သတင်းနှင့် လှုပ်ရှားမှုများ

နေပြည်တော်၊ ဩဂုတ် ၃၀   

     ပြည်တွင်းစားသုံးဆီဈေးနှုန်း တည်ငြိမ်ကျဆင်းစေရေးညှိနှိုင်းအစည်းအဝေးကို ၂၀၂၃ ခုနှစ်၊ ဩဂုတ်လ ၃၀ ရက်နေ့၊ နံနက်ပိုင်းတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ရုံးအမှတ်(၃)၊ အစည်းအဝေးခန်းမ(၂)၌ ကျင်းပပြုလုပ်ခဲ့ရာ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးအောင်နိုင်ဦး တက်ရောက်အမှာစကားပြောကြားခဲ့သည်။

            ညှိနှိုင်းအစည်းအဝေးတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးအောင်နိုင်ဦးက နိုင်ငံတော်အနေဖြင့် စားအုံးဆီကိုပြည်သူများ ဈေးနှုန်းသက်သာစွာဝယ်ယူစားသုံးနိုင်ရေးအတွက် စားသုံးဆီတင်သွင်းရာတွင် ဝယ်ယူကုန်ကျသည့် နိုင်ငံခြားငွေ၏ ၅၀ ရာခိုင်နှုန်းကို ဗဟိုဘဏ်ရည်ညွှန်းငွေလဲလှယ်နှုန်းဖြင့်လည်းကောင်း၊ ကျန် ၅၀ ရာခိုင် နှုန်းကို ပြင်ပဈေးထက်သက်သာသည့် နိုင်ငံခြားငွေလဲလှယ်မှုနှုန်းထားဖြင့်လည်းကောင်း ပံ့ပိုးဆောင်ရွက်ပေးထားပါကြောင်း၊ ၎င်းအပြင် ဝယ်ယူတင်သွင်းသူများ ငွေကြေးအခက်အခဲ မပေါ် ပေါက်စေရေးအတွက် ဗဟိုဘဏ်က သီးခြားအစီအစဉ်ဖြင့်လည်း ထောက်ကူပေးထားပါကြောင်း၊ ဖြစ်သင့်ဖြစ်ထိုက်သည့် စားအုံးဆီအခြေခံရည်ညွှန်းဈေးကိုလည်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက အပတ်စဉ်ပုံမှန်တွက်ချက်ထုတ်ပြန်ပေးလျှက်ရှိပါကြောင်း၊ သို့ရာတွင် စားသုံးသူဈေးကွက်တွင် စားအုံးဆီဈေးနှုန်းများမှာ ဖြစ်သင့်ဖြစ်ထိုက်သည်ထက် များစွာမြင့်တက်နေပြီး နိုင်ငံတော်အကြီးအကဲ၏ စေတနာဖြင့် ဆောင်ရွက်ပေးသည့် အစီအစဉ်ကို စားသုံးသူပြည်သူများ ခံစားရခြင်းမရှိသည်ကို တွေ့ရှိရပါကြောင်း၊ စားအုံးဆီဈေးများမြင့်တက်နေမှုနှင့်ပတ်သက်၍ ပြည်ထောင်စုဝန်ကြီးအနေဖြင့် ဇူလိုင်လ(၁)ရက်နေ့က ရန်ကုန်မြို့တွင် လုပ်ငန်းရှင်များအား ခေါ်ယူတွေ့ဆုံ၍ ဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းချရေး သတိပေးပြောကြားခဲ့ပြီး ဖြစ်ပါကြောင်း၊ လုပ်ငန်းရှင်များအနေဖြင့် မိမိအကျိုးအမြတ်ရရှိမှု တစ်ခုတည်းကိုသာဦးမတည်ဘဲ စားသုံးသူများ သက်သာချောင်ချိစွာ စားသုံးနိုင်ရေးအတွက် ဦးစားပေးစဉ်းစားရန်လိုအပ်ပါကြောင်း၊ ယနေ့အစည်းအဝေးတွင် ညှိနှိုင်းရရှိမှုများကို လက်တွေ့ကျကျ ကြပ်မတ်အကောင်အထည်ဖော်သွားမည်ဖြစ်ပြီး ရက်ပိုင်းအတွင်း စားအုံးဆီဈေးနှုန်းများ သိသာစွာကျဆင်းစေ‌ရေး ဆောင်ရွက်မည် ဖြစ်၍ ပူးပေါင်းပါဝင်ကြရန်ဖြစ်ပါကြောင်း၊ ဝန်ကြီးဌာနအနေဖြင့်လည်း စားသုံးဆီဖြန့်ဖြူးမှုနှင့် ပတ်သက်၍ လိုအပ်သည့် အစီအမံများချမှတ်ကာ ကြပ်မတ်သွားမည်ဖြစ်သည့်အတွက် ပူးပေါင်းဆောင်ရွက်ရန် လိုအပ်ပါကြောင်း ပြောကြားပါသည်။

