သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့်ဝန်ထမ်းများသည် ၂၀၂၃ခုနှစ်၊ ဩဂုတ်လ (၁၇) ရက်နေ့၊ နေ့လယ် (၁၄:၀၀)နာရီအချိန်တွင် ဘိုကလေးမြို့၊ အမှတ်(၈)ရပ်ကွက်၊ အလယ်တန်းကျောင်းရှိ ဆရာ/ဆရာမ(၃၀)ဦး၊ ကျောင်းသား/သူ(၁၂၀)ဦး၊ စုစု‌ပေါင်း (၁၅၀) ဦးတို့အား  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယနည်းပညာဦးစီးဌာနတို့နှင့်ပူးပေါင်း၍ စားသုံးသူကာကွယ်ရေးအသိပညာပေးဟောပြောပွဲပြုလုပ်ဆောင်ရွက်ခဲ့ပါသည်။

   အဆိုပါ အသိပညာပေးဟောပြောပွဲတွင် စားသုံးရန်မသင့်သောအစားအစာများအကြောင်း၊ ဘေးအန္တရာယ်ရှိသောဓာတုဆိုးဆေးများအကြောင်း၊ စားသုံးသူအခွင့်အရေးနှင့်တာဝန်များ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ရိုက်နှိပ်ဖော်ပြထားသော ကုန်စည်များကိုရွေးချယ်ဝယ်ယူစားသုံးကြရန်၊ ကုန်အညွှန်းအမှတ်အသား ပြည့်စုံစွာဖော်ပြထားသော အစားအသောက်များကိုရွေးချယ်ဝယ်ယူစားသုံးကြရန်နှင့် ဘေးအန္တရာယ်ရှိသောကုန်စည်နှင့်ဝန်ဆောင်မှုအကြောင်း၊ စားသုံးသူများနစ်နာဆုံးရှုံးမှုတစ်စုံတစ်ရာဖြစ်ပေါ်လာပါက တိုင်ကြားနိုင်သောစင်တာများဖွင့်လှစ်ထားရှိပါကြောင်း၊ လူကိုယ်တိုင်ဖြစ်စေ၊ ဖုန်းနှင့်ဖြစ်စေ၊ စားသုံးသူရေးရာဦးစီးဌာန၏ Website www.doca.gov.mm နှင့် Call Center No. (1535) သို့လည်း ဆက်သွယ်တိုင်ကြားနိုင်ကြောင်းတို့ကို အသိပညာပေးဟောပြောဆွေးနွေးမှုသတင်းရရှိခဲ့ပါသည်။

DOCA(ဧရာဝတီ)

 ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းတို့သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ ၂၀၂၃ခုနှစ်၊ ဩဂုတ်လ(၁၈)ရက်နေ့၊ နံနက်(၁၀:၀၀)နာရီအချိန်တွင် ကျိုက်လတ်မြို့၊ အမှတ်( ၃ ) ရပ်ကွက်၊ အ-မ-က ( ၃ ) ကျောင်း၌ ဆရာ/ဆရာမ(၆)ဦး၊  ကျောင်းသား/ ကျောင်းသူ(၁၁၀)ဦး၊      စုစုပေါင်း(၁၁၆)ဦးအား  စားသုံးသူကာကွယ်ရေး  အသိပညာပေးဟောပြောခဲ့ပါသည်။

  အဆိုပါဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်တာဝန်ခံက  လူငယ်နှင့်မူးယစ်ဆေးဝါးခေါင်းစဉ်ဖြင့် အသိပညာပေးဟောပြောခဲ့ပြီး စားသုံးသူရေးရာမြို့နယ်တာဝန်ခံက တားမြစ်ကုန်စည်များနှင့် ကုန်အညွှန်းအမှတ်အသားဖော်ပြခြင်းဆိုင်ရာများ၊ စားသုံးသူများနစ်နာမှုရှိပါက တိုင်ကြားနိုင်မှုအခြေအနေ၊ ရွေးချယ်စာသုံးသင့်သည့်အစားအစာများအကြောင်းနှင့် စားသုံးသူများ၏ အခွင့်အရေးနှင့် လိုက်နာရမည့်တာဝန်များကို အသိပညာပေးဟောပြောခဲ့ကြောင်း သတင်းရရှိပါသည်။

DOCA(ဧရာဝတီ)

 ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ မော်ကျွန်းမြို့နယ်တာဝန်ခံ ဦးမင်းဇော်လတ်သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနတို့နှင့်ပူးပေါင်း၍ (၁၈-၈-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မော်ကျွန်းမြို့နယ်၊ အမှတ်(၈)ရပ်ကွက်၊ တုံးလှဲရွာမ၊ မူလွန်ကျောင်းတွင် ဆရာ/ဆရာမ၊ ကျောင်းသား/ ကျောင်းသူများအား စားသုံးသူကာကွယ်ရေးအသိပညာပေးဟောပြောဆောင်ရွက် ခဲ့ပါသည်။

    ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မော်ကျွန်းမြို့နယ်တာဝန်ခံက မိတ်ဆက်စကားပြောကြားခဲ့ပြီးနောက် စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာနမှလက်ရှိဆောင်ရွက်နေသောလုပ်ငန်းတာဝန်များ၊ ဆက်လက်ဆောင်ရွက်ရမည့်လုပ်ငန်းတာဝန်များကို ဦးစွာရှင်းလင်းပြောကြားခဲ့ပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁၊ ပုဒ်မခွဲ(ခ)နှင့် (ဂ)တို့ပါ ကုန်စည်၏အမျိုး အမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊  သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့ကို အသေးစိတ်ရှင်းလင်းဟောပြောခဲ့ပြီး မိမိတို့စားသောက်နေသောအစားအသောက်များတွင် ဓာတုဆိုးဆေးများအလွန်အကျူးပါဝင်နေခြင်း၊ သက်တမ်းလွန်အစားအသောက်များအား မိမိ၏အသိဖြင့် ဆင်ခြင်ဝယ်ယူစားသောက်ကြရန် ဟောပြောခဲ့ပါသည။၊ ထို့နောက် ကျောင်းမုန့်ဈေးတန်းအဖွဲ့ဖြင့် မုန့်ဆိုင်(၂)ဆိုင်ကိုစစ်ဆေးခဲ့ပြီးနောက် ဆိုင်ရှင်များအား ကျန်းမာရေးနှင့်ညီညွတ်သော အစားအသောက်များကိုသာရောင်းချရန်နှင့် သက်တမ်းလွန်မုန့်များရောင်းချခြင်းမပြုရန် အသိပေးဆောင်ရွက်ခဲ့ပါသည်။ စားသုံးသူအသိပညာပေးဟောပြောပွဲသို့ ဆရာ/ ဆရာမ၊ ကျောင်းသား/ ကျောင်းသူစုစုပေါင်း(၂၃၀)ဦးတက်ရောက်ခဲ့ကြောင်းသိရှိရပါသည်။

DOCA(ဧရာဝတီ)

     မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဝန်ထမ်းများသည် ၁၈.၈.၂၀၂၃ ရက်နေ့တွင် ဘီးလင်းမြို့ ကန်သာယာ၊ တိုးချဲ့ရပ်ကွက် (အ.မ.က) မြင်သာကျောင်း၌ အသိပညာပေး ဟောပြောပွဲ ကျင်းပပြုလုပ်ခဲ့ပါသည်။

    အဆိုပါ ဟောပြောပွဲတွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံ ဒေါ်ဇင်ဖြူဝင်း၊ ဦးစီးမှူးမှ ဌာန၏ မျှော်မှန်းချက်၊ ရည်မှန်းချက်တာဝန်များ၊ လုပ်ငန်းတာဝန်များအကြောင်း ဟောပြောဆွေးနွေးခဲ့၍ ဒု-ဦးစီးမှူး ဦးညီလွင်အေးမှ လုံခြုံစိတ်ချရမှုရှိသော ကုန်စည်နှင့်ဝန်ဆောင်မှုများ ရွေးချယ်ဝယ်ယူအသုံးပြုတတ်စေရန် ကုန်အညွှန်းအမှတ်အသားအကြောင်းအရာများ ဟောပြောဆွေးနွေးခဲ့ပြီးနောက် ဒေါ်ဆုမြတ်ဝင်း၊ အငယ်တန်းစာရေးမှ စားသုံးသူအခွင့်အရေးနှင့် တာဝန်များ၊ စားသုံးသူများနစ်နာဆုံးရှုံးမှုဖြစ်ပေါ်လာပါက တိုင်ကြားနိုင်သည့် နည်းလမ်းများကို ဟောပြောဆွေးနွေးခဲ့ပါသည်။ ဆွေးနွေးပွဲသို့ ကျောင်းအုပ်ဆရာမကြီး ဒေါ်ခိုင်ခိုင်ဦးနှင့် ဆရာ၊ ဆရာမ (၇)ဦး ကျောင်းသား၊ ကျောင်းသူ (၇၆) ဦး တက်ရောက်ခဲ့၍ ဌာနမှ လက်ကမ်းစာစောင်များ ပေးအပ်ခဲ့ကြောင်း သိရှိရပါသည်။

