သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးသူရေးရာဦးစီးဌာန ရခိုင်ပြည်နယ် စစ်တွေခရိုင် ပုဏ္ဏားကျွန်းမြို့နယ်အနေဖြင့် ထုတ်ကုန်လုံခြုံစိတ်ချရမှုရှိစေရေးအတွက် ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်း ဖော်ပြထားခြင်း ရှိ/မရှိ၊ စားသုံးသူများ နေ့စဉ်အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်လျှက်ရှိရာတွင် ပုဏ္ဏားကျွန်း မြို့နယ်တာဝန်ခံ ဦးလှမောင်အေး(ဒု-ဦးစီးမှူး)နှင့် ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ရပ်ကွက်အုပ်ချုပ်ရေးမှူးပါဝင်သော ပူးပေါင်းအဖွဲ့ဖြင့် ၂၀၂၃ ခုနှစ် ဇူလိုင်လ ၁၂ ရက်နေ့၊ နံနက် (၁၀:၀၀) နာရီအချိန်တွင် ပုဏ္ဏားကျွန်းမြို့ပေါ်ရှိ မြို့မဈေး၊ စံပြရပ်ကွက်ရှိ ကုန်မျိုးစုံအရောင်းဆိုင်များသို့ သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

ထိုသို့ ဈေးကွက်စောင့်ကြည့်စစ်ဆေးရာတွင် ကုန်မျိုးစုံအရောင်းဆိုင်များတွင် ရောင်းချလျက်ရှိသည့် ကုန်စည်များတွင် ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပြည့်စုံမှု ရှိ/မရှိ၊ သက်တမ်းလွန် ကုန်စည်များ ရောင်းချမှုရှိ/မရှိ စစ်ဆေးခြင်းနှင့် ဌာနမှ ထုတ်ပြန်ထားသည့် ဥပဒေလုပ်ထုံးလုပ်နည်းများ၊ အမိန့်နှင့်ညွှန်ကြားချက်များနှင့် ဌာနမှ ဆောင်ရွက်လျက်ရှိသည့် လုပ်ငန်းများအကြောင်းကို အကျယ်တဝင့် အသိပညာပေးဆွေးနွေးခဲ့ပြီး စားသုံးသူကာကွယ်ရေး အသိပညာပေးလက်ကမ်းစာစောင်များအား ဆိုင်ရှင်များကို ဖြန့်ဝေပေးခဲ့ကြောင်း သတင်းရရှိပါသည်။

DOCA(ရခိုင်)

   မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှဝန်ထမ်းနှင့် မုဒုံမြို့နယ်တာဝန်ခံသည် (၁၁-၇-၂၀၂၃) ရက်နေ့တွင် မုဒုံမြို့နယ်၊ မြို့မ (၄) ရပ်ကွက်၊ စာစင်လမ်းမကြီးရှိ အခြေခံပညာအလယ်တန်းကျောင်း (ခွဲ) ၏ ကျောင်းမုန့်ဈေးတန်းသွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

   ထိုသို့ကွင်းဆင်းစစ်ဆေးရာတွင် ကျောင်းမုန့်ဈေးတန်းအတွင်းရောင်းချနေသော မြန်မာမုန့်များသန့်ရှင်းလတ်ဆက်မှုရှိ/မရှိစစ်ဆေးခြင်း၊ လေဖောင်းမုန့်များ၊ ဖျော်ရည်ဘူးများ စသည့်အသင့်စားမုန့်များ၌ ကုန်အညွှန်းအမှတ်အသားများပြည့်စုံမှုရှိ/မရှိကိုစစ်ဆေးခြင်း၊ သက်တမ်းလွန်စားသောက်ကုန်များနှင့် စားသောက်ရန်မသင့်သောစားသောက်ကုန်များကိုစစ်ဆေးခြင်းတို့ဆောင်ရွက်ခဲ့ပြီးနောက် ကုန်အညွှန်;အမှတ်အသားဖော်ပြပါရှိသော စားသောက်ကုန်များနှင့် ဘေးအန္တရာယ်ကင်းသောစားသောက်ကုန်များကိုသာရောင်းချရန်ဆွေးနွေးခဲ့ကြောင်း သိရှိရပါသည်။

