မိတ်ဖက်ဌာနများပူးပေါင်း၍ တမူးမြို့ စည်ပင်သာယာဈေးအတွင်း ဈေးကွက်စောင့်ကြည့်စစ်ဆေး
တမူးမြို့၊ မြို့နယ်စီမံအုပ်ချုပ်ရေးအဖွဲ့ရုံးတွင် ( ၁၃.၁၂.၂၀၂၂ ) ရက်နေ့၌ ကျင်းပ ပြုလုပ်ခဲ့သည့် အပတ်စဉ် လုပ်ငန်းညှိနှိုင်းအစည်းအဝေးတွင် စည်ပင်သာယာဈေးအတွင်း ရောင်းချနေသည့် ကုန်စုံဆိုင်များ၌ Online မှတဆင့် ရောင်းချနေသည့် တရားမဝင် ရောင်းချနေသော အစားအသောက်များရောင်းချခြင်း ရှိ/မရှိ စစ်ဆေးရန် မိတ်ဖက်ဌာနများ ပူးပေါင်း၍ ကွင်းဆင်းစစ်ဆေးကြရန် ဆုံးဖြတ်ချက်ချခဲ့ပါသည်။
အဆိုပါ အစည်းအဝေးဆုံးဖြတ်ချက်အရ ( ၂၁.၁၂.၂၀၂၂ ) ရက်နေ့တွင် ကလေး ခရိုင်ဦးစီးမှူးရုံး နယ်မြေအတွင်းရှိ တမူးမြို့၊ စည်ပင်သာယာဈေးအတွင်းရှိ ကုန်မျိုးစုံဆိုင်များအား စားသုံးသူရေးရာဦးစီးဌာနမှ ဦးဆောင်၍ မိတ်ဖက်ဌာနများဖြစ်ကြသော ကျန်းမာရေးဦးစီးဌာန၊ စည်ပင်သာယာရေးကော်မတီတို့ ပူးပေါင်း၍ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးရာတွင် စည်ပင်သာယာဈေးအတွင်းရောင်းချနေသည့် စားသောက်ကုန်များတွင် Online မှတဆင့်မှာယူရောင်းချနေသော စားသောက်ကုန်များကို မတွေ့ရှိဘဲ ကုန်အညွှန်းအမှတ်အသားများနှင့် ပြည့်စုံသော စားသောက်ကုန်များသာ တွေ့ရှိပါကြောင်း သိရှိရပါသည်။
DOCA(စစ်ကိုင်း)