သတင်းနှင့် လှုပ်ရှားမှုများ

      (၉.၃.၂၀၂၃)ရက်နေ့ (၁၀:၀၀)အချိန်တွင် ဧရာဝတီတိုင်းဒေသကြီး၊ မအူပင်ခရိုင်၊ အထွေထွေ အုပ်ချုပ်ရေးဦးစီးဌာန၊ အစည်းအဝေးခန်းမတွင် မအူပင်မုန့်မျိုးစုံလုပ်ငန်းရှင်များအား စားသုံးသူရေးရာဦးစီးဌာနက မိတ်ဖက်ဌာနများနှင့် ပူးပေါင်း၍ လုပ်ငန်းရှင်အသိပညာပေး ဟောပြောခဲ့ကြပါသည်။

     ဟောပြောဆွေးနွေးပွဲတွင် ဌာနဆိုင်ရာ မိတ်ဖက်ဌာနများက လုပ်ငန်းရှင်များအား အသိပညာပေးဟောပြောခဲ့ကြပြီး စားသုံးသူရေးရာဦးစီးဌာန၊ မအူပင်ခရိုင်၊ ဒုခရိုင်ဦးစီးမှူး ဦးအောင်ဇော်ဦးက မအူပင်မုန့်မျိုးစုံလုပ်ငန်းရှင်များအား စားသုံးသူကာကွယ်ပေးရေးဥပဒေ (၂၀၁၉) အရ “စီးပွားလုပ်ငန်း ရှင်ဆိုသည်မှာ ကုန်စည်ကိုထုတ်လုပ်ခြင်း၊ ဖြန့်ဖြူးခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည် ရောင်းချခြင်းကိုဖြစ်စေ၊ ထောက်ပံခြင်းကိုဖြစ်စေ၊ ဝန်ဆောင်မှု ပေးခြင်းကိုဖြစ်စေ၊ ကြော်ငြာလုပ် ငန်းလုပ်ကိုင်ခြင်းကိုဖြစ်စေ တစ်ဦးချင်းသော်လည်းကောင်း၊ အဖွဲ့အစည်းနှင့် သော်လည်းကောင်း အားလုံးအကျုံးဝင်ပါကြောင်း”အဓိပ္ပါယ်ဖွင့်ဆိုထားမှုအား ရှင်းလင်းကာ လုပ်ငန်းရှင်များအနေဖြင့် ကုန်စည်နှင့်စပ်လျဉ်း၍ ဖော်ပြရမည့် အာမခံချက်များတွင် စားသုံးသူလက်ခံသုံးစွဲနိုင်သောအရည်အသွေး၊ အချိန်အတွယ်ပမာဏနှင့် အလေးချိန်မှန်ကန်မှု၊ ဘေးအန္တရာယ်ကင်းရှင်းစေခြင်း၊ သုံးစွဲသူလိုအပ်ချက်နှင့်သင့်လျော်မှု၊ နမူနာ ပစ္စည်းတွင် ဖော်ပြထားသည့်အတိုင်းတူညီစေရန်၊ အာမခံချက်ပေးထားသည့်ကာလအတွင်း နစ်နာမှုရှိပါက လဲလှယ်ခွင့်ရနိုင်ခြင်း၊ ကုန်အညွှန်းအမှတ်အသားပါ အချက်အလက်၊ ကြော်ငြာ၊ ကမ်းလှမ်းချက်၊ အရောင်းမြှင့်တင်ခြင်းတွင်ပါဝင်သော ဖော်ပြချက်နှင့် ကိုက်ညီရမည်ဖြစ်ကြောင်း၊  စားသုံးသူရေးရာဦးစီးဌာနသည် စားသုံးသူနှင့် လုပ်ငန်းရှင်အကြား စားသုံးသူတို့၏ အခွင့်အရေး နစ်နာဆုံးရှုံမှုနှင့်စပ်လျဉ်း၍ ၂၀၂၁ခုနှစ် အောက်တိုဘာလမှ ၂၀၂၂ခုနှစ် မတ်လအထိ တိုင်းဒေသကြီး/ ပြည်နယ်ရုံး/ခရိုင် CICCများ၏ စားသုံးသူ တိုင်ကြားမှုများအပေါ် ဖြေရှင်းဆောင်ရွက်ထားရှိမှု အခြေအနေများကို အကျယ်တဝင့်ရှင်းလင်းဟောပြောခဲ့ပြီး လုပ်ငန်းရှင်များမှ သိရှိလိုသည်များ မေးမြန်း မှုများကို ပြန်လည်ဖြေရှင်းဆွေးနွေးခဲ့ကာ မုန့်လုပ်ငန်းရှင်(၂၁)ဦး တက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

