သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ကျုံပျော်ခရိုင်၊ ကျုံပျော်မြို့နယ်တာဝန်ံဒေါ်ခင်မေဝင်းသည် (၂၆.၉.၂၀၂၂)ရက်နေ့တွင် အောင်ဆန်းရပ်ကွက်၊ အုန်းသုံးပင်ကွင်းရှိ တောင်သူ ဦးမြင့်ဆွေပိုင် ၂၀၂၂-၂၀၂၃ မိုးစပါးရိတ်သိမ်းရောင်းချနေမှုအား ကွင်းဆင်းလေ့လာ ဆောင်ရွက်ခဲ့ ပါသည်။

     ထိုသို့လေ့လာဆောင်ရွက်ရာတွင် ၎င်းတောင်သူပိုင် ဆင်းသုခစပါးကြဲခင်း(၇)ဧကအား ရိတ်ခြွေ စက်ဖြင့် ရိတ်ခြွေပြီး စက်ကျစပါးအစို ၅၅ ပေါင်၊ တစ်တင်း(၁၀၀၀ဝိ/-ကျပ်)ဈေးနှုန်းဖြင့် ဒေသပွဲစားထံ ရောင်းချခြင်းဖြစ်ပြီး တစ်ဧက ပျမ်းမျှ ၅၅ ပေါင် အစို(၈၅) တင်းခန့် ထွက်ရှိပါကြောင်းနှင့် တစ်ဧကအတွက် ရိတ်ခြွေခစက်ဖိုး (၈၀၀၀ဝိ/-ကျပ်)နှင့် စပါး(၁၀၀)အတွက် လုပ်သားခ (၂၅၀ဝိ/-ကျပ်) ပေးချေရပါကြောင်း သိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး ၊စားသုံးသူရေးရာဦးစီးဌာန တိုင်းဒေသကြီးဦးစီးမှူးရုံးမှ ဒုတိယတိုင်းဒေသကြီးဦးစီးမှူးဦးထွန်းထွန်း၊ လက်ထောက်ညွှန်ကြားရေးမှူး ဦးကျော်စိုးရီ၊လက် ထောက်ညွှန်ကြားရေးမှူးဒေါ်ဖြူဖြူလတ်နှင့်အဖွဲ့သည် ၂၆.၉.၂၀၂၂ရက်နေ့ နံနက် (၀၉:၀၀)နာရီတွင် ပုသိမ်လေတပ်စခန်းဌာနချုပ် ဟောပြောပွဲခန်းမသို့ သွားရောက်၍ စားသုံးသူအကာအကွယ်ပေးရေး  အသိပညာပေးဟောပြောခဲ့ပါသည်။

        ဟောပြောပွဲတွင် ဒုတိယတိုင်းဒေသကြီးဦးစီးမှူး ဦးထွန်းထွန်းက ဌာနပေါ်ပေါက်လာပုံနှင့် စားသုံးသူကာကွယ်ရေးဥပဒေကို ၂၀၁၉ခုနှစ်၊မတ်လ၁၅ရက်နေ့ ပြည်ထောင်စုလွှတ်တော်အမှတ်(၉) ဖြင့် ပြဌာန်းထားရှိခဲ့ကြောင်း စားသုံးသူတွေမှာ စားသုံးသူအခွင့်အရေး(၈)ရပ်ရှိ၍ ၎င်းအခွင့်အရေး များနှင့်ပတ်ပြီးသိရှိထားရှိရန်လိုအပ်ကြောင်း စားသုံးသူအခွင့်အရေးအပြင်လိုက်နာရမည့် တာဝန်(၄) ရပ်ရှိပြီး စားသုံးသူပြည်သူတိုင်းကုန်စည်/ဝန်ဆောင်မှုများကိုနေ့စဉ်နဲ့အမျှ ဝယ်ယူစာသုံးနေရတာ ဖြစ်လို့ လူတိုင်းစားသုံးသူအခွင့်အရေးကို သိထားသင့်ဖို့လိုကြောင်း အခွင့်အရေးဆုံးရှုံးရင် စားသုံးသူ ရေးရာဦးစီးဌာနမှာရှိတဲ့ စားသုံးသူသတင်းပြန်ကြားရေးနှင့် တိုင်ကြားမှုစင်တာ CICC ရုံးမှာရှိသော နေရာတွေမှာ လူကိုယ်တိုင်ဖြစ်စေ online အသုံးပြုပြီးဖြစ်စေ complaint websiteမှတဆင့် တိုင်ကြားနိုင်ကြောင်း စားသုံးသူအကာအကွယ်ပေးရေးနှင့် ပတ်သက်၍ အသိပညာပေးဟောပြောခဲ့ပါ သည်။

