သတင်းနှင့် လှုပ်ရှားမှုများ

    ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ ကျောက်မဲမြို့နယ်၊ ပိန္နဲကုန်းကျေးရွာရှိ ဝါဆိုကျောင်း၌ စက်တင်ဘာလ ပထမအပတ်တွင် သမဝါယမနှင့်ကျေးလက်ဖွံဖြိုးရေးဝန်ကြီးဌာန၊ ရက်ကန်းနှင့် အသက်ပညာသင်တန်းကျောင်း(ကျောက်မဲ)မှ ကြီးမှူးဖွင့်လှစ်သည့် အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့်ကျေးလက်နေမိသားစုဝင်ငွေတိုးရေးစီမံကိန်း၊ အမျိုးသမီးများအတွက် ဝင်ငွေ တိုးရေးလုပ်ငန်း (စက်ချုပ်) သင်တန်းဖွင့်လှစ်ခဲ့ပါကြောင်းသိရှိရပြီး သင်တန်းကာလမှာ (၁) လကြာ ဖွင့်လှစ်ကြောင်းသိရသည်။

   အဆိုပါသင်တန်းတွင် စက်ချုပ်သင်တန်းသူ (၁၀) ဦးတို့အား စားသုံးသူရေးရာဦးစီးဌာနမှ စားသုံးသူကာကွယ်ရေးဉပဒေတွင်ပါရှိသည့် စားသုံးသူကာကွယ်ရေး(၈)ချက်နှင့် စားသုံးသူများ လိုက်နာရမည့် တာဝန်(၄)ချက်များအကြောင်းကိုလည်းကောင်း၊ ဝန်ဆောင်မှုနှင့်စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးများအကြောင်းကိုလည်းကောင်း၊ စားသုံးသူများ ကုန်စည်ဒိုင်နှင့် ဝန်ဆောင်မှုများအား ဝယ်ယူသုံးစွဲရာ၌ နစ်နာဆုံးရှုံးမှုဖြစ်ပေါ်လာပါက တိုင်းဒေသကြီး/ ပြည်နယ်/ ခရိုင်ရုံးများတွင် ဖွင့်လှစ်ထားသည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေး စင်တာ (CICC) ရုံးများသို့လည်းကောင်း၊ စားသုံးသူရေးရာဦးစီးဌာန၏ Website ဖြစ်သည့် www.doca.gov.mm ၊ DOCA Myanmar Mobile Application ၊ Facebook Page (www.Facebook.com/DOCA.NPT)၊ Consumer Call Center နံပါတ် ( 1535) သို့လည်းကောင်း online မှဖြစ်စေ၊ စားသုံးသူရေးရာဦးစီးဌာန၏ ရုံးစိုက်ရာနေရာများတွင် ရုံးချိန်အတွင်း တယ်လီဖုန်းဖြင့် ဖြစ်စေ၊ လူကိုယ်တိုင်လာရောက်၍ဖြစ်စေ တိုင်ကြားနိုင်ကြောင်း သိရရှိရပါသည်။

DOCA(ရှမ်း)

      ဧရာဝတီတိုင်းဒေသကြီး၊ ကန်ကြီးထောင့်မြို့နယ်ကွင်းများ အရှေ့ကျေးရွာ ကွင်းများ အရှေ့ကွင်း သဘာဝရေပြင်အတွင်းသို့ ငါးမျိုးစိုက်ထည့်ခြင်း အခမ်းအနားကို ဩဂုတ်လ ၃၀ ရက်နေ့တွင် စိုက်ပျိုးရေး မွေးမြူရေးနှင့်ဆည်မြောင်းဦးစီးဌာန ၊ ငါးလုပ်ငန်းဦးစီးဌာနမှ ဦးစီး၍ ကျင်းပပြုလုပ်ရာ ဧရာဝတီတိုင်းဒေသကြီး အစိုးရအဖွဲ့ ၊ စီးပွားရေးရာဝန်ကြီး ဦးတင်အေးနှင့် ဝန်ကြီးများအစိုးရအဖွဲ့ဝင်များ စားသုံးသူရေးရာဦးစီးဌာန ဒုတိုင်းဦးစီးမှူး ဦးစိုးဦးနှင့် ဖိတ်ကြားထားသော တိုင်း/ခရိုင့်အဆင့်ဌာနဆို်ငရာများ တက်ရောက်ခဲ့ကြောင်းသိရသည်၊၊

       ယခုလို သဘာဝရေပြင်အတွင်းငါးမျိုးစိတ်များစိုက်ထည့်ခြင်းကြောင့် ငါးသယံဇာတများ တိုးပွားလာပြီး ဒေသတွင်း စားဝတ်နေရေးဖူလုံစေသည့်အပြင်ပိုလျှံသည်များကို ရောင်းချခြင်းဖြင့်လည်း ပတ်ဝန်းကျင်ကျေးရွာများရှိ မိသားစုများမှလည်း အပါဝင်ငွေရရှိမှာဖြစ်ကြောင်း ငါးလုပ်ငန်းဦးစီးဌာန မှပြောကြားပါသည်၊၊

DOCA( ဧရာဝတီ)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ စားသုံးသူရေးရာဦးစီးဌာနအနေဖြင့် ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားဖွံ့ဖြိုးတိုး တက်စေရန်မျှော်မှန်းချက်နှင့်အညီစားသုံးသူကာကွယ်ရေးလုပ်ငန်းများအပြင်ဒေသတွင်း ကုန်သွယ်မှု ဖွံ့ဖြိုးတိုးတက်စေရေးအတွက် MSMES စီးပွားရေးလုပ်ငန်းရှင်များနှင့် တွေ့ဆုံဆွေးနွေး ဆောင်ရွက် လျှက်ရှိကြောင်း သိရှိရပါသည်။

