သတင်းနှင့် လှုပ်ရှားမှုများ

ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာန၊ တောင်ကြီးခရိုင်ခရိုင်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည်  အထွေထွေအုပ်ချုပ်ရေးဦးစီးဌာန၊ စည်ပင်သာယာရေးဦးစီးဌာန၊ မြန်မာနိုင်ငံရဲတပ်ဖွဲ့၊ စိုက်ပျိုးရေးစီးဌာနတို့မှ ဝန်ထမ်းများ နှင့်ပူးပေါင်း၍ (၁၅.၅.၂၀၂၃)ရက်နေ့၊ နံနက် (၁၀:၀၀)နာရီအချိန်တွင် တောင်ကြီးမြို့ပေါ်ရှိ ကန်သာယာရပ်ကွက်၊ မြစန္ဒာဓာတ်မြေဩဆိုင်(၂)နှင့် ဦးဝါရဓာတ်မြေဩဆိုင်တို့အား မြန်မာဘာသာဖြင့် ဖော်ပြထားခြင်းမရှိသော မြင်းပျံအမှတ်တံဆိပ် ဓာတ်မြေဩဇာအတုများကို ဈေးကွက်အတွင်း ရောင်းချခြင်း ရှိ/ မရှိကို ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

အဆိုပါ အရောင်းဆိုင်များအား ကွင်းဆင်းစစ်ဆေးရာတွင် မြန်မာဘာသာဖြင့် ရေးသာဖော်ပြခြင်း မရှိသော ဓာတ်မြေဩဇာများကို ရောင်းချခြင်းမရှိကြောင်းနှင့် မြန်မာဘာသာဖြင့် ဖော်ထားသည့် ဓာတ်မြေဩဇာများကိုသာ ရောင်းချကြောင်း စစ်ဆေး တွေ့ရှိရပါသည်။

ထိုနောက် စစ်ဆေးရေးမှူးနှင့် တာဝန်ရှိသူများသည် တရားမဝင်တင်သွင်းလာသော ဓာတ်မြေဩဇာများကို  ဈေးကွက်အတွင်းရောင်းချခြင်းမပြုရန်နှင့် စားသုံးသူကာကွယ်ရေးဥပဒေ အခန်း(၁၈)ပါအရ ကုန်အညွှန်းအမှတ်အသားနှင့် ပတ်သက်၍ စီးပွားရေးလုပ်ငန်းရှင်များ လိုက်နာဆောင်ရွက်ရန်ဖြစ်ကြောင်းနှင့် ရောင်းချမှုစစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူခံရမည်ဖြစ်ကြောင်း ဆိုင်ရှင်အား အသိပညာပေးဆွေးနွေးခဲ့ပါသည်။

DOCA (ရှမ်း)

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန ဘိုကလေးမြို့နယ်တာဝန်ခံနှင့် ဝန်ထမ်းတို့သည် ၂၀၂၃ ခုနှစ်၊ မေလ(၁၂)ရက်နေ့၊ နံနက်(၀၉:၀၀)နာရီအချိန်တွင် မြို့မ (၄)ရပ်ကွက်၊ (၆)လမ်းရှိ    မကြီးမိုးကုန်မျိုးစုံဆိုင်သို့ ဈေးကွက်ရောက်ကုန်စည် များတွင် ကုန်အညွှန်းအမှတ် အသားဖော်ပြချက်များ  ပါဝင်မှု ရှိ/မရှိ ကွင်းဆင်းစိစစ်ခဲ့ပါသည်။

ထိုသို့ကွင်းဆင်းစိစစ်ရာတွင် ရောင်းချနေသော ကုန်စည်အမျိုးအစားများအနက်မှ   အသင့်စားခေါက်ဆွဲခြောက်ထုပ်များဖြစ်သော WahLah (မလိုင်ချဉ်စပ်) ခေါက်ဆွဲခြောက်ထုပ်တွင် ကုန်အညွှန်းအမှတ်အသားများကို မြန်မာဘာသာဖြင့် ဖော်ပြထားရှိကြောင်း စစ်ဆေးတွေ့ရှိရပါသည်။ အခြားကုန်စည်အမျိုးအစားများထဲတွင်လည်း ကုန်အညွှန်းအမှတ်အသားဖော်ပြချက်များ ပါဝင်နေကြောင်း စိစစ်တွေ့ရှိရပါသည်။ တရားမဝင်ကုန်စည်များကိုလည်း ရောင်းချခြင်းမပြုရန်နှင့် ကုန်အညွှန်း အမှတ်အသားဖော်ပြချက်ပါရှိသော ကုန်ပစ္စည်းများကိုရောင်းချကြရန် အသိပညာပေးခြင်းများ ဆောင်ရွက်ခဲ့ကြောင်း သတင်းရရှိပါသည်။

