သတင်းနှင့် လှုပ်ရှားမှုများ

      စစ်ကိုင်းတိုင်းဒေသကြီး၊  စားသုံးသူရေးရာကော်မတီ (၅/၂၀၂၂)   အကြိမ်မြောက် အစည်းအဝေးကို (၃၁.၈.၂၀၂၂) နေ့ ညနေ (၃း၀၀) နာရီအချိန်တွင် စစ်ကိုင်းတိုင်းဒေသကြီးတိုင်းအစိုးရရုံး အစည်းအဝေးခန်းမ၌ ကျင်းပရာ စီးပွားရေးရာဝန်ကြီး စားသုံးသူရေးရာကော်မတီ ဥက္ကဌ ဒေါ်ရီရီသန်းက အဖွင့်အမှာစကားပြောကြားပြီး  ကော်မတီအဖွဲ့ဝင်များ၊ဌာနဝန်ထမ်းများ စုစုပေါင်း (၁၅) ဦးတက်ရောက်ခဲ့ကြောင်း သတင်းရရှိပါသည်။

    စားသုံးသူရေးရာကော်မတီဥက္ကဌ ဒေါ်ရီရီသန်းက အဖွင့်အမှာစကားပြောကြားရာတွင် ယခုလိုအစည်းအဝေးတက်ရောက်လာကြပါသော ကော်မတီအဖွဲ့ဝင်များ၊နှင့် ဌာနဝန်ထမ်းများ အားလုံးမင်္ဂလာပါလို့ နှုတ်ခွန်းဆက်သပြီး ဌာန၏လုပ်ငန်းတာဝန်များကို လစဉ်လျာထားချက် ပြည့်မီကျော်လွန်အောင် ဆောင်ရွက်နိုင်မှု၊စားသုံးသူ အများ ကျယ်ကျယ်ပြန့်ပြန့် သိရှိနိုင်စေရန် တက္ကသိုလ်ကျောင်း၊ သင်တန်းကျောင်း၊ အခြေခံပညာအထက်တန်း ကျောင်း၊များတွင် စားသုံးသူ အသိပညာ‌ပေးလုပ်ငန်းများ ဆောင်ရွက်နိုင်ခြင်း၊   လုပ်ငန်းရှင်များနှင့်တွေ့ဆုံ၍ စီးပွားရေး လုပ်ငန်းရှင်များ၏ လုပ်ငန်းတာဝန်များ၊ စည်းကမ်းလိုက်နာဆောင်ရွက်စေရန်များ ပညာပေး ဆွေးနွေးခြင်း၊ မိတ်ဖက်ဌာနများနှင့်ပူး ပေါင်း၍ စျေးကွက်စောင့်ကြည့် စစ်ဆေးဆောင်ရွက် ခြင်းများ၊ဆောင်ရွက်နိုင်မှုများကိုသိရပါ၍ ကောင်းမွန်သော ဆောင်ရွက်မှုများဖြစ်ကြောင်းနှင့် ရှေ့ဆက်ဆောင်ရွက်မည့်လုပ်ငန်းများအား တက်ရောက်လာသောကော်မတီအဖွဲ့ဝင်များက ဝိုင်းဝန်းအကြံပြုဆွေးနွေးစေလိုကြောင်း  လိုအပ်ချက်များရှိပါက ကော်မတီသို့တင်ပြ၍ပူးပေါင်း ဆောင်ရွက်ရမည်ဖြစ်ကြောင်း ဆွေးနွေးပြောကြားသွားပါသည်။ ဆက်လက်၍ စားသုံးသူ ရေးရာကော်မတီအတွင်းရေးမှူး စစ်ကိုင်းတိုင်းဒေသကြီးဦးစီးမှူး ဦးကျော်ကျော်လွင်က (၄/၂၀၂၂) ကြိမ်မြောက် အစည်းအဝေးဆုံးဖြတ်ချက်များ ဆောင်ရွက်ပြီးစီးမှုအခြေအနေ အတည်ပြုနိုင်ရန်၊ လစဉ် လျာထားချက်များအလိုက် ဆောင်ရွက်နိုင်မှုအခြေအနေများ၊ ရှေ့ဆက်လက် ဆောင်ရွက်မည့်အခြေအနေများအား အမှာစာ(၃)စောင်ဖြင့် တင်ပြ၍ အသေးစိတ်ရှင်းလင်းဆွေးနွေး ပြောကြားခြင်း၊ကော်မတီအဖွဲ့ဝင်များမှလည်း တင်ပြဆွေးနွေးလာ သည့် လုပ်ငန်းဆောင်ရွက်မှု အခြေအနေများအား ပူပေါင်းဆောင်ရွက်အကြံပြုဆွေးနွေးခြင်းနှင့် ကော်မတီဥက္ကဌက လစဉ် ဆောင်ရွက်နိုင်မှုလိုအပ်ချက်အားသာချက် အားနည်းချက်များကို ပူးပေါင်းပါဝင်ဆောင်ရွက်ကြသည်များကို ကျေးဇူးတင်ပါကြောင်းနှင့် အမှာစာ (၃)စောင်ဖြင့် တင်ပြဆွေးနွေးမှုများအား အတည်ပြုခြင်း၊ လူစည်ကားရာ မြို့ရွာများတွင် စားသုံးသူအသိပညာပေး ဗီနိုင်းချိတ်ဆွဲနိုင်ရေး ကိစ္စများအပေါ် ကော်မတီအဖွဲ့ဝင်များက အကြံပြုဆွေးနွေးခြင်းများ ဆောင်ရွက်ခဲ့ကြပြီး  စားသုံးသူရေးရာကော်မတီ အစည်းအဝေး (၅/၂၀၂၂)ကြိမ်မြောက် အစည်းအဝေးကို အောင်မြင်စွာ ကျင်းပဆောင်ရွက်နိုင်ခဲ့ကြောင်း သတင်းရရှိပါသည်။

