သတင်းနှင့် လှုပ်ရှားမှုများ

     မကွေးတိုင်းဒေသကြီး၊ မကွေးခရိုင်၊ မြို့သစ်မြို့၌ ဆေးနှင့် ဆေးပစ္စည်းအရောင်းဆိုင်များအား စည်းကမ်းသတ်မှတ်ချက်များနှင့်အညီ ရောင်းချခြင်းရှိ/မရှိကို (၂၄.၈.၂၀၂၃) ရက်နေ့ ၊နေ့လယ်(၁၃း၀၀) နာရီအချိန်တွင် မကွေးတိုင်းဒေသကြီးအစားအသောက်နှင့် ‌ဆေးဝါးကွပ်ကဲရေးဦးစီးဌာန (FDA)မှ တာဝန်ရှိသူများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာနနှင့် မြန်မာနိုင်ငံရဲတပ်ဖွဲ့ဝင်များပါဝင်သော ဌာနဆိုင်ရာတာဝန်ရှိသူများနှင့် ပူးပေါင်း၍ ရှောင်တခင်ဝင်ရောက်စစ်ဆေးခဲ့ကြောင်း သိရှိရသည်။

    ထိုသို့ စစ်ဆေးရာတွင် မြို့ပေါ်ရပ်ကွက်အတွင်းရှိ ဆေးအရောင်းဆိုင်များတွင် တရားဝင်လိုင်စင် နှင့် သက်တမ်းလွန်ဆေးဝါးများ၊ စပ်ဆေးများ၊ တရားမဝင်ဆေးဝါး များရောင်းချမှုရှိ/မရှိ၊ အခွန်ပေးဆောင်မှု ရှိ/မရှိ၊ စျေးဆိုင်များတွင် လူကိုအန္တရာယ်ဖြစ်စေနိုင်သော အစားအစာများနှင့် အခြေခံစားသောက်ကုန်များ သတ်မှတ်စျေးနှုန်းအတိုင်းရောင်းချ မှုရှိ/မရှိတို့ကို ရှောင်တခင်ဝင်ရောက်စစ်ဆေးခဲ့ပြီး စားသုံးသူရေးရာဦးစီးဌာန၊ မြို့နယ်တာဝန်ခံ ဦးဆယ်မောင် (ဒုတိယဦးစီးမှူး)မှလည်း မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက်အမှတ်(၂/၂၀၁၉)ပါ ဆေးဝါးနှင့် ဖြည့်စွက်စာများတွင် ဖော်ပြရမည့် ကုန်အညွှန်းအမှတ်အသားများနှင့် ပြည့်စုံသည့် ဆေးဝါးနှင့် ဆေးပစ္စည်းများကိုသာ ဖြန့်ဖြူးရောင်းချရေး အသိပညာပေးဆွေးနွေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း  သိရှိရပါသည်။

DOCA(မကွေး)

     မကွေးတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် စားသုံးသူရေးရာဦးစီးဌာနနှင့် ဆန်လုပ်ငန်းရှင်များပူးပေါင်း၍ ဒေသခံအခြေအနေခံလူတန်းစားများ စားဝတ်နေရေး အဆင်ပြေစေရန် ရည်ရွယ်ချက် ဖြင့်(၂၄.၈.၂၀၂၃) ရက်နေ့ နံနက်(၀၇:၀၀)နာရီ အချိန်တွင် ပွင့်ဖြူမြို့နယ် ဗိုလ်ချုပ်လမ်းပေါ်ရှိ စာတိုက် ရုံးရှေ့၌ ဆန်စပါးကုန်သည်များနှင့်ဆန်လုပ်ငန်းရှင်များမှ ဆန်များဈေးနှုန်းချိုသာစွာ ရောင်းချပေးခဲ့ရာတွင် ပွင့်ဖြူမြို့နယ် အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးအောင်မြတ်ခိုင်နှင့် ဝန်ထမ်းများ၊ မြို့နယ် စားသုံးသူရေးရာဦးစီးဌာနမှ တာဝန်ခံ ဒု-ဦးစီးမှူး ဒေါ်ဌေးဌေးဝင်းတို့မှ ပူးပေါင်းပါဝင်ဆောင်ရွက်ခဲ့ပါသည်။