     ဟောပြောပွဲသို့ ပုသိမ်လေတပ်စခန်းဌာနချုပ် အုပ်ချုပ်ရေးတပ်မှူးဒုတိယဗိုလ်မှူးဝင်းမင်ဦး အပါအဝင် ပုသိမ်လေတပ် ခလရ(၂၇၁)၊ အမှတ်(၇)တက္ကသိုလ်လေ့ကျင့်ရေးတပ်မှ အရာရှိ၊ အရာခံ အကြပ်စစ်သည် ရဲမေများအပါအဝင် စုစုပေါင်း-၁၀၀ဦး တက်ရောက်ခဲ့ပြီး တက်ရောက်လာသူများ အား စားသုံးသူအကာအကွယ်ပေးရေးဥပဒေစာအုပ်များနှင့် စားသုံးသူအသိပညာပေးလက်ကမ်း စာ စောင်များဖြန့်ဝေပေးခဲ့ပါသည်။

       ဆက်လက်၍ မွန်းလွဲ (၀၁:၀၀) နာရီ အနောက်တောင်တိုင်းစစ်ဌာနချုပ်ရှိ ဧရာဝတီခန်းမတွင် စခန်းရုံးမှ ဒုတိယဗိုလ်မှူးကြီးသန်းယုအောင် အပါအဝင် တပ်ရင်းတပ်ဖွဲ့ (၁၀)ခုမှ အရာရှိ၊ အရာ ခံ၊ အကြပ်စစ်သည် မိသားစုများနှင့် ရဲမေ စုစုပေါင်းအင်အား (၂၀၀)ဦးအား စားသုံးသူအကာအကွယ်ပေးရေး အသိပညာပေးဟောပြော၍ တက်ရောက်လာသူများအား စားသုံးသူအကာအကွယ်ပေးရေး ဥပဒေစာအုပ်များနှင့် စားသုံးသူအသိပညာပေးလက်ကမ်းစာစောင်များ ဖြန့်ဝေပေးခဲ့ပါသည်။

DOCA(ဧရာဝတီ)

    ကရင်ပြည်နယ်၊ ပြည်နယ်စားသုံးသူရေးရာကော်မတီ၏လုပ်ငန်းညှိနှိုင်းအစည်းအဝေး (၄/၂၀၂၂) ကို ၂၇-၉-၂၀၂၂ ရက် (အင်္ဂါနေ့)၊ နံနက် ၁၀:၀၀ နာရီအချိန်တွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၊ အစည်းအဝေးခန်းမ၌ ကျင်းပရာ အစည်းအဝေးတွင် ကရင်ပြည်နယ်အစိုးရအဖွဲ့၊ စီးပွားရေးရာဝန်ကြီး ပြည်နယ်စားသုံးသူ ရေးရာကော်မတီ ဥက္ကဌ ဦးစောခင်မောင်မြင့်နှင့် ကော်မတီအဖွဲ့ဝင်များ တက်ရောက်ခဲ့ ကြသည်။

   အစည်းအဝေးတွင် ပြည်နယ်စားသုံးသူရေးရာကော်မတီ ဥက္ကဌ ဦးစောခင်မောင်မြင့် က အဖွင့်အမှာစကားပြောကြားခဲ့ပြီး စားသုံးသူရေးရာကော်မတီ  အတွင်းရေးမှူး စားသုံးသူ ရေးရာဦးစီးဌာန၊ ပြည်နယ်ဦးစီးမှူး ဦးသန်းဦးက ဌာနမှ တာဝန်ယူ ဆောင်ရွက်လျက်ရှိသော လုပ်ငန်းစဉ်များ၊ ဌာန၏ ရှေ့ဆက်လုပ်ဆောင်မည့် လုပ်ငန်းစဉ်များနှင့် ယခင်လအစည်း အဝေး ဆုံးဖြတ်ချက်များမှ ဆောင်ရွက်ပြီးစီးမှုအခြေအနေများကို အမှာစာနှင့်တကွ တင်ပြ ဆွေးနွေးခဲ့ပြီး တက်ရောက်လာသော ကော်မတီအဖွဲ့ဝင်များက စားသုံးသူကာကွယ်ရေး ဆိုင်ရာကိစ္စရပ်များနှင့်စပ်လျဉ်း၍ သက်ဆိုင်ရာဌာနအလိုက် ဆောင်ရွက်နေမှု အခြေအနေ များကို ရှင်းလင်းဆွေးနွေးခဲ့ရာ ကော်မတီဥက္ကဌမှ လိုအပ်သည်များ ပေါင်းစပ်ဆောင်ရွက် ပေးခဲ့ပြီး အစည်းအဝေးကို (၁၁:၃၀) နာရီအချိန်တွင် ရုပ်သိမ်းခဲ့သည်။   

