သတင်းနှင့် လှုပ်ရှားမှုများ

       ပဲခူးတိုင်းဒေသကြီး ၊  သာယာဝတီခရိုင် ၊ စားသုံးသူရေးရာဦးစီးဌာန ၊ ခရိုင်ဦးစီးမှူး ဦးသန်းစိုး၊ ခရိုင်စားသုံး /ထုတ်လုံ တာဝန်ခံ ဒေါ်ခိုင်ခိုင်ရီ၊ ခရိုင် သတင်း/နည်းဌာနခွဲ တာဝန်ခံ ၊ ဒေါ်ကြည်ကြည်ချို ၊ လက်ပံတန်းမြို့နယ် စားသုံးသူရေးရာဦးစီးဌာနတာဝန်ခံ ဦးချစ်ကိုကို၊ မြို့နယ် စိုက်ပျိုးရေးဦးစီးဌာနမှ ဝန်ထမ်းများ၊ မြို့နယ်လယ်ယာမြေစီမံခန့်ခွဲရေးနှင့် မြေစာရင်း ဦးစီးဌာန၊ မြို့နယ် မီးသတ်ဦးစီးဌာန၊ မြို့နယ် စည်ပင်သာယာရေးအဖွဲ့ ၊ မြန်မာနိုင်ငံရဲတပ်ဖွဲ့တို့နှင့် ပူးပေါင်း ကာ ၂၄.၈.၂၀၂၃ ရက်  နံနက် ၁၀:၀၀ နာရီ အချိန်တွင် လက်ပံတန်းမြို့နယ်အတွင်းရှိ ဓါတ်မြေဩဇာဆိုင်များတွင်   ရောင်းချနေသော   ဓါတ်မြေဩဇာများ၌    တရားဝင်   စာရွက်စာတမ်း   အထောက်အထား တစ်စုံတစ်ရာတင်ပြနိုင်ခြင်းမရှိသော ၊ ကုန်အညွှန်းအမှတ်အသား မြန်မာဘာသာဖြင့် ပြည့်စုံစွာ ဖော်ပြထားခြင်းမရှိသော  ဓါတ်မြေဩဇာများကို တရားမဝင်ရောင်းချထားခြင်းရှိ/ မရှိ ကွင်းဆင်း စစ်ဆေးဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

     ပြည်ခရိုင်၊ ပန်းတောင်းမြို့နယ်၊ နတ်မောက်အုပ်စု၊ အ.မ.က(လွန်) သီးကုန်းကျောင်းသို (၂၅.၈.၂၀၂၃)နေ့ ၊ နံနက် (၀၉:၃၀) အချိန်တွင်လည်းကောင်း၊ နေ့လယ် (၁၃:၀၀) နာရီအချိန်တွင် အ.မ.က(လွန်)သီးကုန်းကျောင်းသို့လည်းကောင်း စားသုံးသူရေးရာဦးစီးဌာန၊ ပန်းတောင်းမြို့နယ် တာဝန်ခံနှင့် ဝန်ထမ်းများသည် သွားရောက်၍ စားသုံးသူအသိပညာပေး ဆွေးနွေးပွဲများ ကျင်းပ ဆောင်ရွက်ခဲ့ပါသည်။

     ပန်းတောင်းမြို့နယ် အ.မ.က(လွန်) သီးကုန်းကျောင်းတွင် ဆရာ/ဆရာမနှင့် ကျောင်းသား/ ကျောင်းသူစုစုပေါင်း (၁၀၂)ဦးနှင့် အ.မ.က(လွန်) နတ်မောက်ကျောင်းတွင် ဆရာ/ဆရာမနှင့် ကျောင်းသား/ကျောင်းသူ စုစုပေါင်း (၁၂၆)ဦးတို့အား ပန်းတောင်းမြို့နယ်တာဝန်ခံ ဒေါ်သန်းသန်းအေးမှ စားသုံးသူကာကွယ်ရေးဆိုင်ရာ ၂၀၁၉ ဥပဒေပါ စားသုံးသူအခွင့်အရေးများအကြောင်း၊ ထုတ်ကုန်လုံခြုံစိတ်ချရမှုဆိုင်ရာ ကုန်ပစ္စည်းများတွင် မြန်မာဘာသာဖြင့် ရေးသားဖော်ပြရမည့် ကုန်အညွှန်းအမှတ်အသားများအကြောင်းတို့အား ကျောင်းသား/ကျောင်းသူများ နားလည်လွယ်အောင် ဥပမာများဖြင့် ရှင်းလင်းဆွေးနွေးဟောပြောခဲ့ပြီး ကုန်စည်နှင့် ဝန်ဆောင်မှုများကို ဝယ်ယူသုံးစွဲရာတွင် နစ်နာဆုံးရှုံးမှုဖြစ်ပေါ်လာပါက ပြောဆိုခွင့်၊ တိုင်ကြားနိုင်ခွင့်နှင့် ပြန်လည်ကုစားခွင့်များကို CICC ရုံးများတွင် ဖွင့်လှစ်ထားရှိပြီးဖြစ်၍ နစ်နာသည့် စားသုံးသူများအား တိုင်ကြားခွင့်ရှိကြောင်း ဟောပြောဆွေးနွေးခဲ့ပါသည်။