DOCA(မွန်)

    ရခိုင်ပြည်နယ် စားသုံးသူရေးရာဦးစီးဌာန၊ သံတွဲခရိုင် ဂွမြို့နယ်တာဝန်ခံ ဒေါ်မာမာလေး(ဒု-ဦးစီးမှူး)နှင့် ဝန်ထမ်းများသည် ၂၀၂၃ ခုနှစ် ဇူလိုင်လ ၁၃ ရက်နေ့ နံနက် (၁၀:၀၀) နာရီအချိန်တွင် ကျောင်းသား/သူများအနေဖြင့် ဘေးအန္တရာယ်ကင်းရှင်းသော အစားအစာများရွေးချယ်ဝယ်ယူစားသုံးနိုင်စေရန်အတွက် ဂွမြို့၊ ရွာမရပ်ကွက်၊ အ.မ.က (မူလွန်) ကျောင်းသို့ သွားရောက်၍ ကျောင်းသား/ ကျောင်းသူ (၂၇) ဦးအား စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ပါသည်။

   အဆိုပါ ဟောပြောပွဲတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်မာမာလေး         (ဒု-ဦးစီးမှူး)က စားသုံးသူရေးရာဦးစီးဌာန ဖြစ်ပေါ်လာပုံကို အကျဉ်းချုပ် ရှင်းလင်းပြောကြားပြီးနောက် ဦးစီးဌာန၏ မျှော်မှန်းချက်၊ ရည်မှန်းချက်များအား ချပြဆွေးနွေးပေးခဲ့ပါကြောင်း၊  ကျောင်းသား/သူများသည်  နိုင်ငံအတွက် အနာဂတ်မျိုးဆက်သစ်လူငယ်များဖြစ်သည့်အတွက် ကျန်းမာစွာဖြင့် ပညာသင်ယူနိုင်ရန်လိုအပ်ပါကြောင်း၊ ကျန်းမာဖို့အတွက် မိမိတို့ နေ့စဉ်စားသောက်နေသည့် အစားအစာများသည် ဘေးအန္တရာယ်ကင်းရှင်းပြီး သန့်ရှင်းလတ်ဆတ်‌သော အစားအစာများ ရွေးချယ်ဝယ်ယူ စားသုံးနိုင်ရန်လိုအပ်ပါကြောင်းနှင့်  ကုန်စည် (သို့မဟုတ်) ဝန်ဆောင်မှုကို  ဝယ်ယူ အသုံးပြုရာတွင်လည်း သိရှိလိုသည့် သတင်းအချက်အလက်များကို စီးပွားရေးလုပ်ငန်းရှင်များသို့ မေးမြန်းပြီးမှ ဝယ်ယူသုံးစွဲကြရန်ဖြစ်ကြောင်း၊ ကုန်စည်(သို့မဟုတ်) ဝန်ဆောင်မှုကို ဝယ်ယူအသုံးပြုရာတွင်လည်း ကုန်အညွှန်း အမှတ်အသားများကို မြန်မာဘာသာဖြင့် ပြည့်စုံစွာ ဖော်ပြထားသော ကုန်ပစ္စည်းများကိုသာ ဝယ်ယူအသုံးပြုကြရန်ဖြစ်ကြောင်းနှင့် စားသုံးသူအခွင့်အရေး နစ်နာဆုံးရှုံးမှုများ ဖြစ်ပေါ်လာပါက စားသုံးသူ ရေးရာဦးစီးဌာသို့ ဆက်သွယ်တိုင်ကြားနိုင်ပါကြောင်း အကျယ်တဝင့် ရှင်းလင်း အသိပညာပေး ဟောပြောခဲ့ကြောင်း သိရှိရပါသည်။

DOCA(ရခိုင်)

    စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ (၁၃-၇-၂၀၂၃) ရက်နေ့၊ နေ့လယ် (၁၄:၀၀) နာရီအချိန်တွင် ဝန်ထမ်းများစွမ်းဆောင်ရည်မြင့်မားစေရန်ရည်ရွယ်၍ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြုဟောပြောပွဲတွင် (၁၂/၂၀၂၃) ကြိမ်မြောက် Thursday Talk အသိပညာပေးဟောပြောဆွေးနွေးနှင့် စာပေစကားဝိုင်းဆွေးနွေးပွဲကို ကျင်းပပြုလုပ်ခဲ့ရာ အရာထမ်း/အမှုထမ်းဝန်ထမ်း (၄၃) ဦးတက်ရောက်ခဲ့ကြောင်းသိရှိရပါသည်။

      အဆိုပါ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု Thursday Talk အသိပညာပေးဟောပြောဆွေးနွေးပွဲတွင် ဒုတိယညွှန်ကြားရေးမှူး ဦးဝေဖြိုးထက်က အဖွင့်အမှာစကားပြောကြားခဲ့ပြီးနောက်  မုံရွာမြို့နယ်တာဝန်ခံရုံးမှ  ဒေါ်စန်းစန်းဝေ (ဦးစီးမှူး) က “ရုံးလုပ်ငန်းစီမံခန့်ခွဲမှုအကြောင်း” သိကောင်းစရာများကိုဆွေးနွေးခဲ့ပြီး  ရုံးစာကြည့်တိုက်မှ စာအုပ်များအားဖတ်ရှုပြီး နှစ်ပတ်လျှင်တစ်ကြိမ် စာပေစကားဝိုင်းဆွေးနွေးပွဲကို အပတ်စဉ် တိုင်းဒေသကြီးဦးစီးမှူးရုံးတွင် ပြုလုပ်မည်ဖြစ်ကြောင်း ပြောကြားခြင်း၊ ထို့နောက် ထုတ်ကုန်လုံခြုံစိတ်ချရမှုဌာနခွဲမှ  ဒေါ်ကျော့‌ကျော့ခိုင် (ဒု-ဦးစီးမှူး) က  စာရေးဆရာမ မစန္ဒာ၏ "နှင်းဆီဝတ္ထု" စာအုပ်အကြောင်းကိုဆွေးခဲ့ခြင်း၊ ၎င်းအပြင် မုံရွာမြို့နယ်တာဝန်ခံရုံးမှ ဦးမင်းခန့် (ဒု-ဦးစီးမှူး) က စာရေးဆရာဖေမြင့်၏ မရဏနုဿတိစာအုပ်အကြောင်းကိုဆွေးနွေးခဲ့ပြီး တက်ရောက်လာကြသောဝန်ထမ်းများက သိလိုသည်များကိုအပြန်အလှန်ဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

    ကရင်ပြည်နယ်အတွင်းရှိ ဈေးများ၊လက်လီ/လက်ကားအရောင်းဆိုင်များ၊ကုန်တိုက်/Shoppig Mallများတွင် ရောင်းချနေသောစားသုံးဆီအမျိုးမျိုးကို စားသုံးသူရေးရာဦးစီးဌာနအပါအဝင်၊ ကရင်ပြည်နယ် စားသုံးသူရေးရာကော်မတီဝင်များက ဈေးကွက်‌စောင့်ကြည့်စစ်ဆေးခဲ့ကြကြောင်း သိရသည်။