          ယင်းနောက် ညှိနှိုင်းအစည်းအဝေးကိုတက်ရောက်လာကြသည့် စားသုံးဆီတင်သွင်းဖြန့်ဖြူးသည့် ကုမ္ပဏီများက စားသုံးဆီပြည်တွင်းပို့ဆောင်ရာတွင် QR Code ဖြင့် ကြပ်မတ်မည့် အစီအစဉ်၊ နေ့စဉ်ကုန်လက်ကျန်သတင်းပို့မှုအစီအစဉ်၊ လက်ကားနှင့်လက်လီရောင်းချသူများအကြား ဈေးနှုန်း ကွာဟမှုမရှိစေရေးနှင့် မြို့ကြီးများအလိုက် သတ်မှတ်ဈေးနှုန်းဖြင့် စားအုံးဆီဝယ်ယူရရှိနိုင်ရေး ဆောင်ရွက်မည့် အစီအစဉ်များနှင့်ပတ်သက်၍ အသေးစိတ်ညှိနှိုင်း ဆွေးနွေးကြပါသည်။

          ထို့နောက် အစည်းအဝေးသို့ တက်ရောက်လာသည့် လုပ်ငန်းရှင်များက သတ်မှတ်ရည်ညွှန်းဈေးကို အခြေခံပြီး တိုင်းဒေသကြီး/ ပြည်နယ်အသီးသီး၏ ဈေးကွက်များ၌ ဖြန့်ဖြူးရောင်းချရာတွင် ဈေးနှုန်းမြှင့်တင်ရောင်းချခြင်းကို ရှောင်ကြဉ်မည်ဖြစ်ကြောင်း၊ ရည်ညွှန်းဈေးအပေါ် အခြေခံကာ သက်သာသည့်ဈေးနှုန်းဖြင့် ရောင်းချမည်ဖြစ်ကြောင်း၊ စားသုံးဆီဈေးနှုန်းများကို လက်ရှိအခြေ အနေမှ လျှော့ချသွားရေး ဝိုင်းဝန်းပူးပေါင်းဆောင်ရွက်မည်ဖြစ်ကြောင်းနှင့် ဝန်ကြီးဌာနက ကြပ်မတ် ဆောင်ရွက်မည့်အစီအစဉ်များအပေါ် အပြည့်အဝလိုက်နာဆောင်ရွက်မည်ဖြစ်ကြောင်း ကတိကဝတ်ပြု ကြပြီး အစည်းအဝေးကို ရုတ်သိမ်းခဲ့ပါသည်။

ညှိနှိုင်းအစည်းအဝေးသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်းဥက္ကဋ္ဌ၊ အတွင်းရေးမှူးနှင့် စားသုံးဆီတင်သွင်းဖြန့်ဖြူးနေသည့် ကုမ္ပဏီများမှ တာဝန်ရှိသူ များ တက်ရောက်ခဲ့ပါကြောင်း သတင်းရရှိသည်။

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်အနေဖြင့် ဌာန၏ဆောင်ပုဒ်ဖြစ်သည့် “စားသုံးသူအခွင့်အရေးဦးစားပေး” ဆိုသည့်အတိုင်း စားသုံးသူပြည်သူများနှင့် ထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များအား စားသုံးသူအခွင့်အရေးအပါအဝင် ဥပဒေပါ အကြောင်းအရာများနှင့်ပတ်သက်၍  အသိပညာဗဟုသုတများရရှိစေရန်အတွက် စားသုံးသူကာကွယ်ရေးဆိုင်ရာ အသိပညာများပေးခြင်းအပြင် ကျောင်း၊ ဈေး၊ ရပ်ကွက်၊ ကျေးရွာများ၊ ဌာနဆိုင်ရာရုံးများ၊ တက္ကသိုလ်/ကောလိပ်များနှင့် တပ်ရင်းတပ်ဖွဲ့များကိုလည်း စားသုံးသူကာကွယ်းရေးအသိပညာပေးဟောပြောပွဲများဆောင်ရွက်ခြင်းနှင့် စီးပွားရေးလုပ်ငန်းရှင်များအား တွေ့ဆုံဆွေးနွေးအသိပညာပေးခြင်းများကို လစဉ်ဆောင်ရွက်လျက်ရှိပါသည်။

