သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှခရိုင်ဦးစီးမှူးသည် တိုင်းဒေသကြီးဦးစီးမှူးရုံးမှ ဦးစီးအရာရှိ၊ မြို့နယ်စည်ပင်သာယာရေးအဖွဲ့၊ တိုင်း‌ဒေသကြီးအစားအသောက်နှင့် ဆေးဝါးကွပ်ကဲရေး ဦးစီးဌာနတို့နှင့်ပူးပေါင်း၍ (၂၂.၈.၂၀၂၃)ရက်နေ့၊နံနက်(၁၀)နာရီအချိန်တွင် မုံရွာမြို့၊ဘုရားကြီးရပ်ကွက်၊ သီရိမင်္ဂလာဈေးရှိ “မောင်းထောင်” ဆီရောင်းဝယ်ရေးလုပ်ငန်းရှင်နှင့် တွေဆုံပါသည်။

 ထိုသို့တွေ့ဆုံရာတွင် စားသုံးသူရေးရာဦးစီးဌာနခရိုင်ဦးစီးမှူးက စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ ကုန်အညွှန်း အမှတ်အသားဖော်ပြခြင်း၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒအခန်း (၁၈)ပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ပုဒ်မ ၄၁။ (ခ) နှင့်(ဆ) တို့တွင်ဖော်ပြ ထားသည့် ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာ‌ရေးဆိုင်ရာ ဘေးထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြ ရမည်ဖြစ်ကြောင်း အသိပညာပေးဆွေးနွေးခဲ့ပါသည်။

     ဆွေးနွေးရာ ဆီရောင်းဝယ်ရေးလုပ်ငန်းရှင်က မိမိတို့သည် စားသုံးသူကာကွယ်ဥပဒေပါ စီးပွားလုပ်ငန်းရှင်များ၏တာဝန်များနှင့် ဆီဘူးများတွင် ကုန်အညွှန်းအမှတ်အသားများဖော်ပြခြင်းများနှင့် စပ်လျဉ်း၍ လိုက်နာဆောင်ရွက်သွားပါမည်ဟု ပြောကြားခဲ့ပါသည်။

DOCA(စစ်ကိုင်း)

    စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဦးသိန်းထိုက်အောင်(ဒု-ဦးစီးမှူး)၊ မြို့နယ်အထွေအထွအုပ်ချုပ်ရေးဦးစီးဌာနမှ ဦးကျော်ဝင်းထွဋ်(ဒု-ဦးစီးမှူး)နှင့် မြို့နယ်စည်ပင်သာယာရေးအဖွဲ့မှ ဦးဟုန်းကီးထွန်း(အငယ်တန်းအင်ဂျင်နီယာ-၄)တို့သည် ၂၀၂၃ခုနှစ်၊ ဩဂုတ်လ ၂၂ရက်နေ့၊ နံနက်(၁၀:၃၀)နာရီအချိန်တွင် ဟားခါးမြို့၊ ဈေးသစ်ရပ်ကွက်ရှိ ကုန်စုံဆိုင်များသို့သွားရောက်၍ ကွင်းဆင်းစစ်ဆေးခဲ့ကြပါသည်။

  ထိုသို့ ကွင်းဆင်းစစ်ဆေးရာတွင် ကုန်စုံဆိုင်ရောင်းချနေသူများအနေဖြင့် စားသုံးသူပြည်သူများကိုထိခိုက်နစ်မှုမရှိစေရန် ရည်ရွယ်၍ မိမိတို့သက်ဆိုင်ရာဌာနများက လစဉ်ကွင်းဆင်းစစ်ဆေးလျက်ရှိပါကြောင်း၊ မြန်မာပြည်တွင်းသို့ နယ်စပ်မှ တရားမဝင်ကုန်စည်များ မှောင်ခိုလမ်းဖြင့် ဝင်ရောက်လျက်ရှိရာ မိမိတို့ဌာနများက ဈေးကွက်အတွင်းသို့ ဝင်ရောက်လာမှုမရှိစေရန် စောလျင်စွာစစ်ဆေးသိမ်းဆည်းမှုများဆောင်ရွက်လျက်ရှိပါကြောင်း၊ အများပြည်သူသိရှိစေရန် ဆက်သွယ်ရေး နည်းလမ်းများဖြင့်ဖြစ်စေ၊ အသိပညာပေးလမ်းကမ်းစာစောင်များဖြင့်ဖြစ်စေ အသိပေးဖြန့်ဝေဆောင်လျက်ရှိပါကြောင်းနှင့် ကုန်စုံဆိုင်ရောင်းချသူများအနေဖြင့် ကုန်ပစ္စည်းများမှာယူရာတွင် ကုန်အညွှန်းအမှတ်အသားပြည့်စုံစွာပါရှိသည့် ကုန်စည်များကိုသာဝယ်ယူဖြန့်ဖြူးရောင်းချရန်နှင့် စားသုံးသူပြည်သူများကို ဘေးအန္တရာယ်ဖြစ်စေသော မည်သည့်ကုန်ပစ္စည်းမဆို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ဖြန့်ဖြူးရောင်းချခြင်းမပြုကြရန် ရှင်းလင်းမှာကြားခဲ့ကြောင်း သတင်းရရှိပါသည်။