  ယခုဈေးကွက်စောင့်ကြည့်စစ်ဆေးသည့် စားသုံးဆီအမျိုးမျိုးသည် စားသုံးသူပြည်သူများ၏ နေ့စဉ်ချက်ပြုတ်စားသောက်မှုတွင် မပါမဖြစ်ထည့်သွင်းအသုံးပြုရသည့် ကုန်စည်ဖြစ်ခြင်းကြောင့် သတ်မှတ်စံချိန်စံညွှန်းများနှင့် ကိုက်ညီမှုမရှိသည့်ဆီများနှင့် ပြန်လည်သန့်စင်ထားသည့်ဆီများ ဈေးကွက်အတွင်းရောင်းချနေပါက စားသုံးသူများကိုဘေးအန္တရာယ်ဖြစ်ပွားစေနိုင်ပြီး ဘေးအန္တရာယ် ဖြစ်စေနိုင်မည့်ဆီများကို ရေရှည်စာသုံးမိပါက စားသုံးသူများအနေဖြင့် ကျန်းမာရေးဆိုင်ရာ ဆိုးကျိုး များ ဖြစ်ပွားလာနိုင်ခြင်းကြောင့်စစ်ဆေးခဲ့ခြင်းဖြစ်ကြောင်းနှင့် စစ်ဆေးရာ၌ စားသုံးဆီအမျိုးမျိုးတွင် ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်အမှတ်(၂/၂၀၁၉)ပါ ကုန်စည်အုပ်စုအလိုက် မြန်မာဘာသာဖြင့် ကုန်အညွန်းအမှတ်အသား ဖော်ပြရမည့် အသေးစိတ်အချက်များ ပါဝင်မှုရှိ/မရှိ နှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော (၁/၂၀၂၁) အရ ဟင်းသီးဟင်းရွက်ဆီနှင့် စပ်လျဉ်း၍ ကုန်အညွှန်းအမှတ်အသားဖော်ပြရာတွင် ပင်ရင်းပါဝင်ပစ္စည်းကို အခြေခံသော ကုန်စည်၏ အမျိုးအမည်ကို မြန်မာဘာသာဖြင့်တိကျစွာ ဖော်ပြစေခြင်းကို လိုက်နာဆောင်ရွက်မှု ရှိ/မရှိ အခြေအနေများအား ကရင်ပြည်နယ် ကော့ကရိတ်မြို့နယ်တွင် ၁၀-၇-၂၀၂၃ ရက်နေ့တွင်လည်းကောင်း၊ မြဝတီခရိုင်တွင် ၁၂-၇-၂၀၂၃ ရက်နေ့တွင်လည်းကောင်း၊ ဘားအံခရိုင်တွင် ၁၃-၇-၂၀၂၃ ရက်နေ့တွင်လည်းကောင်း စားသုံးသူရေးရာဦးစီးဌာနပါ ကရင်ပြည်နယ် စားသုံးသူရေးရာကော်မတီဝင်များက ဈေးကွက်စောင့်ကြည့်စစ်ဆေးခဲ့ခြင်းဖြစ်ကြောင်း သိရသည်။

          စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်းရေးနှင့် ကုန်အညွှန်း အမှတ်အသား သတ်မှတ်ချက်များနှင့်အညီဆောင်ရွက်နိုင်ရေးအတွက် စားသုံးသူများနှင့် စီးပွားရေး လုပ်ငန်းရှင်များကြား သတိပေးချက် (Alert) တစ်ခုဖြစ်စေနိုင်ရန်နှင့် စားသုံးများအတွက်လည်း ဘေးအန္တရာယ်ကင်းရှင်းသော ကုန်စည်များကိုသာ ဝယ်ယူရရှိနိုင်စေရန်  ရည်ရွယ်၍ စားသုံးသူ အသုံးပြုမှုမြင့်မားပြီး ထိခိုက်နစ်နာနိုင်ခြေမြင့်မားသည့် စားသုံးဆီအမျိုးမျိုး၊ အချိုရည်အမျိုးမျိုးနှင့် ထိခိုက်နစ်နာလွယ်သော စားသုံးသူ အုပ်စုဖြစ်သည့် ကလေးများအတွက် ရည်ရွယ်ထုတ်လုပ်သည့် ကလေးအာဟာရ ဖော်စပ်ဖြည့်စွက်စာအမျိုးမျိုးတို့အား ဦးစားပေးကုန်စည်(၃)မျိုးအဖြစ် ရွေးချယ်ပြီး အချိန်ကာလတစ်ခုသတ်မှတ်ကာ တစ်နိုင်ငံလုံးအတိုင်းအတာဖြင့် ဈေးကွက်စောင့်ကြည့် စစ်ဆေးခြင်းများ ဆောင်ရွက်သွားမည်ဖြစ်ကြောင်း သတင်းရရှိသည်။

DOCA(ကရင်)