သတင်းနှင့် လှုပ်ရှားမှုများ

    စစ်ကိုင်းတက္ကသိုလ်၌ စားသုံးသူရေးရာဦးစီးဌာန၊ စစ်ကိုင်းခရိုင် ခရိုင်ဦးစီးမှူး ဒေါ်သန်းသန်းတင်၊ ဒု-ခရိုင်ဦးစီးမှူး ဒေါ်ခင်မြတ်မူနှင့် ဝန်ထမ်းများသည်  (၂၃.၂.၂၀၂၃) ရက်နေ့တွင် ဆရာ/ ဆရာမများနှင့် ကျောင်းသား/ကျောင်းသူများ စုစုပေါင်း(၂၇၀)ဦးအားတွေ့ဆုံ၍  စားသုံးသူကာကွယ်ရေး အသိပညာပေး ဟောပြောခြင်းနှင့် စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေ‌ပေးခဲ့ပါသည်။

       ဟောပြောပွဲတွင် ပါမောက္ခချုပ် ဒေါက်တာစိုးမြင့်အေးက အဖွင့်အမှာစကားပြောကြားခဲ့ပြီး နောက် စားသုံးသူရေးရာဦးစီးဌာန၊ ဒု-ခရိုင်ဦးစီးမှူး ဒေါ်ခင်မြတ်မူက စားသုံးသူရေးရာဦးစီးဌာန ပေါ်ပေါက်လာပုံ အဆင့်ဆင့်ကိုဟောပြောပါသည်။ ဆက်လက်၍ စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်သန်းသန်းတင်က စားသုံးသူကာကွယ်ရေးဥပဒေကို ၂၀၁၉ခုနှစ်၊ မတ်လ(၁၅)ရက်နေ့က ပြဌာန်းခဲ့ပြီး၊ အခန်း(၂၅)ခန်းနှင့် ပုဒ်မ ၈၄ ခု ပါဝင်ပါကြောင်း၊ စားသုံးသူကာကွယ်ရေးနည်းဥပဒေကို         ၂၀၂၂ခုနှစ်၊ ဇန်နဝါရီလ(၁၈)ရက်နေ့က ပြဌာန်းခဲ့ပြီးဖြစ်ပါကြောင်း၊ စားသုံးသူကာကွယ်ရေး ဥပဒေ အခန်း(၉) ပုဒ်မ(၁၉)နှင့်ပုဒ်မ(၂၀)တွင် ပြဌာန်းထားသည့် စားသုံးသူအခွင့်အရေး (၈)ချက်နှင့် စားသုံးသူ၏ တာဝန်များ၊ စားသုံးသူကာကွယ်ရေးဥပဒေ အခန်း(၁၈) ပုဒ်မ(၄၁)တွင် စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြမည့် အချက်(၈)တို့ကို လိုက်နာဆောင်ရွက်ရမည်ဖြစ်ပါကြောင်း၊ ပုဒ်မ ၄၁၊ ပုဒ်မခွဲ(ခ)နှင့် ပုဒ်မခွဲ(ဆ)တို့ပါ ကုန်အညွှန်း အမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ်တစ်ခုထက်ပို၍ တွဲလျက်ဖြစ်စေရေးသားဖော်ပြရမည်ဖြစ်ပါကြောင်း၊ ပုဒ်မ(၄၃)ပါပြဌာန်း ချက်နှင့် ကိုက်ညီမှုမရှိသည့် ကုန်စည်ကို ထုတ်လုပ်ခြင်း၊ ကုန်သွယ်ခြင်း သို့မဟုတ် ရောင်းချခြင်းမပြုရန် ပုဒ်မ(၆၈)၌ ပြဌာန်းထားပြီး၊ ပုဒ်မ(၆၈)ပါ တားမြစ်ချက် တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူကို နှစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၂၀၀ထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ပါကြောင်း၊ စားသုံးသူကာကွယ်ရေးဥပဒေသည် စားသုံးသူများကို ကာကွယ်ပေးခြင်းနှင့် လုပ်ငန်းရှင်များကို ထိန်းကြောင်းပေးသည့် ဥပဒေတစ်ခုဖြစ်ပါကြောင်း၊ ပြည်သူတိုင်းသည် စားသုံးသူများဖြစ်ပြီး စားသုံးသူတိုင်းမှာ စားသုံးသူအခွင့်အရေးများရှိပါကြောင်း၊ စားသုံးသူအခွင့်ရေး နစ်နာဆုံးရှုံးမှုများ ဖြစ်ပေါ်ပါက  မိမိတို့ဌာနသို့ လူကိုယ်တိုင် Facebook page နှင့် Website တို့ဖြင့် တိုင်ကြားနိုင်ပါကြောင်း ရှင်းလင်းပြောကြားခဲ့ပြီးနောက် ပါမောက္ခချုပ်က အမှတ်တရဂုဏ်ပြုလက်ဆောင်ပေးအပ်ခြင်းနှင့် စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးက စားသုံးသူကာကွယ်ရေးဥပဒေနှင့် စားသုံးသူကာကွယ်ရေးနည်းဥပဒေစာအုပ်ကို စစ်ကိုင်းတက္ကသိုလ်စာကြည့်တိုက်သို့ လှူဒါန်းခဲ့ပါကြောင်း  သတင်းရရှိပါသည်။