     အဆိုပါ ရောင်းချပွဲတွင် ပွင့်ဖြူမြို့နယ်ရှိ ဒေသခံအခြေခံလူတန်းစားများ စားဝတ်နေရေး အဆင်ပြေစေရန်အတွက် ဒေသထွက်မနောသုခ ဆန်(၁)ပြည်လျှင် ကျပ်(၂၅၀၀)နှုန်းဖြင့် ရောင်းချပေးခဲ့ပါသည်။ ယခုတစ်ပါတ်တွင် လူတစ်ဦးလျှင် ဆန်တစ်ပြည်နှုန်းဖြင့် ဆန်(၂၄)ပြည်ဝင်အိတ် (၇)အိတ် ဖြင့် လူဦးရေ(၁၆၈)ဦးအား ရောင်းချပေးနိုင်ခဲ့ပါသည်။ ပွင့်ဖြူမြို့နယ်မှ ဆန်စပါးကုန်သည်များနှင့် ဆန်စက်လုပ်ငန်းရှင်(၁၅)ဦးမှ တစ်ပါတ်လျှင် (၈)အိတ်ဖြင့် (၁၀)ပါတ်အတွက် အိတ်(၈၀)အား ရောင်းချပေးသွားမည်ဖြစ်ကြောင်း သိရှိရပါသည်။

DOCA(မကွေး)

     မကွေးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် စားသုံးသူရေးရာဦးစီးဌာနနှင့် ဆန်စက်လုပ်ငန်းရှင်များအသင်းပူးပေါင်း၍ ဒေသခံအခြေခံလူတန်းစားများ စားဝတ်နေရေး အဆင်ပြေစေရန် ရည်ရွယ်၍ စားသုံးသူရေးရာဦးစီးဌာန မြို့နယ်တာဝန်ခံ ဦးဆန်းလင်းမောင် (ဦးစီးမှူး)သည် (၂၆.၈.၂၀၂၃) ရက်နေ့ နံနက်(၀၆:၃၀)အချိန်တွင် စလင်းမြို့နယ် စည်ပင်သာယာပန်းခြံရှေ့၌ စလင်းမြို့ ဆန်စက်လုပ်ငန်းရှင်များအသင်းမှ နွေသုခဆန်များကို တစ်ပြည်လျှင်(၂၅၀၀)ကျပ်နှုန်းဖြင့် အိမ်ထောင်စု (၄၈၀)အား သက်သာသောဈေးနှုန်းဖြင့် ရောင်းချပေးခြင်းကို ပူးပေါင်းဆောင်ရွက်ခဲ့ပါသည်။

          အဆိုပါရောင်းချပွဲတွင် စလင်းမြို့နယ် စားသုံးသူရေးရာဦးစီးဌာနမှ တာဝန်ခံ ဦးဆန်းလင်းမောင်၊ မြို့နယ်စည်ပင်သာယာရေးအဖွဲ့မှ ဦးနန်းဦးမောင်၊ ဈေးမရပ်ကွက် အုပ်ချုပ်ရေးမှူးနှင့် ဆန်စက်လုပ်ငန်း ရှင်များအသင်း ဥက္ကဌ ဦးသန်းနိုင်နှင့် အဖွဲ့ဝင်(၃)ဦးတို့မှ ပူးပေါင်း၍ စလင်းမြို့ပေါ်ရှိ ဒေသခံအခြေခံ လူတန်းစားများ စားဝတ်နေရေးအထောက်အကူပြုစေရန်အတွက် ဒေသမှထွက်ရှိသော နွေသုခ ဆန်တစ်ပြည်လျှင် ကျပ်(၂၅၀၀)နှုန်းဖြင့် အိမ်ထောင်စု (၄၈၀)အတွက် ဆန်အိတ်ရေ (၂၀)အား ရောင်းချပေးခဲ့ပါသည်။