DOCA(စစ်ကိုင်း)

   စားသုံးသူရေးရာဦးစီးဌာနသည် စားသုံးသူအခွင့်အရေးများကို သိရှိနားလည်စေရန် စားသုံးသူကာကွယ်ရေး အသိပညာပေးဟောပြောပွဲလုပ်ငန်းများ ဆောင်ရွက်ခြင်းနှင့် စားသုံးသူများဘေးအန္တရာယ်ကင်းရှင်းရေး၊ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်း လုပ်ငန်းများ လုပ်ဆောင်လျှက်ရှိရာ ၂၀၂၂ခုနှစ်၊ ဩဂုတ်လ ၂၆  ရက်နေ့ (၁၀:၀၀)အချိန်တွင် စားသုံးသူရေးရာဦးစီးဌာန ၊ မိတ္ထီလာခရိုင်၊ ခရိုင်ဦးစီးမှူးရုံး ၊ ခရိုင်ဦးစီးမှူး၏ လမ်းညွှန်ချက်ဖြင့် ပျော်ဘွယ်မြို့နယ် တာဝန်ခံနှင့် ဝန်ထမ်းများသည် ပျော်ဘွယ်မြို့နယ်အတွင်းရှိ ကုန်စုံဆိုင်များအား ကွင်းဆင်းစစ်ဆေးမှုများ   ပြုလုပ်ခဲ့ပါသည်။

  စားသုံးသူပြည်သူများ နေ့စဉ်ဝယ်ယူစားသုံးနေသော ကုန်စည်များနှင့်ပတ်သက်သော သတင်း အချက်အလက်များကို စားသုံးသူပြည်သူများအား မှန်ကန်စွာသိရှိစေရေး၊ လုပ်ငန်းရှင်များအနေဖြင့် ကုန်အညွှန်းအမှတ်အသားများကို ဖော်ပြရာတွင် ၂၀၁၉ စားသုံးသူကာကွယ်ပေးရေး ဥပ‌‌ဒေပြဌာန်းချက် များကို လိုက်နာပြီးထုတ်ကုန်လုံခြုံ စိတ်ချရမှုရှိသော ကုန်ပစ္စည်းများကို ထုတ်လုပ်အသုံးပြုနိုင်ရေးနှင့် စားသုံးသူအခွင့်အ‌ရေးများ နစ်နာဆုံးရှုံးမှုမရှိစေရေးအတွက် ရည်ရွယ်၍ စျေးကွက်စောင့်ကြည့် စစ်ဆေးခြင်းများကို ဆောင်ရွက်ခဲ့ပါသည်။

