စသည်တို့ကို စားသုံးသူကာကွယ်ရေးဥပဒေနှင့်အညီ လိုက်လံစစ်ဆေးခဲ့ကြပါသည်။

    သထုံခရိုင်၊ စားသုံးသူရေးရာဦးစီးဌာနအနေဖြင့် စားသုံးသူများဘေးအန္တရာယ်ကင်းရှင်းရေးအတွက် ဈေးကွက်အတွင်းရောင်းချလျက်ရှိသည့် ကုန်စည်များနှင့်စပ်လျဉ်း၍ ယခုကဲ့သို့ ဈေးကွက်စောင့်ကြည့်စစ်ဆေးခြင်းအပြင်   စားသုံးသူကာကွယ်ရေးဥပဒေပါအချက်များကို ကျယ်ကျယ်ပြန့်ပြန့်သိရှိစေရေးအတွက် အသိပညာပေးခြင်း၊ ဟောပြောခြင်းတို့ကို သက်ဆိုင်ရာဌာနများနှင့်ပူးပေါင်းကာ စဉ်ဆက်မပြတ်ဆောင်ရွက်လျက်ရှိကြောင်း သတင်းရရှိပါသည်။

DOCA(မွန်)

    စားသုံးသူပြည်သူများဘေးအန္တရာယ်ကင်းရှင်းစေရေးအတွက် ဇူလိုင်လ ၁၃ရက်နေ့အချိန်တွင် မွန်ပြည်နယ်၊ မုဒုံမြို့နယ်၊ ရွှေဟင်္သာဈေးကြီး၌ရောင်းချလျက်ရှိသည့် စားသုံးဆီအမျိုးမျိုးတို့အား ဈေးကွက်စောင့်ကြည့်စစ်ဆေးခဲ့ပါသည်။

    ထိုသို့ဆောင်ရွက်ခဲ့ရာတွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဦးစီးအရာရှိ ဦးမျိုးလွင်နှင့် မြို့နယ်တာဝန်ခံ၊ မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများပူးပေါင်းကာ ဈေးအတွင်းရှိ ရောင်းချနေသည့်ဆိုင်များ၌ စားသုံးဆီအမျိုးမျိုးတို့မှာ ဘေးအန္တရာယ်ကင်းရှင်းမှုရှိ/မရှိ၊ ကုန်အညွှန်းအမှတ်အသားတွင် ဖော်ပြရမည့်အချက်များပါဝင်မှုရှိ/မရှိ စသည်တို့ကို စားသုံးသူကာကွယ်ရေးဥပဒေနှင့်အညီ လိုက်လံစစ်ဆေးခဲ့ကြောင်းသိရှိရပါသည်။

DOCA(မွန်)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးရုံး အစည်းအဝေးခန်းမ၌ ၂၀၂၃ခုနှစ်၊ ဇူလိုင်လ ၁၃ ရက်နေ့ နံနက် (၁၀:၀၀)နာရီအချိန်တွင် ဝန်းထမ်းများ  စွမ်းဆောင်ရည်မြှင့်တင်ရေး အထောက်အကူပြု Thursday Talk အသိပညာပေးဟောပြောပွဲ (၇/၂၀၂၃)ကို ကျင်းပပြုလုပ်ခဲ့ပါသည်။