DOCA (ဧရာဝတီ)

    ဧရာဝတီတိုင်းဒေသကြီး၊ ဖျာပုံခရိုင်စားသုံးသူရေးရာဦးစီးဌာန၊ မြို့နယ်တာဝန်ခံနှင့် စီမံကိန်းဦးစီးဌာန၊ ခရိုင်စက်မှုကြီးကြပ်ရေးနှင့်စစ်ဆေးရေးတို့ပါ ပူးပေါင်းအဖွဲ့သည် ၂၀၂၃ခုနှစ်၊ မေလ(၁၀)ရက်နေ့၊ နံနက်(၀၉:၀၀)နာရီအချိန်တွင် ဖျာပုံမြို့ချောင်းတွင်းကျေးရွာရှိ စပါးခွံလောင်စာတောင့်ထုတ်လုပ်သည့်လုပ်ငန်းသို့ ကွင်းဆင်းခဲ့ကြပါသည်။

      ထို့သိုကွင်းဆင်းရာ ပူးပေါင်းအဖွဲ့သည် အဆိုပါလုပ်ငန်းတွင် ရင်းနှီးမြုပ်နှံမှု၊ လုပ်သားနှင့် စွမ်းအင် သုံးစွဲမှု၊ နည်းပညာ၊ ဈေးကွက်နှင့် တွက်ခြေကိုက်မှုအခြေအနေများ၊ ကုန်ပစ္စည်းများစနစ်တကျ ထုပ်ပိုးထားမှု၊ ပတ်ဝန်းကျင်သန့်ရှင်းရေး၊ MSMEs လုပ်ငန်းဖွံ့ဖြိုးတိုးတက်ရေးနှင့် သက်ဆိုင်ရာဌာနများ၏ ခွင့်ပြုမိန့်များ၊ မှတ်ပုံတင်ဆောင်ရွက်ထားရှိမှုတို့အား စစ်ဆေးခဲ့ပြီး၊ စားသုံးသူကာကွယ်ရေးဥပဒေ(၂၀၁၉)ပါ ပြဌာန်းချက်များအား အသိပညာပေးဆွေးနွေးခြင်းတို့ကို ဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့၊ မြို့နယ်တာဝန်ခံသည် ၂၀၂၃ ခုနှစ်၊ မေလ (၉)ရက်နေ့၊ နံနက်(၀၉:၀၀)နာရီအချိန်တွင် ရွာသစ်ရပ်ကွက်ရှိ ဧရာဦးခန်းမ၌ စက်မှု၊ စိုက်မွေးနှင့် နည်းပညာအထက်တန်း ကျောင်းရှိ ကျောင်းသား/သူများအား စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။

   ဟောပြောပွဲတွင်စားသုံးသူ‌‌‌ရေးရာဦးစီးဌာနမြို့နယ်တာဝန်ခံက  စားသုံးသူကာကွယ်ရေးဥပဒေအကြောင်း၊  ဥပဒေပါ စားသုံးသူအခွင့်အရေးနှင့် တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ သိကောင်း စရာများအကြောင်း၊ ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့်စပ်လျဉ်း၍ ကုစားခွင့်ရရှိခြင်းများအကြောင်း၊ တားမြစ်ချက်များအကြောင်း၊  ပြစ်မှုနှင့်ပြစ်ဒဏ်များအကြောင်း၊ ဈေးကွက် အတွင်းရောင်းချနေသော ကုန်ပစ္စည်းများကို ရွေးချယ်ဝယ်ယူအသုံးပြုတတ်စေရန် အသိပညာပေးခြင်းများအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များနှင့်စပ်လျဉ်း၍ သိရှိလိုပါက www.doca.gov.mm Website တွင် ဝင်ရောက်လေ့လာရန်အကြောင်းများ စသည့်တို့ကို အသိပညာပေးဟောပြောခဲ့ပြီး တက်ရောက်လာသူများမှလည်း သိရှိလိုသည်များကို မေးမြန်း၍ စားသုံးသူကာကွယ်ရေးဥပဒေစာအုပ်နှင့် လက်ကမ်းစာစောင် များကို ဖြန့်ဝေပေးခဲ့ကြကြောင်းသိရှိရပါသည်။