     (၁၀.၃.၂၀၂၃) ရက်နေ့၊ နံနက်(၀၉:၄၅)အချိန်တွင် ဧရာဝတီတိုင်းဒေသကြီး၊ ဓနုဖြူမြို့နယ် ဇကာကြီး၊ ကပ်ခိုကျေးရွာဘုန်းတော်ကြီးကျောင်းတွင် တောင်သူ(၁၅၈)ဦးအား မိတ်ဖက်ဌာနများနှင့် အတူ စားသုံးသူကာကွယ်ရေး အသိပညာပေးဟောပြောခဲ့ကြပါသည်။

    အဆိုပါ ဟောပြောပွဲတွင် မိတ်ဖက်ဌာနဆိုင်ရာများမှ အသီးသီးဟောပြောဆွေးနွေးခဲ့ကြပြီးနောက် မြို့နယ်စားသုံးသူရေးရာဦးစီးဌာန၊ မြို့နယ်ဦးစီးမှူး ဦးဝင်းမင်းစိုးက တောင်သူများအား စားသုံးသူကာကွယ်ရေးဥပဒေ (၂၀၁၉)အကြောင်းနှင့် စားသုံးသူများအနေဖြင့် စားသုံးသူကာကွယ်ရေး လုပ်ငန်းစဉ်များအကြောင်းကို သိရှိနားလည်ထားရန်၊ စားသုံးသူအခွင့်အရေး၊ လိုက်နာရမည့်တာဝန်များ၊ စီးပွားရေးလုပ်ငန်းရှင်လိုက်နာရမည့်တာဝန်များ၊ ကုန်စည်နှင့် ဝန်ဆောင်မှု၏ အဓိပ္ပာယ်၊ နစ်နာဆုံးရှုံးမှု၏ အဓိပ္ပာယ်၊ ကုန်အညွှန်းအမှတ်အသားအကြောင်းကို နားလည်စေရန်၊ စားသုံးသူနှင့်လုပ်ငန်းရှင်အကြား စားသုံးသူတို့၏ အခွင့်အရေး နစ်နာဆုံးရှုံးမှု နှင့်စပ်လျဉ်း၍ ၂၀၂၁ခုနှစ် အောက်တိုဘာလမှ ၂၀၂၂ခုနှစ် မတ်လအထိ တိုင်းဒေသကြီး/ ပြည်နယ်ရုံး/ခရိုင် CICCများ၏ စားသုံးသူ တိုင်ကြားမှုများအပေါ် ဖြေရှင်းဆောင်ရွက်ထားရှိမှုအခြေအနေများကို သိရှိစေရန် အကျယ်တဝင့်ရှင်းလင်းဆွေးနွေးပြီးနောက် စားသုံးသူသည် ကုန်စည်နှင့်ဝန်ဆောင်မှုနှင့် စပ်လျဉ်း၍ အမှန်တကယ်နစ်နာ ဆုံးရှုံးမှုရှိလာပါက စားသုံးသူရေးရာဦးစီးဌာနသို့ ဆက်သွယ်တိုင်ကြားနိုင်မည့် နည်းလမ်းပုံစံများ၊ Online မှတဆင့် တိုင်ကြားလိုသူပြည်သူများအနေဖြင့် DOCA Website၊ DOCA Myanmar မိုဘိုင်း app တို့မှာပါသော Consumer Complaint System တိုင်ကြားလွှာပုံစံပါ အချက်အလက်ဖြည့်သွင်း၍လည်းကောင်း၊၊ Consumer Call Center 1535 သို့လည်းကောင်း၊ CICC စင်တာများ၊ လိပ်စာနှင့်ဖုန်းနံပါတ်များသို့လည်းကောင်း တိုင်ကြားနိုင်ပါကြောင်း ရှင်းလင်းပြောကြားပြီး လုပ်ငန်းရှင်များက သိရှိလိုသည် များမေးမြန်းမှုကို ပြန်လည် ဖြေကြားကာ တောင်သူ (၁၅၈)ဦး တက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

