သတင်းနှင့် လှုပ်ရှားမှုများ

     ပဲခူးတိုင်းဒေသကြီး သာယာဝတီခရိုင်တွင် ပဲခူးတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် စားသုံးသူရေးရာဦးစီးဌာနနှင့် ပဲခူးတိုင်းဒေသကြီး အနောက် ဆန်စက်လုပ်ငန်းရှင်များ အသင်းတို့ ပူးပေါင်း၍ စားသုံးသူပြည်သူများအား ဩဂုတ်လအတွင်းတွင်  ဆန်များကို သက်သာသော ဈေးနှုန်း ဖြင့် ဆန်တစ်ပြည်လျှင် ၁၆၀၀ ကျပ်ဖြင့် ဆန်အိတ်များ ရောင်းချပေးခဲ့ပြီး ဖြစ်ကြောင်းသိရှိရပါသည်။

     မြို့နယ်များအလိုက် ဆန်များရောင်းချပေးမှုအနေဖြင့် သာယာဝတီမြို့နယ်တွင် အိတ်၁၀၀၊ လက်ပံတန်းမြို့နယ်တွင် အိတ်၂၆၃ ၊ မင်းလှမြို့နယ်တွင် အိတ်၁၀၀၊ မိုးညိုမြို့နယ်တွင် အိတ်၁၆၀၊ အုတ်ဖိုမြို့နယ်တွင် အိတ်၁၅၀၊ ကြို့ပင်ကောက်မြို့နယ်တွင် အိတ်၂၀၀၊ အိတ်လုံးရေ စုစုပေါင်း ၉၇၃ အိတ်ရောင်းချပြီးစီးခဲ့ကြောင်း သိရှိရပါသည်။

DOCA(ပဲခူး)

  ရှမ်းပြည်နယ်(အရှေ့ပိုင်း)၊စားသုံးသူရေးရာဦးစီး ဌာန၊ တာချီလိတ်မြို့နယ်တာဝန်ခံရုံးမှ ဝန်ထမ်းများသည် ၂၀၂၂ခုနှစ်၊ စက်တင်ဘာလ(၇)ရက်နေ့၊ နံနက်(၁၀:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ ဝန်ထမ်းများနှင့်ပူးပေါင်း၍ တာချီလိတ်မြို့နယ်၊ ဖန်မင်ကျေးရွာအုပ်စု၊ မယ်ယန်ဈေးအတွင်းရှိ အလှကုန်ပစ္စည်းအရောင်းဆိုင်(၆)ဆိုင်အား ကုန်အညွှန်းအမှတ်အသားနှင့်ပတ်သက်၍ ဈေးကွက်စောင့် ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

   ထိုသို့ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်ရာတွင် စစ်ဆေးရေးမှူးနှင့် တာဝန်ရှိသူများသည် အလှကုန်ပစ္စည်းရောင်းချသူများကို သက်ဆိုင်ရာဌာနများ၏ ထောက်ခံချက်များနှင့် မြန်မာစာကုန်အညွှန်းအမှတ်အသားဖော်ပြပါရှိပြီး တရားဝင်တင်သွင်းထားသည့်အလှကုန် ပစ္စည်းများကိုသာ ဖြန့်ဖြူးရောင်းချရန်၊ တရားမဝင်တင်သွင်းထားသည့် အလှကုန်ပစ္စည်းများကို ရောင်းချခြင်း မပြုရန်နှင့် စားသုံးသူကာကွယ်ရေးဥပဒေအခန်း(၁၈)ပါ “ကုန်အညွှန်းအမှတ်အသား ဖော်ပြခြင်း”နှင့် အခန်း(၁၀)ပါ “စီးပွားရေးလုပ်ငန်းရှင်း၏တာဝန်များ”ကို သိရှိလိုက်နာဆောင်ရွက် စေရန် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။

DOCA(ရှမ်း)