DOCA(ချင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီကို ဖွဲ့စည်းပြီး ပြည်ပမှ တင်သွင်းလာသည့် စားသုံးဆီများ သတ်မှတ်အရည်အသွေး စံချိန်စံညွှန်းများနှင့် ပြည်မီစေရေး၊ စားသုံးသူပြည်သူများ ကျန်းမာရေးနှင့် ညီညွှတ်သော စားသုံးဆီများကို သုံးစွဲနိုင်ရေး စျေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး စားအုန်းဆီ ကမ္ဘာ့စျေးနှုန်းဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် စျေးနှုန်း များ ဖြစ်ပေါ်စေရေး ထိန်းကျောင်းဆောင်ရွက်လျက်ရှိရာ စစ်ကိုင်းတိုင်းဒေသကြီး၊ စားသုံးသူရေးရာ ဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုဖြင့် (၂၁.၈.၂၀၂၃) ရက်နေ့၊ (၁၃:၀၀)နာရီ အချိန်တွင် မုံရွာမြို့၊ တိုင်းဒေသကြီးစီမံကိန်းနှင့် စာရင်းအင်းရေးဦးစီးဌာနရှိ ဝန်ထမ်းများအား ကုမ္ပဏီများမှ ဖြန့်ဖြူးရောင်းချသော စားအုန်းဆီများကို စစ်ကိုင်းတိုင်းဒေသကြီး ဆီကုန်သည်များနှင့် ဆီလုပ်ငန်းရှင်များအသင်းမှ စျေးကားဖြင့် စားအုန်းဆီ(၁)ပိဿာလျှင် (၄၅၀၀) ကျပ်၊ ဗူးခွံတစ်ဗူး လျှင် (၈၀၀) ကျပ် စုစုပေါင်း စားအုန်းဆီ (၁) ပိဿာလျှင် (၅၃၀၀)ကျပ် နှုန်းဖြင့် လူတစ်ဦးလျှင် (၁) ပိဿာနှုန်း ရောင်းချပေးနေမှုအား မုံရွာခရိုင်ဦးစီးမှူးရုံးမှဝန်ထမ်းတို့မှ သွားရောက် ပူးပေါင်းကြီးကြပ်ဆောင်ရွက်ခဲ့ပါသည်။

     ထို့သို့ကွင်းဆင်းကြီးကြပ်ဆောင်ရွက်ရာ၌ စားသုံးသူပြည်သူများ အဆင်ပြေချောမွေ့စွာ ဝယ်ယူနိုင်ရေး စားအုန်းဆီစျေးနှုန်းများမှန်ကန်ရေး၊ အလေးချိန်ပြည့်ဝမှန်ကန်မှုရှိစေရေး စားအုန်းဆီဝယ်ယူရာတွင် စနစ်တကျရှိစေရေး ကြီးကြပ်ပူးပေါင်းဆောင်ရွက်ခဲ့ပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ပြည်သူများ ဘေးအန္တရာယ်ကင်းရှင်းသော ကုန်စည်များသုံးစွဲနိုင်ရန်နှင့် ဈေးကွက်အတွင်း ရောင်းချလျက်ရှိသော အသင့်သောက်အချိုရည်များတွင် ကုန်အညွှန်းအမှတ်အသား ပြည့်စုံစွာပါဝင်ခြင်း ရှိ/မရှိ ကို ၂၀၂၃-ခုနှစ် ဩဂုတ်လ (၂၂)ရက်နေ့တွင် စားသုံးသူရေးရာဦးစီးဌာန၊ ကသာခရိုင်ဦးစီးမှူးရုံးမှ စစ်ဆေးရေးမှူး ဦးကြည်နိုင်ဦးနှင့် ဝန်ထမ်းများသည် ကသာမြို့ပေါ်ရှိ ကုန်စုံဆိုင်(၂)ဆိုင်အား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

