သတင်းနှင့် လှုပ်ရှားမှုများ

   ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်၊ ညောင်ပင်သာယာကျေးရွာရှိ ငါးရှဉ့်ခြောက်စပ်လုပ်ငန်းသို့သွားရောက်၍ MSMEs လုပ်ငန်းဖွံ့ဖြိုးတိုးတက်ရေးနှင့် ထုတ်ကုန်လုံခြုံစိတ်ချရမှုရှိစေရန်အတွက် (၁၉-၆-၂၀၂၃) ရက်နေ့၊ နံနက် (၁၁း၀၀) နာရီအချိန်တွင် ကွင်းဆင်း၍ ကွင်းဆင်းစစ်ဆေးမှုများဆောင်ရွက်ခဲ့ကြပါသည်။

    အဆိုပါလုပ်ငန်းသို့ စားသုံးသူရေးရာဦးစီးဌာနမှ မြို့နယ်ဦးစီးမှူးဦးအောင်လွင်က ငါးရှဉ်ခြောက်စပ်လုပ်ငန်းရှင်နှင့်တွေ့ဆုံ၍ လုပ်ငန်းဆောင်ရွက်မှုလုပ်ငန်းအဆင်ဆင့်အားမေးမြန်းပြီးနောက် ထုပ်ပိုးပြီးသောကုန်စည်များကို ဈေးကွက်ဖြန့်ဖြူးမှုအခြေအနေနှင့် ဝယ်လိုအား/ရောင်းလိုအားအခြေအနေများကိုမေးမြန်းပြီး ထုတ်ကုန်တွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ လိုအပ်သောအချက်အလက်များကို ပိုမိုသိရှိနားလည်နိုင်ရန်အတွက် စားသုံးသူရေးရာဦးစီးဌာနသို့ မေးမြန်းဆွေးနွေးနိုင်ပါကြောင်း၊ စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စီးပွားရေးလုပ်ငန်းရှင်များသိရှိနိုင်ရန်အတွက် ရှင်းလင်းဆွေးနွေးခဲ့ပြီး လုပ်ငန်းရှင်တို့အနေဖြင့် လိုက်နာရမည့်တာဝန်များကိုပါ အလေးပေးလိုက်နာဆောင်ရွက်ကြရန် ပညာပေးဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ မြောင်းမြမြို့နယ်မှ ဦးစီးမှူး ဦးလှထွဋ်ဦးသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာနတို့နှင့်ပူးပေါင်း၍  (၂၀-၆-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မြောင်းမြမြို့နယ်၊ သူနာပြုသင်တန်းကျောင်းတွင်ပြုလုပ်သော လူငယ်စကားဝိုင်း၌ ဆရာ/ဆရာမ၊ သင်တန်းသား/သူများအား စားသုံးသူကာကွယ်ရေးအသိပညာပေးဟောပြောပွဲဆောင်ရွက်ခဲ့ပါသည်။

   ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်ဦးစီးမှူးက တက်ရောက်လာသော ဆရာ/ဆရာမ၊ သင်တန်းသား/သူများအား မိတ်ဆက်စကားပြောကြားပြီး စားသုံးသူရေးရာဦးစီးဌာနပေါ်ပေါက်လာပုံ၊ ဌာန၏လက်ရှိဆောင်ရွက်နေသောလုပ်ငန်းတာဝန်များ၊ ဆက်လက်ဆောင်ရွက်ရမည့်လုပ်ငန်းတာဝန်များအား ဦးစွာရှင်းလင်းပြောကြားခဲ့ပြီးနောက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက   ထုတ်ပြန်ထားသော  စားသုံးသူကာကွယ်ရေးဥပဒေ၂၀၁၉ပါ ပြဋ္ဌာန်းချက်များ၊ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအကြောင်း၊ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ကြောင်း၊ ကုန်စည်အမျိုးအစားအလိုက် သတ်မှတ်ထားသည့်ဥပဒေများနှင့်အညီ ဆောင်ရွက်ကြရန်၊ လိုက်နာဆောင်ရွက်မှုမရှိပါက ထုတ်ပြန်ထားသောပြစ်မှုပြစ်ဒဏ်များအတိုင်း ဆောင်ရွက်သွားမည်ဖြစ်ကြောင်းနှင့် မိမိတို့စားသောက်နေသောအစားအသောက်များတွင် ဓာတုဆိုးဆေးများအလွန်အကြူးပါဝင်နေသဖြင့် သက်တမ်းလွန်အစားအသောက်များအား မိမိတို့၏အသိဖြင့် ဆင်ခြင်၍ဝယ်ယူစားသောက်ကြရန်ဖြစ်ကြောင်း ဟောပြောဆွေးနွေးခဲ့ပါသည်။ အဆိုပါ ဟောပြောပွဲသို့ ဆရာ/ဆရာမ၊ သင်တန်းသား/သူ (၈၀) ဦးတက်ရောက်ခဲ့ကြောင်းသိရှိရပါသည်။

