သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ကြံခင်းမြို့နယ်၊ မြို့နယ်တာဝန်ခံသည် မဲကုန်းကျေးရွာအုပ်စု၊ စာကြည့်တိုက်ခန်းမ၌ ကုန်စုံဆိုင်လုပ်ငန်းရှင်(၁၅)ဦးအား (၁၆-၈-၂၀၂၃) ရက်နေ့ ၊ နံနက် (၁၀:၃၀) နာရီ အချိန်တွင် စားသုံးသူကာကွယ်ရေးအသိပညာပေးဟောပြောခဲ့ပါသည်။

 ဟောပြောပွဲတွင် မြို့နယ်တာဝန်ခံသည် စားသုံးသူမိဘပြည်သူများဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားအလိုက် ကုန်အညွှန်းအမှတ်အသားများပြည့်စုံမှန်ကန်စွာဖော်ပြခြင်းရှိ/မရှိတို့ကိုစစ်ဆေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ကြရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် သတ်မှတ် အရည်အသွေးနှင့်ပြည့်မီသောကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်းကိုသိရှိလိုပါက www. doca. gov. mm Website တွင် ဝင်ရောက်လေ့လာနိုင်ကြောင်း စသည်တို့ကို အသိပညာပေးဟောပြောခဲ့ကြောင်းသိရှိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ သကံဝကျေးရွာအုပ်စု၊ ငွေတောင်စံပြကျေးရွာတွင် (၂၂-၈-၂၀၂၃)ရက်နေ့၊ နံနက်(၁၀:၀၀)နာရီအချိန်၌ အသေးစားကုန်ထုတ်လုပ်ငန်းများဖန်တီးပေးနိုင်ရေးနှင့် ကျေးလက်နေမိသားစုများဝင်ငွေတိုးရေးစီမံကိန်းအပါအဝင် ခေတ်မီစံပြကျေးရွာရှိ ကျေးလက်နေပြည်သူများဝင်ငွေတိုးရေး ဆောင်ရွက်မည့်လုပ်ငန်းစီမံကိန်းအတွက် ဖွင့်လှစ်မည့်စက်ချုပ်သင်တန်းဖွင့်ပွဲအခမ်းအနားတွင် ဘိုကလေးမြို့နယ်၊ အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ ကျေးလက်ဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာနနှင့် စီမံကိန်းလုပ်ငန်းဦးစီးဌာနတို့ပူးပေါင်း၍ အသေးစားကုန်ထုတ်လုပ်ငန်းများဖန်တီးပေးနိုင်ရေးနှင့် ကျေးလက်နေမိသားစုများ ဝင်ငွေတိုးရေးအတွက် အခြေခံစက်ချုပ်နည်းပညာသင်တန်းကို ကျေးလက်နေပြည်သူ( ၂၀ )ဦးနှင့် သင်တန်းသား( ၁၀ )ဦး၊ စုစုပေါင်း( ၃၀ )ဦးတက်ရောက်ခဲ့ကြကြောင်းသိရသည်။

  အဆိုပါဖွင့်ပွဲတွင် ဘိုကလေးမြို့နယ်၊ အုပ်ချုပ်ရေးမှူးက အဖွင့်အမှာစကားပြောကြားခဲ့ပြီး အသေးစားစက်မှုလက်မှုလုပ်ငန်းဦးစီးဌာနမှ ခရိုင်ဦးစီးမှူး ဒေါ်ဇင်မာထွေးက MSMEလုပ်ငန်းများဖွံ့ဖြိုးတိုးတက်ရေးအတွက် စံပြကျေးရွာရှိ သင်တန်းတက်ရောက်မည့်သင်တန်းသားများအနေဖြင့် စနစ်တကျသင်ယူလေ့လာစေလိုကြောင်း၊ ယခုသင်တန်းသား(၁၀)ဦးထဲမှ (၅)ဦးရွေးချယ်၍ အပ်ချုပ်စက်များနှင့် ဆက်စပ်ပစ္စည်းများ အခမဲ့ပံ့ပိုးပေးပြီး ကျွမ်းကျင်စွာတတ်မြောက်ထားပါက မိမိနေအိမ်၌ပင် အသေးစား လုပ်ငန်းဖွင့်လှစ်နိုင်ပြီး ဝင်ငွေတိုးလာမည်ဖြစ်ကြောင်း၊ ပြင်ပတွင် စီးပွားရေးလုပ်ကိုင်နိုင်သည်အထိ ကူညီပေးသွားမည်ဖြစ်ကြောင်း၊ သင်တန်းကာလကို (၁)လပေးကာ ရွေးချယ်ထားသော ( ၅ ) ဦးကို မွမ်းမံသင်တန်း နောက်ထပ် (၁၅) ရက်ထပ်ဆင့်သင်ကြားသွားမည်ဖြစ်ကြောင်း ပြောကြားသွားခဲ့ပါသည်။ ဆက်လက်၍ ဖျာပုံခရိုင်စားသုံးသူရေးရာဦးစီးဌာနမှ ခရိုင်ဦးစီးမှူး ဦးထွေးသိမ်းက တပိုင်တနိုင်စားသောက်ကုန်လုပ်ငန်းများကိုလုပ်ကိုင်မည်ဆိုပါက မိမိတို့ဌာနအနေဖြင့် ဌာနဆိုင်ရာများနှင့်ပူးပေါင်း၍ ကူညီဆောင်ရွက်ပေးလျက်ရှိကြောင်း၊ အုန်းစားသောက်ကုန်နှင့်ပက်သက်၍ ထုတ်လုပ်သူများရှိပါက သင်တန်းပေးရန်ရှိသဖြင့် စာရင်းပေးသွင်းနိုင်ပါကြောင်း၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများကိုဆောင်ရွက်လျက်ရှိပြီး ကုန်စည်ဝန်ဆောင်မှုနှင့်စပ်လျဉ်း၍ နစ်နာဆုံးရှုံးမှုများရှိပါက ဌာနသို့လည်းကောင်း၊ (website) သို့လည်းကောင်း တိုင်ကြားနိုင်ပါကြောင်း အကျယ်တဝင့်ဟောပြောဆွေးနွေးသွားခဲ့ကြောင်း သတင်းရရှိပါသည်။