 ၂၀၂၃ခုနှစ်၊ ဩဂုတ်လအတွင်း စားသုံးသူကာကွယ်ရေးအသိပညာပေးဟောပြောပွဲအနေဖြင့် ရွှေဘိုခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင်ကျင်းပသော တန်ဖိုးမြင့်စားသောက်ကုန် (Bakery) အမျိုးမျိုးထုတ်လုပ်မှုနည်းပညာသင်တန်းတွင် ကျင်းပခဲ့ရာ သင်တန်းသား/သင်တန်းသူ(၂၀)ဦးနှင့် ဝန်ထမ်း(၅)ဦး၊ စုစုပေါင်း(၂၅)ဦးတက်ရောက်ခဲ့ကြပြီး အသိပညာပေးဆွေးနွေးခြင်းနှင့် လက်ကမ်းစာစောင်များဖြန့်ဝေခဲ့ကြောင်း၊ စီးပွားရေးလုပ်ငန်းရှင်များအား အသိပညာပေးဆွေးနွေးခြင်းအနေဖြင့် ရွှေဘိုမြို့၊ စက်မှုဇုန်ရှိ ဆန်စက်လုပ်ငန်းရှင်(၃)ဦးနှင့် အမှတ်(၁၀)ရပ်ကွက်ရှိ စက်သုံးဆီရောင်းဝယ်ရေးလုပ်ငန်းရှင်တို့အားတွေ့ဆုံ၍ ဌာန၏ ဥပဒေ၊ အမိန့်နှင့်ညွှန်ကြားချက်များကိုဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပုဂ္ဂလိကကဏ္ဍဖွံ့ဖြိုးရေးနှင့် MSMEs လုပ်ငန်းများဖွံ့ဖြိုးတိုးတက်ရေးလုပ်ငန်းများကို ပူးပေါင်းဆောင်ရွက်လျက်ရှိရာ ရွှေဘိုခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့သည် (၂၂-၈-၂၀၂၃)ရက်နေ့၊ နေ့လယ်(၁၃:၀၀)နာရီအချိန်နှင့် (၂၃-၈-၂၀၂၃) ရက်နေ့၊ နံနက် (၁၁:၀၀)နာရီအချိန်တို့တွင် ရွှေဘိုမြို့၊ စက်မှုဇုန်ရှိ ဆန်စက်လုပ်ငန်းရှင် (၂)ဦးအား တွေ့ဆုံဆွေးနွေးခဲ့ကြပါသည်။

    ထိုသို့တွေ့ဆုံရာတွင် ခရိုင်ဦးစီးမှူးက ဆန်စက်ကြိတ်ခွဲထုတ်လုပ်နိုင်မှုအခြေအနေ၊ စပါး/ဆန်ဈေးနှုန်း၊ ဈေးကွက်အခြေအနေ၊ သိုလှောင်ထားရှိမှု၊ လက်ကျန်အခြေအနေနှင့် ကုန်စည်စီးဆင်းမှုအခြေအနေများကိုမေးမြန်းဆွေးနွေးခဲ့ပြီး ဌာန၏ မျှော်မှန်းချက်၊ ရည်မှန်းချက်များအကြောင်း၊ စားသုံးသူအခွင့်အရေးနှင့် လိုက်နာရမည့်တာဝန်များ၊ စီးပွားရေးလုပ်ငန်းရှင်၏တာဝန်များ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သောအကြောင်းများကို မေးမြန်းစုံစမ်းနိုင်သည့် Consumer Call Center နှင့်ပတ်သက်၍ အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ ဌာနအကြီးအကဲ၏လမ်းညွှန်မှုနှင့်အညီ လက်အောက်တိုင်းဒေသကြီးနှင့်ပြည်နယ်ရုံးများ၊ ခရိုင်ရုံးများရှိ အရာထမ်း၊ အမှုထမ်းများ၏ လစာစရိတ်များကို ဒီဂျစ်တယ်နည်းလမ်းဖြင့် ထိ‌ရောက်စွာအသုံးပြုထုတ်ယူနိုင်စေရန်အတွက် ကရင်ပြည်နယ်ဦးစီးမှူးရုံးအနေဖြင့် ဝန်ထမ်းများ၏ လစာများကို Online Payment စနစ်ဖြင့်ထုတ်ယူနိုင်ရေးအတွက် ဆောင်ရွက်လျက်ရှိကြောင်သတင်းရရှိပါသည်။

