သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာမြို့နယ်တာဝန်ခံ ဦးမြင့်ဌေးသည် (၂၂.၁၁၂၀၂၃) ရက်နေ့၊ နံနက်(၁၀:၀၀)နာရီအချိန်တွင် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့်ပူးပေါင်းကာ စားသုံးသူပြည်သူများအား လပွတ္တာခရိုင် (၃)မိုင်မြို့သစ်ရှိ ပြန်ကြားရေး နှင့်ပြည်သူ့ ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး  Talk  Show  ပြုလုပ်ခဲ့ပါသည်။

    ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူးမှ  စားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်အား ရှင်းလင်းပြောကြားပြီး၊ စားသုံးသူရေးရာဦးစီးဌာန မြို့နယ်တာဝန်ခံမှ ဌာန၏မျှော်မှန်းချက်၊ ရည်မှန်းချက်များအား ရှင်းလင်းပြောကြားခဲ့ပြီး၊ စားသုံးသူကာကွယ်ရေးဥပဒေ အခန်း(၉)ပါ စားသုံးသူ၏ အခွင့်အရေးနှင့် တာဝန်များ၊ ဥပဒေအခန်း(၁၀)ပါ စီးပွားရေးလုပ်ငန်းရှင်၏တာဝန်များနှင့် ပြစ်မှုပြစ်ဒဏ်များ၊ တားမြစ်ချက်များ၊ ဥပဒေအခန်း(၂)ပါပုဒ်မ(၃) ပုဒ်မခွဲ(က)မှ(ဇ)ထိ ဥပဒေ၏ ရည်ရွယ်ချက်(၈)ချက် အခန်း(၉)ပါစားသုံးသူ၏ အခွင့်အရေးနှင့် တာဝန်များနှင့် စပ်လျဉ်း၍ ပုဒ်မ(၁၉)ပါစားသုံးသူ၏အခွင့် အရေး(၈)ချက်နှင့် ပုဒ်မ(၂၀)ပါစားသုံးသူ၏တာဝန်(၄)ချက်။ စားသုံးသူကာကွယ်ရေး ဥပဒေ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မည်သည့်စီးပွားရေး လုပ်ငန်း ရှင်မဆို ပုဒ်မ-၄၁ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသား ဖော်ပြရာ တွင် မြန်မာဘာသာဖြင့်ဖြစ်စေ၊ မြန်မာ ဘာသာနှင့်အခြားဘာသာတစ်ခု(သို့) တစ်ခုထက်ပို၍တွဲလျှက်ဖြစ်စေ၊ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက် သတ်မှတ်ထားသည့် ဥပဒေများနှင့်အညီ လိုက်နာ ဆောင်ရွက်ကြရန် ဥပဒေတားမြစ်ချက်များအား လိုက်နာဆောင်ရွက်မှုမရှိပါက ပြစ်မှုပြစ်ဒဏ် များအတိုင်း ဆောင်ရွက်သွားမည်ဖြစ်ကြောင်း စီးပွားရေး လုပ်ငန်းရှင်များအနေဖြင့် ဥပဒေပါအချက်အလက်များသိရှိလိုပါက မြို့နယ်စားသုံးသူတာဝန်ခံရုံး တွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca. gov.mm website တွင် ဝင်ရောက်လေ့လာနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ်၊ ပြန်ကြားရေးနှင့်ပြည်သူ့ဆက်ဆံ ရေးဦးစီးဌာနတို့နှင့် စားသုံးသူရေးရာဦးစီးဌာနတို့ပူးပေါင်း၍ (၂၁.၁၁.၂၀၂၃)ရက်နေ့ နံနက် (၁၀:၀၀) နာရီ အချိန်တွင် ပြန်ကြားရေး နှင့်ပြည်သူ့ ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမ၌ စားသုံးသူအသိပညာပေး Talk Show ပြုလုပ်ခဲ့ပါသည်။

    ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ  စားသုံးသူ အသိပညာပေး Talk Show ပြုလုပ်ရခြင်း၏ ရည်ရွယ်ချက်အားရှင်းလင်းပြောကြားပြီး၊ စားသုံးသူ ရေးရာဦးစီးဌာန မြို့နယ်ဦးစီးမှူးဦးလှထွဋ်ဦးက ဌာန၏မျှော်မှန်းချက်၊ ရည်မှန်းချက်များ၊ ရှေ့ဆက်လက် ဆောင်ရွက်ရမည့် လုပ်ငန်းတာဝန်များအား ဦးစွာရှင်းလင်းပြော ကြားခဲ့ပြီး၊ စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနမှ ထုတ်ပြန်ထားသော စားသုံးသူ ကာကွယ်ရေးဥပဒေ ၂၀၁၉ ပါပြဌာန်းချက်များမှ အခန်း(၉)ပါ စားသုံးသူ၏အခွင့်အရေး(၈)ချက်နှင့် တာဝန်(၄)ချက်၊ အခန်း(၁၀)ပါ စီးပွားရေး လုပ်ငန်းရှင်၏ တာဝန်(၁၁)ချက်၊ အခန်း(၅)ပုဒ်မ(၁၃) ဦးစီးဌာန၏ လုပ်ပိုင် ခွင့်နှင့်လုပ်ငန်းတာဝန်များ အခန်း(၂၃)ပါတား မြစ်ချက်များ၊ အခန်း(၂၄)ပါ ပြစ်မှုပြစ်ဒဏ်များ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့် (ဆ)တို့ပါ ကုန်အညွှန်း အမှတ် အသားဖော်ပြရာတွင် မြန်မာဘာသာဖြစ်စေ၊မြန်မာဘာသာနှင့်အခြားဘာသာတစ်ခု(သို့) တစ်ခုထက်ပို၍ တွဲလျက်ဖြစ်စေ၊ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက် သတ်မှတ်ထားသည့် ဥပဒေ များနှင့်အညီဆောင်ရွက်ကြရန်၊ စစ်ဆေးရေးအရာရှိ၏ လုပ်ငန်းတာဝန်များအား အသေးစိတ်ရှင်းလင်း ဆွေးနွေးခဲ့ပြီး မြို့နယ်အတွင်းရှိ စက်သုံးဆီအရောင်းဆိုင်များ ဆီပြတ်လပ်မှုမရှိစေရေး ပုံမှန်ဖွင့်လှစ် ရောင်းချ နိုင်ရေးအတွက် ကွင်းဆင်းဆောင်ရွက်နေရပါကြောင်း၊ စီးပွားရေးလုပ်ငန်းရှင်များအနေဖြင့် ဥပဒေပါအချက် အလက်များသိရှိလိုပါက စားသုံးသူရေးရာဦးစီးဌာန၊ ခရိုင်ဦးစီးမှူးရုံးတွင်လည်းကောင်း၊ စားသုံးသူရေးရာ ဦးစီးဌာန၊ ရုံးချုပ်၏ www.doca.gov.mmwebsite တွင်လည်း ဝင်ရောက်လေ့လာ ကြည့်ရှုနိုင်ပါကြောင်း စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေး စင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း အသိပညာပေး ဟောပြောဆွေးနွေးခဲ့ပါသည်။

DOCA(ဧရာဝတီ)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဉီးစီးဌာန၊ ကလေးခရိုင်ဦးစီးမှူးရုံးအောက်ရှိ ဟုမ္မလင်းမြို့နယ်တာဝန်ခံ ဒေါ်ခင်စန်းဝင်း(ဒု-ကြီးကြပ်ရေးမှူး) သည် အောက်တိုဘာလ ( ၂၂ ) ရက်နေ့ နံနက် (၁၀:၃၀) နာရီအချိန်၌  ဟုမ္မလင်းမြို့ရှိ ငါးလုပ်ငန်းဦးစီး ဌာနသို့ သွားရောက်၍ ဝန်ထမ်း ( ၃၀ )ဦးတို့အား စားသုံးသူအသိပညာပေး ဟောပြောပွဲ ကျင်းပပြုလုပ် ခဲ့ပါသည်။

      အဆိုပါအသိပညာဟောပြောပွဲတွင်  ဟုမ္မလင်းမြို့ငါးလုပ်ငန်းဦးစီးဌာန၊ ဒေါ်မြင့်မြင့်လှိုင်က အဖွင့်အမှာစကားပြောကြားခဲ့ပြီး စားသုံးသူရေးရာဉီးစီးဌာန၊ ဟုမ္မလင်းမြို့နယ်တာဝန်ခံ  ဒေါ်ခင်စန်းဝင်း (ဒု-ကြီးကြပ်ရေးမှူး)က ဌာနမှဆောင်ရွက်လျက်ရှိသော လုပ်ငန်းများအကြောင်း၊ စားသုံးသူများ၏ ရသင့်ရထိုက်သော အခွင့်အရေးနှင့်တာဝန်များအကြောင်း၊ ကုန်အညွှန်းအမှတ် အသား ဖော်ပြခြင်းအကြောင်းများနှင့် စပ်လျဉ်း၍ မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်း များ၊ မုန့်မျိုးစုံတွင် ဖော်ပြရမည့် ကုန်အညွှန်း အမှတ်အသား အကြောင်းများ၊ စားသောက်ကုန်၊ အသင့်စားသောက်ကုန်များတွင် စားသုံးသူ ပြည်သူများ သိရှိစေရန်ဖော်ပြသည့် ကုန်အညွှန်းအမှတ်အသားတွင် (မြန်မာဘာသာ၊ မည်သည့်ဘာသာ)နှင့်တွဲ၍ ဖော်ပြချက်များနှင့် ပါဝင်ရမည့်အဓိကအချက်များ၊ ကုန်စည်နှင့် ဝန်ဆောင်မှု အပေါ်ဆုံးရှုံးမှုမရှိစေရေး၊ စားသုံးသူအခွင့်အရေးနှင့် အကျိုးစီးပွား နစ်နာဆုံး ရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများကို အသေးစိတ်ရှင်းလင်းခဲ့ပြီး ငါးလုပ်ငန်းဦးစီးဌာနမှ ဝန်ထမ်းများလည်း မိမိတို့သိရှိလိုသည်များကို ပြန်လည်ဆွေးနွေးပြောကြား ခဲ့ကြောင်း သတင်းရရှိရပါသည်။

