သတင်းနှင့် လှုပ်ရှားမှုများ

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဝန်ထမ်းများသည် (၂၄-၁-၂၀၂၃)ရက်နေ့၊ နံနက် (၀၉:၀၀) နာရီအချိန်တွင် ပခုက္ကူမြို့ နယ် ဆယ်ရွာကျေးရွာ၊ အ-မ-က (၅၆) ကျောင်းတွင် စားသုံးသူကာကွယ်ရေးအသိပညာပေး ဟောပြောပွဲပြုလုပ်ခဲ့ရာ ကျောင်းသား/ကျောင်းသူ (၇၀) ဦး၊ကျောင်းသားမိဘ (၆၅) ဦးနှင့် ဆရာ/ဆရာမ (၈) ဦး၊ စုစုပေါင်း (၁၄၃) ဦးတို့ တက်ရောက်ခဲ့ကြပါသည်။

       ဟောပြောပွဲတွင် ကျောင်းအုပ်ဆရာမကြီး ဒေါ်မြင့်ခိုင်က ကြိုဆိုနှုတ်ခွန်းဆက်စကားပြောကြားခဲ့ပြီး ဦးစီးမှူး ဒေါ်ကြည်ကြည်စိုးက ဌာန၏သမိုင်းကြောင်း၊ ဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်များနှင့် ယခုဌာနက ဆောင်ရွက်နေသည့်လုပ်ငန်းများအကြောင်း၊ စားသုံးသူကာကွယ်ရေး၊ စားသုံးသူ၊ ကုန်စည်၊ ဝန်ဆောင်မှုများ၏အဓိပ္ပါယ်များအား ရှင်းလင်းခြင်း၊ စားသုံးသူကာကွယ်ရေး အခန်း (၁၈)ပါ ကုန်အညွှန်းအမှတ်အသားများတွင် ထည့်သွင်းဖော်ပြရမည့် အချက်(၈)ချက်အား တက်ရောက်လာသည့် ဆရာ/ဆရာမ၊ ကျောင်းသား/ ကျောင်းသူများနှင့် မိဘပြည်သူများအား ရှင်းလင်းလွယ်ကူသိသာစေရန် နမူနာပစ္စည်းများပြသ၍ ကျယ်ကျယ်ပြန့်ပြန့်ရှင်းလင်းခဲ့ပြီး ယခုကဲ့သို့ ကုန်အညွှန်းအမှတ်အသားများမပါလျှင် ဝယ်ယူ၊ စားသောက်၊ ရောင်းချခြင်းမပြုသင့်ကြောင်း၊ ကုန်အညွှန်းအမှတ်အသားများ ပြည့်စုံမှသာလျှင် ရောင်းချစေချင်၊ သုံးစွဲစေလိုကြောင်း၊ စားသုံးသူမိဘပြည်သူများက တိကျစွာလိုက်နာဆောင်ရွက်ရန်လိုအပ်ကြောင်း၊ စားသုံးသူမိဘပြည်သူများကို အသိပညာပေးခြင်းသာမက လုပ်ငန်းရှင်များထံသို့ပါ ကုန်အညွှန်းအမှတ်အသားတွင် ထည့်သွင်းရမည့်အချက်များပါဝင်နိုင်ရေး ဌာနမှသွားရောက်ဆွေးနွေးအသိပညာပေးကြောင်း၊ သို့မှသာ ကုန်ပစ္စည်းများတွင် ထည့်သွင်းရမည့်အချက်များပါဝင်လာပြီး စားသုံးသူများအတွက် လုံခြုံစိတ်ချရသည့် ကုန်ပစ္စည်းများထုတ်လုပ်နိုင်မည်ဖြစ်ကြောင်း သို့မှသာ စားသုံးသူမိဘပြည်သူများ ဘေးအန္တရာယ်ကင်းရှင်းစွာ စားသုံးနိုင်မည်ဖြစ်ကြောင်းများကို ရှင်းလင်းဆွေးနွေးခဲ့ပါသည်။

