သတင်းနှင့် လှုပ်ရှားမှုများ

      မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံသည် (၂၂-၈-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် တောင်တွင်းကြီးမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်(၃)ဆိုင်အား အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာအဖွဲ့များနှင့်ပူးပေါင်း၍ ဈေးကွက်စောင့်ကြည့်စစ်ဆေးခဲ့ကြောင်းသိရသည်။

      ဆေးနှင့်ဆေးပစ္စည်းအရောင်းဆိုင်များ၌ သက်တမ်းလွန်ဆေးဝါးများ၊ တရားမဝင်ဆေးဝါးများ တင်သွင်းရောင်းချခြင်းမရှိကြောင်းကို စစ်ဆေးတွေ့ရှိရပြီး သက်တမ်းလွန်နေသောဆေးဝါးများရောင်းချခြင်းမရှိစေရေး၊ ဆေးဈေးနှုန်းများအား ဒေသတွင်းဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းဝယ်ဖောက်ကားစေရေးနှင့် ဈေးနှုန်းအဆမတန်မြှင့်တင်ရောင်းချခြင်းမပြုစေရေး အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

       မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံသည် ဩဂုတ်လ (တတိယပတ်)တွင် ပိုးသတ်ဆေးနှင့် ဓာတ်မြေဩဇာရောင်းချသည့် အရောင်းဆိုင်များသို့ ရည်ညွှန်းစျေးထက် စျေးနှုန်းမြှင့်တင်ရောင်းချမှုမရှိစေရေး ဝယ်ယူစရိတ်နှင့် အမြတ်ရာခိုင်နှုန်းဖြင့်သာရောင်းချပြီး စိုက်ပျိုးတောင်သူများ၏ သွင်းအားစုစျေးနှုန်းများမြင့်တက်မှုမှ ကာကွယ်နိုင်ရေးအတွက် မြို့နယ်မိတ်ဖက်ဌာနအဖွဲ့အစည်းများဖြစ်ကြသော မြို့နယ်အထွေထွေအုပ်ချုပ်ရေးဦးစီးဌာန၊ စိုက်ပျိုးရေးဦးစီးဌာန၊ စည်ပင်သာယာရေးအဖွဲ့၊ စားသုံးသူရေးရာဦးစီးဌာန၊ ကျန်းမာရေးဦးစီးဌာနနှင့် ပူးပေါင်းကာသွားရောက်ကွင်းဆင်းစစ်ဆေးခဲ့ကြောင်းသိရသည်။

   ၂၀၂၄ခုနှစ်၊ သြဂုတ်လ(တတိပတ်)တွင် ‌ရောင်းချနေသောဈေးနှုန်းများမှာ ဖေါ်ကျွန်းပေါင်းသတ်ဆေး(250Cc)တစ်ဘူးလျှင် ကျပ်(၁၉၀၀၀)၊ ကွန်ပေါင်း(Awba) ဓါတ်‌မြေဩဇာမှာ (၁၅:၁၅:၁၅) ပတ်လည် 50kg တစ်အိတ်လျှင် ကျပ်(၁၆၀၀၀၀)ဖြစ်ပြီး အာမို(၁၆:၁၆:၁၆) ကွန်ပေါင်းဓာတ်မြေဩဇာ 50kg တစ်အိတ်လျှင် ကျပ်(၁၈၀၀၀၀)၊ ယူးရီးယားတစ်အိတ်လျှင် S4 SAN အမှတ်တံဆိပ် ဓာတ်မြေဩဇာတစ်အိတ်လျှင် ကျပ်(၁၀၀၀၀၀ မှ ၁၂၀၀၀၀)ဖြစ်ကြောင်းသိရပြီး တောင်သူများသွင်းအားစုအသုံးပြုကာလပေါ်  သယ်ယူစရိတ်၊ အမြတ်ရာခိုင်နှုန်းအပေါ်မူတည်ပြီး ဈေးနှုန်းမြှင့်တင်ရောင်းချမှုမရှိကြောင်းသိရှိရပါသည်။

DOCA(မကွေး)

      မကွေးတိုင်းဒေသကြီး၊ မကွေးခရိုင်၊ မကွေးမြို့နယ်တာဝန်ခံသည် (၂၆-၈-၂၀၂၄)ရက်နေ့၊ နံနက် (၁၀:၀၀)နာရီအချိန်တွင် မကွေးမြို့နယ်၊ နွားကူးကျေးရွာရှိ အောင်ကောင်းစံအမှတ်တံဆိပ်နှင့် ရွှေရောင်သန့်စင်အမှတ်တံဆိပ် ပဲကြော်လုပ်ငန်းများသို့သွားရောက်၍ လုပ်ငန်းရှင်၏ ဖြစ်ပေါ်နေသောအခြေအနေ၊ အခက်အခဲနှင့် လိုအပ်ချက်များအား ကွင်းဆင်းလေ့လာခဲ့ကြောင်းသိရသည်။