DOCA(စစ်ကိုင်း)

   စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးအစည်းအဝေးခန်းမ၌ (၂၄-၁၁-၂၀၂၃) ရက်နေ့၊ နေ့လယ် (၁၃:၀၀) နာရီအချိန်တွင် ကရင်ပြည်နယ်ဦးစီးမှူး ဦးသန်းဦးကိုယ်စား ဦးစီးအရာရှိ ဦးမျိုးဝင်းနိုင်ဦးဆောင်၍ ပြည်နယ်ရုံးမှဝန်ထမ်းများနှင့် လစဉ် လုပ်ငန်းညှိနှိုင်းအစည်းအဝေးနှင့် ဝန်ထမ်းထုဆန္ဒဖော်ထုတ်ပွဲ (ဒါဘာ)ကျင်းပပြုလုပ်ခဲ့ကြောင်းသိရသည်။

     အခမ်းအနားတွင် လစဉ်လုပ်ငန်းညှိနှိုင်းအစည်းအဝေးနှင့် ဝန်ထုဆန္ဒဖော်ထုတ်ပွဲအား အစီအစဉ်အတိုင်းကျင်းပခဲ့ရာ ရှေးဦးစွာ ဦးစီးအရာရှိ ဦးမျိုးဝင်းနိုင်က အဖွင့်အမှာစကားပြောကြားခဲ့ပြီးနောက် လုံခြုံရေးနှင့်သဘာဝဘေးအန္တရာယ်စီမံချက်များရေးဆွဲရန်၊ ရုံးအဝင်/အထွက်မှတ်တမ်းစာအုပ်ထားရှိရန်နှင့် ဌာနခွဲအလိုက်ဆောင်ရွက်ရမည့် လုပ်ငန်းလျာထားချက်နှင့် အမှန်ဆောင်ရွက်နိုင်မှုအပေါ် အားသာချက်၊ အားနည်းချက်နှင့် ဆက်လက်ဆောင်ရွက်ရမည့် လုပ်ငန်းစဉ်များအပေါ် တင်ပြရန်ပြောကြားခဲ့သည်။ အစီအစဉ်အရ ပြည်နယ်ရုံးမှ ဌာနခွဲတာဝန်ခံများက မိမိတို့၏လုပ်ငန်းဆောင်ရွက်နိုင်  မှုအခြေအနေများ၊ ဆက်လက်ဆောင်ရွက်ရမည့်အခြေအနေများကို ရှင်းလင်းတင်ပြခဲ့ပြီး ဆက်လက်၍ ဝန်ထမ်းထုဆန္ဒဆော်ထုတ်ပွဲအခမ်းအနားတွင် ဝန်ထမ်းများ၏ အခက်အခဲတင်ပြချက်များအပေါ်  ပြည်နယ်ဦးစီးမှူးကိုယ်စား ဦးစီးအရာရှိ  ဦးမျိုးဝင်းနိုင်က  လိုအပ်သည်များကို ပေါင်းစပ်ညှိနှိုင်းဖြည့်ဆည်းဆောင်ရွက်ပေးခဲ့သည်။

     အစည်းအဝေးတွင် လုပ်ငန်းညှိနှိုင်းအစည်းအဝေးဆုံးဖြတ်ချက် (၁၂)ချက်နှင့် ဝန်းထမ်းထုဆန္ဒဖော်ထုတ်ချက် (၃)ချက်ဖော်ထုတ်နိုင်ခဲ့ပြီး ပြည်နယ်ရုံးမှ ဝန်ထမ်း (၁၅) ဦးတက်ရောက်ခဲ့ကြောင်းနှင့် အစည်းအဝေးကို နေ့လယ် (၁၅း၀၀) နာရီအချိန်တွင်ရုပ်သိမ်းခဲ့ကြောင်းသိရှိရပါသည်။

DOCA(ကရင်)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ (၂၄-၁၁-၂၀၂၃) ရက်နေ့၊ နေ့လယ် (၁၁:၀၀) နာရီအချိန်တွင်ကျင်းပပြုလုပ်သည့် ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု အသိပညာပေးဟောပြောပွဲဆွေးနွေးခြင်း (၁၁/ ၂၀၂၃) Thursday Talk ကျင်းပပြုလုပ်ခဲ့ပါသည်။

    Thursday Talk ဟောပြောပွဲတွင် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ စားသုံးသူရေးရာဌာနခွဲမှ ဒေါ်နှင်းယုမွန်  (အငယ်တန်းစာရေး) သည် ဌာနခွဲ၏ နေ့စဉ်၊ လစဉ်ဆောင်ရွက်ချက်မျာ၊ ဘဏ္ဍာနှစ်အလိုက် ဆောင်ရွက်ချက်များ၊ စားသုံးသူအခွင့်အရေး (၈) ချက်နှင့် စားသုံးသူအကြောင်း သိကောင်းစရာများနှင့်ပတ်သက်၍ အကျယ်တဝင့်ဆွေးနွေးပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)