DOCA(ပဲခူး)

     ပဲခူးတိုင်းဒေသကြီး၊  ညောင်လေးပင်ခရိုင်၊ ကျောက်တံခါးမြို့နယ်၌  ကျန်းမာရေးဝန်ကြီးဌာနတို့ ပူးပေါင်းဆောင်ရွက်သည့် ၂၀၂၃-၂၀၂၄ ခုနှစ်  ပညာသင်နှစ်   ကျောင်းကျန်းမာရေး  သီတင်းပတ် လှုပ်ရှားမှု   အခမ်းအနားကို ၂၁.၈.၂၀၂၃ ရက်နေ့ ၊ နံနက် (၉:၃၀) နာရီအချိန်က  ကျောက်တံခါးမြို့  အခြေခံပညာအထက်တန်းကျောင်း ပတ္တမြားခန်းမတွင် ကျင်းပခဲ့ပါသည်။

      အခမ်းအနားတွင် မြို့နယ်စီမံအုပ်ချုပ်ရေးအဖွဲ့ ဉက္ကဌ ဦးညွှန့်ဆွေက အဖွင့်မှာစကားပြော ကြားခဲ့ပြီး ကျောင်းအုပ်ဆရာမကြီးဒေါ်သန်းသန်းဌေးမှ “ကျန်းမာပျော်ရွှင် ပညာသင်ဖို့ ပတ်ဝန်းကျင် ကောင်း ဖန်တီးစို့” ဆောင်ပုဒ်နှင့်စပ်လျဉ်း၍ ရှင်းလင်းပြောကြားခြင်း၊ မြို့နယ်ဆရာဝန်ကြီးဒေါက် တာစည်သူစန်းမှ ဩဂုတ်လ၏ (ပထမရက်သတ္တပတ်)ကို မိခင်နို့ စနစ်တကျတိုက် ကျွေးရေးရက် သတ္တပတ်၊ (ဒုတိယရက်သတ္တပတ်)ကို ၅နှစ်အောက် ကလေးများနှင့် ကျောင်းသားလူငယ်များ အာ ဟာရ ဖွံ့ဖြိုးရေးရက်သတ္တပတ်၊ (တတိယရက်သတ္တပတ်)ကို ကိုယ်ဝန်ဆောင်နှင့် နို့တိုက်မိခင်များ အာဟာရဖွံ့ဖြိုးရေးရက်သတ္တပတ်၊ (စတုတ္တရက်သတ္တပတ်)ကို အိုင်အိုဒင်းချို့တဲ့ရောဂါများ ပပျောက် ရေးရက်သတ္တပတ်များ၏ လုပ်ဆောင်ချက်များ စပ်လျဉ်း၍ ရှင်းလင်းပြောကြားခဲ့ပါသည်။

     ထို့နောက် မြို့နယ်ဆရာဝန်ကြီးဒေါက်တာစည်သူစိုး ဦးဆောင်၍ မြို့နယ်ပြည်သူ့ကျန်းမာရေး ဝန်ထမ်းများ၊ မြို့နယ်မိခင်နှင့်ကလေးစောင့်ရှောက်ရေးအသင်း၊ မြို့နယ်အမျိုးသမီးရေးရာအသင်း၊ စားသုံးသူရေးရာဦးစီးဌာန၊ဆရာ/ဆရာမတို့မှ ကျောင်းသူ/သားများကို ကျန်းမာရေး စစ်ဆေးခြင်း၊ သံချဆေးတိုက်ကျွေးခြင်း၊ ပျော်ဖော်ဝင် ဆယ်ကျော်သက် ကျောင်းသူများကို သံဓါတ်အားဆေး ပေးဝေခြင်း၊ ကျောင်းသူ/သားများအား အာဟာရတိုက်ကျွေးခြင်းနှင့် ကျောင်းကျန်းမာရေး အာဟာရ ရက်သတ္တပတ်ပြခန်းများ ပြုလုပ်ခဲ့ကြောင်း သိရှိရပါသည်။

DOCA(ပဲခူး)

     စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုး ဦးဆောင်သောဝန်ထမ်းများသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဖြူးမြို့နယ်ဦးစီးမှူး ဒေါ်အိမာဟိန်း ဦးဆောင်သောဝန်ထမ်းများနှင့် ပူးပေါင်း၍ ဩဂုတ်လ ၂၅ ရက်နေ့ မွန်းလွဲပိုင်းက ဖြူးမြို့နယ် ဇေယျဝတီမြို့ အမှတ်(၃)အခြေခံပညာအထက်တန်းကျောင်း(ခွဲ)၌ ကျောင်းသား ကျောင်းသူ များအား  စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။