       ဆက်လက်၍ ဒုဦးစီးမှူး ဒေါ်ပပရွှေက အခန်း (၉) ပါ စားသုံးသူများရရှိသည့်အခွင့်အရေး (၈) ချက်ကို စားသုံးသူပြည်သူများ သိရှိနားလည်စေရန် ဥပမာများဖြင့် ရှင်းလင်းခြင်းနှင့် လိုက်နာရမည့်တာဝန်များကို ဆွေးနွေးပြောကြားခဲ့ပြီး စားသုံးသူအခွင့်အရေးများကိုသိရှိမှသာ မိမိတို့အခွင့်အရေးများကို တောင်းခံနိုင်မည်ဖြစ်ကြောင်း၊ စားသုံးသူများလိုက်နာရမည့် တာဝန်များကိုလည်း တိတိကျကျလိုက်နာရန် လိုအပ်ကြောင်းများကိုလည်း ရှင်းလင်းဆွေးနွေးပြောကြားခဲ့ပါသည်။

          ဆက်လက်၍ ဦးစီးမှူး ဒေါ်ကြည်ကြည်စိုးက မိဘပြည်သူများသည် အခွင့်အရေးများကိုသိရှိပြီး နစ်နာဆုံးရှုံးမှုရှိခဲ့လျှင် တိုင်ကြားနိုင်ရန် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ “CICC” ရုံးများဖွင့်လှစ်ထားရှိပြီးဖြစ်ကြောင်း၊ ၎င်းရုံးများတွင် တိုင်ကြားနိုင်ကြောင်း၊ ထို့အပြင် Facebook စာမျက်နှာတွင်လည်းကောင်း၊ DOCA Myanmar Mobile Application တွင်လည်းကောင်း၊ Consumer Call Center (1535) တွင်လည်းကောင်း တိုင်ကြားနိုင်ကြောင်း၊ တက်ရောက်လာသည့် မိဘပြည်သူများ၊ ဆရာ/ဆရာမများနှင့် ကျောင်းသား/ကျောင်းသူများက သိရှိလိုသည်များကိုမေးမြန်းခဲ့ရာ ပြန်လည်ဖြေကြားခဲ့ပြီး လက်ကမ်းစာစောင်များလည်း ဖြန့်ဝေခဲ့ကြောင်းသိရှိရပါသည်။

DOCA(မကွေး)

         နိုင်ငံ့စီးပွားမြှင့်တင်ရေးရန်ပုံငွေဖြင့်ဆောင်ရွက်မည့် တစ်နိုင်ငံလုံး စိုက်ပျိုးမည့် နွေစပါးစိုက်ဧက (၈၅၀,၀၀၀)တွင် မကွေးတိုင်းဒေသကြီးမှ  ဧက(၂၅၀၀၀)စိုက်ပျိုးရန်သတ်မှတ်ခဲ့ပြီး ပွင့်ဖြူမြို့နယ် အနေဖြင့် ဧက(၁၅၀၀၀) စိုက်ပျိုးရန် လျာထားခဲ့ရာ အချိန်မီလုပ်ငန်းများ အဆင်ပြေချောမွေ့စွာ အကောင်အထည်ဖော် ဆောင်ရွက်နိုင်ရန်အတွက် မြို့နယ်စီမံအုပ်ချုပ်ရေးအဖွဲ့၊ စိုက်ပျိုးရေးဦးစီးဌာန၊ ဆည်မြောင်းနှင့်ရေအသုံးချရေးစီမံခန့်ခွဲမှုဦးစီးဌာန၊ လယ်ယာဖွံ့ဖြိုးရေးဘဏ်၊ ကျေးလက်ဒေသဖွံ့ဖြိုးရေးဦးစီးဌာန၊ သမဝါယမဦးစီးဌာနနှင့်စားသုံးသူရေးရာဦးစီးဌာနတို့ပါဝင်သော မြို့နယ်အဆင့် လုပ်ငန်းကြီးကြပ်မှုကော်မတီအဖွဲ့မှ (၂၁.၁.၂၀၂၃) ရက်နေ့ နေ့လည်(၁၃:၀၀)နာရီအချိန်တွင် ဖလံတောကျေးရွာ အုပ်စုသို့ သွားရောက်ကွင်းဆင်း၍ စိုက်ပျိုးမည့်တောင်သူများနှင့် ဆွေးနွေးခဲ့ပါသည်။

