သတင်းနှင့် လှုပ်ရှားမှုများ

       စစ်ကိုင်းတိုင်းဒေသကြီး၊စားသုံးသူရေးရာဦးစီးဌာန၊တိုင်းဦးစီးမှူးရုံးအနေဖြင့် စားသုံးသူပြည်သူများ ထုတ်ကုန်လုံခြုံစိတ်ချရမှု ရှိစေရန်၊  စီးပွားရေးလုပ်ငန်းရှင်များ စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက်နိုင်စေရန်အတွက် တိုင်း၊ ခရိုင်၊ မြို့နယ်အလိုက် စားသုံးသူကာကွယ်ရေး အသိပညာပေး လုပ်ငန်းများ ဆောင်ရွက်လျက်ရှိရာ ၂၀၂၂ ခုနှစ်၊ စက်တင်ဘာလအတွင်း တိုင်းဒေသကြီးဦးစီးမှူးရုံး အနေဖြင့် မုံရွာမြို့၊ အမှတ်(၁) အခြေခံပညာအထက်တန်းကျောင်းတွင်လည်းကောင်း၊  ကလေးခရိုင် ဦးစီးမှူးရုံးအနေဖြင့် ကလေးမြို့နယ် ကလေးဝမြို့၊ အခြေခံပညာ အထက်တန်းကျောင်းတွင် လည်းကောင်း၊ ဖောင်းပြင်မြို့၊ အမှတ်(၃)အခြေခံပညာအထက်တန်းကျောင်းတွင် လည်းကောင်း၊ ကန့်ဘလူခရိုင်ဦးစီးမှူးရုံးအနေဖြင့် ကန့်ဘလူမြို့၊ ခရိုင်စိုက်ပျိုးရေးရုံးတွင်လည်းကောင်း၊ စစ်ကိုင်း ခရိုင်ဦးစီးမှူးရုံးအနေဖြင့် စစ်ကိုင်းမြို့၊ အမှတ်(၂)အခြေခံပညာ အထက်တန်းကျောင်းတွင် လည်းကောင်း၊ စစ်ကိုင်းမြို့ အမှတ်(၃)အခြေခံပညာအထက်တန်းကျောင်းတွင်လည်းကောင်း၊ စစ်ကိုင်းမြို့၊ ခရိုင်အသေးစားစက်မှုလက်မှုလုပ်ငန်းဦးစီးဌာနတွင်ပြုလုပ်သော လူသုံးကုန် ထုတ်လုပ်မှုနည်းပညာသင်တန်း(၃/၂၀၂၂)တွင်လည်းကောင်း၊ မုံရွာခရိုင်ဦးစီးမှူးရုံးအနေဖြင့် မုံရွာမြို့၊ အမှတ်(၂) အခြေခံပညာအထက်တန်းကျောင်းတွင်လည်းကောင်း၊ ရွှေဘိုခရိုင်ဦးစီးမှူးရုံး အနေဖြင့် ရွှေဘိုမြို့၊ အမှတ်(၂)ရပ်ကွက်ရှိ သမဝါယမအသင်းစုတွင်ပြုလုပ်သော လူသုံးကုန်ထုတ်လုပ်မှု နည်းပညာသင်တန်းကျောင်းတွင်လည်းကောင်း၊ ဝက်လက်မြို့၊ အမှတ်(၂)၊ ဗိုလ်အောင်ဇေယျ ရပ်ကွက်တွင်လည်းကောင်း  စုစုပေါင်း (၁၀)ကြိမ် အသိပညာပေးဟောပြောဆွေးနွေးခဲ့ရာ ဌာန၏ မျှောမှန်းချက်များ၊ ရည်မှန်းချက်တာဝန်များ၊ စားသုံးသူအခွင့်အရေးများ၊ တာဝန်များ၊ ဌာနသို့ ဆက်သွယ်တိုင်ကြားနိုင်သည့် နည်းလမ်းများ၊ ဖြေရှင်းဆောင်ရွက်ပေးခဲ့သည့် စားသုံးသူ တိုင်ကြားမှု ဖြစ်စဉ်များကို အသိပညာပေးဟောပြောခဲ့ကြပြီး လက်ကမ်းစာစောင်များ ဖြန့်ဝေပေးခဲ့ကြောင်း၊ ထို့အပြင် လုပ်ငန်းရှင်များနှင့် တွေ့ဆုံဆွေးနွေးအသိပညာပေးမှုများကို ကလေးခရိုင်ဦးစီးမှူးရုံး အနေဖြင့် (၃)ကြိမ်၊ ကသာခရိုင်ဦးစီးမှူးရုံးအနေဖြင့် (၂)ကြိမ်၊ ကန့်ဘလူခရိုင်ဦးစီးမှူးရုံး အနေဖြင့် (၃)ကြိမ်၊ စစ်ကိုင်းခရိုင်ဦးစီးမှူးရုံးအနေဖြင့် (၁၀)ကြိမ်၊ မုံရွာခရိုင်ဦးစီးမှူးရုံးအနေဖြင့် (၅)ကြိမ်၊ ရွှေဘိုခရိုင်ဦးစီးမှူးရုံးအနေဖြင့် (၆)ကြိမ်၊ ယင်းမာပင်ခရိုင်ဦးစီးမှူးရုံးအနေဖြင့် (၂)ကြိမ် စုစုပေါင်း (၃၁)ကြိမ်ဆောင်ရွက်နိုင်ခဲ့ကြောင်း၊ ထိုသို့တွေ့ဆုံဆွေးနွေးရာတွင် စီးပွားရေး လုပ်ငန်းရှင်တို့၏ တာဝန်များ၊ လိုက်နာရမည့်အချက်များ၊ ကုန်စည်နှင့်စပ်လျဉ်း၍ ဖော်ပြရမည့်အာမခံချက်များ၊ ရိုးရှင်းမှန်ကန်သော သတင်းအချက်အလက်များပြည့်စုံစွာပေးရန် စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက်ရန်အချက်များကို ရှင်းလင်းဆွေးနွေး အသိပညာပေးခြင်း၊ ရည်ညွှန်းဈေး သတ်မှတ် ထားသော ကုန်စည်များအား သတ်မှတ်ရည်ညွှန်းဈေးဖြင့် ရောင်းချစေရေး ဆွေးနွေးဟောပြောခြင်းများ ဆောင်ရွက်ခဲ့ပြီး စီးပွားရေးလုပ်ငန်းရှင်နှင့် သက်ဆိုင်သော လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