DOCA(ဧရာဝတီ)

     ပြည်တွင်းကုန်သွယ်မှုလုပ်ငန်းများဖွံဖြိုး တိုးတက်ရေးအတွက် အလားအလာရှိသော အဓိကသီးနှံများ၏ စတင်စိုက်ပျိုးမှုမှသည် စျေးကွက် တင်ပို့ရောင်းချမှုအခြေအနေများအထိ သိရှိနိုင်ရေးအတွက် မန္တလေးတိုင်းဒေသကြီး၊ကျောက်ဆည်ခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူးဦးဆောင်သောအဖွဲ့သည် ကျောက်ဆည်မြို့နယ် ၊ ကုလကျေးရွာရှိ  တောင်သူ ဦးကျော်မြင့်၏ နှမ်းစိုက်ပျိုးထွက်ရှိမှု၊စျေးနှုန်းစျေးကွက်အခြေအနေများအား ကွင်းဆင်းလေ့လာခဲ့ပါသည်။တောင်သူ ဦးကျော်မြင့်ကပြောကြားရာတွင် မိမိတို့ဒေသ၌ ဆည်ရေကိုအားကိုးပြီးနှမ်းများကို စိုက်ပျိုးခဲ့ကြောင်း၊မတ်လ(၁၉)ရက်နေ့က စတင်စိုက်ပျိုးသည့်နှမ်းများမှာ ယခုအချိန်တွင်ရိတ်သိမ်း နေပြီဖြစ်ကြောင်း၊ မိမိအနေဖြင့် စိုက်ပျိုးရေးသင်တန်းများတွင်တက်ရောက်ခဲ့သည့်အတွက်ကြောင့် နှမ်းများအားစတင်စိုက်ပျိုးရာတွင် စနစ်တကျစိုက်ပျိုးလျက်ရှိကြောင်း ၊ စိုက်ပျိုးရာတွင် တန်းခြား ၁၄” နှင့် တစ်ပင်နှင့်တစ်ပင်ခြား ၂”, ၃” ,၄” ခြားပြီးစိုက်ပျိုးခဲ့ကြောင်း ၊ စိုက်ပျိုးရာတွင် မျိုးအဖြစ် ဆင်းရတနာ-၄ (ဂျပန်နှမ်းဖြူ)မျိုးအား စိုက်ပျိုးကြောင်း ၊ (၁)ဧက ကုန်ကျစရိတ်အနေဖြင့် မြေပြင် စရိတ်၊သွင်းအားစု၊လုပ်အားခ၊စုစုပေါင်း(၄၄၂၀၀၀/-)ကျပ်ကုန်ကျကြောင်း၊ထွက်ရှိမှုအနေဖြင့် ၄င်း၏ စိုက်ခင်းများ၌ (၁)ဧကလျှင်(၁၆)တင်းနှုန်းထွက်ရှိပြီး အချို့တောင်သူများ၌ (၁၀-၁၂)တင်းခန့်သာ ထွက်ရှိကြောင်း ၊ နှမ်းစျေးနှုန်းအနေဖြင့် ယခင်နှစ်တွင် တစ်တင်းလျှင်(၇၅၀၀၀/-)ကျပ်ရောင်းရပြီး ယခုနှစ်တွင်(၁၂၂၅၀၀/-)ကျပ်ဖြင့် ကုန်သည်များမှ ကျေးရွာအထိလာရောက်ဝယ်ယူလျက်ရှိကြောင်း သိရှိရပါသည် ။ ကျောက်ဆည်ခရိုင်အတွင်း နှမ်းစိုက်ပျိုးမှုအနေဖြင့်(၈၀၇၈၉)ဧက စိုက်ပျိုးထားပြီး (၆၁၆၄၇)ဧက ရိတ်သိမ်းပြီးကြောင်း စိုက်ပျိုးရေးဦးစီးဌာနမှ မေးမြန်းသိရှိရပါသည်။

DOCA(မန္တလေး)

      စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ  ပြည်နယ်ဦးစီးမှူးဦးသန်းဦးနှင့် ဝန်ထမ်းများသည်(၂၃-၆-၂၀၂၃) ရက်နေ့ ၊နံနက်(၀၉:၃၀)နာရီအချိန်တွင် ကရင်ပြည်နယ်၊  ဘားအံမြို့ တရုတ်လှတိုက်နယ်ဆေးရုံရှိ  အရန်သားဖွားနှင့်လူထုကျန်းမာရေးလုပ်သား သင်တန်းတွင် သင်တန်းကျောင်းအုပ်ဆရာမကြီးနှင့် ဆရာ/ဆရာမများ သင်တန်းသား/သူများအား  စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ကျင်းပခဲ့ကြောင်း  သိရပါသည်။

