သတင်းနှင့် လှုပ်ရှားမှုများ

      စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဒေါ်သူဇာမြင့်(ဦးစီးမှူး)နှင့် ဦးသိန်းထိုက်အောင်(ဒု-ဦးစီးမှူး)တို့သည် ၂၀၂၃ခုနှစ်၊ အောက်တိုဘာလ ၁၉ ရက်နေ့၊ နံနက် (၁၀:၀၀) အချိန်တွင် ချင်းပြည်နယ်၊ ဟားခါးမြို့ရှိ မြို့နယ်အထွေထွေအုပ်ချုပ်ရေးဦးစီးဌာနခန်းမတွင် စားသုံးသူအကာကွယ်ပေးရေးဆိုင်ရာ အသိပညာပေးဟောပြော ပွဲကျင်းပခဲ့ကြောင်း သိရသည်။

   အဆိုပါဟောပြောပွဲအခမ်းအနားတွင် စာသုံးသူရေးရာဦးစီးဌာနမှ ဒေါ်သူမြင့်က မြို့နယ်အဆင့်ဌာနဆိုင်ရာများမှ တက်ရောက်လာသော ဝန်ထမ်းများအနေဖြင့် စားသုံးသူအခွင့်အရေးများ သိရှိနားလည်စေရန်အတွက် စားသုံးသူ၏ အခွင့်အရေး(၈)ချက်နှင့် စားသုံးသူ၏ တာဝန်ဝတ္တရားများကို ရှင်းလင်းဆွေးနွေးခြင်း၊ ကုန်အညွှန်းအမှတ်အသားပြီးပြည့်စုံစွာ ဖော်ပြထားရှိခြင်း မရှိသည့် စားသောက်ကုန်ပစ္စည်းများကို ဝယ်ယူစားသုံးခြင်းမပြုရန် ရှင်းလင်းဆွေးနွေးခဲ့ပြီးနောက် အခမ်းအနားတွင် တက်ရောက်လာသော ဌာနဆိုင်ရာအသီးသီးမှ စားသုံးသူအကာကွယ်ပေး ရေးလုပ်ငန်းများနှင့် စပ်လျဉ်း၍ သိရှိလိုသည်များကို အပြန်အလှန်ဆွေးနွေးခဲ့ကြပါသည်။ ထို့နောက် ဒေါ်သူဇာမြင့်မှ စားသုံးသူအကာကွယ်ပေးရေးလုပ်ငန်းများ ပိုမိုထိရောက်အောင်မြင်ရန် သက်ဆိုင်ရာဌာနအသီးသီးနှင့် ပြည်သူတစ်ရပ်လုံးသည် မဖြစ်မနေ ပူးပေါင်းဆောင်ရွက်ရမည်ဖြစ်ပါကြောင်း ရှင်းလင်းမှာကြားခဲ့ပြီး အဆိုပါအခမ်းအနားတွင် ဌာနဆိုင်ရာအသီးသီးမှ (၄၀)ဦး ပါဝင်တက်ရောက်ခဲ့ကြောင်း သတင်းရရှိပါသည်။ 

DOCA(ချင်း)

    ၁၇.၁၀.၂၀၂၃ ရက်နေ့တွင် မွန်ပြည်နယ်အစိုးရအဖွဲ့၊ မွန်ပြည်နယ်စားသုံးသူရေးရာဦးစီးဌာန၊ မြန်မာနိုင်ငံ ဝဥစိုက်ပျိုးထုတ်လုပ်တင်ပို့ရောင်းချသူများအသင်းတို့ ပူးပေါင်းကျင်းပသော “ဝဥသီးနှံ စိုက်ပျိုးထုတ်လုပ်မှုဖွံ့ဖြိုးတိုးတက်ရေး၊ တန်ဖိုးမြှင့်ထုတ်ကုန်ထုတ်လုပ်နိုင်ရေးအလုပ်ရုံဆွေးနွေးပွဲနှင့် မွန်ပြည်နယ် ဝဥစိုက်ပျိုးထုတ်လုပ်တင်ပို့ရောင်းချသူများ အသင်းဖွဲ့စည်းခြင်း” အခမ်းအနားကို မော်လမြိုင်မြို့၊ ကုန်စည်ဒိုင်ခန်းမ၌ကျင်းပခဲ့ရာ အခမ်းအနားသို့ မွန်ပြည်နယ်ဝန်ကြီးချုပ်၊ အစိုးရအဖွဲ့ဝင်ဝန်ကြီးများ၊ ပြည်နယ်အဆင့်ဌာနဆိုင်ရာများ၊ မြန်မာနိုင်ငံဝဥစိုက်ပျိုးထုတ်လုပ်တင်ပို့ ရောင်းချသူများအသင်းဥက္ကဌနှင့် တာဝန်ရှိသူများ၊ မွန်ပြည်နယ်ဝဥစက်ရုံလုပ်ငန်းရှင်များ၊ဝဥစိုက်တောင်သူများ၊ MONCCI မှတာဝန်ရှိသူများ၊ မွန်ပြည်နယ် စားသုံးသူရေးရာဦးစီးဌာနမှ ဝန်ထမ်းများ  တက်ရောက်ခဲ့ကြောင်း သိရှိရပါသည်။