    ကရင်ပြည်နယ်ဦးစီးမှူးရုံးမှ ဝန်ထမ်းများအနေဖြင့် (၂၄-၈-၂၀၂၃) ရက်နေ့တွင် Digiatal Payment စနစ်ဖြစ်သော Online Banking (ATM Card) ကိုအသုံးပြု၍ လစာစရိတ် (Payroll) များကို အလွယ်တကူထုတ်ယူရရှိနိုင်ရေးအတွက် AYA ဘဏ်နှင့်ချိတ်ဆက်ခဲ့ကြောင်း၊ AYA ဘဏ်မှ ဝန်ထမ်းများကလည်း ကရင်ပြည်နယ်ဦးစီးမှူးရုံးသို့လာရောက်၍ ဝန်ထမ်းများအား  ဘဏ်စာအုပ်နှင့် (ATM Card) စာရင်းများဖွင့်၍   Online Payment စနစ်ဖြင့် လစာထုတ်ယူနိုင်ရေးကိုဆောင်ရွက်ပေးခဲ့ကြောင်း၊ အဆိုပါကတ်များကို    ကရင်ပြည်နယ်ဦးစီးမှူးရုံးမှ  ဝန်ထမ်း(၁၇)ဦးပြုလုပ်ဆောင်ရွက်ခဲ့ကြကြောင်း သိရှိရပါသည်။

DOCA(ကရင်)

       ကချင်ပြည်နယ် ၊စားသုံးသူရေးရာဦးစီးဌာနသည် ဝန်ထမ်းများ    အသိပညာ ဗဟုသုတတိုးပွားစေရေးနှင့် စွမ်းဆောင်ရည်မြင့်မားလာစေရေး ရည်ရွယ်လျက်  Thursday Talk         အသိပညာပေး ဆွေးနွေးပွဲများ တစ်လလျှင် အနည်းဆုံးတစ်ကြိမ်ကြာသပတေးနေ့၌  ဆွေးနွေးဟောပြောလျက်ရှိရာ ၂၀၂၃ ခုနှစ် ၊သြဂုတ်လ(၂၄)ရက်နေ့၌ ကချင်ပြည်နယ်ဦးစီးမှူးရုံးတွင် စစ်ဆေးရေးမှူး၏ တာဝန်များနှင့် လိုက်နာဆောင်ရွက်ရန်အချက်များနှင့် စပ်လျဥ်း၍ ပြည်နယ်စားသုံးသူရေးရာဌာနခွဲတာဝန်ခံမှ အသိပညာပေးဆွေးနွေးခဲ့ပါသည်။

       ထိုသို့ဆွေးနွေးရာတွင် စားသုံးသူကာကွယ်ရေးဥပ‌ဒေပြဌာန်းချက်ပါ စစ်ဆေးရေးမှူး၏အဓိပ္ပါယ်ဖွင့်ဆိုချက် ၊ စစ်ဆေးရေးမှူး၏ လုပ်ငန်းတာဝန် (၁၁) ချက်၊ စားသုံးသူကာကွယ်ရေးနည်းဥပဒေများ အခန်း(၇)ပါ စစ်ဆေးရေးမှူး၏ အခန်းကဏ္ဍများ၊စစ်ဆေးရေးမှူးများ လိုက်နာဆောင်ရွက်ရန်အချက်များ စစ်ဆေးရေးမှူးများ ခန့်အပ်တာဝန်ပေးထားမှုအခြေအနေတို့ကို အသေးစိတ်ဆွေးနွေးဟောပြောခဲ့ ရာတက်ရောက်သူ ဝန်ထမ်းများမှ ဆွေးနွေးချက်များအပေါ် အပြန်အလှန်ဆွေးနွေးခဲ့ကြပြီး အဆိုပါ ဆွေးနွေးပွဲသို့ ပြည်နယ်ဦးစီးမှူးရုံးမှ ဝန်ထမ်းများ တက်ရောက်ခဲ့ပါသည်။

DOCA(ကချင်)