    “အောင်ကောင်းစံ” အမှတ်တံဆိပ် ပဲကြော်လုပ်ငန်းတွင် လုပ်သားအမျိုးသား(၆)ဦးနှင့် အမျိုးသမီး (၅)ဦးရှိပြီး တစ်ရက်လျှင် အမျိုးသားတစ်ဦး (၁၂၀၀၀)ကျပ်နှုန်း၊ အမျိုးသမီးတစ်ဦး (၁၀၀၀၀) ကျပ်နှုန်းနှင့် ပဲရွေးအမျိုးသမီးများအား (၃၀)ပိဿာဝင်တစ်အိတ်လျှင် (၅၀၀)ကျပ်ပေးချေရကြောင်း၊ တစ်ရက်လျှင် ပဲကြီး (၃၀)ပိဿာဝင် (၂၆)အိတ်ခန့်ကြော်ရပြီး တစ်ရက်လျှင် စားအုန်းဆီ (၄၄၀)ပိဿာခန့်သုံးစွဲရပြီး ထွက်ရှိသောကုန်ချောပဲကြော်များအား ရန်ကုန်၊ မန္တလေးနှင့် နေပြည်တော်မြို့ကြီးများသို့ တင်ပို့ဖြန့်ချိရကြောင်း၊ “ရွှေရောင်သန့်စင်” အမှတ်တံဆိပ် ပဲကြော်လုပ်ငန်းတွင် လုပ်သားအမျိုးသား (၅)ဦး၊ အမျိုးသမီး (၁၀)ဦးရှိပြီး တစ်ရက်လျှင် အမျိုးသားတစ်ဦး (၁၂၀၀၀) ကျပ်နှုန်း၊ အမျိုးသမီးတစ်ဦး (၁၀၀၀၀)ကျပ်နှုန်းနှင့် ပဲရွေးအမျိုးသမီးများအား (၃၀)ပိဿာဝင် ပဲတစ်အိတ်လျှင် (၅၀၀)ကျပ်ပေးချေရကြောင်း၊ တစ်ရက်လျှင် ကုန်ကြမ်းပဲကြီး (၃၀)ပိဿာဝင် (၂၆)အိတ်ကြော်ရပြီး ထွက်ရှိသောကုန်ချောပဲကြော်များအား ရန်ကုန်၊ မန္တလေးနှင့် တောင်ကြီးမြို့များသို့ တင်ပို့ဖြန့်ချိရကြောင်းနှင့် တစ်ရက်လျှင် စားအုန်းဆီ (၄၄၀)ပိဿာခန့်သုံးစွဲရပြီး လုပ်ငန်းသုံးဆီများရရှိရေးအတွက် စားသုံးသူရေးရာဦးစီးဌာနမှ ကူညီချိတ်ဆက်ဆောင်ရွက်လျက်ရှိခြင်းကြောင့် လုပ်ငန်းများ စဉ်ဆက်မပြတ်လည်ပတ်နိုင်ပြီး နီးစပ်ရာရပ်ကွက်/ ကျေးရွာများမှ ပြည်သူများအား အလုပ်အကိုင်များဖန်တီးပေးလျက်ရှိကြောင်း လေ့လာသိရှိရပါသည်။

DOCA(မကွေး)

     ဧရာဝတီတိုင်းဒေသကြီး၊ ဖျာပုံခရိုင် ၊ ဘိုကလေးမြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးနှင့် ဝန်ထမ်းတို့သည် ၂၀၂၄ခုနှစ်၊ ဩဂုတ်လ (၂၂) ရက်နေ့၊ နံနက် (၁၀:၀၀) နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးတွင် စားသုံးသူကာကွယ်ရေး အသိပညာပေး ဟောပြောခဲ့ပါသည်။