     ပထမဦးစွာ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး ဦးမြင့်ဝင်းက အဖွင့်အမှာစကားပြောကြားရာတွင် ဝန်ထမ်းများ စွမ်းဆောင်ရည် မြင့်မားစေရေး အတွက် Thursday Talk အသိပညာပေးသင်တန်းများ ကျင်းပရခြင်းဖြစ်ကြောင်း၊ ရုံးလုပ်ငန်းများ ဆောင်ရွက်ရင်း ဝန်ထမ်းများ၏ ဝမ်းစာများပြည့်ဝဖို့အတွက် Thursday Talk ကို တစ်လလျှင် (၁)ကြိမ် ကျင်းပသွားမည်ဖြစ်ကြောင်း၊  ဝန်ထမ်းများအနေဖြင့် သေချာစွာ လေ့လာမှတ်သားကြပြီး အပြန်အလှန်ဆွေးနွေးကြစေလိုကြောင်း ပြောကြားခဲ့ပါသည်။ ဆက်လက်၍ တိုင်းဒေသကြီး ဦးစီးမှူးရုံးမှ ထုတ်ကုန်လုံခြုံစိတ်ချရမှုတာဝန်ခံ ဒေါ်အေးအေးခိုင် (ဦးစီးမှူး)က ထုတ်ကုန်လုံခြုံ စိတ်ချရမှုဌာနခွဲ၏ လုပ်ငန်းဆောင်ရွက်ချက်များကိုလည်းကောင်း၊ ဒေါ်နုနုလွင် (ဒု-ကြီးကြပ်ရေးမှူး)က စီမံ(အထွေထွေ) အသုံးစရိတ်အကြောင်း သိကောင်းစရာများကို လည်းကောင်း၊ ဦးဝေယံမြင်အောင်(ဒု-ကြီးကြပ်ရေးမှူး)က တရားမဝင်ကုန်သွယ်မှုတိုက်ဖျက်ရေးဆိုင်ရာ သိကောင်းစရာများကို လည်းကောင်း Power Point များဖြင့် ဟောပြောဆွေးနွေးခဲ့ပြီး တက်ရောက်လာသည့် ဝန်ထမ်းများက  သိရှိလိုသည်များကို ‌မေးမြန်းမှုအပေါ် အပြန်အလှန် ဆွေးနွေးခြင်းများပြုလုပ်ခဲ့ပြီး နေ့လယ် (၁၂:၀၀)အချိန်တွင် ဟောပြောဆွေးနွေးပွဲ ရုပ်သိမ်းခဲ့ပါသည်။ အဆိုပါ သင်တန်းသို့ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူး၊ ဒုတိယတိုင်းဒေသကြီးဦးစီးမှူး၊ ခရိုင်ဦးစီးမှူးများနှင့် ဌာနခွဲတာဝန်ခံများ၊ အရာထမ်း/ အမှုထမ်းများ စုစုပေါင်း (၃၃)ဦး တက်ရောက်ခဲ့ကြကြောင်း သတင်းရရှိပါသည်။

DOCA(မကွေး)

        စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ဒေါ်နှောင်းနှောင်းဝင်း(ဒု-ဦးစီးမှူး)နှင့် ဝန်ထမ်းများသည် ၁၄.၇.၂၀၂၃ရက်နေ့၊နံနက်  (၀၉း၃၀) နာရီအချိန်၌ အမှတ်(၁)အခြေခံပညာအထက်တန်းကျောင်း၊ အောင်တံခွန်ခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံးသူကာကွယ်ရေးအသိပညာပေးဟောပြောပွဲ ပြုလုပ်ခဲ့ပါသည်။

          အဆိုပါဟောပြောပွဲတွင် ဒေါ်နှောင်းနှောင်းဝင်း၊ ဒု-ဦးစီးမှူးက စားသုံးသူရေးရာဦးစီးဌာန၏ ပေါ်ပေါက်လာပုံ သမိုင်းကြောင်း၊ စားသုံးသူကာကွယ်ရေးအသိပညာပေးဟောပြောပွဲ ကျင်းပရခြင်း၏ရည်ရွယ်ချက်များ၊ စားသုံးသူကာကွယ်ရေး၏ အဓိပ္ပာယ်ဖွင့်ဆိုချက်၊ စားသုံးသူ၏အဓိပ္ပာယ်ဖွင့်ဆိုချက်၊ စားသုံးသူ ကာကွယ်ရေးဥပဒေ(၂၀၁၉)ပါ စားသုံးသူ၏အခွင့်အရေးနှင့်တာဝန်များကိုလည်းကောင်း၊ ကုန်အညွန်းအမှတ်အသား ဖော်ပြခြင်းဆိုင်ရာ ပြဌာန်းချက်များကိုလည်းကောင်းနှင့် ကျောင်းသားကျောင်းသူများအနေဖြင့် အသင့်စားမုန့်အမျိုးမျိူးတို့ကို ဝယ်ယူစားသုံးရာတွင် ကုန်အညွှန်းအမှတ်အသားများ ပြည့်စုံမှန်ကန်မှုရှိသော အစားအသောက်များကိုသာ    ရွေးချယ်စားသောက်ကြရန်လည်းကောင်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများကို အဓိကဖတ်ရှုကြရန်လည်းကောင်း နမူနာပစ္စည်းများဖြင့် ပြသရှင်းလင်းဟောပြောပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ပြီးနောက် ဆရာ/ဆရာမ(၂၀)ဦး၊ ကျောင်းသူကျောင်းသား (၁၉၀)ဦး ၊စုစုပေါင်း (၂၁၀) ဦး တက်‌ရောက်ခဲ့ပါသည်။

DOCA(ကချင်)