DOCA (ဧရာဝတီ)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်း/ခရိုင်ဦးစီးမှူး၏လမ်းညွှန်မှုဖြင့် ဂန့်ဂေါခရိုင်ဦးစီးမှူးရုံးမှ ဒုတိယဦးစီးမှူး ဒေါ်ဇာဇာချိုဦးသည် စားသုံးသူကာကွယ်ရေးဥပဒေ ၂၀၁၉ပါ စားသုံးသူ၏အခွင့်အရေးများနှင့် စီးပွားရေးလုပ်ငန်းရှင်၏တာဝန်များကိုသိရှိလိုက်နာပြီး စီးပွားရေးကျင့်ဝတ်နှင့်အညီ လုပ်ကိုင်ဆောင်ရွက်နိုင်စေရန်နှင့် တာဝန်ယူမှု၊ တာဝန်ခံမှုရှိသော စီးပွားရေးလုပ်ငန်းရှင်များဖြစ်လာစေရန်ရည်ရွယ်၍ (၉-၅-၂၀၂၃) ရက်နေ့ ၊နံနက် (၀၉:၀၀) နာရီအချိန်တွင် ဂန့်ဂေါမြို့၊ ကျောတိုက်ရပ်ကွက်အတွင်း ထုတ်လုပ်လျက်ရှိသော "ငွေတံခါး" သောက်ရေသန့်လုပ်ငန်းသို့သွားရောက်၍ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)ပါ ကုန်အညွှန်းအမှတ်အသားများကိုပြည့်စုံစွာဖော်ပြလာစေရန် အသိပညာပေးဆွေးနွေးခဲ့ပါသည်။

    စားသုံးသူရေးရာဦးစီးဌာန၊ ဂန့်ဂေါခရိုင်ဦးစီးမှူးရုံးမှ ဒုတိယဦးစီးမှူး ဒေါ်ဇာဇာချိုဦးက   ဆွေးနွေးရာတွင် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ(၂၀၁၉)၊ အခန်း (၁၈)ပါ ကုန်အညွှန်းအမှတ်အသားများကို ပြည့်စုံစွာထည့်သွင်းဖော်ပြခြင်းဖြင့် ဈေးကွက်အတွင်း မိမိတို့၏ထုတ်ကုန်များမှာ စားသုံးသူအတွက် ဘေးအန္တရာယ်ကင်းရှင်းစေပြီး အာမခံချက်ပေးခြင်း၊ သတင်းအချက်အလက်များပြည့်စုံစွာထည့်သွင်းခြင်းတို့ကြောင့် စားသုံးသူများအနေဖြင့် စီးပွားရေး လုပ်ငန်းရှင်အပေါ် ယုံကြည်မှုရှိပြီး အကျိုးစီးပွားများပိုမိုရရှိမည်ဖြစ်ကြောင်းနှင့် မြန်မာနိုင်ငံစားသုံးသူကာကွယ်ရေးကော်မရှင်၏ညွှန်ကြားချက်အမှတ်(၂/၂၀၁၉)ပါ သောက်ရေသန့်အမျိုးမျိုးတွင် ထည့်သွင်းဖော်ပြရမည့်အချက်များ၊ ကုန်အညွှန်းအမှတ်အသားနှင့်စပ်လျဉ်းသည့် ဥပဒေပြဋ္ဌာန်းချက်များ၊ စီမံခန့်ခွဲရေးနည်းလမ်းအရ အရေးယူခြင်းများ၊ ပြစ်မှုပြစ်ဒဏ်တို့ကို သိရှိလိုက်နာစေရန်အကြောင်းတို့အား ဆွေးနွေးခဲ့ပြီး   စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ပြည့်စုံမှန်ကန်မှုရှိ/မရှိတို့ကို မိမိတို့ဌာနသို့ တင်ပြစိစစ်လျှောက်ထားနိုင်ပါကြောင်း ရှင်းလင်းဆွေးနွေးခဲ့ပါသည်။

DOCA(မကွေး)