       အဆိုပါဆွေးနွေးပွဲတွင် မွန်ပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဦးအောင်ကြည်သိန်းက အဖွင့်အမှာစကားပြောကြားခဲ့ကြောင်း သိရှိရပါသည်။ ထို့နောက် မြန်မာနိုင်ငံဝဥစိုက်ပျိုးထုတ်လုပ် တင်ပို့ရောင်းချသူများအသင်းဥက္ကဌ ဦးကျော်သူက ဝဥအသင်းဖွဲ့စည်းရခြင်းရည်ရွယ်ချက်အား ရှင်းလင်းဆွေးနွေးခြင်း၊ မြန်မာနိုင်ငံ ဝဥစိုက်ပျိုးထုတ်လုပ်တင်ပို့ရောင်းချသူများအသင်း၏ အကြံပေးပုဂ္ဂိုလ် ဒေါ်စန္ဒာမျိုးက ဝဥ၏နိုင်ငံတကာဈေးကွက်အခြေအနေအား ရှင်းလင်းတင်ပြခြင်း၊ ဆက်လက်ပြီး ရွှေဝါမြေဝဥစက်ရုံမှ ဦးကျော်ခိုင်မြင့်က ဝဥဈေးကွက်နှင့် အလားအလာများအား ဆွေးနွေးခဲ့ပြီး မွန်ပြည်နယ် ဝဥစိုက်ပျိုးထုတ်လုပ်တင်ပို့ရောင်းချသူများအသင်းကို ဖွဲ့စည်းခဲ့ကြောင်းသိရှိရပြီး အဆိုပါ ဆွေးနွေးပွဲအား နံနက် (၁၁:၀၀) နာရီတွင်ရုပ်သိမ်းခဲ့ကြောင်း သိရှိရပါသည်။

DOCA(မွန်)

   မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန မြို့နယ်တာဝန်ခံရုံးမှ ဝန်ထမ်းများသည် (၁၆.၁၀.၂၀၂၃) ရက်နေ့တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန (ဘီးလင်း)နှင့် ပူးပေါင်း၍ ဘီးလင်းမြို့၊ လိပ်ခုံကျေးရွာ၊ ရပ်ကွက်ဓမ္မာရုံတွင် စားသုံးသူကာကွယ်ရေး အသိပညာပေး ဟောပြောဆွေးနွေးပွဲကျင်းပပြုလုပ်ခဲ့သည်။

  အဆိုပါဟောပြောပွဲတွင် စားသုံးသူရေးရာဦးစီးဌာနမှဌာန၏ မျှော်မှန်းချက်၊ ရည်မှန်းချက်၊ လုပ်ငန်းတာဝန်များ၊ စားသုံးသူအခွင့်အရေးနှင့် တာဝန်များ၊ လုံခြုံစိတ်ချရမှုရှိသော ကုန်စည်နှင့် ဝန်ဆောင်မှုများကို ရွေးချယ်ဝယ်ယူအသုံးပြုတတ်စေရန် အသိပညာပေးဟောပြောဆွေးနွေးခဲ့ပါသည်။ ဆွေးနွေးပွဲသို့ လိပ်ခုံးကျေးရွာ အုပ်ချုပ်ရေးမှူး၊ ရပ်မိ၊ ရပ်ဖများနှင့် ကျေးရွာသူ၊ ကျေးရွာသား(၂၅) ဦး တက်ရောက်၍ ကျေးရွာသူ၊ကျေးရွာသားများမှသိလိုသည့် စားသုံးသူများနစ်နာဆုံးရှုံးမှုဖြစ်ပေါ်လာပါက တိုင်ကြားနိုင်မည့် နည်းလမ်းများကို ဆွေးနွေးဟောပြောခဲ့၍ ဌာနမှ လက်ကမ်းစာစောင်များကို ပေးအပ်ခဲ့ပါကြောင်း သတင်းရရှိပါသည်။