    (၁၀.၃.၂၀၂၃)ရက်နေ့ နံနက်(၀၉:၁၅)မှ (၁၀:၁၅)အချိန်ထိ ဧရာဝတီတိုင်းဒေသကြီး၊ ညောင်တုန်းမြို့နယ် မြန်မာ့လယ်ယာဖွံ့ဖြိုးရေးဘဏ်ရုံးတွင် ရန်ကင်းစံကျေးရွာတောင်သူ (၉၂) ဦးအား မိတ်ဖက်ဌာနများနှင့်အတူ စားသုံးသူကာကွယ်ရေး အသိပညာပေးဟောပြောခဲ့ကြပါသည်။

   ဟောပြောပွဲတွင် မိတ်ဖက်ဌာနဆိုင်ရာများမှ အသီးသီးဟောပြောဆွေးနွေးခဲ့ကြပြီး မြို့နယ် စားသုံးသူရေးရာဦးစီးဌာန၊ မြို့နယ်ဦးစီးမှူး ဦးအောင်လွင်က တောင်သူများအား စားသုံးသူကာကွယ်ရေးဥပဒေ (၂၀၁၉)အကြောင်းကို အကျယ်တဝင့်ရှင်းလင်းဆွေးနွေးပြီး စားသုံးသူများအနေဖြင့် ဈေးကွက်အတွင်းရှိ ကုန်စည်တို့ကို ရွေးချယ်ဝယ်ယူရာတွင် ကုန်စည်အရည်အသွေး၊ အရေအတွက်၊ ပါဝင်မှုပစ္စည်း၊ အသုံးပြုပုံ၊ ဈေးနှုန်းတို့နှင့် စပ်လျဉ်း၍ လိမ်လည်လှည့်ဖျားမှု ရှိ/ မရှိ၊  ကုန်စည်နှင့် စပ်လျဉ်း၍ အာမခံပေးထားမှုရှိ/ မရှိ၊ သက်ဆိုင်ရာအစိုးရ၊အဖွဲ့အစည်းများက သတ်မှတ်ချက် အရည်အသွေးအတိုင်းကိုက်ညီမှု ရှိ/ မရှိ၊ ကုန်စည်၏ လိုအပ်သောသတင်းအချက်အလက်များကို သိရှိနိုင်ရေး စုံစမ်းမေးမြန်းရန်အတွက် လိပ်စာနှင့်ဖုန်းနံပါတ် ရေးသာဖော်ပြမှု ရှိ၊ မရှိ၊ ကုန်စည်တွင် အပြစ်အနာအဆာချို့ယွင်းချက်များ ဖုံးကွယ်ထားမှုရှိ/မရှိ၊ ကုန်စည်တွင် သတင်းအချက်အလက် များကို ပြည့်စုံခိုင်မာမှုမရှိဘဲ ချဲ့ကားဖော်ပြထားခြင်းရှိ/မရှိတို့ကို စစ်ဆေးကြည့်ရှုပြီးမှသာ ဝယ်ယူသင့်ပါကြောင်း အသိပညာပေးဆွေးနွေးကာ စားသုံးသူနှင့်လုပ်ငန်းရှင်အကြား စားသုံးသူတို့၏အခွင့်အရေး နစ်နာဆုံးရှုံမှု နှင့် စပ်လျဉ်း၍ ၂၀၂၁ခုနှစ် အောက်တိုဘာလမှ ၂၀၂၂ခုနှစ် မတ်လအထိ တိုင်းဒေသကြီး/ ပြည်နယ်ရုံး/ ခရိုင် CICCများ၏ စားသုံးသူ တိုင်ကြားမှုများအပေါ် ဖြေရှင်းဆောင်ရွက်ထားရှိမှု အခြေအနေများကို အကျယ်တဝင့် ရှင်းလင်းဟောပြောခဲ့ပြီး သိရှိလိုသည်များကို ပြန်လည်ဖြေကြားခဲ့ပါကြောင်း သတင်းရရှိပါသည်၊၊

DOCA(ဧရာဝတီ)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် “ဖွံ့ဖြိုးကုန်သွယ်နိုင်ငံကြွယ်”ဟူသည့် ဝန်ကြီးဌာန၏ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ၊ ပုဂ္ဂလိကကဏ္ဍဖွံ့ဖြိုးရေးလုပ်ငန်းများကိုလည်း ဆောင်ရွက် လျက်ရှိပါသည်။

