သတင်းနှင့် လှုပ်ရှားမှုများ

  (၆-၉-၂၀၂၃) ရက်နေ့တွင် စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာန၊ ပညာရေးဦးစီးဌာနတို့နှင့်ပူးပေါင်း၍ ကျိုက်မရောမြို့၊ အ.ထ.က (ခွဲ) ကျွန်းရွာကျောင်း၌ လူငယ်စကားဝိုင်းဆွေးနွေးပွဲပြုလုပ်ခဲ့ပါသည်။  အဆိုပါ စကားဝိုင်းဆွေးနွေးပွဲတွင် အ.ထ.က (ခွဲ) ကျွန်းရွာကျောင်းမှ ကျောင်းအုပ်ဆရာကြီး ဦးသန်းထွန်းက အဖွင့်အမှာစကားပြောကြားခဲ့ပြီးနောက် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်ချိုမြတ်မြတ်ထွေးက “လူငယ်စကားဝိုင်းကျင်းပပြုလုပ်ရခြင်း၏ရည်ရွယ်ချက်” ကိုရှင်းလင်းဆွေးနွေးခဲ့ပါသည်။ ထို့နောက် စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံက “စားသုံးသူကာကွယ်ရေးအကြောင်းသိကောင်းစရာ”ခေါင်းစဉ်ဖြင့်လည်းကောင်း၊ မြို့နယ်အားကစားနှင့်ကာယပညာဦးစီးဌာန၊ ဦးစီးအရာရှိ ဦးကိုကိုဝင်းက “လူငယ်နှင့်အားကစား”ခေါင်းစဉ်ဖြင့်လည်းကောင်း၊ အ.ထ.က (ခွဲ) ကျွန်းရွာမှ Grade (10) နှင့် (9) မှ ကျောင်းသား၊ ကျောင်းသူများက သက်ဆိုင်ရာ ခေါင်းစဉ်အလိုက် အသီးသီးဆွေးနွေးခဲ့ကြပါသည်။

       စကားဝိုင်းဆွေးနွေးပွဲသို့ ကျောင်းသား/ကျောင်းသူ (၁၉၀) ဦးတက်ရောက်ခဲ့ကြကြောင်း သိရှိရပါသည်။

DOCA(မွန်)

   မွန်ပြည်နယ်၊ စားသုံးသူရေးရာဦးစီးဌာနမှ ချောင်းဆုံမြို့နယ်တာဝန်ခံနှင့်ဝန်ထမ်းများသည် (၆-၉-၂၀၂၃) ရက်နေ့တွင် ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ကျန်းမာရေးဦးစီးဌာနတို့ပါဝင်သော ပူးပေါင်းအဖွဲ့ဖြင့် ချောင်းဆုံမြို့နယ်အတွင်းရှိ ဆေးဆိုင်၊ အလှကုန်ဆိုင်များသို့သွားရောက်၍ ကွင်းဆင်းစစ်ဆေးခြင်းနှင့် အသိပညာပေးခြင်းလုပ်ငန်းများဆောင်ရွက်ခဲ့ကြောင်း သိရှိရပါသည်။

    ထိုသို့ ကွင်းဆင်းစစ်ဆေးရာတွင် ဆေးဆိုင်များအတွင်း ရောင်းချနေသောဆေးဝါးများမှာ သက်ဆိုင်ရာဌာနများ၏ ထောက်ခံချက်ရှိ/မရှိစစ်ဆေးခဲ့ပြီး ဆေးဝါးများအား သက်ဆိုင်ရာဌာန၏ ထောက်ခံချက်ရှိမှသာရောင်းချရန်၊ သက်တမ်းလွန်သောဆေးဝါးများကို ကျန်းမာရေးဦးစီးဌာနသို့ပို့ဆောင်၍ စနစ်တကျစွန့်ပစ်ရန်နှင့် ဆေးဝါးများကို စနစ်တကျထားရှိနိုင်ရန် အသိပညာပေးခဲ့ပြီး စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(မွန်)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မွန်ပြည်နယ်စားသုံးသူရေးရာဦးစီးဌာနမှ မွန်ပြည်နယ်အတွင်းရှိ စီးပွားရေးလုပ်ငန်းရှင်များနှင့်တွေ့ဆုံ၍ ကုန်အညွှန်းအမှတ်အသားများနှင့်သက်ဆိုင်သည့် အသိပညာပေးဆွေးနွေးခြင်း၊ ကုန်စည်(သို့မဟုတ်)ဝန်ဆောင်မှုအပေါ် တာဝန်ရှိမှုဆိုင်ရာ အသိပညာပေးဆွေးနွေးခြင်း၊ ကုန်စည်(သို့မဟုတ်)ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေးနှင့်  အမိန့်နှင့်ညွှန်ကြားချက်များထုတ်ပြန်ထားမှုဆိုင်ရာ ရှင်းလင်းခြင်း စသည်တို့နှင့်စပ်လျဉ်း၍ လစဉ် အသိပညာပေးဆွေးနွေးခြင်းပြုလုပ်ခဲ့ပါသည်။