        ဟောပြောပွဲတွင် စာသုံးသူရေးရာဦးစီးဌာန မြို့နယ်တာဝန်ခံ ဒေါ်သန္တာစိုးက စားသုံးသူ၏အခွင့်အရေးနှင့်တာဝန်များ၊ စားသုံးသူကာကွယ်ရေးဥပဒေတွင် ကုန်စည်များတွင် ကုန်အညွှန်း အမှတ်အသားများ ဖော်ပြရန် ပြဌာန်းထားခြင်းများ၊ ကုန်စည်များ ဝယ်ယူသုံးစွဲရာတွင် ကုန်စည်တွင် ဖော်ပြေထားသည့် ကုန်အညွှန်းအမှတ်အသားများကို ဖတ်ရှုရန်နှင့် ကုန်အညွှန်းအမှတ်အသားတွင် ဖော်ပြေထားသည့်တိုင်းလိုက်နာ စားသောက်သုံးစွဲသင့်သည့် အကြောင်းများကို ဟောပြောပါသည်။

  ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြိုနယ်ဦးစီးမှူး ဒေါ်အိမာဟိန်းက စာဖတ်ရှိန်မြှင့်တင်ရေးအတွက် စာဖတ်ခြင်း၏အကျိုးကျေးဇူးများကို ဟောပြောခဲ့ပါသည်။ ဟောပြောပွဲသို့ ကျောင်းသား၊ ကျောင်းသူ ၁၄၅ ဦး တက်ရောက်ပါသည်။

   ဟောပြောပွဲအပြီးတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်သန္တာစိုးသည် ကျောင်းမုန့်ဈေးတန်းတွင်‌ ရောင်းချလျက်ရှိသောမုန့်များနှင့် အချိုရည်များတွင် ဥပဒေ၊ ညွှန်ကြား ချက်များနှင့်အညီ ကုန်အညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိကို ကြည့်ရှု စစ်ဆေးခဲ့ကြောင်း သိရပါသည်။

DOCA(ပဲခူး)

    စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးသည် စားသုံးသူပြည်သူများ စားသုံးသူကာကွယ်ရေးဆိုင်ရာ အသိပညာဗဟုသုတများ ရရှိစေရန် ရည်ရွယ်၍ အခြေခံပညာကျောင်းများ၊ တက္ကသိုလ်၊ ကောလိပ်များ၊ သင်တန်းကျောင်းများ၊ တပ်ရင်းတပ်ဖွဲ့များ၊ ဌာနဆိုင်ရာများ၊ စက်ရုံအလုပ်ရုံများနှင့် ရပ်ကွက်/ကျေးရွာအုပ်စုများတွင် စားသုံးသူကာကွယ်ရေးဆိုင်ရာများကို အသိပညာပေး ဟောပြောလျက်ရှိပါသည်။

     တောင်ငူခရိုင်ဦးစီးမှူးရုံးမှ စားသုံးသူကာကွယ်ရေးဌာနခွဲနှင့် ထုတ်ကုန်လုံခြုံစိတ်ချရမှု ဌာနခွဲ တာဝန်ခံ ဦးမင်းဇော်နှင့် ရေတာရှည်မြို့နယ်တာဝန်ခံ ဦးဇော်ဇော်ထွေးတို့သည် ဩဂုတ်လ ၁၈ ရက်နေ့ နံနက်ပိုင်းက ရေတာရှည်မြို့နယ် မြို့လှမြို့ ဇော်ဆန်စက်မှ စက်ပိုင်ရှင်နှင့်လုပ်သားများအား စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ စားသုံးသူကာကွယ်ရေးဥပဒေတွင် ကုန်အညွှန်းအမှတ်အသားများ ဖော်ပြရန်ပြဌာန်းချက်များ၊ စားသုံးသူနစ်နာဆုံးရှုံးမှုများဖြစ်ပေါ်ပါက တိုင်ကြားနိုင်ခြင်းများကို ဟောပြောခဲ့ကြပါသည်။

   ဆက်လက်၍ ဟောပြောပွဲတက်ရောက်သည့် စက်ရုံလုပ်သားများက သိရှိလိုသည်များကို မေးမြန်းကြရာ ဌာနခွဲတာဝန်ခံ ဦးမင်းဇော်က ပြန်လည်ရှင်းလင်းဖြေကြားခဲ့ကြောင်းနှင့် ဟောပြောပွဲသို့ စက်ရုံပိုင်ရှင် ဦးဇော်ဇော်နှင့် စက်ရုံအလုပ်သမား ၂၀ ဦး တက်ရောက်ကြောင်း သိရှိရပါသည်။

DOCA(ပဲခူး)