           အဆိုပါဆွေးနွေးပွဲတွင် မြို့နယ်အဆင့်လုပ်ငန်းကြီးကြပ်မှုကော်မတီမှ  ပွင့်ဖြူမြို့နယ်သည် မဲဇလီ ရေလွှဲဆည်မှတဆင့် တောင်မုန်းမြောင်းမကြီးနှင့် မြောက်မုန်းမြောင်းမကြီး နှစ်သွယ်မှ ဆည်ရေများ ရရှိပြီး ရေခံမြေခံကောင်းများရှိပါသဖြင့် မကွေးတိုင်းဒေသကြီး၏ နွေစပါးစိုက်ဧက (၅)ပုံ (၃)ပုံအား  တာဝန်ယူစိုက်ပျိုးရခြင်း ဖြစ်ပါကြောင်း၊ တောင်သူတစ်ဦး ခေါင်းဆောင်သော (၁၀)ဦးအဖွဲ့ (၁)ဖွဲ့  ဖွဲ့ပေး ခြင်းများအားလည်း အချိန်နှင့်တစ်ပြေးညီ အမြန်ဆုံးဖွဲ့စည်းပေးနိုင်ရေး၊ သွင်းအားစုများကိုလည်း တောင်သူလက်ဝယ်အမြန်ရရှိနိုင်ရေး၊ သွင်းအားစုကုမ္ပဏီများနှင့်လုပ်ဆောင်ရမည့်အချက်များ၊ နွေစပါးပေါ်ချိန်တွင် ဝယ်ယူကြိတ်ခွဲမည့် အဖွဲ့မှဝယ်ယူမည့်အစီအစဉ်များ၊ ဆည်မြောင်းမှရေပေးဝေမှု အခြေအနေများ၊ စီမံကိန်းတွင် တောင်မုန်း မြောင်းမကြီး ဆည်ရေသောက်ဧရိယာမှာ ကျေးရွာအုပ်စု(၂၀)၊ ကွင်းပေါင်း(၇၉)ကွင်း၊ ဦးပိုင် ပေါင်း(၆၆၃၃) နှင့် ဧကပေါင်း(၁၅၀၀၀) စိုက်ပျိုးရမှာဖြစ်ပါကြောင်း မိမိတို့မြို့နယ်မှ တောင်သူများ အားလုံးပူးပေါင်းပါဝင် ပေးကြပါရန်နှင့်  စီမံကိန်းပါ အချက်အလက်များ အား အသေးစိတ်ရှင်းလင်း ဆွေးနွေးခဲ့ပါသည်။

            ပွင့်ဖြူမြို့နယ် နွေစပါးစီမံကိန်းတွင် ပါဝင်သောစိုက်ပျိုးမည့် တောင်သူများအနေဖြင့် တောင်သူအစုအဖွဲ့များဖွဲ့၍ စိုက်ပျိုးထုတ်လုပ်ရောင်းချခြင်းဖြင့် မှန်ကန်သော မျိုး၊ မြေဩဇာများကို အရင်းအနှီး စိုက်ထုတ်ရန်မလိုဘဲ နိုင်ငံတော်မှ တစ်ဧက လျှင်ကျပ်(၂)သိန်းနှုန်း ထုတ်ချေးမည့်ငွေမှ ကျခံသုံးစွဲ သွားမည့်ဖြစ်ကြောင်း၊ ရောင်းချသည့်အချိန်တွင်လည်း တစ်ဦးချင်းရောင်းချခြင်းမျိုးမဟုတ်ဘဲ ဌာနဆိုင်ရာများမှ ကြီးကြပ်၍ စက်ပိုင်အစုအဖွဲ့များသို့ ရောင်းချရမည်ဖြစ်၍ ဈေးနှုန်းမှန်ကန်ခြင်း အလေးချိန်မှန်ကန်ခြင်း အကျိုးကျေးဇူးများရရှိမည်ဖြစ်ကြောင်း၊ နိုင်ငံတော်ဖွံ့ဖြိုးတိုးတက်ရေးတွင် တစ်ဖက်တစ်လမ်းမှ ပါဝင်ရမည် ဖြစ်၍ “ကုသိုလ်လဲရ ဝမ်းလည်းဝ” ၍ အကျိုးကျေးဇူးများမည် ဖြစ်ကြောင်း လေ့လာသိရှိရပါသည်။