DOCA(မွန်)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ရခိုင်ပြည်နယ်၊ စားသုံးသူရေးရာဦးစီးဌာန၊ စစ်တွေခရိုင်၊ ပုဏ္ဏားကျွန်းမြို့နယ်တာဝန်ခံ ဦးလှမောင်အေး (ဒု-ဦးစီးမှူး) နှင့် ဝန်ထမ်းများသည် ပုဏ္ဏားကျွန်းမြို့၊ ကျောက်ဆိပ်ကျေးရွာ၊ အခြေခံပညာအထက်တန်းကျောင်း(ခွဲ)စာသင်ကျောင်း၌ (၂၂-၈-၂၀၂၃)ရက်နေ့၊ နေ့လယ်(၂:၀၀)နာရီအချိန်တွင် စားသုံးသူကာကွယ်ရေး အစားအသောက် ဘေးအန္တရာယ်ကင်းရှင်းရေးနှင့် ပတ်သတ်၍ “လေ့လာမှတ်သားကုန်အညွှန်းအမှတ်အသား” ခေါင်းစဉ်ဖြင့် အသိပညာပေး ဟောပြောပွဲ ကျင်းပပြုလုပ်ခဲ့ပါသည်။

    အဆိုပါ ဟောပြောပွဲတွင် ပုဏ္ဏားကျွန်းမြို့၊ကျောက်ဆိပ်ကျေးရွာ၊ အခြေခံပညာအထက်တန်းကျောင်း(ခွဲ)ကျောင်းအုပ်ဆရာကြီး ဦးမောင်မောင်ချေက ကျောင်းသား/သူများအား အစားအသောက် နှင့်ပတ်သတ်၍ ဆောင်ရန်၊ ရှောင်ရန် စားသုံးသူကာကွယ်ရေးဆိုင်ရာကိစ္စများကို ဌာနမှ ရှင်းလင်းပြောကြားချက်များအား ကြားနာမှတ်သားစေရေး အဖွင့်အမှာစကားပြောကြားပြီးနာက် စားသုံးသူ ရေးရာဦးစီးဌာနမှ မြို့နယ်တာဝန်ခံ ဦးလှမောင်အေး (ဒု-ဦးစီးမှူး) က စားသုံးသူရေးရာဦးစီးဌာန၏ ရည်မှန်းချက်(Vision)၊ မျှော်မှန်းချက်(Mission)အနက်အဓိပ္ပာယ်ဖွင့်ဆိုချက်နှင့် ကျောင်းသား/သူများ အနေဖြင့်ဝယ်သူသုံးစွဲရာတွင် စားသုံးသူကာကွယ်ရေးဥပဒေပါအခန်း(၁၈)၊ ပုဒ်မ(၄၁)ဖော်ပြချက်နှင့် ကုန်စည် (သို့မဟုတ်)ဝန်ဆောင်မှုနှင့် ပတ်သတ်၍ စားသုံးသူအခွင့်အရေး(၈)ချက်၊ စားသုံးသူတာဝန် (၄)ချက်တို့အားလည်းကောင်း၊ ကုန်ပစ္စည်းများပေါ်တွင် ကုန်အညွှန်းအမှတ်အသားဖော်ပြပါရှိမှုအား ပြည့်စုံစွာပါဝင်မှုရှိ/မရှိ သေချာစွာလေ့လာဖတ်ရှုပြီးမှ ဝယ်ယူသုံးစွဲသင့်ကြောင်း၊ စားသုံးသူများနစ်နာ ဆုံးရှုံးမှုများဖြစ်ပေါ်လာပါက ဌာနတွင်ဖွင့်လှစ်ထားသည့် စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC) ရုံးခန်းသို့ လာရောက်တိုင်ကြားနိုင်ကြောင်း၊ စားသုံးသူရေးရာ ဦးစီးဌာန၏ လုပ်ငန်းဆောင်ရွက်ချက်များအား လေ့လာရန်နှင့် တိုင်ကြားလိုပါက ဌာန၏ Website ဖြစ်သည့် www.doca.gov.mm နှင့် DOCA Myanmar Mobile Application တွင်ဝင်ရောက်လေ့လာကြည့်ရှုနိုင်ပြီး Consumer Call Center (1535)ကိုခေါ်ဆို၍လည်း မေးမြန်းတိုင်ကြားနိုင်ကြောင်း အသိပညာပေးဟောပြောခဲ့ပြီး တက်ရောက်လာသည့် ကျောင်းသား/သူများ၏ မေးမြန်းချက်များအား အကျယ်တဝင့် ပြန်လည်ရှင်းလင်းဖြေကြားကာ ဟောပြောပွဲသို့ ကျောင်းသား/သူ  (၁၅၀)ခန့် တက်ရောက်ခဲ့ပါကြောင်း သတင်းရရှိပါသည်။

DOCA(ရခိုင်)