     အဆိုပါဟောပြောပွဲများတွင် စားသုံးသူရေးရာဦးစီးဌာနမှ ပြည်နယ်ဦးစီးမှူးဦးသန်းဦးက စားသုံးသူကာကွယ်ရေးဆိုင်ရာ အသိပညာပေးဟောပြောရခြင်း၏ ရည်ရွယ်ချက်အားရှင်းလင်းပြောကြားခြင်း၊  စားသုံးသူရေးရာ ဦးစီးဌာန၏ မျှော်မှန်းချက်၊ ရည်မှန်းချက်များအကြောင်းနှင့် စားသုံးသူကာကွယ်ရေးဥပဒေပါ အခန်း(၂၅) ခန်းနှင့် ပုဒ်မ ၈၄ ခု အကြောင်းများအား အကျယ်တဝင့်ရှင်းလင်းဆွေးနွေးပြောကြားခြင်း၊ စားသုံးသူကာကွယ်ရေးဥပဒေမှ စားသုံးသူ အခွင့်အရေး(၈)ချက်နှင့် လိုက်နာရမည့် တာဝန်(၄)ချက်၊ ထုတ်ကုန်လုံခြုံစိတ်ချရမှုရရှိစေရေး အတွက် ကုန်အညွှန်းအမှတ်အသားအကြောင်း သိကောင်းစရာနှင့် စားသုံးသူအခွင့်အရေးများကို ရယူသုံးစွဲသည့် စားသုံးသူများအနေဖြင့် ကုန်စည် (သို့မဟုတ်) ဝန်ဆောင်မှုတို့ကိုသုံးစွဲရာတွင် လိမ်လည်လှည့်ဖြားမှုမခံရစေရေးနှင့် နစ်နာဆုံးရှုံးမှုများကြုံ တွေ့လျှင်  စားသုံးသူရေးရာဦးစီးဌာန၊ CICC ရုံးသို့လည်းကောင်း၊  မိမိတို့ဌာန၏ Call Center 1535 သို့ လည်းကောင်းဆက်သွယ်တိုင်ကြားနိုင်ပြီး၊ သင်တန်းသားများအနေဖြင့် စားသုံသူရေးရာဦးစီးဌာန၏ လုပ်ငန်းစဉ်အကြောင်းအရာများကို သိရှိလိုပါက www.doca.gov.mm website တို့တွင် ဝင်ရောက်လေ့လာနိုင်ပါကြောင်း ရှင်းလင်းဆွေးနွေးဟောပြောခဲ့ပြီး တက်ရောက်လာသည့် သင်တန်းကျောင်းအုပ်ဆရာမကြီးနှင့် ဆရာ/ဆရာမများ သင်တန်းသား / သူ  စုစုပေါင်း(၄၅)ဦးအား စားသုံးသူကာကွယ်ရေး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။

DOCA(ကရင်)

     ဧရာဝတီတိုင်းဒေသကြီး၊ ပုသိမ်ခရိုင် သာပေါင်းမြို့နယ်တာဝန်ခံရုံးတွင် (၂၀.၆.၂၀၂၃) ရက်နေ့ ၊နေ့လယ် (၁၁:၀၀)နာရီတွင် သာပေါင်းမြို့နယ်တာဝန်ခံနှင့် ဝန်ထမ်းများသည် ဆီလုပ်ငန်းရှင်များနှင့် တွေ့ဆုံ၍ ဆွေးနွေးခဲ့ကြောင်းသိရှိ ရပါသည်။

   ထိုသို့ဆွေးနွေးရာတွင် ဆီလုပ်ငန်းရှင်များ၏ အခက်အခဲများ၊ ထုတ်လုပ်နိုင်မှုအခြေအနေ၊ ဈေးနှုန်းဈေးကွက်၊ စိုက်ပျိုးမှုနှင့်ပတ်သက်သော အကြောင်းအရာများကို မေးမြန်းဆွေးနွေးခဲ့ပြီး ဆီလုပ်ငန်းရှင်များဘက်မှ တွေ့ကြုံနေရသော အခက်အခဲများ၊ ဆီထွက်ရှိမှုနှုန်း၊ ဆီဈေးနှုန်းတို့ကို အပြန်အလှန်ဆွေးနွေးခဲ့ကြပြီး အကြံပေးညှိနှိုင်းခဲ့ကြကြောင်း သတင်းရရှိပါသည်။

DOCA(ဧရာဝတီ)