          ရှမ်းပြည်နယ်(မြောက်ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံး လက်အောက်ရှိ ခရိုင်/မြို့နယ်မှ ဝန်ထမ်းများသည် ဈေးကွက်အတွင်း ရောင်းချလျက်ရှိသော ကုန်စည်များထုတ်ကုန် လုံခြုံစိတ်ချမှုရှိစေရေးအတွက် ဈေးကွက်စောင့်ကြည့်စစ်ဆေးမှုလုပ်ငန်းများ ဆောင်ရွက်လျက်ရှိရာ လားရှိုးခရိုင်မှ မြို့မဈေးကြီးနှင့် ဘူတာဈေးအတွင်းရှိ ကုန်မျိုးစုံရောင်းဝယ်ရေးဆိုင်များ ကျောင်းမုန့်ဆိုင်နှင့် ရပ်ကွက်တွင်းရှိ လက်လီဆိုင်များ၊ စက်သုံးဆီအရောင်းဆိုင်များအား ကွင်းဆင်းစစ်ဆေးဆောင်ရွက်ခဲ့ပါသည်။

          အလားတူ ကျောက်မဲခရိုင်အတွင်မှလည်း စားသောက်ကုန်ပစ္စည်းအရောင်းဆိုင်များ၊ ရပ်ကွက် ထဲရှိ လက်လီဆိုင်များ၊ ဈေးကြီးအတွင်းရှိ ကုန်မျိုးစုံဆိုင်များအားလည်းကောင်း၊ မူဆယ်ခရိုင်အတွင်း မှလည်း ဈေးကွက်အတွင်းရှိကုန်မျိုးစုံရောင်းဝယ်ရေးဆိုင်များ၊ ရပ်ကွက်အတွင်းရှိ လက်လီဆိုင်များ သို့သွားရောက်ကြပြီး တရားမဝင်မှတ်ပုံတင်ခြင်းမရှိသည့် ကုန်စည်များ၊ စားသုံးရန်မသင့်သော တားမြစ်ထားသောအစားအစာများ၊ သက်တမ်းလွန်အစားအစာများ ရောင်းချမှုရှိ/မရှိနှင့် ကုန်စည်များပေါ်တွင် ဖော်ပြရမည့် ကုန်အညွှန်းအမှတ်အသားများ ဖော်ပြထားရှိမှု ရှိ/မရှိ ဈေးကွက်စောင့်ကြည့်စစ်ဆေးခြင်းတို့ကို ဆောင်ရွက်ကြရာမှာ စက်တင်ဘာလအတွင်း အကြိမ်ပေါင်း(၁၄)ကြိမ် စစ်ဆေးဆောင်ရွက်နိုင်ခဲ့ကြောင်းသိရှိရပါသည်။

