အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေး တောင်ကလေး ဂျပ်ခုတ်နည်းပညာသင်တန်းဆင်းပွဲ ကျင်းပဆောင်ရွက်
အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုများ ဝင်ငွေတိုးတက်လာစေရေးအတွက် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ၊ကရင်ပြည်နယ် အသေး စားစက်မှု လက်မှုလုပ်ငန်းဦးစီးဌာနမှ ကရင်ပြည်နယ်၊ ဘားအံမြို့၊ တောင်ကလေးကျေးရွာရှိ တောင်ကလေး ဘုန်းကြီးကျောင်းတွင် ဂျပ်ခုတ်နည်းပညာသင်တန်းဆင်းပွဲအခမ်းအနားကို (၂၅-၉-၂၀၂၃ ) ရက်နေ့ နံနက် (၁၀း၀၀) နာရီတွင် ကျင်းပခဲ့ကြောင်းသိရသည်။
အဆိုပါ သင်တန်းဆင်းပွဲအခမ်းအနားသို့ ကရင်ပြည်နယ် စီးပွားရေးရာဝန်ကြီး ဦးစောခင်မောင်မြင့်၊ သယံဇာတဝန်ကြီးဦးဇော်ဝင်း၊ လမ်းပန်းဆက်သွယ်ရေးဝန်ကြီး ရဲမှူးကြီးဦးခင်ဇော်နှင့် ဌာနဆိုင်ရာ ဝန်ထမ်းများတက်ရောက်ခဲ့ပြီး၊ လမ်းပန်းဆက်သွယ်ရေးဝန်ကြီး ရဲမှူးကြီးဦးခင်ဇော်က သင်တန်းဆင်းပွဲတွင် အဖွင့်အမှာစကားပြောကြား၍ ဆုရရှိသူအသီးသီးကို ဆုများချီးမြှင့်ပေးအပ်ခဲ့ကြောင်း သိရှိရသည်။
အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုများ ဝင်ငွေတိုးတက်ရေးစီမံကိန်းနှင့် ပတ်သက်၍ ကရင်ပြည်နယ်တွင် စီမံကိန်းဆောင်ရွက်မည့်ဒေသ (၆)ခု ရွေးချယ် ထားပြီး ယခုဆောင်ရွက်မည့် ဘားအံမြို့တောင်ကလေး ဂျပ်ခုတ်စီမံကိန်းမှာ ပထမဦးဆုံးအကောင် အထည်ဖော်မည့် စီမံကိန်းဖြစ်ကြောင်းနှင့် စီမံကိန်းကြီးကြပ်သူများအဖြစ် အသေးစားစက်မှုလက်မှု လုပ်ငန်းဦးစီးဌာန၊ အထွေထွေအုပ်ချုပ်ရေးဦးစီးဌာန၊ စီမံကိန်းရေးဆွဲရေးဦးစီးဌာန၊ စားသုံးသူရေးရာဦးစီးဌာနတို့မှ ကြီးကြပ်ဆောင်ရွက်သွားမည်ဖြစ်ကြောင်း သိရှိရပါသည်။
DOCA(ကရင်)
၂.jpg?itok=QgGUympe)