      ကွင်းဆင်းစစ်ဆေးရာတွင် ပျော်ဘွယ်မြို့နယ် တာဝန်ခံမှ  စားသုံးသူကာကွယ်‌ရေး ဥပ‌ဒေပါ စီးပွားရေးလုပ်ငန်းရှင်၏ တာဝန်များ၊ အခန်း (၁၅)ပါ ကုန်စည် သို့မဟုတ် ဝန်ဆောင်မှု လုံခြုံစိတ်ချရမှုအကြောင်း၊ အခန်း(၁၇)ပါ ကုန်စည်နှင့် ဝန်ဆောင်မှုအပေါ် တာဝန်ရှိမှအချက်များအကြောင်း၊ အခန်း (၁၉) ပါ တိုင်ကြားခြင်းနှင့် စိစစ်ညှိနှိုင်း ဖြေရှင်းဆောင်ရွက်ခြင်းများအကြောင်း၊ စားသုံးသူကာကွယ် ရေးဥပဒေ (၁၈) ပါ ကုန်အညွှန်းအမှတ် အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်း ရှင်မဆို ပုဒ်မ (၄၁) ပုဒ်မခွဲ (ခ)နှင့် (ဆ) တို့ပါ ကုန်အညွှန်းအမှတ်အသား ဖော်ပြရာတွင် မြန်မာ ဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက် ပို၍တွဲလျှက်ဖြစ်စေ ရေးသားဖော်ပြထားသော ကုန်ပစ္စည်းများကိုသာ စားသုံးသူများ ဘေးကင်းလုံခြုံမှုရှိစေရေးအတွက် ရောင်းချဖြန့်ဖြူးရမည်ဖြစ်ကြောင်း၊ ကုန်စည်ကြောင့် စားသုံးသူများ ထိခိုက်နစ်နာ မှုရှိပါက တာဝန်ယူ ဖြေရှင်းပေးရမည် ဖြစ်ပြီး အာမခံမှုနှင့်အညီဆောင်ရွက်ပေးမှုမရှိပါက စားသုံးသူမှတိုင်ကြားနိုင်သည့် အခွင့်အရေးရှိပြီး ဌာနနှင့် စားသုံးသူကာကွယ်ရေးကော်မတီတို့၏ စီမံခန့်ခွဲရေးနည်းလမ်းအရအရေးယူနိုင်သည့် အချက်အလက်များကို အသေးစိတ်ရှင်းလင်း ဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရပါသည်၊၊

DOCA(မန္တလေး)

       စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီသည် စားသုံးဆီများ သတ်မှတ်အရည်အသွေး စံချိန်စံညွှန်းများနှင့် ပြည့်မီစေရေး၊ စားသုံးသူပြည်သူများ ကျန်းမာရေးနှင့် ညီညွတ်သော စားသုံးဆီများဝယ်ယူ သုံးစွဲနိုင်ရေး၊ စျေးနှုန်းတည်ငြိမ်စွာဖြင့် ဝယ်ယူသုံးစွဲနိုင်ရေးတို့ အတွက် ကြီးကြပ်ထိန်းကျောင်းဆောင်ရွက်လျက်ရှိပါသည်။ထိုသို့ ဆောင်ရွက်ရာတွင် ဒေသအလိုက် စျေးကားဖြင့် လှည့်လည်ရောင်းချမည့်အစီအစဉ်ကိုလည်း ထည့်သွင်းဆောင်ရွက်လျက်ရှိရာ (၂၃-၈-၂၀၂၂) ရက်နေ့မှစ၍ နေ့စဉ် (၂၈-၈-၂၀၂၂) ထိ ယာဉ်(၆)စီးဖြင့် မိတ္ထီလာခရိုင်အတွင်း   မိတ္ထိလာမြို့နယ်၊ ဝမ်းတွင်းမြို့နယ်၊ သာစည်မြို့နယ်များရှိ ရပ်ကွက်၊ ကျေးရွာ၊ စျေးများတွင်လည်းကောင်း ၊ ရမည်းသင်းခရိုင် ရမည်းသင်းမြို့နယ်နှင့် ပျော်ဘွယ်မြို့နယ်များရှိ ရပ်ကွက်၊ ကျေးရွာ၊ စျေးများတွင်လည်းကောင်း တစ်ပိဿာလျှင် (၄၁၀၀ိ/-)နှုန်းဖြင့် ပီပါ (၆၀) ပီပါ၊ (၅၅၀၀ိ/-)နှုန်းဖြင့် (၁၄၄) ပီပါ ရောင်းချခဲ့ရာ မိတ္ထီလာခရိုင်၊ စားသုံးသူရေးရာဦးစီးဌာနမှ ကွင်းဆင်းကြပ်မတ် ဆောင်ရွက်ခဲ့ကြောင်း သိရှိရပါသည်။

DOCA(မန္တလေး)

မုံရွာ၊ ဩဂုတ် ၃၁

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနအနေဖြင့် စားသုံးသူများဘေးအန္တရာယ်ကင်း ရှင်းစေရေး၊ ထုတ်ကုန်များလုံခြုံစိတ်ချရမှုရှိစေရေး၊ ဘေးအန္တရာယ်ရှိသော ကုန်စည်များ ဈေးကွက် အတွင်းမှ ပပျောက်သွားစေရေးနှင့် စားသုံးသူကာကွယ်ရေး ဥပဒေပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားပြည့်စုံစွာဖော်ပြထားမှု အခြေအနေတို့နှင့်စပ်လျဉ်း၍   ဈေးကွက်စောင့်ကြည့်စစ်ဆေးခြင်းလုပ်ငန်းများအား တိုင်းဒေသကြီးအတွင်းရှိ ခရိုင်၊ မြို့နယ်များတွင် လစဉ်ဆောင်ရွက်လျက်ရှိကြောင်းသိရှိရပါသည်။

   ထိုသို့စောင့်ကြည့်စစ်ဆေးနိုင်ရန် စားသုံးသူရေးရာဦးစီးဌာနမှ ဒုတိယဦးစီးမှူးအောက်မနိမ့်သူကို စစ်ဆေးရေးမှူးအဖြစ် ခန့်အပ်တာဝန်ပေး၍ စားသုံးသူကာကွယ်ရေးလုပ်ငန်းများကို ဆောင်ရွက်လျက် ရှိပါသည်။ ဈေးကွက်စောင့်ကြည့်စစ်ဆေးရာတွင် မိမိတို့ဌာနမှဦးဆောင်၍သော်လည်းကောင်း၊ မိတ်ဖက် ဌာနများဖြစ်သည့် အစားအသောက်နှင့်ဆေးဝါးကွပ်ကဲရေးဦးစီးဌာန၊ ကျန်းမာရေး၊ စည်ပင်၊ စိုက်ပျိုးရေး၊ အထွေထွေအုပ်ချုပ်ရေးဦးစီးဌာနတို့ပါဝင်သော အဖွဲ့ဖြင့်သော်လည်းကောင်း စောင့်ကြည့်စစ်ဆေးခြင်း လုပ်ငန်းများ ဆောင်ရွက်လျက်ရှိပါသည်။

   စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနအနေဖြင့် စားသုံးသူများဘေးအန္တရာယ်ကင်းရှင်းရေး၊ ထုတ်ကုန်များလုံခြုံစိတ်ချရမှုရှိစေရေး၊ ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်း စွာအသုံးပြုခွင့်ရရှိစေရေး၊ ဘေးအန္တရာယ်ရှိသော ကုန်စည်များဈေးကွက်အတွင်းမှ ပပျောက်သွားစေရေး တို့အတွက် ၂၀၂၂ခုနှစ် ဩဂုတ်လတွင် ဈေးကွက်အတွင်းရောင်းချနေသော စားသောက်ကုန်များ၊ လူသုံးကုန်များအား ဈေးကွက်စောင့်ကြည့်စစ်ဆေးရေးလုပ်ငန်းများ (၃၀)ကြိမ် ဆောင်ရွက်ခဲ့ကြောင်း၊ ထိုသို့ဆောင်ရွက်ရာတွင် စစ်ကိုင်းတိုင်းဒေသကြီးအနေဖြင့် တစ်နှစ်စာအတွင်း ဦးစားပေးဆောင်ရွက်ရန် လျာထားသည့်  ကုန်စည် (၇) မျိုးဖြစ်သည့် အချိုရည်၊ စားသုံးဆီ၊ သွားတိုက်ဆေး၊ ဆပ်ပြာခဲ၊ ဆပ်ပြာမှုန့်၊ ဆပ်ပြာရည်၊ ခေါက်ဆွဲခြောက်၊ စက်သုံးဆီနှင့် အသားလုံး၊ အသားချောင်းများစစ်ဆေးခြင်း၊ မှတ်ပုံတင်ခြင်းမရှိသော ဆေးဝါးများ၊ အလှကုန်ပစ္စည်း၊ ခွင့်ပြုချက်မပါသော စားသောက်ကုန်များအား ဈေးကွက်စောင့်ကြည့်စစ်ဆေးခြင်းတို့ဆောင်ရွက်ခဲ့ကြောင်း၊ စားသုံးသူများအနေဖြင့်  ကုန်စည်များ ဝယ်ယူအသုံးပြုရာတွင် ယင်းကုန်စည်နှင့်ပတ်သက်သည့်သတင်းအချက်အလက်များ ပြည့်စုံစွာရရှိနိုင်ပြီး စားသုံးသူ၏လိုအပ်ချက်နှင့်ကိုက်ညီသည့်ကုန်စည်များအားရွေးချယ်ဝယ်ယူနိုင်စေရေးအတွက် စားသုံးသူ ကာကွယ်ရေးဥပဒေပါ မြန်မာဘာသာဖြင့် ကုန်အညွှန်း အမှတ်အသားပြည့်စုံစွာဖော်ပြနိုင်ရေး၊ ဌာန၏ အတည်ပြုချက်ရယူရန်တင်ပြလာပါက ဌာနမှ ဥပဒေနှင့်ကိုက်ညီမှု ရှိ/မရှိ စိစစ်ပြန်ကြားပေးနိုင်ရေးတို့ကို ဆွေးနွေးအသိပေးပြောကြားခဲ့ပြီး သက်ဆိုင်ရာဌာနများမှလည်း သတ်မှတ်လိုင်စင်များ ရှိ/မရှိ စစ်ဆေးပြီး၊ လိုင်စင် လျှောက်ထားနိုင်ရေး၊ သက်တမ်းကုန်လိုင်စင်များအား သက်တမ်းတိုးဆောင်ရွက် နိုင်ရေး၊ စားသုံးရန် သို့မဟုတ် အသုံးပြုရန် မသင့်သည့် ကုန်စည်များအား ရောင်းချခြင်းမပြုစေရေး အသိပညာပေးပြောကြားခဲ့ပါသည်။

DOCA(စစ်ကိုင်း)