DOCA(စစ်ကိုင်း)

        မြန်မာနိုင်ငံစားသုံးသူကာကွယ်ရေးကော်မရှင်အစည်းအဝေး (၁/၂၀၂၃) ကို (၁.၃.၂၀၂၃) ရက်နေ့တွင် ရုံးချုပ်၌ကျင်းပပြုလုပ်ခဲ့ရာ မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးသည် မွန်ပြည်နယ်အစိုးရအဖွဲ့ရုံး၊ အစည်းအဝေးခန်းမ၌ မွန်ပြည်နယ်စားသုံးသူရေးရာကော်မတီ ဥက္ကဌနှင့်အတူ Zoom Application ဖြင့် တက်ရောက်ခဲ့ပြီး အဆိုပါ အစည်းအဝေးသို့ မွန်ပြည်နယ်စားသုံးသူရေးရာကော်မတီအဖွဲ့ဝင်များပါ တက်ရောက်ခဲ့ပါသည်။

           အဆိုပါအစည်းအဝေးတွင် မွန်ပြည်နယ်စားသုံးသူရေးရာကော်မတီအနေဖြင့် မွန်ပြည်နယ်အတွင်းရှိ စားသောက်ကုန်ထုတ်လုပ်ငန်းများအား ဘေးအန္တရာယ်ကင်းရှင်းပြီး စံချိန်စံညွှန်းပြည့်မီသည့် ကုန်စည်များကို ပြည်တွင်းပြည်ပဈေးကွက်များတွင် တရားဝင်ဖြန့်ဖြူးရောင်းချနိုင်ရန် ဥပဒေနှင့်အညီ လုပ်ငန်းမှတ်ပုံတင်ပေးခြင်းလုပ်ငန်းများ ဆောင်ရွက်ပေးနေသည့် မွန်ပြည်နယ်အသေးစားစက်မှုလက်မှုလုပ်ငန်းဦးစီးဌာန၊ ညွှန်ကြားရေးမှူးနှင့်မွန်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်များအသင်းမှ ကိုယ်စားလှယ်တစ်ဦးအား  မွန်ပြည်နယ် စားသုံးသူရေးရာကော်မတီတွင် အဖွဲ့ဝင်အဖြစ်ထည့်သွင်းဖွဲ့စည်းရန် တင်ပြခဲ့ပါကြောင်း သိရှိရပါသည်။

DOCA(မွန်)

             စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ၊ ဧရာဝတီတိုင်းဒေသကြီး၊ စားသုံးသူရေးရာဦးစီးဌာနသည် မြန်မာနိုင်ငံဆန်စပါးအသင်းချုပ်နှင့်ပူးပေါင်း၍ ဆန်စပါးဥပဒေ(မူကြမ်း) ရှင်းလင်းဆွေးနွေးပွဲကို ဧရာဝတီတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် ပုသိမ်မြို့၊ ဧရာရွှေဝါခန်းမတွင် ၆.၃.၂၀၂၃ ရက်နေ့ နံနက် (၉:၀၀) နာရီအချိန်တွင် ကျင်းပပြုလုပ်ခဲ့ပါသည်။