   အစည်းအဝေးတွင် ကရင်ပြည်နယ်စားသုံးသူရေးရာကော်မတီဝင် (၈) ဦး တက်ရောက် ခဲ့ပြီး စားသုံးသူရေးရာကိစ္စရပ်များနှင့် စပ်လျဉ်း၍ ဆုံးဖြတ်ချက် (၇) ချက် ဆုံးဖြတ်ခဲ့ကြောင်း သိရသည်။

DOCA(ကရင်)

      ဟင်းသီးဟင်းရွက်စိုက်ပျိုးမှုတွင် စီးပွားဖြစ်စိုက်ပျိုးမှုနှင့် တစ်ပိုင်တစ်နိုင် စိုက်ပျိုးမှုတို့ရှိကြ သည်။ ဘေးကင်းလုံခြုံသော အစားအစာရရှိရန် ငရုတ်၊ ချဉ်ပေါင်၊ ပျဉ်းတော်သိမ်၊ ဥစားနှင့် အမြိတ်စား ကြက်သွန်ဖြူ၊ ကြက်သွန်နီ၊ ကန်စွန်းတို့ကို အိမ်ခြံရှိသူများ စိုက်ပျိုးနိုင်သကဲ့သို့ နေ့စဉ် ဈေးကွက်ရှိနေသော ဟင်းသီးဟင်းရွက်ကို စီးပွားဖြစ်ခြံကြီးများဖြင့် စိုက်ပျိုးမှုကလည်း မြို့ပြ ဝန်းကျင်တစ်ဝိုက်တွင် ရှိလာကြပြီဖြစ်သည်။

        ဟင်းသီးဟင်းရွက် စိုက်ပျိုးမှုများပြားသည်မှာ ဆောင်းရာသီဖြစ်၍ ဒုတိယများပြားသည်မှာ မိုးရာသီဖြစ်သည်။  မိုးရာသီတွင် ရေမဝပ်ရန် စိုက်ခင်းဘောင်အမြင့်ဖြင့် စိုက်ပျိုးကြပြီး ဆောင်းရာသီ တွင် စိုက်ခင်းဘောင် အနိမ့်ဖြင့် စိုက်ကြသည်။

        ဟင်းသီးဟင်းရွက်မှာ စင်တင်ရသောအုပ်စု၊ စင်မတင်ရသောအုပ်စုနှင့် ချုံပုတ်သဖွယ်စိုက်ပျိုး သော အုပ်စုဟူ၍ (၃)အုပ်စု ခွဲခြားနိုင်သည်။ စင်တင်ရသော ဟင်းသီးဟင်းရွက်တွင် ဘူး၊ ဖရုံ၊ သခွား၊ ပဲတောင့်ရှည်၊ ခဝဲ၊ ပဲလင်းမြွေ၊ တိုင်ထောင် ခရမ်းချဉ် ရှိသည်။

         စင်မတင်ရသောအုပ်စုတွင် ငရုတ်၊ ခရမ်း၊ ဒန့်ဒလွန်၊ ဂေါ်ဖီထုပ်၊ ဆလတ်၊ ကြောင်လျှာ၊ ချဉ်ပေါင်၊ ကန်စွန်း၊ မုန်ညင်း၊ ပင်ထောင်၊ ခရမ်းချဉ်၊ ကြက်သွန်၊ ဟင်းနုနယ်၊ နံနံ၊ ပျဉ်းတော်သိမ် စသည်ရှိသည်။

          မြို့ကြီးများ၏ ဘေးဝန်းကျင်အနီးအနား၌ အပင်ကို ချုံပုတ်သဖွယ် စိုက်ပျိုးသော ဟင်းသီးဟင်းရွက်များ စိုက်ပျိုးလာကြရာ လူခါးစောင်းခန့်အမြင့်ရှိအောင် ပြုပြင်ကိုင်းဖြတ်ထားသော ဆူးပုပ်၊ မန်ကျည်း၊ ခွေး‌တောက်၊ ကင်ပွန်းချဉ်၊ ပေါက်ပန်းဖြူတို့စိုက်ပျိုးနိုင်သည်။

