ပြည်တွင်းကုန်သွယ်မှုသတင်း

         ယခုမိုးရာသီကာလတွင် ရာသီတုပ်ကွေးများနှင့် ကလေးငယ်များတွင် သွေးလွန်တုတ်ကွေး ရောဂါများ ဖြစ်ပွားလျှက်ရှိရာ မကွေးမြို့ရှိ ဆေးဆိုင်များတွင် ဖျားနာမှုအတွက်  အဓိကဝယ်ယူလျှက်ရှိကြသော အိမ်သုံးဆေးဝါးများနှင့် အိမ်သုံးအားဆေးများမှာ ဇူလိုင်လ နောက်ဆုံးပတ်မှ ဩဂုတ်လ ဒုတိယအပတ်အထိ ‌ဒေါ်လာစျေးနှုန်းများ မြင့်တက်မှုနှင့်အတူ ဆေးဝါးစျေးနှုန်းများမှာ မြင့်တက်လျှက်ရှိကြောင်း သိရှိရပါသည်။

         မကွေးမြို့နယ်အတွင်းရှိ စျေးကွက်အတွင်း ဖြစ်ပေါ်လျှက်ရှိသော အိမ်သုံးဆေးဝါးများနှင့် အိမ်သုံးအားဆေးများ၏ စျေးနှုန်းများမှာ Decogin (၁၀)လုံးပါတစ်ကဒ်လျှင် ယခင်(၉၆၀)ကျပ်၊ ယခု(၁၁၅၀)ကျပ်၊ Biogesic (၁၀)လုံးပါတစ်ကဒ်လျှင် ယခင်(၆၀၀)ကျပ်၊ ယခု(၈၀၀)ကျပ်၊ Amoxacillin အလုံး(၁၀၀)ပါတစ်ဗူးလျှင်  ယခင်(၂၆၀၀)ကျပ်၊ ယခု(၂၈၀၀)ကျပ်၊ Cetrine (၁၀)လုံးပါ တစ်ကဒ်လျှင် ယခင်(၁၅၀)ကျပ်၊ ယခု(၂၀၀)ကျပ်၊ ဓါတ်ဆား(MPF)တစ်ထုတ်လျှင် ယခင်(၂၅၀)ကျပ်၊ ယခု(၃၀၀)ကျပ်၊ Flemex (၁၀)လုံးပါတစ်ကဒ်လျှင် ယခင်(၁၄၀၀)ကျပ် ၊ ယခု(၂၆၀၀)ကျပ်၊ Solmux (၄)လုံးပါ တစ်ကဒ်လျှင် ယခင်(၉၀၀)ကျပ်၊ ယခု(၉၅၀)ကျပ်၊ Alexal (၁၀)လုံးပါတစ်ကဒ်လျှင် ယခင်(၁၄၀၀)ကျပ်၊ ယခု(၁၅၅၀)ကျပ်၊ Mexagrip (၄)လုံးပါတစ်ကဒ် လျှင် ယခင်(၄၁၀)ကျပ်၊ ယခု(၅၀၀)ကျပ်၊ Enorvonc (၁၀)လုံးပါတစ်ကဒ်လျှင် ယခင်(၂၈၅၀) ကျပ်၊ ယခု(၃၃၀၀)ကျပ်၊ Oramin-G (၆)လုံးပါတစ်ကဒ်လျှင် ယခင်(၂၁၇၀)ကျပ်၊ ယခု(၂၃၀၀) ကျပ်၊ Becozine (၁၀)လုံးပါတစ်ကဒ်လျှင် ယခင်(၂၅၅၀)ကျပ်၊ ယခု(၃၀၅၀)ကျပ်၊ Vitahome (၁၀)လုံးပါတစ်ကဒ်လျှင်ယခင်(၁၁၅၀)ကျပ်၊ ယခု(၁၃၀၀)ကျပ်၊ Vitacee (၁၅)လုံးပါ တစ်ကဒ်လျှင် ယခင်(၃၁၀၀)ကျပ်၊ ယခု(၃၃၅၀)ကျပ်စျေးနှုန်းများဖြင့် အသီးသီးမြင့်တက်လျှက်ရှိကြောင်း စုံစမ်းသိရှိရပါသည်။

DOCA(မကွေး)

       စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူး၊ ဒု-ခရိုင်ဦးစီးမှူးနှင့် ဝန်ထမ်း (၂)ဦးတို့သည် (၁၁.၈.၂၀၂၂)ရက်နေ့၊ နံနက်(၁၀:၀၀)နာရီတွင် မုံရွာမြို့၊ ကမ်းနားလမ်းရှိ မြသီရိဆန်၊ ဆီရောင်းဝယ်ရေးလုပ်ငန်းရှင်နှင့်တွေ့ဆုံ၍ ဆန်၊ဆီများ၏ လက်ရှိဖြစ်ပေါ်နေသော ဈေးနှုန်းများ အခြေအနေ၊ ရောင်းဝယ်ဖောက်ကားမှုနှင့်ဈေးကွက်တွင်ကြုံတွေ့နေရသော အခက်အခဲများအား တွေ့ဆုံဆွေးနွေးမေးမြန်းခြင်းဖြင့်ဆောင်ရွက်ခဲ့ပါသည်။ မြသီရိ ဆန်၊ ဆီရောင်းဝယ်ရေးလုပ်ငန်း ပိုင်ရှင်ဦး‌‌ငွေမိုးက ယခုရက်များတွင် ဆန်ဈေးအနည်းငယ်မြင့်တက်လာကြောင်း၊ ရွှေဘိုပေါ်ဆန်း (၁) အိတ်လျှင် (၇၅၀၀၀)ကျပ်၊ ဧရာမင်းဆန်(၁)အိတ်လျှင် (၅၅၀၀၀)ကျပ်ဖြစ်ပြီး ယခင်အပတ်နှင့် နှိုင်းယှဉ်ပါက (၅၀၀၀)ကျပ်ခန့် ဈေးအနည်းငယ်တက်လာကြောင်း၊ စားသုံးဆီဈေးနှုန်းများအနေဖြင့် ပဲဆီ(၁)ပိဿာလျှင် (၁၂၀၀၀)ကျပ်၊ နှမ်းဆီ(၁)ပိဿာလျှင် (၉၀၀၀)ကျပ်၊ နေကြာဆီ(၁)ပိဿာလျှင် (၉၀၀၀)ကျပ်နှင့်စားအုန်းဆီ(၁)ပိဿာလျှင် (၉၀၀၀)ကျပ် နှုန်းရောင်းချကြောင်း၊ ဩဂုတ်လ လဆန်းပိုင်းက ကုမ္ပဏီများထံမှရည်ညွှန်းဈေး (၅၁၀၀)ကျပ်ဖြင့် ဝယ်ခွင့်ရခဲ့သောစားအုန်းဆီများအား (၁)ပိဿာလျှင် (၅၅၀၀)ကျပ်ဖြင့် ခရိုင်ဆီအသင်းဦးဆောင်မှုဖြင့် ရောင်းချရန်အစီအစဉ်ရှိပါကြောင်း၊ ရောင်းချမည့်ရက်ကိုလည်း ကွင်းဆင်းစိစစ်ပေးနိုင်ရန်အတွက် စားသုံးသူရေးရာဌာနသို့ တင်ပြဆောင်ရွက်သွားမည်ဖြစ်ပါကြောင်း၊ အခက်အခဲများအနေဖြင့် စားအုန်းဆီများ ဝယ်ယူရာတွင် ခက်ခဲသည့်အတွက်တစ်ခါတစ်ရံ ပြင်ပပေါက်ဈေးဖြင့် ဝယ်ယူရောင်းချရပြီး ဈေးအနည်းငယ်တက်ရကြောင်း၊ စားအုန်းဆီများရည်ညွှန်းဈေးဖြင့် ဝယ်ယူရရှိနိုင်ရေးကူညီ ဆောင်ရွက်ပေးစေလိုကြောင်း ဆွေးနွေးပြောကြားခဲ့ပါ သည်။

    ထို့နောက် ခရိုင်ဦးစီးမှူးကကုန်ပစ္စည်းများကို ဈေးကစားရန်ရည်ရွယ်၍ သိုလှောင်ထား၍မရကြောင်း၊ စားအုန်းဆီများကိုလည်းကြီးကြပ်ရေးကော်မတီက အပတ်စဉ်ထုတ်ပြန်ကြောညာလျက်ရှိသော သတ်မှတ်ရည်ညွှန်းဈေးအပေါ် ဒေသအလိုက်သယ်ယူပို့ဆောင်ခ ကုန်ကျစရိတ်များ ထပ်ပေါင်း၍ (၂)ရာခိုင်နှုန်း အမြတ်ထက်မပိုသောဈေးများဖြင့်သာ ရောင်းချသင့်ကြောင်း၊ စားအုန်းဆီ ရည်ညွှန်းဈေးနှုန်းများဖြင့် စဉ်ဆက်မပြတ်ဝယ်ယူရရှိနိုင်ရေးအတွက် မိမိတို့ဌာနကလည်း မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းကို ချိတ်ဆက်ဆောင်ရွက်လျက်ရှိပါကြောင်း ဆွေးနွေးပြောကြားခဲ့ပြီး လက်ကမ်းစာစောင်များဖြန့်ဝေခဲ့ပါသည်။

DOCA(စစ်ကိုင်း)