      ရန်ကုန်တိုင်းဒေသကြီး တွံတေးခရိုင် ကွမ်းခြံကုန်းမြို့နယ် ဈေးပိုင်းရပ်ကွက် သုံးပန်လှလမ်းတွင် နေထိုင်သော ဦးမျိုးဝင်းနှင့် ဒေါ်လှအုန်းတင်တို့မှ လင်္ကာဒီပ ပဲမုန့်လုပ်ငန်းကို မိသားစု တစ်ပိုင်တစ်နိုင် လုပ်ငန်းအဖြစ် ယနေ့တိုင်လုပ်ကိုင်လျက်ရှိကြကြောင်း လေ့လာသိရှိရသည်။ ဦးမျိုးဝင်းနှင့် ဒေါ်လှအုန်း တင်တို့သည် ယခင်က လင်္ကာဒီပအမည်ဖြင့် လက်ဘက်ရည်ဆိုင် ဖွင့်လှစ်ရောင်းချလျက်ရှိရာ မိသားစုများသဖြင့် လက်ဘက်ရည်ဆိုင်တစ်ခုတည်းဖြင့် စားဝတ်နေရေး လုံလောက်မှုမရှိ၍ ပဲမုန့် လုပ်ငန်းကို ၂၀၀၉ခုနှစ်မှစတင်လုပ်ကိုင်ခဲ့ရာ ၂၀၁၅ခုနှစ် နောက်ပိုင်း ကာလများတွင် လူသိများ လူကြိုက်များ ရောင်းအားကောင်းသော လုပ်ငန်းတခုအဖြစ် ရပ်တည်နိုင်လာခဲ့ပါသည်။

     ပဲမုန့်လုပ်ရန် ပါဝင်သောအဓိက ကုန်ကြမ်းပစ္စည်းများမှာ ကုလားပဲ၊ ဂျုံ၊ သကြား၊ ဆီတို့ဖြင့်ပြုလုပ်ပြီး လင်္ကာဒီပဆိုင်မှ တစ်နှစ်ပတ်လည် ရောင်းအားအပေါ် တွက်ချက်ပါက ပျမ်းမျှ တစ်နေ့လျင် ပဲမုန့်အလုံး (၆၀၀၀)ခန့် ရောင်းချရကြောင်း သိရှိရပါသည်။ လင်္ကာဒီပအမှတ်တံဆိပ် ပဲမုန့်သည် ကွမ်းခြံကုန်း မြို့နယ်အတွင်း သာမက ၎င်းမြို့နယ်နှင့်ဆက်စပ်လျှက်ရှိသော အခြား မြို့နယ်၊ တိုင်းဒေသကြီးများ အထိပါ လူကြိုက်များ ရောင်းအားကောင်းသော မုန့်အမျိုးအစား ဖြစ်ပါသည်။ ကွမ်းခြံကုန်းမြို့နယ်သို့ အလည်လာသည့် ဧည့်သည်များ အိမ်အပြန်လက်ဆောင်အဖြစ်လည်း ပဲမုန့်ကို ဝယ်ယူသွားကြသူ များရှိပါသည်၊ ယခုအခါ တွင် အဆိုပါလုပ်ငန်းကို ဝန်ထမ်း(၁၇)ဦးဖြင့် ပုံမှန်လည်ပတ်လျက်ရှိပါသည်၊ အဆိုပါလုပ်ငန်းသည် မိသားစုစားဝတ်နေရေး ပြေလည်သည့်အပြင် တခြားအလုပ်သမား ဝန်ထမ်းများကိုသာ ဝင်ငွေရရှိအောင် စွမ်းဆောင် နိုင်သော လုပ်ငန်းအဖြစ် ရပ်တည်လျက်ရှိကြောင်း သိရှိရပြီး ဆယ်ခုပါတစ်ဘူးကိုငွေကျပ် ၂၀၀၀ဖြင့် ရောင်းချလျက်ရှိပါသည်၊ ထို့အပြင် လင်္ကာဒီပပဲမုန့် သည် စားသုံးသူကာကွယ်ရေးဥပဒေအရ ကုန်အညွှန်း အမှတ်အသား ပြည့်စုံစွာဖော်ပြထားသော ဒေသထွက်ကုန်ပဲမုန့်ဖြစ်ကြောင်း ရေးသားတင်ပြလိုက်ရပါသည်။

DOCA(ရန်ကုန်)