     ဈေးကွက်စောင့်ကြည့်စစ်ဆေးခြင်း ဆောင်ရွက်ရာတွင် ရောင်းချနေသောဆိုင်များရှိ အသင့်သောက်အချိုရည်များအား စားသုံးသူကာကွယ်ရေးဥပဒေ (၂၀၁၉)ပါ ကုန်အညွှန်းအမှတ်အသား ဖော်ပြ ခြင်းဆိုင်ရာ သတ်မှတ်ချက်များနှင့် ကိုက်ညီမှုရှိ/မရှိ၊ သက်ဆိုင်ရာဌာနများ၏ ထောက်ခံချက် ရှိ/မရှိ စစ်ဆေးခဲ့ရာ သတ်မှတ်ချက်များနှင့် ကိုက်ညီမှုရှိသော အချိုရည်များကို ရောင်းချလျက်ရှိကြောင်း စစ်ဆေးတွေ့ရှိခဲ့ရသည်။ ထို့နောက် စစ်ဆေးရေးမှူး ဦးကြည်နိုင်ဦးမှ ရောင်းချသူဆိုင်ရှင်များအား ကုန်ပစ္စည်းများ ရောင်းချရာတွင် ကုန်အညွှန်းအမှတ်အသား ပြည့်စုံစွာပါရှိသော ကုန်စည်များကိုသာ အဓိကထား ရောင်းချကြရန်နှင့် သက်တမ်းလွန်ကုန်စည်များ၊ မြန်မာနိုင်ငံအစားအသောက်နှင့်  ဆေးဝါး ကွပ်ကဲရေးဦးစီးဌာနမှ ထုတ်ပြန်ထားသည့် တားမြစ်ကုန်စည်များ စသည်တို့ကိုလည်း ရောင်းချခြင်း မပြုရန် အသိပညာပေးခြင်းများ ဆောင်ရွက်ခဲ့ပြီး ကုန်စည်အလိုက် ထည့်သွင်းဖော်ပြရမည့် ကုန်အညွှန်းအမှတ်အသားဆိုင်ရာအချက်များအား ရှင်းလင်းဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)

 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီသည် ပြည်ပမှတင်သွင်းသည့်စားသုံးဆီများ သတ်မှတ်အရည်အသွေးစံချိန်စံညွှန်များနှင့်ပြည့်မီစေရေး၊ စားသုံးသူပြည်သူများ ကျန်းမာရေးနှင့်ညီညွှတ်သေစားသုံးဆီများကိုသုံးစွဲနိုင်ရေး၊ ဈေးနှုန်းတည်ငြိမ်စွာဝယ်ယူစားသုံးနိုင်ရေးအတွက် စဉ်ဆက်မပြတ်ဆောင်ရွက်လျက်ရှိရာ (၂၂-၈-၂၀၂၃)ရက်နေ့၊ နံနက်(၀၉:၀၀)နာရီအချိန်တွင် ကရင်ပြည်နယ်၊ ဘားအံမြို့နယ်၊ ထုံးအိုင်စံပြကျေးရွာရှိ ပြည်သူများအား ကရင်ပြည်နယ်ဆီကုန်သည်များနှင့်ဆီလုပ်ငန်းရှင်များအသင်း၏ ဈေးကားဖြင့် စားအုန်းဆီများကို (၁)ပိဿာလျှင် (၄၅၀၀)ကျပ်၊ ဘူးခွံတစ်ခွံလျှင် (၅၀၀)ကျပ်၊ စုစုပေါင်း စားအုန်းဆီ(၁)ပိဿာလျှင် (၅၀၀၀)ကျပ်နှုန်းဖြင့် လူတစ်ဦးလျှင် (၁)ပိဿာနှုန်းဖြင့် ဖြန့်ဖြူးရောင်းချပေးနေမှုအား ကရင်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများက သွားရောက်ပူးပေါင်း၍ ကြီးကြပ်ဆောင်ရွက်ခဲ့ပါသည်။

   ကရင်ပြည်နယ်အတွင်း ကုန်ဈေးနှုန်းတည်ငြိမ်ကျဆင်းရေး အထောက်အကူဖြစ်စေရန်နှင့် ပြည်သူများသက်သာသောနှုန်းထားဖြင့် အခြေခံစာသုံးဆီများကို ဝယ်ယူသုံးစွဲနိုင်ရေးအတွက် မြန်မာနိုင်ငံဆီကုန်သည်များနှင့်ဆီလုပ်ငန်းရှင်များအသင်း၊ ကရင်ပြည်နယ်၊ ဆီကုန်သည်များနှင့်ဆီလုပ်ငန်းရှင်အသင်းတို့က စားသုံးဆီများကို မြို့ပေါ်ရပ်ကွက်များနှင့် ကျေးရွာများနေပြည်သူတို့ထံသို့ သက်သာသောနှုန်းထားဖြင့် တစ်ပတ်လျှင် (၅)ရက် (ရုံးပိတ်ရက်မပါ)ခန့် ရောင်းချပေးလျက်ရှိကြောင်းနှင့် စားသုံးသူရေးရာဦးစီးဌာနမှ အနီးကပ်ကွင်းဆင်းကြီးကြပ်ဆောင်ရွက်လျက်ရှိကြောင်းသိရှိရပါသည်။

DOCA(ကရင်)