DOCA(ရှမ်း)

            မွန်ပြည်နယ်၊စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဝန်ထမ်းများသည် ၂၈.၉.၂၀၂၂ ရက်နေ့ (၁၃:၀၀)ချိန်တွင် မုဒုံမြို့နယ် အထက(၃)ကျောင်း၌ စားသုံးသူကာကွယ်ရေး အသိပညာပေးဟောပြောဆွေးနွေးပွဲ ပြုလုပ်ခဲ့သည်။

       အဆိုပါဟောပြောဆွေးနွေးပွဲတွင် မုဒုံမြို့နယ် အထက(၃) ကျောင်းအုပ် ဆရာမကြီး ဒေါ်မို့မို့သိန်းက အဖွင့်အမှာစကား ပြောကြားခဲ့ပြီး စားသုံးသူရေးရာဦးစီးဌာန၊ မော်လမြိုင်ခရိုင် ဦးစီးမှူး ဒေါ်ဝါဝါမြိုင်က စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်၊ လုပ်ငန်းတာဝန်များ၊ စားသုံးသူကာကွယ်ရေး ဥပဒေပါ စားသုံးသူအခွင့်အရေးနှင့် တာဝန်များ၊ ကုန်စည်/ဝန်ဆောင်မှုများ ရွေးချယ်ဝယ်ယူရာတွင် သတင်းအချက်အလက်များကို သေချာစွာ စုံစမ်းရန်၊ ကုန်အညွှန်းအမှတ်အသားဖော်ပြချက်အား သေချာစွာဖတ်ရှု၍ ရွေးချယ်ဝယ်ယူကြရန်၊ ကုန်စည်/ဝန်ဆောင်မှုများကို ဝယ်ယူသုံးစွဲခြင်းကြောင့် စားသုံးသူ ထိခိုက်နစ်နာမှု ဖြစ်ပေါ်လာပါက စားသုံးသူရေးရာဦးစီးဌာနသို့ တိုင်ကြားနိုင်သည့် အကြောင်းအရာများ၊ Consumer Call Center 1535 သို့ ဖုန်းခေါ်ဆို၍လည်း တိုင်ကြားနိုင်ကြောင်း ဟောပြောဆွေးနွေးခဲ့ပါသည်။

          ထို့နောက် တက်ရောက်လာသော ကျောင်းသား၊ ကျောင်းသူများမှ သိလိုသည် များအား မေးမြန်းဆွေးနွေးခဲ့ရာ စားသုံးသူရေးရာဦးစီးဌာန၊ မော်လမြိုင်ခရိုင် ဦးစီးမှူး ဒေါ်ဝါဝါမြိုင်က ပြန်လည် ရှင်းလင်း ဖြေကြားခဲ့ပါသည်။

           အဆိုပါဟောပြောဆွေးနွေးပွဲသို့ ဆရာ၊ ဆရာမ၊ ကျောင်းသား၊ ကျောင်းသူ (၁၅၈) ဦး တက်ရောက်ခဲ့ကြောင်း သိရှိရပါသည်။

DOCA (မွန်)

      စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးနှင့် ဝန်ထမ်းများသည် မွန်ပြည်နယ် မိခင်နှင့်ကလေးစောင့်ရှောက်ရေးအသင်း၊  မွန်ပြည်နယ် ဆီကုန်သည်နှင့် ဆီလုပ်ငန်းရှင် အသင်းတို့ပူးပေါင်း၍ ၂၈.၉.၂၀၂၂ ရက်နေ့ နံနက်ပိုင်းတွင် မော်လမြိုင်မြို့၊ မုပွန်ရပ်ကွက် အုပ်ချုပ်ရေးမှူးရုံးရှေ့နှင့် မုပွန်ဘူတာဟောင်းတို့၌လည်းကောင်း၊ ညနေပိုင်းတွင် မော်လမြိုင်မြို့ မရမ်းကုန်းရပ်ကွက်နှင့် အောင်သုခရပ်ကွက်တို့၌လည်းကောင်း ပြည်သူများသို့ စားသောက်ကုန် များလှူဒါန်းခဲ့ကြကြောင်း သိရှိရသည်။

      အဆိုပါ လှူဒါန်းခြင်းတွင် ဆန်၊ ဆီ၊ အချိုမှုန့်၊ ခေါက်ဆွဲခြောက်တို့အား အိမ်ထောင်စု တစ်စုလျှင် (၁၇၃၀၀) ကျပ်နှုန်းဖြင့် အိမ်ထောင်စု (၁၀၀၀) စု အတွက် စုစုပေါင်းတန်ဖိုးအားဖြင့် (၁၇၃,၀၀,၀၀၀) ကျပ်ခန့် တန်ဖိုးရှိသော စားသောက်ကုန်ပစ္စည်းများအား လှူဒါန်းပေးခဲ့ကြောင်း သိရှိရပါသည်။

DOCA (မွန်)

           မကွေးတိုင်းဒေသကြီး၊ စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင် ဦးဆောင်၍ ဒု-ခရိုင်ဦးစီးမှူး၊ ပခုက္ကူမြို့နယ်တာဝန်ခံနှင့် ဝန်ထမ်းများအဖွဲ့သည် စက်တင်ဘာလ (၂၆)ရက်နေ့၊ နံနက်(၁၀:၀၀)နာရီအချိန်တွင် ပခုက္ကူမြို့တွင်းရှိ စက်သုံးဆီ အရောင်းဆိုင်များအား သတ်မှတ်ထားသော ရည်ညွှန်းဈေးနှုန်းများနှင့် အမှန်တကယ်ရောင်းချခြင်း ရှိ/မရှိ၊ အရည်အသွေး၊ အချင်အတွယ် ပြည့်မှီခြင်း ရှိ/မရှိ ကွင်းဆင်းစစ်ဆေးခဲ့ပါသည်။

          ခရိုင်ဦးစီးမှူးနှင့် ဝန်ထမ်းများအဖွဲ့သည်  ပခုက္ကူမြို့ပေါ်ရှိ စက်သုံးဆီဆိုင်များသို့ ကွင်းဆင်း စစ်ဆေးမေးမြန်းရာ စက်သုံးဆီ(၄)မျိုးကို  သတ်မှတ်ထားသော ရည်ညွှန်းဈေးနှုန်းများဖြင့် ရောင်းချ ပေးနေကြောင်း၊ Diesel (၁)လီတာ (၂၆၉၀)ကျပ်၊ Premium (၁)လီတာ (၂၇၇၅) ကျပ်၊ 92 (၁)လီတာ (၂၁၉၅) ၊ 95 (၁)လီတာ (၂၂၇၀)ကျပ်ဖြင့် ရောင်းချပေးကြောင်း၊ သတ်မှတ်ထားသော စည်းကမ်းချက်များကိုလည်း လိုက်နာဆောင်ရွက်လျက်ရှိကြောင်း၊ နေ့စဉ်စက်သုံးဆီဈေးနှုန်းများကိုလည်း စားသုံးသူရေးရာဦးစီးဌာန၊ မကွေးတိုင်းဒေသကြီးနှင့် ပခုက္ကူခရိုင်ဦးစီးမှူးရုံးသို့ အချိန်နှင့်တစ်ပြေးညီပေးပို့လျက်ရှိကြောင်း၊ မိမိတို့အနေဖြင့် မှန်ကန်သောဈေးနှုန်းဖြင့် ပြန်လည်ရောင်းချပေးပါကြောင်း ဆိုင်မန်နေဂျာများ၏ ပြောကြားချက်အရ လေ့လာသိရှိရပါသည်။

DOCA(မကွေး)