DOCA(မကွေး)

          ချင်းပြည်နယ်အတွင်းရှိ စာသုံးသူပြည်သူများ၏ အခွင့်အရေးနှင့်အကျိုးစီးပွားကို အကာကွယ်ပေးနိုင်ရန်အတွက် စားသုံးသူကော်မတီအစည်းအဝေး(၁/၂၀၂၃)ကို ၂၀၂၃ခုနှစ်၊ ဇန်နဝါရီလ ၂၇ ရက် (သောကြာနေ့) ညနေ (၀၃:၀၀) နာရီအချိန်တွင် ချင်းပြည်နယ်အစိုးရအဖွဲ့ရုံး၊ စီးပွားရေးရာဝန်ကြီးခန်းမ ၌ ကျင်းပပြုလုပ်ခဲ့ပါသည်။

      အစည်းအဝေးတွင် စားသုံးသူရေးရာကော်မတီဥက္ကဋ္ဌ စီးပွားရေးရာဝန်ကြီး ဦးဟန်ကျင့်ဇမ်းက အဖွင့်အမှာစကားပြောကြားရာတွင် ယခင်၂၀၂၂ခုနှစ်အတွင်း စားသုံးသူရေးရာကော်မတီ၏ လုပ်ငန်းများ အကောင်ထည်ဖော် ဆောင်ရွက်နေမှုများသည် ပြည်သူများအတွက် အမှန်တကယ်အကျိုး ရှိသည်ကိုတွေ့ရပါကြောင်း၊ မိမိတို့နိုင်ငံသည် ဖွံ့ဖြိုးဆဲနိုင်ငံတစ်နိုင်ငံဖြစ်သည့်အလျောက် စားသုံးသူအခွင့်အရေးနှင့်ပတ်သက်သည့် အသိပညာကဏ္ဍတွင် အားနည်းချက်များစွာရှိသည်ကို တွေ့ရပါသဖြင့် စားသုံးသူရေးရာကော်မတီအနေဖြင့် ပြည်သူများ၏ အခွင့်အရေးနှင့်အကျိုးစီးပွားကို ရှေးရှုကာ စိတ်ရင်းစေတနာဖြင့် အသိပညာပေးခြင်း၊ ကြိုတင်အသိပေးခြင်း၊ ကြိုတင်တားဆီးကာကွယ် ပေးခြင်း နှင့် ဈေးကွက်အတွင်း စောင့်ကွက်စောင့်ကြည့်စစ်ဆေးခြင်း လုပ်ငန်းများကို လစဉ် ကွင်းဆင်း ဆောင်ရွက်သွားကြရန် ရှင်းလင်းဆွေးနွေးခဲ့ပါသည်။ ထို့နောက် ကော်မတီအဖွဲ့ဝင်များမှ သက်ဆိုင်ရာ ကဏ္ဍအလိုက် ပူးပေါင်းဆောင်ရွက်နေမှု အခြေအနေများကို ရှင်းလင်းတင်ပြခဲ့ရာ စားသုံးသူရေးရာ ကော်မတီဥက္ကဋ္ဌ စီးပွားရေးရာဝန်ကြီးက လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ ကြောင်း  သိရသည်။

DOCA(Chin)

          မွန်ပြည်နယ် သထုံခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးရုံးမှ ဝန်ထမ်းများသည် ၂၀၂၃ခုနှစ်ဇန်နဝါရီလ၂၇ရက်နေ့တွင် သထုံမြို့နယ်၊အမက(လွန်)ကျောင်းကုန်းကျောင်း၌ စားသုံးသူကာကွယ်ရေး အသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့သည်။