          အဆိုပါအခမ်းအနားသို့ ဧရာဝတီတိုင်းဒေသကြီး ၊အစိုးရအဖွဲ့ဝန်ကြီးချုပ် ဦးတင်မောင်ဝင်းနှင့်အစိုးရအဖွဲ့ဝင်ဝန်ကြီးများ ၊ တိုင်းဒေသကြီးဥပဒေချုပ် ၊ ပုသိမ်တက္ကသိုလ် ပါမောက္ခချုပ်နှင့်တိုင်းအဆင့်ဌာနဆိုင်ရာအကြီးအကဲများ ၊ ရုံးချုပ်မှတာဝန်ရှိသူများ ၊ မြန်မာနိုင်ငံဆန်စပါးအသင်းမှ အထွေထွေအတွင်းရေးမှူး ဦးလူမော်မြင့်မောင်နှင့်တာဝန်ရှိသူများ၊ ဧရာဝတီတိုင်းဒေသကြီးစားသုံးသူရေးရာဦးစီးဌာနမှ တိုင်းဒေသကြီးဦးစီးမှူးနှင့်အရာထမ်း / အမှုထမ်း များ ၊ ဧရာဝတီတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်မှ ဥက္ကဌနှင့်တာဝန်ရှိသူများ ၊ မြန်မာနိုင်ငံဆန်စပါးကုန်သည်များအသင်းခွဲ (ဧရာဝတီ)၊ မြန်မာနိုင်ငံဆန်စက်လုပ်ငန်းရှင်များအသင်းခွဲ (ဧရာဝတီ) ၊ မြန်မာနိုင်ငံစိုက်ပျိုးထုတ်လုပ်သူများအသင်းခွဲ (ဧရာဝတီ)၊ တိုင်းဒေသကြီး တောင်သူလယ်သမားဖွံ့ဖြိုးရေးအသင်းများမှ ဥက္ကဌ နှင့် တာဝန်ရှိသူများ၊ ခရိုင် / မြို့နယ်များမှ စက်ပိုင် ၊ ကုန်သည်၊ တောင်သူများ စုစုပေါင်းအင်အား (၁၅၇) ဦးတက်ရောက်ခဲ့ပါသည်။

          ဆန်စပါးဥပဒေ (မူကြမ်း) ဆွေးနွေးပွဲတွင် ပထမပိုင်းအစီအစဉ်အရ တိုင်းဒေသကြီးအစိုးရအဖွဲ့ ဝန်ကြီးချုပ်က အဖွင့်အမှာစကားပြောကြားခြင်း၊ စားသုံးသူရေးရာဦးစီးဌာန တိုင်းဒေသကြီးဦးစီးမှူး ဦးစိုးအောင်က ဆွေးနွေးပွဲကျင်းပရခြင်းနှင့်စပ်လျဉ်း၍ ရှင်းလင်းပြောကြားခြင်း၊ မြန်မာနိုင်ငံဆန်စပါးအသင်းချုပ် အထွေထွေအတွင်းရေးမှူး ဦးလူမော်မြင့်မောင်က ဆန်စပါးဥပဒေ (မူကြမ်း) နှင့်အသင်းချုပ်မှ ပူးပေါင်းဆောင်ရွက်နေမှုများကို ရှင်းလင်းတင်ပြဆွေးနွေးခြင်း၊ စုပေါင်းမှတ်တမ်းတင် ဓါတ်ပုံရိုက်ခြင်းများကိုဆောင်ရွက်ခဲ့ပါသည်။

          ဒုတိယပိုင်းအစီအစဉ်အရ စားသုံးသူရေးရာဦးစီးဌာန (ရုံးချုပ်) မှ လက်ထောက်ညွှန်ကြားရေးမှူး ဒေါ်ယုသီရိဗို က ဥပဒေ(မူကြမ်း) တွင် ပါဝင်သည့် အခန်း (၁၀) ခန်းနှင့် ပုဒ်မ (၅၁) ခုအား Power  Point ဖြင့်ရှင်းလင်းဆွေးနွေးပြီး တက်ရောက်လာသူများမှ ဥပဒေတွင် ထပ်မံဖြည့်စွက်ရမည့် အချက်များ ၊ မပါဝင်သင့်သည့်အချက်များအား အကြံပြုဆွေးနွေးကာ ဥပဒေ (မူကြမ်း) တစ်ရပ်လုံးအပေါ်  လွှမ်းခြုံ၍ အကြံပြုဆွေးနွေးခဲ့ပြီး ဆွေးနွေးချက်ရလဒ်များအားဖေါ်ထုတ်ခဲ့ပါသည်။