DOCA(မွန်)

ရက်စွဲ၊ ၁၈.၁၀.၂၀၂၃

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာဝန်ခံရုံးအနေဖြင့်  စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိရာ အောက်တိုဘာလ (၁၈)ရက်နေ့ နံနက်(၀၉:၀၀)နာရီ အချိန်တွင် ကျွန်းလှမြို့၊ သစ်ရာမြိုင်ဈေးအတွင်းရှိ ကုန်မျိုးစုံဆိုင်များအား ကျွန်းလှမြို့နယ် စီမံအုပ်ချုပ်ရေးအဖွဲ့ရုံးမှ ဒုတိယဦးစီးမှူး ဒေါ်ယွန်းမီမီထွန်း၊ ကျွန်းလှမြို့မီးသတ်ဦးစီးဌာနမှ ဒုတိယဦးစီးမှူး ဦးသီဟမင်းခိုင်နှင့် စားသုံးသူရေးရာဦးစီးဌာန၊  ကျွန်းလှမြို့နယ်တာဝန်ခံ ဒေါ်ဝေဝေအောင်တို့မှ  ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

            အဆိုပါ ကုန်မျိုးစုံရောင်းဝယ်ရေးဆိုင်များတွင် ရောင်းချသည့် ကုန်ပစ္စည်းများအား ထုတ်ကုန် လုံခြုံစိတ် ချရမှု ရှိ/ မရှိ ၊ ကုန်အညွှန်း အမှတ်အသားများ ပြည့်စုံစွာ ဖော်ပြထားခြင်း ရှိ/ မရှိ နှင့် သက်တမ်း လွန် ကုန်စည်များ ရောင်းချနေခြင်း ရှိ / မရှိ တို့အား ဈေးကွက်စောင့်ကြည့်စစ်ဆေးခဲ့ရာ  ထုတ်ကုန်လုံခြုံ စိတ်ချရမှုရှိသည့် ကုန်စည်များကိုသာ တွေ့ရှိရကာ ကုန်အညွှန်းအမှတ်အသား ဖေါ်ပြခြင်းနှင့် ကိုက်ညီမှုရှိပြီး သက်တမ်း လွန်စားသောက်ကုန်များ ရောင်းချမှု မရှိသော်လည်း ရောင်းချသည့် စီးပွားရေး လုပ်ငန်းရှင်များ အနေဖြင့် မိမိရောင်းချသည့် ကုန်စည်အပေါ် တာဝန်ရှိမှုကို နားလည်သိရှိစေရန် စားသုံးသူကာကွယ်ရေး ဥပဒေပါ စားသုံးသူနှင့် စီးပွားရေး လုပ်ငန်းရှင် တို့၏ အဓိပ္ပါယ်ဖွင့်ဆိုချက်များ  အခန်း(၁၈)ပါ ကုန်အညွှန်း အမှတ်အသား ဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် အမှတ် (၂/၂၀၁၉)နှင့်အညီ ပြည့်စုံစွာ ထည့်သွင်ဖော်ပြ၍ ထုတ်လုပ်ဖြန့်ဖြူးသည့် ကုန်ပစ္စည်းများကိုသာ ရောင်းချကြရန် နှင့် မိမိတို့ထံ လက်ဝယ်လာရောက် ပို့ဆောင်သော ကုန်ပစ္စည်းများတွင် ကုန်အညွှန်း အမှတ်အသား မပြည့်စုံပါက လာရောက်ပို့ဆောင်သူအား ကုန်အညွှန်းအမှတ်အသား ပြည့်စုံစွာ ထည့်သွင်း ပေရန်နှင့် မပြည့်စုံပါက မိမိတို့မှ ဝယ်ယူ ရောင်းချမည်မဟုတ်ကြောင်း လက်ဆင့်ကမ်းပြောကြားပေးရန်နှင့် စီးပွားရေးလုပ်ငန်း ရှင်များအနေဖြင့် ကုန်အညွှန်းအမှတ်အသား နှင့်ပတ်သက်၍ စားသုံးသူရေးရာဦးစီးဌာန ၏ အတည်ပြုချက်ရယူနိုင်ရေး ဆောင်ရွက်ကြရန်နှင့် မိမိတို့စားသုံးသူရေးရာဦးစီးဌာနမှ ကုန်အညွှန်း အမှတ်အသား လျှောက်ထားရာတွင် အခမဲ့ကူညီဆောင်ရွက်ပေးပါကြောင်း ၊ ဥပဒေပါ စီးပွားရေးလုပ်ငန်းရှင် ၏ တာဝန်များနှင့် လိုက်နာရမည့်အချက်များအကြောင်းဆွေးနွေးခဲ့ပြီး စားသုံးသူအသိပညာပေးလက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူး ရုံးအနေဖြင့် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများနှင့် စားသုံးသူကာကွယ်ရေးလုပ်ငန်းများကို ဆောင်ရွက်လျက်ရှိရာ (၁၆.၁၀.၂၀၂၃)ရက်နေ့၊ နံနက်(၁၁:၀၀)နာရီအချိန်တွင် ရွှေဘိုခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးသည် အမှတ်(၅)ရပ်ကွက်၊ ရွှေဘိုမြို့ရှိ ဆီနှင့် ကုန်မျိုးစုံရောင်းချသည့် လုပ်ငန်းရှင်အား တွေ့ဆုံဆွေးနွေးခဲ့ပါသည်။