      အဆိုပါ အသိပညာပေးဟောပြောပွဲ စားသုံးသူကာကွယ်ရေးဥပဒေ အခန်း(၁၃) (၁၄) ၊ ပုဒ်မ (၂၆ ၊ ၂၇)မှ ပြဌာန်းထားရှိသော  ဝန်ဆောင်မှုများနှင့် ပက်သက်၍ အာမခံထားရှိမှု အခြေအနေ၊ စားသုံးသူကို ကြိုတင်အသိပေးခြင်း၊ ပြည့်စုံသောဝန်ဆောင်မှု အဆင့်အတန်း      နှင့်အညီ ပြည့်ဝစွာပေးခြင်း၊ လိုအပ်ချက်နှင့် ကိုက်ညီမှုရှိခြင်း၊ အာမခံပေးထားမှုအပေါ် အချိန်ကာလအတွင်း ပြီးမြောက်အောင် ဆောင်ရွက်ခြင်း၊ စားသုံးသူနှင့် သဘောတူညီထားသည့် ဝန်ဆောင်မှုတန်ဖိုးအတိုင်း ပေးအပ်စေခြင်းစသည့် အချက်များနှင့် ဝန်ဆောင်မှုပေးရန် ပျက်ကွက်ခဲ့မှုကြောင့် နစ်နာဆုံးရှုံးမှုဖြစ်ခဲ့လျှင် ယင်းအတွက် လျှော်ကြေးပေးရန်၊ အာမခံထား သော အချိန်ကာလအတွင်း သဘောတူညီထားသော ဝန်ဆောင်မှုကို မရရှိခဲ့လျှင် စားသုံးသူ၏ နစ်နာမူအတွက်  ကုစားပေးရန် စသည့်အချက်များ ထည့်သွင်းပြောကြားခဲ့မှုအပေါ် သတင်း ရရှိပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်၌၂၀၂၄ခုနှစ်၊ဩဂုတ်လ(၂၂)ရက်နေ့၊ နံနက်(၀၈:၀၀)နာရီအချိန်တွင် ကျိုက်လတ်မြို့ မြန်မာ့စီးပွားရေးဘဏ်တွင် မြို့နယ်စီမံအုပ်ချုပ်ရေးအဖွဲ့၏ဦးဆောင်မှုဖြင့် စားသုံးသူရေးရာဦးစီးဌာနနှင့်ဌာနဆိုင်ရာများသည် နိုင်ငံဝန်ထမ်းပင်စင်စားများအား အခြေခံစားသောက်ကုန်ဖြစ်သောဆီများ၊ ဆန်များ၊ ကြက်ဥများကိုဈေးနှုန်းသက်သာစွာ  ဖြင့်ဝယ်ယူနိုင်ရေးအတွက် အခြေခံစားသောက်ကုန်များအား ရောင်းချပေးခဲ့ပါသည်။

    ထိုသို့ကျန်းမာရေးစောင့်ရှောက်မှုပေးရာသို့ ကျိုက်လတ်မြို့နယ်စီမံအုပ်ချုပ်ရေးအဖွဲ့နှင့် အဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက်ရေးအသင်းများ၊ မီးသတ်တပ်ဖွဲ့ဝင်များ၊ လူမှုရေးအသင်းဝင်များ၊   စည်ပင်သာယာရေးဝန်ထမ်းများက ကူညီစောင့်ရှောက်ပေးခဲ့ပါသည်။ ကျန်းမာရေး စောင့်ရှောက်မှုပေးရာတွင် မြို့နယ်ပြည်သူ့ကျန်းမာရေးဦးစီးဌာနမှူးဦးဆောင်၍ ပြည်သူ့ကျန်းမာရေးဌာနမှဝန်ထမ်းများ၊ သူနာပြုများက   နိုင်ငံဝန်ထမ်းပင်စင်စားများအား မှတ်တမ်းစာရင်းရေးသွင်း၍သွေးပေါင်ချိန်ခြင်း၊ ဆီးချို၊ သွေးချိုစစ်ပေးခြင်း၊ သွေးတွင်းအောက်ဆီဂျင် တိုင်းတာခြင်းများ ဆောင်ရွက်ပေးခဲ့ပြီး အထွေထွေရောဂါလူနာများအား လိုအပ်သည့်ဆေးဝါးကုသမှုများ ဆောင်ရွက် ပေးခဲ့ပါသည်။ ကျိုက်လတ်ဆီကုန်သည်နှင့်ဆီလုပ်ငန်းရှင်များအသင်း၊ မြို့နယ်စားသုံးသူရေးရာ၊ မြို့နယ်မွေးမြူရေးလုပ်ငန်းရှင်များအသင်းနှင့် ဆန်စက်လုပ်ငန်းရှင်များအသင်းတို့မှ ပင်စင်စားများ အား  ဆီတစ်ပိဿာလျှင် (၆၇၀၀)ကျပ်နှုန်းဖြင့် ၅၀သားဘူး (၄၀၀)ခန့်ကိုလည်းကောင်း၊ ဧမထ ဆန်(၁)ပြည်လျှင်(၃၀၀၀)  ကျပ်နှုန်းဖြင့် ဆန်(၂၄)ပြည်ဝင် အိတ်( ၃)အိတ်ကိုလည်းကောင်း၊ ကြက်ဥ တစ်လုံးလျှင် ( ၃၀၀   )ကျပ်နှုန်းဖြင့် အလုံးရေ   ( ၃၀၀  )ကိုလည်းကောင်း  အသီးသီးရောင်းချပေးခဲ့ကြောင်း သိရှိရပါသည်။

DOCA(ဧရာဝတီ)