      ပြည်တွင်းဆီစက်များတိုးချဲ့တပ်ဆင်ခြင်း၊ အဆင့်မြှင့်တင်ခြင်း၊ ခေတ်မီဆီစက်အသစ်များတည်ဆောက်ခြင်းတို့အတွက် ရင်းနှီးမြှုပ်နှံမှုလိုအပ်ချက်များကို ဖြည့်ဆည်းပေးရန် ဆီစက်ချေးငွေအဆိုပြုလွှာများဖိတ်ခေါ်ခဲ့မှုအပေါ် စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့နယ်ရှိ ဆီစက်(၇)စက်ပိုင်ရှင်များက အဆိုပြုလျှောက်ထားခဲ့ပါကြောင်း၊ အဆိုပါ အဆိုပြုလျှောက်ထားသော ဆီစက်များ၏ တစ်လလျှင် ပျမ်းမျှထုတ်လုပ်နိုင်မည့်ဆီတန်ချိန်၊ အဆိုပြုထားသည့်ချေးငွေပမာဏ ဆီလျော်မှုရှိ/မရှိ၊ ဆီစက်တည်နေရာ၊ စက်ပစ္စည်းများ တပ်ဆင်တည်ဆောက်မည့်အစီအမံ၊ လက်ရှိကုန်ကြမ်းရယူဆောင်ရွက်နေမှုနှင့် ဈေးကွက်အခြေအနေ၊ ကုန်ချောကုန်ထုတ်စွမ်းအားပမာဏ၊ ဈေးကွက်ပိုမိုချဲ့ထွင်နိုင်မည့်အခြေအနေ၊ ထုတ်လုပ်မှုကုန်ကျစရိတ်နှင့် ရောင်းချရရှိမှုဝင်ငွေ၊ ဥပဒေအရ သတ်မှတ်ထားသော စက်မှုလုပ်ငန်းလိုအပ်ချက်များနှင့်ကိုက်ညီမှုရှိ/မရှိကို (၇-၃-၂၀၂၃)ရက်နေ့တွင် ရွှေဘိုခရိုင်၊ စက်မှုကြီးကြပ်ရေးနှင့်စစ်ဆေးရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ကွင်းဆင်းစစ်ဆေးဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကလေးခရိုင်ဦးစီးမှူးရုံးရှိ စားသုံးသူရေးရာဦးစီးဌာန၊ အစည်းအဝေးခန်းမ၌ ( ၉-၃-၂၀၂၃ ) ရက်နေ့တွင် ဝန်ထမ်းများ စွမ်းဆောင်ရည်မြင့်မားစေရန်ရည်ရွယ်၍ ( ၁/၂၀၂၃ ) ကြိမ်မြောက် Thursday Talk အသိပညာပေးဆွေးနွေးပွဲကို ကျင်းပြုလုပ်ခဲ့ရာ ကလေးခရိုင်ဦးစီးမှူးရုံးရှိ ဝန်ထမ်း( ၇ )ဦးတက်ရောက်ခဲ့ပါသည်။

   အဆိုပါ Thursday Talk အသိပညာပေးဆွေးနွေးပွဲတွင် ကလေးခရိုင်ဦးစီးမှူး ဒေါ်သန်းသန်းဝင်းက အဖွင့်အမှာစကားပြောကြားခဲ့ပြီးနောက် ငွေစာရင်းတာဝန်ခံ ဦးကျော်သူလင်း (ဦးစီးမှူး)က အခြေခံငွေစာရင်းရေးဆွဲနည်းများကို ခေါင်းစဉ်များအလိုက် အသေးစိတ်ချပြ၍ ရှင်းလင်းဆွေးနွေးခဲ့ပါသည်။

    ဆက်လက်၍ Thursday Talk အသိပညာပေးဆွေးနွေးပွဲသို့ တက်ရောက်သည့်ဝန်ထမ်းများအနေဖြင့်လည်း မိမိတို့သိရှိလိုသည့် အကြောင်းအရာများကို ဆွေးနွေးမေးမြန်းခဲ့ကြပြီး ငွေစာရင်းတာဝန်ခံ ဦးကျော်သူလင်း ( ဦးစီးမှူး )က ပြန်လည်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)