     (၂၀၂၃-၂၀၂၄) ဘဏ္ဍာနှစ်၊ ဧပြီလတွင် ၁၀ကြိမ်၊ လုပ်ငန်းရှင်လူဦးရေ ၁၀၆ဦး၊ မေလတွင် ၅ကြိမ်၊ လုပ်ငန်းရှင်လူဦးရေ ၁၆ဦး၊ ဇွန်လတွင် ၁၅ကြိမ်၊ လုပ်ငန်းရှင်လူဦးရေ  ၉၀ဦး၊ ဇူလိုင်လတွင် ၁၇ကြိမ်၊ လုပ်ငန်းရှင်လူဦးရေ ၉၀ဦး၊ ဩဂုတ်လတွင် ၁၂ကြိမ်၊ လုပ်ငန်းရှင်လူဦးရေ  ၁၂၃ဦး၊  စုစုပေါင်းအရေအတွက် အကြိမ်ရေ (၅၉)ကြိမ်တွေ့ဆုံမှုတွင် စီးပွားရေးလုပ်ငန်းရှင်လူဦးရေ(၄၂၅)ဦးအား ကုန်စည်နှင့်ဝန်ဆောင်မှုများလုံခြုံစိတ်ချရမှုရှိစေရေး အသိပညာပေးဆွေးနွေးခဲ့ကြောင်းသိရသည်။

    မွန်ပြည်နယ်၊ စားသုံးသူရေးရာဦးစီးဌာနမှ  မွန်ပြည်နယ်အတွင်း စီးပွားရေးလုပ်ငန်းရှင်များဖြစ်ကြသော ရေသန့်ထုတ်လုပ်သည့်လုပ်ငန်းရှင်၊ ကုန်စည်ဒိုင်အသင်းလုပ်ငန်းရှင်၊ MONCCI အသင်းမှ လုပ်ငန်းရှင်၊ ဆန်ကုန်သည်အသင်းအဖွဲ့၊ ဆီကုန်သည်နှင့်လုပ်ငန်းရှင်၊ ကြက်သွန်နီရောင်းဝယ်ရေးအသင်းအဖွဲ့၊ ကွမ်းသီးအသင်းအဖွဲ့လုပ်ငန်းရှင်၊ မော်တော်ယာဉ်ထုတ်လုပ်ဖြန့်ဖြူးလုပ်ငန်းရှင်၊ ဘဏ်လုပ်ငန်းရှင်၊ အအေးခန်းလုပ်ငန်းရှင်၊ ရက်ကန်းရုံလုပ်ငန်းရှင်၊  မုန့်တီရုံလုပ်ငန်းရှင်၊ အလှကုန်လုပ်ငန်းရှင်၊ အထည်ချုပ်ရုံလုပ်ငန်းရှင်၊ မုန့်လုပ်ငန်းရှင်၊ စားသောက်ကုန်ရောင်းချသည့်လုပ်ငန်းရှင်၊ ငါးခြောက်နှင့်ငါးပိထုတ်လုပ်သည့်လုပ်ငန်းရှင်၊  လက်ဖက်နှင့်အကြော်စုံလုပ်ငန်းရှင်၊ ဟင်းမွှေးမဆလာထုတ်လုပ်သည့်လုပ်ငန်းရှင်၊ ရှောက်သီးဆေးပြားထုတ်လုပ်သည့်လုပ်ငန်းရှင်၊ တိုင်းရင်းဆေးထုတ်လုပ်သည့်လုပ်ငန်းရှင်တို့အား တွေ့ဆုံဆွေးနွေးမှုများပြုလုပ်ခဲ့ပါသည်။

  ထို့သို့  စီးပွားရေးလုပ်ငန်းရှင်များနှင့်တွေ့ဆုံအသိပညာပေးဆွေးနွေးခြင်းမှတစ်ဆင့် မွန်ပြည်နယ်အနေဖြင့် စီးပွားရေးလုပ်ငန်းရှင်နှင့် စားသုံးသူများကို စားသုံးသူကာကွယ်ရေးဥပဒေ ၂၀၁၉ဖြင့် စားသုံးသူကာကွယ်ရေးလုပ်ငန်းများကို စဉ်ဆက်မပြတ်ကာကွယ်ဆောင်ရွက်နေကြောင်း  သိရှိရပါသည်။

DOCA(မွန်)

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် (၇-၉-၂၀၂၃) ရက်နေ့၊ နံနက် (၁၁:၀၀) နာရီအချိန်တွင် မိုးညှင်းမြို့၊ နားခါရပ်ကွက်အတွင်းရှိ နေလင်း (ကုန်စုံဆိုင်) သို့သွားရောက်၍ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များနှင့်ကိုက်ညီခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