DOCA(ဧရာဝတီ)      

     ဧရာဝတီတိုင်းဒေသကြီး မြေပြင်ကွင်းဆင်းစစ်ဆေးရေးအဖွဲ့သည် ဩဂုတ်လ ၂၂ ရက်နေ့တွင် ပုသိမ်မြို့စက်မှုစီမံကိန်းရှိ Shuang Yi (Pathein) Garment Co,Ltd အထည်ချုပ်စက်ရုံအား အဖွဲ့ခေါင်းဆောင် တိုင်းအလုပ်သမားညွှန်ကြားမှုဦးစီးဌာန ညွှန်ကြားရေးမှူး ဦးမျိုးနိုင် အဖွဲ့ဝင် ၊ တိုင်းစားသုံးသူရေးရာဦးစီးဌာနအပါအဝင် တိုင်းအဆင့်ဌာနဆိုင်ရာ (၇)ဦးနှင့် အတူသွားရောက်စစ်ဆေး ခဲ့ပါသည်၊၊

        Shuang Yi (Pathein) Garment Co,Ltd ကုမ္ပဏီအမည်ပိုင်ရှင် အမည်နှင့်လိပ်စာ၊ မန်နေဂျာ အမည်နှင့်လိပ်စာ တည်နေရာအကျယ်အဝန်းအား ခွင့်ပြုမိန့် ကုမ္ပဏီမှတ်ပုံတင်အမှတ်၊ စက်မှုလုပ်ငန်း မှတ်ပုံတင် စည်ပင်လိုင်စင်မှတ်ပုံတင်ပို့ကုန်သွင်းကုန်မှတ်ပုံတင် အမှတ်ကုမ္ပဏီထုတ်ကုန် အမျိုးအစားနှင့် အမှတ်တံဆိပ် ကုမ္ပဏီ၏ ဒါရိုက်တာများနှင့် ရှယ်ယာပါဝင်မှု ၊ ရင်းနှီးမြှုပ်နှံမှုပုံစံ၊ ရင်းနှီးမြှုပ်နှံမှု သက်တမ်းအမှာစာရရှိမှု ပြည်ပမှ ကုန်ကြမ်းတင်သွင်းမှု ပြည်တွင်းမှ ကုန်ကြမ်းဝယ်ယူမှု ၊ ကုန်ချောတင်ပို့မှု လ/နှစ်အလိုက်စာရင်းများ အသုံးပြုသည့် စက်ကိရိယာများ အလုပ်သမားဆိုင်ရာ အချက်အလက်များ ငွေစာရင်းပိုင်းဆိုင်ရာကိစ္စရပ်များ သက်ဆိုင်ရာ ဝန်ကြီးဌာန ထုတ်ပြန်ထားသော အမိန့်နှင့်ညွှန်ကြားချက် များ လိုက်နာမှုရှိ/မရှိ စစ်ဆေးခဲ့ပါသည်၊၊

DOCA(ဧရာဝတီ)