    ဧရာဝတီတိုင်းဒေသကြီး၊ မအူပင်ခရိုင်၊ မြို့နယ်အထွေထွေအုပ်ချုပ်ရေးဦးစီးဌာန ဦးဆောင်မှုဖြင့် မြို့နယ်စားသုံးသူရေးရာဦးစီးဌာန၊ မိတ်ဖက်ဌာနများနှင့်အတူ (၅.၉.၂၀၂၂) ရက်နေ့ နံနက်(၀၈ :၀၀) အချိန်၌ ဓနုဖြူမြို့နယ်(၁၇)ရပ်ကွက်ရှိ မိဘဂုဏ်ရည် ဆန်စက်ရှေ့တွင် ပြည်သူများအား အခြေခံစား သောက် ကုန်ပစ္စည်းများကို သက်သာသော ဈေးနှုန်းဖြင့် ရောင်းချပေးလျှက်ရှိပါသည်။

    ထိုသို့ရောင်းချပေးရာတွင် ဓနုဖြူမြို့နယ်စီမံအုပ်ချုပ်ရေးအဖွဲ့မှ ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊တပ်မတော်သားများ ၊မြို့နယ်ရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ မြို့နယ် စားသုံးသူရေးရာဦးစီးဌာန၊ မြို့နယ်ဆန်စက်လုပ်ငန်းရှင်များအသင်းနှင့် မိဘဂုဏ်ရည် ဆန်စက်မိသားစုတို့မှ ဆန်(၁)ပြည်လျှင် (၁၅၀၀)ကျပ်၊ ဆီ (၅၀)ကျပ်သားလျှင် (၂၅၀၀)ကျပ် ၊ ကြက်ဥ (၆)လုံးလျှင် (၁၀၀၀) ကျပ်၊ အိုင်အိုဒင်းဆား(၁)ထုပ်လျှင် (၂၀၀)ကျပ်နှုန်းနှင့် တပ်မတော်စက်ရုံမှ ထုတ်လုပ်သော ပစ္စည်းများအား ဓနုဖြူမြို့နယ်အတွင်းရှိ လူဦးရေ (၆၀၀)ခန့်အား ဈေးနှုန်းချိုသာစွာဖြင့် ရောင်းချပေးခဲ့ကြောင်း သိရသည်။ ဓနုဖြူမြို့နယ်ဦးစီးမှူး ဦးဝင်းမင်းစိုးမှလည်း စားသုံးသူကာကွယ်ရေး အသိပညာပေး လက်ကမ်းစာစောင်များ ပြည်သူများသို့ ဖြန့်ဝေပေးပြီး၊ သက်သာသောဈေးနှုန်းဖြင့် ဆန်နှင့် စားသောက်ကုန်ပစ္စည်းများ ရောင်းချပေးခြင်းကို တနင်္လာနေ့နှင့် သောကြာနေ့များတွင် တစ်ပတ်လျှင် (၂)ကြိမ် ရောင်းချပေးမည်ဖြစ်ကြောင်း မြို့နယ်စီမံအုပ်ရေးအဖွဲ့ထံမှ သတင်းရရှိပါသည်။

DOCA (ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့ မိတ်ဖက်ဌာနများဖြစ်သော အထွေထွေအုပ်ချုပ်ရေးဦးစီးဌာန၊ ဆီကုန်သည်များအသင်း၊ ဆန်စက်ပိုင်ရှင်များအသင်း၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပန်းတနော် စားသုံးသူရေးရာဦးစီးဌာတို့ ပူးပေါင်း၍ ပန်းတနော်မြို့ မြို့မဈေးရှေ့တွင် ပြည်သူများအား (၆.၉.၂၀၂၂) ရက်နေ့ နံနက်(၁၀:၀၀) အချိန်တွင် အခြေခံစားသောက်ကုန်ဈေးနှုန်းများအား ဈေးနှုန်းချိုသာစွာဖြင့် ရောင်းချပေးခဲ့ကြပါသည်။

   ထိုသို့ရောင်းချပေးရာတွင် ပန်းတနော်မြို့နယ်စီမံအုပ်ချုပ်ရေးအဖွဲ့မှ ဦးဆောင်၍ ဆန်(၁)ပြည်လျှင် (၁၅၀၀)ကျပ်၊ ဆီ (၅၀)ကျပ်သားလျှင် (၂၅၀၀)ကျပ် ၊ ကြက်ဥ (၆)လုံးလျှင် (၁၀၀၀) ကျပ်၊ အိုင်အိုဒင်းဆား (၁)ထုပ်လျှင် (၂၀၀)ကျပ်နှုန်းနှင့် ပန်းတနော်မြို့နယ်အတွင်းရှိ လူဦးရေ (၅၀၀)ခန့်အား ဈေးနှုန်းချိုသာစွာဖြင့် ရောင်းချပေးခဲ့ကြောင်း သိရသည်။ ပန်းတနော်မြို့နယ်ဦးစီးမှူးမှလည်း စားသုံးသူကာကွယ်ရေး အသိပညာပေး လက်ကမ်းစာစောင်များ ပြည်သူများသို့  ဖြန့်ဝေခဲ့ကြောင်း သတင်းရရှိပါသည်။