    ထိုသို့ ဈေးကွက်စောင့်ကြည့်စစ်ဆေးခဲ့ရာ Cheese Biscuits အမှတ်တံဆိပ်ပါ အသင့်စားမုန့်အမျိုးမျိုးတွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာဖြင့် ပြည့်စုံစွာဖော်ပြရမည့် ကုန်စည်၏အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ကို ဖော်ပြထားရှိခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ရာ ကုန်အညွှန်းအမှတ်အသားပြည့်စုံစွာဖော်ပြထားရှိကြောင်း စစ်ဆေးတွေ့ရှိရပြီး ကုန်စုံဆိုင်ပိုင်ရှင်အား ကုန်အညွှန်းအမှတ်အသားပြည့်စုံမှန်ကန်မှုမရှိသော ကုန်စည်များကိုမရောင်းချရန် အသိပညာပေးဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(ကချင်)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ပြည်သူများ ဘေးအန္တရာယ်ကင်းရှင်းသော ကုန်စည်များသုံးစွဲနိုင်ရန်ရည်ရွယ်၍ ဈေးကွက်စောင့်ကြည့်စစ်ဆေးခြင်း လုပ်ငန်းများအား ဦးစားပေးကုန်စည်များသတ်မှတ်၍ လစဉ်ဆောင်ရွက်လျက်ရှိပါသည်။ ယခုအခါ ဈေးကွက်အတွင်း ရောင်းချလျက်ရှိ‌သော ကလေးအာဟာရဖြည့်စွက်စာများတွင် ကုန်အညွှန်းအမှတ်အ သားပြည့်စုံစွာပါဝင်ခြင်း ရှိ/မရှိ နှင့် ကုန်အညွှန်းအမှတ်အသား ပြည့်စုံစွာဖော်ပြထားမှုမရှိသော ကုန်စည် များ လျော့နည်းပပျောက်စေရန်အတွက် ၂၀၂၃-ခုနှစ် စက်တင်ဘာလ(၅)ရက်နေ့နှင့် စက်တင်ဘာလ(၆) ရက်နေ့များတွင် စားသုံးသူရေးရာဦးစီးဌာန၊ ကသာခရိုင်ဦးစီးမှူးရုံးမှ စစ်ဆေးရေးမှူး ဦးကြည်နိုင်ဦးနှင့် ဝန်ထမ်းများသည် ကသာမြို့ပေါ်ရှိကုန်စုံဆိုင်နှင့် ဆေးဆိုင်များအား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

      ဈေးကွက်စောင့်ကြည့်စစ်ဆေးခြင်း ဆောင်ရွက်ရာတွင် စစ်ဆေးသည့်ဆိုင်များတွင် တွေ့ရှိရသည့် ကလေးအာဟာရဖြည့်စွက်စာများ (Pedia Sure/ Golden Cow/Gold Power) စသည့်အမှတ်တံဆိပ် များတွင် စားသုံးသူကာကွယ်ရေးဥပဒေ(၂၀၁၉)ပါ ကုန်အညွှန်းအမှတ်အသားဖော်ပြခြင်းဆိုင်ရာ သတ်မှတ်ချက်များနှင့် ကိုက်ညီမှုရှိ/မရှိ၊ သက်ဆိုင်ရာဌာနများ၏ ထောက်ခံချက် ရှိ/မရှိ စစ်ဆေးခဲ့ရာ သတ်မှတ်ချက်များနှင့် ကိုက်ညီမှုရှိကြောင်း စစ်ဆေးတွေ့ရှိခဲ့ရသည်။ ထို့နောက် စစ်ဆေးရေးမှူး ဦးကြည်နိုင်ဦးမှ ရောင်းချသူ ဆိုင်ရှင်များအား ကလေးအာဟာရဖြည့်စွက်စာများမှာ ကလေးငယ်များ အတွက် အဓိကထား ထုတ်လုပ်ထားသော ကုန်စည်များ ဖြစ်သောကြောင့် ဘေးအန္တရာယ်ကင်းသော ကုန်စည်များဖြစ်ရန် ပိုလိုအပ်ကြောင်း၊ ကုန်ပစ္စည်းများ ရောင်းချရာတွင် ကုန်အညွှန်းအမှတ်အသား ပြည့်စုံစွာပါရှိသော ကုန်ပစ္စည်းများကိုသာ အဓိကထား ရောင်းချကြရန်နှင့် သက်တမ်းလွန်ကုန်စည်များ၊ မြန်မာနိုင်ငံအစားအသောက်နှင့်  ဆေးဝါးကွပ်ကဲရေးဦးစီးဌာနမှ ထုတ်ပြန်ထားသည့် တားမြစ်ကုန်စည်များ စသည်တို့ကိုလည်း ရောင်းချခြင်းမပြုရန် အသိပညာပေးခြင်းများ ဆောင်ရွက်ခဲ့ပြီး ကလေးအာဟာရဖြည့်စွက်စာများတွင် ထည့်သွင်းဖော်ပြရမည့် ကုန်အညွှန်းအမှတ်အသားဆိုင်ရာ အချက်များအား ရှင်းလင်းဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)