   ဧရာဝတီတိုင်းဒေသကြီး၊ အစိုးရအဖွဲ့ရုံးအစည်းအဝေးခန်းမ၌ တိုင်းအတွင်းထုတ်ကုန်ပစ္စည်းများသုတေသနနှင့် ဈေးကွက်သုတေသနကော်တီအဖွဲ့ဝင်များ၊ အစိုးရအဖွဲ့ရုံးတာဝန်ရှိသူများနှင့် တွေ့ဆုံဆွေးနွေးပွဲကို ဩဂုတ်လ ၁၇ရက်နေ့တွင် ကျင်းပပြုပလုပ်ရာ တိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များအသင်းဥက္ကဋ္ဌ ဦးဝင်းမြင့်လှိုင်နှင့်အဖွဲ့ဝင်များ၊ တိုင်းအဆင့်ဌာနဆိုင်ရာအဖွဲ့ဝင်များ၊ ပုသိမ်တက္ကသိုလ်၏ ဒုတိယပါမောက္ခချုပ်နှင့် နည်းပညာတက္ကသိုလ်၊ တွဲဖက်ပါမောက္ခနှင့် အစိုးရနည်းပညာအထက်တန်းကျောင်းမှ ကျောင်းအုပ်ဆရာကြီးများတက်ရောက်ခဲ့ကြပါသည်၊၊

   အစည်းအဝေးတွင် ဥက္ကဋ္ဌ ဦးဝင်းမြင့်လှိုင်က ထုတ်ကုန်ပစ္စည်းများသုတေသနနှင့် ဈေးကွက်သုတေသနကော်မတီဖွဲ့စည်းထားရှိမှုနှင့် ရှေ့ဆက်လက်ဆောင်ရွက်မည့်လုပ်ငန်းများ၊ တိုင်းဒေသကြီးထုတ်ကုန်များမှ သုတေသနလုပ်ရန် သင့်တော်သောထုတ်ကုန်များနှင့်ပတ်သက်၍ ဆွေးနွေးခဲ့ပြီး ပုသိမ်တက္ကသိုလ် ဒုတိယပါမောက္ခချုပ်က သုတေသနပြုလုပ်ရန် ဘဏ်ချေးငွေရရှိရေး ကုန်သည်စက်မှုအသင်းက ပူးပေါင်းဆောင်ရွက်ရမည့်ကိစ္စရပ်များ၊ ဌာနဆိုင်ရာအကြီးအကဲများနှင့်ပူးပေါင်းပြီး ဧရာဝတီတိုင်းမှ ထုတ်ကုန်များစံနမူနာပြုလုပ်ရန် ထုတ်ကုန်နှင့်ပတ်သက်သောသုတေသနများ၊ ဈေးကွက်နှင့်ပတ်သက်သောတွက်ချက်မှုများပြုလုပ်ရန် ဌာနဆိုင်ရာများမှ အချက်အလက်များရယူပြီး တက္ကသိုလ်မှ ပညာရှင်များနှင့်ပူးပေါင်းဆောင်ရွက်၍ ဆွေးနွေးပြောကြားခဲ့ကြောင်း သတင်းရရှိပါသည်၊၊

DOCA(ဧရာဝတီ)

  ဖျာပုံခရိုင်၊ ဒေးဒရဲမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဦးသိန်းမောင်သည်   ၂၀၂၃ခုနှစ်၊ ဩဂုတ်လ(၁၇)ရက်နေ့၊ နေ့လယ်(၁၆:၃၀)နာရီအချိန်တွင် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း၏အစီအစဉ်ဖြင့်  ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်၊ ချောင်းဖျားကျေးရွာရှိ ပြည်သူများအား လက်လီဈေးကားဖြင့်  စားအုန်းဆီတစ်ပိဿာလျှင် (၄၅၀၀)    ကျပ်နှုန်းဖြင့်ရောင်းချနေမှုအား ကြီးကြပ်ဆောင်ရွက်လျက်ရှိပါသည်။

        ဒေးဒရဲမြို့နယ်၊ ဆီကုန်သည်နှင့်လုပ်ငန်းရှင်များပူးပေါင်းကာ ဒေးဒရဲမြို့နယ်၊ ချောင်းဖျားကျေးရွာနေပြည်သူများအား စားအုန်းဆီရည်ညွှန်းဈေး ၁ပိဿာလျှင် (၄၅၀၀)ကျပ်နှုန်းဖြင့် ပြည်သူ တစ်ဦးလျှင် (၅၀)ကျပ်သားနှုန်းဖြင့် လူဦးရေ (၂၂၀)ဦးအား ဆီပိဿာချိန် ၁၁၀ပိဿာဖြန့်ဖြူးရောင်းချခဲ့မှုအပေါ် ဈေးကွက်စောင့်ကြည့်၍ ကြီးကြပ်ဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)