     ထိုသို့တွေ့ဆုံဆွေးနွေးရာတွင် ခရိုင်ဦးစီးမှူးက စားသုံးဆီများဝယ်ယူရရှိမှု၊ သယ်ယူမှု၊ သိုလှောင်ထားရှိမှု၊ ပြန်လည်ဖြန့်ဖြူးရောင်းချမှု၊ ဈေးနှုန်း၊ ဈေးကွက်အခြေအနေများနှင့် လက်ကျန်အခြေအနေများကို မေးမြန်းဆွေးနွေးခဲ့ပြီး စားသုံးဆီများ သယ်ယူခြင်းနှင့် ရောင်းချခြင်းများတွင် သတ်မှတ်ချက်များနှင့် အညီလိုက်နာဆောင်ရွက်ကြရန်၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ အခန်း(၁၈)တွင်ပြဌာန်းထားသည့် ကုန်အညွှန်းအမှတ်အသားများ ပြည့်စုံစွာထည့်သွင်း ဖော်ပြထားသည့် ကုန်စည်များကိုသာ ထုတ်လုပ်ရောင်းချကြရန်လိုအပ်ကြောင်း၊ ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)ပါ အကြောင်းများ၊  ကုန်အညွှန်းအမှတ်အသားဖော်ပြရာ၌ ကုန်ပစ္စည်းပေါ်တွင် ဖော်ပြရန်မဖြစ်နိုင်ပါက လက်ကမ်းစာစောင်/အညွှန်းတို့ဖြင့်ဖော်ပြပြီး ကုန်စည်နှင့်အတူစားသုံးသူထံသို့ တစ်ပါတည်းပေးအပ်ရန် လိုအပ်ကြောင်း၊ ပြည်ပမှတင်သွင်းသည့် ကုန်စည်များဖြစ်ပါက သတ်မှတ်ချက်များနှင့် ကိုက်ညီစေရေး အတွက် ဈေးကွက်အတွင်းသို့ဖြန့်ဖြူးခြင်းမပြုမီ ထပ်ပိုးကပ်ခြင်း သို့မဟုတ် ထုပ်ပိုးပစ္စည်းအသစ် အသုံးပြုခြင်းများ ဆောင်ရွက်ရန်လိုအပ်ကြောင်း အသိပညာပေးဆွေးနွေးခဲ့ပြီး စားသုံးသူကာကွယ်ရေး အသိပညာပေးလက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)