          နိဂုံးချုပ်အနေဖြင့် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်က ယခုလို ဆန်စပါး အများဆုံးထွက်ရှိရာ ဧရာဝတီတိုင်းဒေသကြီးတွင် ဆန်စပါး ဥပ‌ဒေ (မူကြမ်း) အား လာရောက်ချပြ ရှင်းလင်းဆွေးနွေးသည့်အတွက်တက်ရောက်လာကြသော သက်ဆိုင်ရာ ဌာန / အဖွဲ့အစည်း / အသင်း  / စက်ပိုင် ၊ ကုန်သည် ၊ တောင်သူများအားလုံးကို ကျေးဇူးတင်ရှိပါကြောင်းနှင့်လိုအပ်သည်များကို ပြန်လည်ဖြည့်စွက်၍ အချိန်ယူဆွေးနွေးပြီး ဆန်စပါးဥပဒေ အမြန်ဆုံးထွက်ရှိနိုင်ရေးအတွက် မိမိတို့တိုင်းဒေသကြီးအစိုးရအဖွဲ့အနေဖြင့်လည်း ကူညီဆောင်ရွက်ပေးမည်ဖြစ်ကြောင်းပြောကြားခဲ့ပြီး ဆန်စပါးဥပဒေ(မူကြမ်း) ရှင်းလင်းဆွေးနွေးပွဲအား ညနေ (၁၅:၃၀)နာရီတွင် ပြီးမြောက်ခဲ့ပါကြောင်း သတင်းရရှိပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံး (CICC)ခန်းမ၌  (၂၈.၂.၂၀၂၃)ရက်နေ့ နေ့လယ်(၁၃:၀၀)နာရီအချိန်တွင် ဝန်ထမ်းစွမ်းဆောင်ရည်မြှင့်တင်ရေး Thursday Talk အသိပညာပေးဆွေးနွေးပွဲ ကျင်းပပြုလုပ်ခဲ့ရာ ဝန်ထမ်း(၁၈)ဦး တက်ရောက်ခဲ့ပါသည်။

          အဆိုပါ Thursday Talk အသိပညာပေးဆွေးနွေးပွဲတွင် ခရိုင်ဦးစီးမှူး ဦးဝေဠုအောင်က အဖွင့်အမှာစကားပြောကြားခဲ့ပြီး ဦးစီးမှူးဒေါ်စန်းမြင့်ရီက စားသုံးသူ ကာကွယ်ရေးဥပဒေ(၂၀၁၉) ပြဌာန်းချက်ပါ အခန်း(၁)မှ အခန်း(၄)ထိ ဆွေးနွေးခဲ့ရာ ဥပဒေ၏အမည်၊ စတင်အာဏာတည်ခြင်းနှင့်အဓိပ္ပာယ်ဖော်ပြချက်များ၊ ပုဒ်မ-၂ ပါ အဓိပ္ပာယ်ဖော်ပြချက်များမှ စားသုံးသူအခွင့်အရေးနှင့်အကျိုးစီးပွားကာကွယ်ပေးခြင်း၊ စားသုံးသူ၏အဓိပ္ပာယ်၊ စီးပွားရေးလုပ်ငန်းရှင်၊ ကုန်စည်၊ ဝန်ဆောင်မှု၊ ကုန်သွယ်မှု၊ လိမ်လည်လှည့်ဖြားခြင်း၊ ထင်ယောင်ထင်မှားဖြစ်ခြင်း၊ ကြော်ငြာခြင်း၊ အရောင်းမြှင့်တင်ခြင်း၊ နစ်နာဆုံးရှုံးမှု၊ ကုန်အညွှန်းအမှတ်အသား၊ ဘေးအန္တရာယ်ရှိသောကုန်စည်(သို့) ဝန်ဆောင်မှုစသည့် ပုဒ်မ(၂)ပါ အချက်များ၊ အခန်း(၂)တွင် စားသုံးသူကာကွယ်ရေးဥပဒေ၏ ရည်ရွယ်ချက်(၈)ရပ်၊ အခန်း(၃)တွင် မြန်မာနိုင်ငံ စားသုံးသူကာကွယ်ရေးကော်မရှင် ဖွဲ့စည်းပုံနှင့် ကော်မတီတွင် ဖွဲ့စည်းရမည့်အဖွဲ့ဝင်ဦးရေ ကော်မရှင်ဥက္ကဌ၏တာဝန်များ၊ နိုင်ငံဝန်ထမ်းမဟုတ်သော ကော်မရှင်အဖွဲ့ဝင်များ၏ခံစားခွင့်များ၊ အတွင်းရေးမှူး၏တာဝန်များနှင့် အခန်း(၄)တွင် ကော်မရှင်၏ လုပ်ပိုင်ခွင့်နှင့်လုပ်ငန်းတာဝန်များအား ရှင်းလင်းဆွေးနွေးခဲ့ပါသည်။