          ပြည်သူတို့၏ လူမှုစီးပွားရေး အထောက်အကူပြုစေရန် ဆန်စက်လုပ်ငန်းရှင်များအသင်းမှ ဒေသခံအခြေခံလူတန်းစားများကို နွေသုခဆန်တစ်ပြည်လျှင် ကျပ်(၂၅၀၀) သက်သာသော ဈေးနှုန်းဖြင့် အပတ်စဉ် စနေနေ့တိုင်း (၈)ကြိမ်ထိ ရောင်းချပေးသွားမည်ဖြစ်ကြောင်း စလင်းမြို့နယ် ဆန်စက်လုပ်ငန်းရှင်များအသင်းဥက္ကဌ ဦးသန်းနိုင်ထံမှ သိရှိရပါသည်။

DOCA(မကွေး)

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် သရက်ခရိုင် ဦးစီးမှူးတို့၏လမ်းညွှန်မှုဖြင့် သရက်မြို့နယ်တာဝန်ခံ ဦးအုန်းမြင့်၊ ကံမမြို့နယ်တာဝန်ခံ ဒေါ်နွဲယဉ်ဝင်းနှင့် မင်းတုန်းမြို့နယ်တာဝန်ခံ ဦးကျော်ရွှေတို့ပူးပေါင်း၍ (၂၅.၈.၂၀၂၃)ရက်နေ့၊ နေ့လယ် (၁၃:၀၀)နာရီ အချိန်တွင် သရက်မြို့၊ ပြည်တော်အေးရပ်ကွက်ရှိ အမှတ်(၃) အခြေခံပညာ အထက်တန်းကျောင်းခွဲ၌ စားသုံးသူကာကွယ်ရေးအသိပညာပေး ဟောပြောပွဲကျင်းပခဲ့ပါသည်။

     အသိပညာပေးဟောပြောပွဲတွင် သရက်မြို့နယ်တာဝန်ခံ ဦးအုန်းမြင့်က ဌာန၏သမိုင်းကြောင်း၊ မျှော်မှန်းချက်၊ ရည်မှန်းချက်၊ စားသုံးသူတို့ရရှိနိုင်မည့် အခွင့်အရေး(၈)ချက်အကြောင်း၊ ဒု-ဦးစီးမှူး ဒေါ်ရီရီထွေးက စားသုံးသူကာကွယ်ရေးဥပဒေ အခန်း(၁၈)ပါကုန်အညွှန်းအမှတ်အသား ဖော်ပြရာတွင် ပြည့်စုံစွာပါဝင်ရမည့်အချက်များအကြောင်း၊ ကံမမြို့နယ်တာဝန်ခံ ဒေါ်နွဲ့ယဉ်ဝင်းက ကုန်ပစ္စည်းဝယ်ယူလျှင် စစ်ဆေးဖွယ်အချက်များအား နမူနာပစ္စည်းနှင့်တကွရှင်းပြခြင်းနှင့် စားသုံးသူတို့၏ တာဝန်(၄)ချက် အကြောင်း၊ မင်းတုန်းမြို့နယ်တာဝန်ခံ ဦးကျော်ရွှေက ကုန်စည်နှင့် ဝန်ဆောင်မှုများဝယ်ယူသုံးစွဲရာတွင် နစ်နာဆုံးရှုံးမှုများဖြစ်ပေါ်လာပါက ပြောရေးဆိုခွင့်၊ တိုင်းကြားနိုင်ခွင့်နှင့် ပြန်လည်ကုစားခွင့်များ၊ CICC ရုံးများဖွင့်လှစ်ထားရှိပြီး နစ်နာသူများအနေဖြင့် Consumer Call  Center (1535)သို့ လည်းကောင်း၊ Facebook နှင့် DOCA Myanmar Mobile Application တို့မှလည်း တိုင်ကြားနိုင်ကြောင်း အသိပညာပေးဟောပြောခဲ့ကြပါသည်။