         လူနေမှုနှင့် ဈေးကွက်အပေါ် မူတည်၍ ဟင်းသီးဟင်းရွက် စိုက်ပျိုးမှုစနစ်သည် တိုးတက် ပြောင်းလဲလာသည်။ ခြံဝင်းမရှိသူများကလည်း တိုက်ခန်း ဝရန်တာတွင် စိုက်ပျိုးကြသည်။ ခရမ်းချဉ် ဆိုလျှင် စင်တင်နွယ်မျိုးစိုက်ပျိုးမှုများလာသဖြင့်  ဒေသကိုင်းသီး(ကိုင်းခရမ်းချဉ်) ရှားလာသည်။ စပ်မျိုးများ၏ အရည်အသွေးနှင့်အထွက်ကောင်းမှုကို လက်ခံလာကြသလို ဒေသမျိုးဟင်းသီးဟင်းရွက် များကိုလည်း မျိုးထိန်းသိမ်းသင့်ပါသည်။ များသောအားဖြင့် ပဲစောင်းလျား၊ ခရမ်းချဉ်၊ ငရုတ်၊ ကန်စွန်း၊ မုန်လာ၊ ဖရုံတို့သည် ပြည်ပမျိုးများ များပြားလာသည်။ ဒန့်ဒလွန်ပင်မျိုးမှာ ခြောက်လမျိုး (ပြည်ပ)စိုက်ပျိုးလာကြသည်။

          ဟင်းသီးဟင်းရွက်စိုက်ပျိုးမှုတွင် မြေကောင်း၊ မျိုးကောင်း၊ မျိုးသန့်ရမည်။ အထွက်ကောင်း ရမည်။ မြေအစိုဓာတ် မပြတ်ရှိရမည်။ ရေမဝပ်ရ။ ပေါင်းလိုက်၊ မြေဆွ၊ ပိုးမွှားနှင့် ရောဂါကာကွယ် ရမည်။ စားသုံးသူဘေးအန္တရာယ်ကင်းစေရန် သဘာဝပိုးသတ်ဆေးများဖြစ်သည့် တမာ၊ ဆပ်ပြာဖျော်ရည် တို့ကို အသုံးပြုနိုင်သည်။ ပိုးနှင့်ရောဂါကို ခူးဖယ်ရှင်း၊ ကောက်ယူဖယ်ရှင်းစနစ်ဖြင့်လည်း တစ်ပိုင်တစ်နိုင် စိုက်ခင်းများ ပြုလုပ်သင့်သည်။ ကိုယ်တိုင်စိုက်ပျိုးစားသုံးသည်ဆိုကတည်းက ကျန်းမာရေးနှင့် ညီညွတ်သော ဘေးကင်းအစာ၊ ဓာတုဆေးဓာတ်ကြွင်းမပါသည့်အစာကို စားသုံးလို၍ ဖြစ်သည်။

       ထို့ကြောင့် မိုးရာသီမှာ ဟင်းသီးဟင်းရွက်စိုက်ပါ။ မိုးများသော ရန်ကုန်တိုင်း၊ ပဲခူးတိုင်း စသည့် ဒေသကြီးများတွင် ပလတ်စတစ် အကြည်စပေါင်းမိုးဖြင့် စိုက်ခင်းဘောင်အရှည်ပေါ်တွင် မိုး၍ စိုက်ပျိုးနိုင်ပါသည်။ နေပူလျှင် ဖွင့်၊ မိုးရွာလျှင် ဖုံးအပ်မှုဖြင့် မိုးမပြတ်ရွာလည်း စိုက်ပျိုးနိုင်ပါကြောင်း တင်ပြလိုက်ရပါသည်။

DOCA(စစ်ကိုင်း)                                                                                                                                                                                                                                                                                                                                                                                                                                                                           