          ဆက်လက်၍ ဦးစီးမှူး ဦးမြတ်မင်းက စားသုံးသူကာကွယ်ရေးဥပဒေ အခန်း(၆)တွင် ပြဌာန်းထားသော စစ်ဆေးရေးအရာရှိ၏လုပ်ငန်းတာဝန်များမှ စောင့်ကြည့်စစ်ဆေးခြင်းအချက်(၆)ချက် တင်ပြခြင်း(၄)ချက်၊ ဦးစီးဌာနနှင့် ဦးစီးမှူးရုံးက အခါအားလျော်စွာပေးအပ်သော လုပ်ငန်းတာဝန်များ ဆောင်ရွက်ခြင်းစသည့် တာဝန်(၁၁)ချက်နှင့်အခန်း(၇) စစ်ဆေးရေးအရာရှိ၏ အခန်းကဏ္ဍတွင် ပုဒ်မ-၄၅ မှ ပုဒ်မ ၅၅ ထိ ပြဌာန်းထားသောစစ်ဆေးရေးအရာရှိများ ဆောင်ရွက်ရမည့်တာဝန်များအား အသေးစိတ် ဆွေးနွေးခဲ့ကြောင်းသိရှိရပါသည်။

DOCA(မ‌ကွေး)

     စားသုံးသူရေးရာဦးစီးဌာန၊ ဘားအံခရိုင်ဦးစီးမှူးဦးမျိုးဝင်းနိုင်ပါ ဝန်ထမ်းများသည် (၅-၃-၂၀၂၃) ရက်နေ့ နေ့လယ် (၁၄:၀၀)နာရီအချိန်တွင် ကရင်ပြည်နယ်ဘားအံမြို့၊ မြို့မဘောလုံးကွင်းတွင် ကျင်းပသော ရွှေယာဉ်မျှော်ဘုရားပွဲတော် (စတုဒီသာ)တွင် ကျွေးမွေးတည်ခင်းဧည့်ခံသော မုန့်ပဲသရေစာ များ သန့်ရှင်းလတ်ဆတ်မှုရှိစေရေးနှင့် ထုတ်ကုန်များလုံခြုံစိတ်ချရမှုရှိစေရေး ကြပ်မတ်စစ်ဆေးခဲ့ကြောင်း သိရသည်။

    ထို့သို့စစ်ဆေးရာတွင် စားသုံးသူရေးရာဦးစီးဌာန၊ ခရိုင်ဦးစီးမှူးဦးမျိုးဝင်းနိုင်ပါ ဝန်ထမ်းများ သည် စတုဒီသာပွဲတော်တွင် ကျွေးမွေးဧည့်ခံသော မုန့်ပဲသရေစာများ သန့်ရှင်းလတ်ဆတ်မှုရှိစေရေး အလေးပေးစစ်ဆေးခဲ့ပြီး စတုဒီသာကျွေးမွေးသော အသင့်စား၊အစားအသောက်နှင့် အအေးများတွင် ကုန်အညွှန်းအမှတ်သားပြည့်စုံမှန်ကန်စေရေးနှင့် သက်တမ်းလွန်စားသောက်ကုန်များ မပါရှိစေရေး ဝိုင်းဝန်းကြပ်မတ်စစ်ဆေးပေးခဲ့ကြောင်း သိရသည်။

     ရွှေယာဉ်မျှော်ဘုရားပွဲတော်သည် နှစ်စဉ်တပေါင်းလပြည့်နေ့ရောက်တိုင်း ဘားအံမြို့နယ်ရှိ သံဃာတော်များကို ပင့်ဖိတ်၍ ဆွမ်းဆန်စိမ်းများ လောင်းလှူဒါန်းကြကာ ကြွရောက်လာ ဧည့်ပရိတ်သတ်များကို စတုဒီသာ မုန့်မျိုးစုံများကို ခင်းကျင်းကျွေးမွေးလေ့ရှိကြောင်း သိရသည်။

DOCA(ကရင်)