DOCA (ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်းရှိ စိုက်ပျိုးမြေများတွင် ဆီထွက်သီးနှံ (နေကြာ) စိုက်ပျိုးမှုလျာထားချက် ပြည့်မီရေး သီးနှံစိုက်ပျိုးထုတ်လုပ်မှု တိုးတက်မြင့်မားရေးအတွက် တောင်သူများနှင့် တွေ့ဆုံဆွေးနွေးခြင်းကို (၆၊၉၊၂၀၂၂) ရက်နေ့ နံနက် (၁၀:၃၀) အချိန်ခန့်က ညောင်တုန်းမြို့နယ်အတွင်းရှိ ကျေးရွာအုပ်စုများသို့ ကွင်းဆင်းဆောင်ရွက်ခဲ့ကြပါသည်။

    ထို့တွေ့ဆုံပွဲတွင် မိတ်ဖက်ပူးပေါင်းဌာနများဖြစ်သော မြို့နယ်စိုက်ပျိုးရေးဦးစီးဌာန၊ စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုကော်မတီ၊ မြို့နယ်မြေစာရင်းဦးစီးဌာန၊ မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်စားသုံးသူရေးရာဦးစီးဌာတို့ပါဝင်ပြီး ဆွေးနွေးပွဲတွင် စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုကော်မတီက မြို့နယ်သီးနှံစိုက်ပျိုးထုတ်လုပ်မှု တိုးတက်မြင့်မားစိုက်ပျိုးနိုင်ရေး၊ နည်းစနစ်မှန်ကန်ရေး၊ မျိုးကောင်းမျိုးသန့်ရရှိရေး၊ ကောင်းမွန်စွာမြေပြုပြင်ပေးရေး၊ စားသုံးဆီဖူလုံရေးနှင့် ဝင်ငွေတိုးစေရန် ဆောင်းသီးနှံနေကြာအား လျာထားချက်အတိုင်း စိုက်ပျိုးရေး စည်းရုံးဆွေးနွေးခဲ့ကြပါသည်။

    မြို့နယ်စားသုံးသူရေးရာဦးစီးဌာန မှ မြို့နယ်ဦးစီးမှူး ဦးအောင်လွင်က တောင်သူများ အသုံးပြုလျှက်ရှိသည့် စိုက်ပျိုးရေးဆေးများနှင့် မျိုးစေ့များဝယ်ယူသုံးစွဲရာတွင် စားသုံးသူကာကွယ်ရေးအသိပညာပေး အကြောင်းအရာများသာမက ပြည်တွင်းကုန်သွယ်မှုဖွံ့ဖြိုးရေးကဏ္ဍလုပ်ငန်းများအကြောင်း၊ တောင်သူများ ဆီထွက်သီးနှံ (နေကြာ) စိုက်ပျိုးခြင်းသည် ပြည်တွင်းစားသုံးဆီဖူလုံ၍ ပြည်ပမှ စားအုန်းဆီတင်သွင်းမှု လျော့ချနိုင်ရေး၊ ပြည်တွင်းစားသုံးဆီဈေးကွက်ပိုမိုရရှိစေရေး၊ ဆီစက်လုပ်ငန်းများ SMEလုပ်ငန်းပိုမိုဖွံ့ဖြိုး တိုးတက်စေရေး၊ နိုင်ငံခြားငွေ အသုံးပြုမှု လျော့နည်းသက်သာစေရေးအခြေအနေများကို တင်ပြဆွေးနွေးခဲ့ကြပြီး တောင်သူများမှ သိရှိလို၍ မေးမြန်းမှုများကို အကျယ်တဝင့် ပြန်လည်ရှင်းလင်းဆွေးနွေးခဲ့ကြောင်း သတင်း ရရှိပါသည်။

DOCA(ဧရာဝတီ)