        ရသေ့တောင်မြို့နယ်တာဝန်ခံ ဦးသန်းဝင်း (ဒု-ဦးစီးမှူး) နှင့် ဝန်ထမ်း(၂)ဦး တို့သည် ၂၀၂၃ခုနှစ်၊ စက်တင်ဘာလ(၄)ရက်နေ့၊နံနက်(၁၀:၀၀)နာရီအချိန်တွင်ရသေ့တောင်မြို့ အရှေ့မြောက် ရပ်ကွက်ရှိ “သန့်မြတ်” ရေသန့်စက်ရုံလုပ်ငန်းရှင်နှင့် ကွင်းဆင်းတွေ့ဆုံဆွေးနွေးခဲ့ပါသည်။ ထိုသို့ ဆွေးနွေးရာတွင် ဦးစွာ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များကို သိရှိနားလည်ပြီး လိုက်နာရန်လိုအပ်ကြောင်း၊ မိမိတို့ထုတ်ကုန်များကို ထုတ်ကုန်လုံခြုံစိတ်ချ ရမှုရှိစေရေး အလေးထားဆောင်ရွက်သွားရန်လိုအပ်ကြောင်း၊ အရည်အသွေးပြည့်မီသောထုတ်ကုန် များထုတ်လုပ်နိုင်ရေး၊ လက်ရှိဖြစ်ပေါ်နေသောဈေးနှုန်း၊ ဈေးကွက်အခြေအနေများ၊ ထုတ်လုပ်နိုင်မှု အခြေအနေများအား အပြန်အလှန်ဆွေးနွေးခဲ့ကြပြီး စားသုံးသူကာကွယ်ရေးအသိပညာပေး လက်ကမ်းစာစောင်များ ဖြန့်ဝေပေးခဲ့ ကြောင်း သတင်းရရှိပါသည်။           
DOCA(ရခိုင်)                                                                                                                                                                     

          ၂၀၂၃ခုနှစ်၊ စက်တင်ဘာလ (၁)ရက်နေ့၊ နံနက် (၀၉:၃၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စာသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည် ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၊ ရပ်ကျေးစာရေးတို့နှင့်ပူးပေါင်း၍ ကျိုင်းတုံမြို့၊ ကတ်တောင်အုပ်စု၊ ပါစမ်ကျေးရွာ၊ ဘုန်းကြီးကျောင်း၌ ကျင်းပပြုလုပ်သည့် ကုန်စည်ပစ္စည်းမိတ်ဆက်ပွဲသို့ သွားရောက်၍ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် အဆိုပါ GINSENG TEA (ဂျင်ဆင်းတီး)များတွင် မြန်မာစာကုန်အညွှန်းအမှတ်အသားပြည့်စုံစွာဖော်ပြပါရှိပြီး သက်ဆိုင်ရာဌာန၏ထောက်ခံချက်များ ဖော်ပြပါရှိသည်ကို စစ်ဆေးတွေ့ရှိရပါသည်။ ထို့နောက် စစ်ဆေးရေးမှူးနှင့် ဝန်ထမ်းများသည် စီးပွားရေးလုပ်ငန်းရှင်အား ကုန်အညွှန်းအမှတ်အသားမပါရှိသည့် ကုန်စည်ပစ္စည်းအား ရောင်းဝယ် ဖောက်ကားမှု မပြုလုပ်ကြရန်၊ စစ်ဆေးတွေ့ရှိပါက သက်ဆိုင်ရာ ဥပဒေများနှင့်အညီ အရေးယူ ဆောင်ရွက်သွားမည်ဖြစ်ကြောင်း ရှင်းလင်းပြောကြားပြီး စားသုံးသူကာကွယ်ရေးဥပဒေ အခန်း(၁၀) ပါ “စီးပွားရေးလုပ်ငန်း ရှင်၏ တာဝန်များ”ကို သိရှိလိုက်နာဆောင်ရွက်နိုင်စေရန် အသိပညာပေး ဆွေးနွေးခြင်း ဆောင်ရွက်ခဲ့ပါသည်။

DOCA(ရှမ်း)

    မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန မြို့နယ်တာဝန်ခံရုံးမှ ဝန်ထမ်းများသည် (၂.၉.၂၀၂၃) ရက်နေ့တွင် ဘီးလင်းမြို့နယ် ဆန်စက်လုပ်ငန်းရှင်များအသင်းနှင့် ဆန်စပါးကုန်သည်များအသင်နှင့် ပူးပေါင်း၍ အများပြည်သူများသို့ သက်သာသောဈေးနှုန်းဖြင့် ဆန်ရောင်းချခဲ့ကြောင်း သိရှိရပါသည်။

        အများပြည်သူများ သက်သာချောင်ချိရေးအတွက် ဧည့်မထဆန် (၁) ပြည်လျှင် (၂၅၀၀) ကျပ်ဖြင့် ဘီးလင်းမြို့နယ် ကျောက်ရေတွင်းကျေးရွာရှိ အခြေခံလူတန်းစား အိမ်ထောင်စုတစ်စုလျှင် ဆန်(၄)ပြည်နှုန်းနှင့် အိမ်ထောင်စု (၁၅၀) အား ရောင်းချပေးခဲ့ကြောင်း သတင်းရရှိပါသည်။

DOCA(မွန်)