       ပုဂ္ဂလိကကဏ္ဍဖွံ့ဖြိုးရေးနှင့် ကုန်စည်ထုတ်လုပ်မှုတိုးတက်စေရေးရည်ရွယ်၍ စစ်ကိုင်းတိုင်းဒေသကြီး အစိုးရအဖွဲ့နှင့် တိုင်းဒေသကြီး ကုန်သည်များ၊ စက်မှုလုပ်ငန်းရှင်များအသင်း၊ စက်မှု ဇုန်များ၊ ကုန်စည်ဒိုင်မှလုပ်ငန်းရှင်များနှင့် တွေ့ဆုံပွဲ အခမ်းအနားကို ၂၀၂၂ခုနှစ် စက်တင်ဘာလ (၂၂)ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အခမ်းအနားသို့ တိုင်းဒေသကြီး တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ ကုန်သည်လုပ်ရှင်များ၊ စက်မှုလုပ်ငန်းရှင် များနှင့် တာဝန်ရှိသူများ တက်ရောက်ကြပါသည်။

         အခမ်းအနား၌ တိုင်းဒေသကြီးဝန်ကြီးချုပ်က အဖွင့်အမှာစကားပြောကြားရာတွင် တိုင်းဒေသကြီး ကုန်သည်များနှင့် စက်မှုလုပ်ငန်းရှင်များအသင်း၊ စက်မှုဇုန်များ၊ ကုန်စည်ဒိုင်မှ လုပ်ငန်းရှင်များ၏ တွေ့ကြုံနေရသော အခက်အခဲများနှင့် လိုအပ်ချက်များကို မိမိတို့တိုင်းဒေသကြီး အစိုးရအဖွဲ့မှ ကူညီ ဆောင်ရွက်ပေးသွားမည်ဖြစ်သည့်အတွက် လုပ်ငန်းရှင်များအနေဖြင့် မိမိတို့ရင်ဆိုင်တွေ့ကြုံနေသည့် ကိစ္စရပ်များကို ပွင့်လင်းမြင်သာစွာ ဆွေးနွေးတင်ပြပေးသွားကြရန်ဖြစ်ပါကြောင်း၊ လုပ်ငန်းရှင်များ စိတ်အေးချမ်းသာစွာ လုပ်ငန်းများဆောင်ရွက်နိုင်ရန် သက်ဆိုင်ရာ တိုင်းအဆင့်ဌာနဆိုင်ရာများ အနေဖြင့်လည်း လုပ်ငန်းရှင်များ၏လိုအပ်ချက်များကို အဖြေရှာ၍ ကူညီဆောင်ရွက်ပေးသွားကြရန် ဖြစ်ပါကြောင်း၊ တိုင်းဒေသကြီးအနေဖြင့် စိုက်ပျိုးရေးကို အခြေခံသည့် တိုင်းဒေသကြီးတစ်ခုဖြစ်ပြီး စုစုပေါင်းမြေဧက ၂၃၁ သိန်းကျော်ရှိသည့်အနက် အသားတင်စိုက်ပျိုးမြေ ၄၅.၆ သိန်းဧကကျော် စိုက်ပျိုးပြီး သီးထပ်၊ သီးညှပ်ဧကသိန်း ၉၀ ခန့် စိုက်ပျိုးလျက်ရှိပါကြောင်း၊ သီးနှံပေါင်းစုံ စိုက်ဧက များပြားသည်နှင့်အညီ တောင်သူများလိုအပ်သည့်သီးနှံအလိုက် မျိုးကောင်း၊ မျိုးသန့်မျိုးစေ့များ အလုံအလောက်သုံးစွဲစိုက်ပျိုးနိုင်ရန်အတွက် တိုင်းဒေသကြီးအတွင်း သီးနှံအလိုက် မျိုးစေ့ထုတ် စိုက်ခင်းများဆောင်ရွက်ပြီး အထွက်နှုန်းနှင့် အရည်အသွေးကောင်းမွန်သည့် မျိုးကောင်းမျိုးသန့်များ ထုတ်လုပ်ဖြန့်ဖြူးကြရန်နှင့် တောင်သူများလိုအပ်သည့် စိုက်ပျိုးရေးဆိုင်ရာနည်းပညာများ၊ သွင်းအား စုများ၊ အလွယ်တကူရရှိသုံးစွဲနိုင်ရေး၊ ရာသီချိန်ခါမီ စိုက်ပျိုးနိုင်ရေးတို့အတွက် ဆက်စပ်ဌာနများက ဝိုင်းဝန်းပူးပေါင်းကူညီ ဆောင်ရွက်သွားကြရန် လိုအပ်ပါကြောင်း၊ မြန်မာ့လယ်ယာဖွံ့ဖြိုးရေးဘဏ် အနေဖြင့်လည်း တောင်သူများအတွက် စိုက်ပျိုးစရိတ်ချေးငွေများ အချိန်မီထုတ်ချေးပေးနိုင်ရေး ဆောင်ရွက်ခြင်းတို့ကို စီမံဆောင်ရွက်လျက်ရှိပါကြောင်း၊ စစ်ကိုင်တိုင်းဒေသကြီးအတွင်း ပုဂ္ဂလိက စက်မှုမှတ်ပုံတင်လုပ်ငန်းငန်းများသည် များသောအားဖြင့် (Micro Small and Medium Enterprises) MSME လုပ်ငန်းများဖြစ်သောကြောင့် ၎င်း (Micro Small and Medium Enterprises) MSME လုပ်ငန်းများ ဖွံ့ဖြိုးတိုးတက်ရေးအတွက် အလုပ်အကိုင်အခွင့်အလမ်းများရရှိရေး၊ နည်းပညာ များရရှိရေး၊ ရင်းနှီးမြုပ်နှံမှုများရရှိရေးနှင့် ချေးငွေဆိုင်ရာမူဝါဒများ ပြောင်းလဲသက်မှတ်ရေးများကို အစိုးရအဆက်ဆက်ဆောင်ရွက်ခဲ့သလို မိမိတို့နိုင်ငံတော်စီမံအုပ်ချုပ်ရေးကောင်စီ တာဝန်ယူစဉ် ကာလမှာလည်း လိုအပ်သည်များကို ပံ့ပိုးဆောင်ရွက်ပေးသွားမည်ဖြစ်ပါကြောင်း၊ ကုန်သည် လုပ်ငန်းရှင်များအနေဖြင့် မိမိတို့ အကျိုးအမြတ်ရရှိစေမည့် လက်ရှိလုပ်ငန်း ဆောင်ရွက်နေမှုများကို အရှိန်အဟုန်မပျက် ဆက်လက်ဆောင်ရွက်သွားကြရမည် ဖြစ်ပါကြောင်း၊တိုင်းဒေသကြီးအတွင်းရှိ ကုန်သည်များ၊ စက်မှုလက်မှုလုပ်ငန်းရှင်များ၊ ကုန်စည်ဒိုင်၊ စက်မှုဇုန်များနှင့် စီးပွားရေးအသင်း အဖွဲ့များအနေဖြင့် လုပ်ငန်းဆိုင်ရာလိုအပ်ချက်နှင့် ကူညီဆောင်ရွက်ပေးရန် လိုအပ်မှုများကို ရင်းနှီးပွင့်လင်းစွာ တင်ပြကြစေလိုပြီး မိမိတို့တိုင်းဒေသကြီး အစိုးရအဖွဲ့မှလည်း တက်စွမ်းသမျှ ပေါင်းစပ် ကူညီ ဆောင်ရွက်ပေးသွား မည်ဖြစ်ပါကြောင်း ပြောကြားခဲ့ပါသည်။