    အဆိုပါ အသိပညာပေးဟောပြောပွဲသို့ ဆရာ/ ဆရာမ (၁၃)ဦး၊ ကျောင်းသား/ ကျောင်းသူ (၂၆၅)ဦး၊ စုစုပေါင်း(၂၇၈)ဦးတက်ရောက်ခဲ့ကြပြီး တက်ရောက်လာကြသော ကျောင်းသား/ ကျောင်းသူများအား စားသုံးသူအသိပညာပေးလက်ကမ်းစာစောင်များ ဖြန့်ဝေပေးခဲ့ပါသည်။ ဆက်လက်၍ ကျောင်းစာကြည့်တိုက်တွင် ဖတ်ရှုနိုင်ရန်အတွက် စားသုံးသူကာကွယ်ရေးဥပဒေစာအုပ်အား ကျောင်းအုပ်ဆရာကြီးထံသို့ ပေးအပ်ခဲ့ပြီးနောက် ကျောင်းမုန့်ဈေးတန်းသို့ ကျောင်းအုပ်ဆရာကြီးနှင့် ဆရာ/ ဆရာမများနှင့်အတူ သွားရောက်၍ ဈေးဆိုင်များအား သွားရောက်ကြည့်ရှုကာ ကုန်အညွှန်းအမှတ်အသားပြည့်စုံပြီး ဘေးအန္တရယ်ကင်းရှင်းသည့် စားသောက်ကုန်များအား ရောင်းချစေရေး ရှင်းလင်းဆွေးနွေးခဲ့ပါသည်။

DOCA(မကွေး)

    ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ မြောင်းမြခရိုင် မော်ကျွန်းမြို့နယ် တာဝန်ခံ ဦးအောင်မိုးသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍(၂၃.၈.၂၀၂၃)ရက်နေ့ နံနက်(၁၀:၀၀) နာရီက အောင်သာယာဈေးရှိ ကုန်မျိုးစုံဆိုင်များတွင် ရောင်းချနေသော အချိုရည်ဘူးများတွင် ကုန်အညွှန်းအမှတ်အသားဖော်ပြချက် ပြည့်စုံခြင်းရှိ/မရှိ ကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် မော်ကျွန်းမြို့နယ်တာဝန်ခံမှ အောင်သာယာ ဈေးတွင် ရောင်းချနေသော ကုန်မျိုးစုံဆိုင်(၄)ဆိုင်ရှိ အချိုရည်ဘူးများတွင် ကုန်အညွှန်းအမှတ် အသားဖော်ပြ ခြင်းပြည့်စုံမှုရှိမရှိစစ်ဆေးခဲ့ပြီး၊ ကုန်မျိုးစုံဆိုင်ပိုင်ရှင်များအား စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေဥပဒေ ၂၀၁၉ ပါ ပြဌာန်း ချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ၊ ဥပဒေအခန်း(၂၄)ပါ ပြစ်မှုပြစ်ဒါဏ်များ၊ စားသုံးသူကာကွယ်ရေးဥပဒေ အခန်း (၁၈) ပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မည်သည့်စီးပွားရေး လုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာဘာသာနှင့်အခြားဘာသာတစ်ခု (သို့)တစ်ခုထက်ပို၍ တွဲလျက်ဖြစ်စေ၊ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေကွက်အတွင်း ရောင်းချနေသောကုန်စည်များတွင် ကုန်အညွှန်းအမှတ်အသားဖော်ပြချက်၊ ပြည့်စုံမှုရှိမရှိအား ဌာနအနေဖြင့် ဈေးကွက် စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ဧရာဝတီ)