        အဆိုပါ ဟောပြောဆွေးနွေးပွဲတွင် ကျောင်းအုပ်ဆရာမကြီး ဒေါ်ရီရီဝင်းကအဖွင့်အမှာစကား ပြောကြားခဲ့ပြီး မွန်ပြည်နယ်သထုံခရိုင်စားသုံးသူရေးရာဦးစီးဌာန မှ ဒုဦးစီးမှူး ဦးထိန်လင်းထွန်းကစားသုံးသူအခွင့်အရေးနှင့် တာဝန်များ၊ ကုန်အညွှန်းအမှတ်အသား ဖော်ပြချက်နှင့်စပ်လျဉ်း၍ သိကောင်းစရာများ၊ ထုတ်ကုန်လုံခြုံစိတ်ချရမှု ဆိုင်ရာသိကောင်းစရာများ၊ စားသုံးသူ ထိခိုက်နစ်နာမှုနှင့်စပ်လျဉ်း၍ တိုင်ကြားနိုင်သည့်နေရာများ၊Website ၊ဖုန်းနံပါတ်များအကြောင်း ဟောပြောဆွေးနွေးခဲ့ပါသည်။

          အဆိုပါ ဟောပြောဆွေးနွေးပွဲ သို့ ဆရာ၊ဆရာမ ၊ ကျောင်းသားကျောင်းသူ စုစုပေါင်း (၁၄၆)ဦး တက်ရောက်ခဲ့ပြီး စားသုံးသူကာကွယ်ရေးဆိုင်ရာ သိကောင်းစရာများ ဆိုင်ရာလက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မွန်)

         စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံနှင့် ပြည်နယ်ဦးစီးမှူးရုံးမှ ဝန်ထမ်းများသည် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (၂၀၂၃ခုနှစ် ဇန်နဝါရီ လ ၂၅ ရက်နေ့တွင် )အထက(ခွဲ)မယ်ကရိုကျောင်း၌ စားသုံးသူ ကာကွယ်ရေး အသိပညာပေးဟောပြော ဆွေးနွေးပွဲကျင်းပပြုလုပ်ခဲ့ကြောင်းသိရှိရပါသည်။

        အဆိုပါ ဟောပြောဆွေးနွေးပွဲတွင် ကျောင်းအုပ်ဆရာမကြီး ဒေါ်ဂျုလိုင်ဇော်မှ အဖွင့်အမှာစကား ပြောကြားခဲ့ပြီးမြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်ချိုမြတ်မြတ်ထွေးက ကလေးအလုပ်သမားပပျောက်ရေးဆိုင်ရာ သိကောင်း စရာများ အား ဟောပြောဆွေးနွေး ခဲ့ပါသည်။

         ထို့နောက် စားသုံးသူရေးရာဦးစီးဌာန အကြီးတန်းစာရေး ဦးနိုင်လင်းထက်က စားသုံးသူအခွင့်အရေးနှင့်တာဝန်များ ၊ စားသောက်ကုန် လူသုံးကုန်များ ဝယ်ယူရာတွင်  ကုန်အညွှန်းအမှတ်အသားကို အဓိကထားဖတ်ရှုပြီးမှ  ဝယ်ယူသင့်ကြောင်း၊  ကုန်အညွှန်း အမှတ်အသား ဖော်ပြချက်နှင့်စပ်လျဉ်း၍ သိကောင်းစရာများ၊ Call Center အကြောင်းသိကောင်းစရာများ အကြောင်းကိုဖော်ပြဆွေးနွေးခဲ့ပါသည်။

          အဆိုပါဟောပြောဆွေးနွေးပွဲ သို့ ဆရာ ၊ ဆရာမ၊ ကျောင်းသား၊ ကျောင်းသူ စုစုပေါင်း (၁၅၉)ဦးတက်ရောက်ခဲ့ပြီး စားသုံးသူကာကွယ်ရေးဆိုင်ရာ သိကောင်းစရာများ ဆိုင်ရာလက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မွန်)