       ထို့နောက်တိုင်းဒေသကြီး ကုန်သည်များ၊ စက်မှုလုပ်ငန်းရှင်များအသင်း၊ စက်မှုဇုန်များ၊ ကုန်စည်ဒိုင်မှလုပ်ငန်းရှင်များက မိမိတို့ဆောင်ရွက်နေသော လုပ်ငန်းအခြေအနေများ၊ ထုတ်လုပ် တင်ပို့ရောင်းချနေမှု အခြေအနေများနှင့် ပတ်သက်၍ အသီးသီးရှင်းလင်းတင်ပြကြပြီး တိုင်းဒေသကြီး အဆင့် ဌာနဆိုင်ရာများက မိမိတို့ဌာနများအလိုက် လုပ်ငန်းများဆောင်ရွက်နေမှုများနှင့် ပတ်သက်၍ ရှင်းလင်းဆွေးနွေး တင်ပြကြသည်။ ယင်းနောက် တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း ကုန်ပစ္စည်းများ ထုတ်လုပ်တင်ပို့ရောင်းချနေမှု လုပ်ငန်းများနှင့် ပတ်သက်၍ လိုအပ်သည်များကို ဖြည့်စွက် အကြံပြု ဆွေးနွေးတင်ပြကြသည်။ 

        ထို့နောက် တိုင်းဒေသကြီး ဝန်ကြီးချုပ်က  တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့်ပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားပြီး တွေ့ဆုံပွဲကို ရုပ်သိမ်းခဲ့ကြောင်း သတင်းရရှိပါသည်။

DOCA(စစ်ကိုင်း)