    ရွှေဘိုခရိုင်အတွင်းရှိ မြို့နယ်များ၌ ဩဂုတ်လ ဒုတိယပတ်တွင်စပါး /ဆန်ဈေးနှုန်းမှာ အနည်းငယ် မြင့်တက်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဩဂုတ်လ ပထမပတ်တွင် ရန်ကုန်သို့အိတ်ရေ ၃၇၀၀၀ ၊ မန္တလေးသို့အိတ်ရေ၄၇၄၀၀၊ နေပြည်တော်သို့အိတ်ရေ ၁၀၀၀၀၊ ရှမ်း(တောင်)သို့ အိတ်ရေ ၈၅၀၀၊ ရှမ်း(မြောက်)သို့ အိတ်ရေ ၈၅၀၀၊ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၁၂၄၀၀၊ တန်အားဖြင့် ၅၆၂၀တန် စီးထွက်ခဲ့ပါသည်။ ယခုအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့အိတ်ရေ ၄၂၀၀၀၊ မန္တလေးသို့အိတ်ရေ ၅၇၄၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း(တောင်)သို့ အိတ်ရေ ၉၅၀၀၊ ရှမ်း(မြောက်)သို့အိတ်ရေ ၉၅၀၀၊ ပခုက္ကူသို့အိတ်ရေ ၁၀၀၀၊ စုစုပေါင်းအိတ်ရေ ၁၃၁၄၀၀၊ တန်အားဖြင့် ၆၅၇၀တန် စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်လျင် ယခုအပတ်အတွင်းအိတ်ရေ ၁၉၀၀၀၊ တန်အားဖြင့် ၉၅၀တန် ပို၍စီးထွက်ခဲ့ပါသည်။

    ရွှေဘိုမြို့၏ ဩဂုတ်လ ဒုတိယပတ်တွင် ဖြစ်ပေါ်နေသော စပါး/ဆန်  ဈေးနှုန်းများမှာ ရွှေဘိုပေါ်ဆန်းစပါးတင်း ၁၀၀လျင် ကျပ် ၂၃၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျင် ကျပ် ၈၂၀၀၀၊ ဧရာမင်းစပါးတင်း ၁၀၀လျင် ကျပ် ၁၃၀၀၀၀၀၊ ဧရာမင်းဆန် ၂၄ပြည်ပါတစ်အိတ်လျင် ကျပ် ၅၈၀၀၀၊ ၂၀၂၁-၂၀၂၂ခုနှစ်ထွက် နွေစပါး ရွှေဝါထွန်းစပါး တင်း ၁၀၀လျင် ကျပ် ၁၀၀၀၀၀၀၊ ‌ရွှေဝါထွန်းဆန် ၂၄ပြည်ပါ တစ်အိတ်လျင် ကျပ် ၃၃၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

        ဧရာ၀တီတိုင်းဒေသကြီးအတွင်း သြဂုတ်လ ပထမပတ်ရောင်းဝယ်လျှက်ရှိသော စပါး/ ဆန်စျေးနှုန်းများမှာ ပုသိမ်ခရိုင်၊ ပုသိမ်စျေးကွက်တွင် ပေါ်ဆန်းစပါး (၄၆)ပေါင် တင်း(၁၀၀)လျှင် ကျပ် (၁၃၁၉၀၀၀) ဆန် (၁)အိတ် ကျပ် (၅၅၀၀၀)၊ အလတ်စ ဧည့်မထမိုးစပါး (၄၆)ပေါင် တင်း(၁၀၀)လျှင် ကျပ် (၉၁၀၀၀၀) ဆန် (၁)အိတ် ကျပ် (၃၄၀၀၀) နှင့် နွေစပါး (၄၆)ပေါင် တင်း (၁၀၀)လျှင် ကျပ် (၉၀၂၀၀၀) စျေး ဆန်(၁)အိတ် ကျပ် (၃၃၀၀၀)စျေးဖြင့် ရောင်း၀ယ်လျှက်ရှိပြီး သြဂုတ်လ ဒုတိယပတ်တွင် လူနည်းစုစားသုံးသော ပေါ်ဆန်းစျေးကွက်မှာ ယခင်အပတ်ထက် စပါးတင်း(၁၀၀)ကို ကျပ် (၂၀၀၀၀)၀န်းကျင်နှင့် ဆန် (၁)အိတ်ကို ကျပ် (၁၅၀၀)ခန့် စျေးနှုန်းမြင့် တက်လျှက်ရှိကြောင်း၊ ဆန်စပါးစျေးကွက် သတင်း များမှ သိရသည်။

          ဟင်္သာတခရိုင်၊ ဟင်္သာတမြို့နှင့် ခရိုင်အတွင်းရှိ မြို့နယ်များတွင် လူအများ စားသုံးမှု ရှိသော အလတ်စ မိုးဧည့်မထစပါး တင်း (၁၀၀)လျှင် ကျပ် (၈၅၅၀၀၀) စျေး၊ ဆန်(၁)အိတ် ကျပ် (၃၃၀၀၀/၃၄၀၀၀) စျေးအတွင်းနှင့် နွေစပါး တင်း(၁၀၀)လျှင် ကျပ် (၈၂၀၀၀၀)၊ ဆန် (၁)အိတ် ကျပ် (၃၀၀၀၀/၃၁၀၀၀) စျေးနှင့် ရောင်း၀ယ်လျှက်ရှိပြီး သြဂုတ်လ ဒုတိယပတ်တွင် စပါး စျေးနှုန်း အနည်းငယ် မြင့်တက်၍ ဆန်(၁)အိတ်လျှင် ကျပ် (၂၀၀၀) ခန့် မြင့်တက်မှုရှိကြောင်း ဆန်/စပါးစာရင်းများမှ သိရသည်။

          မြောင်းမြခရိုင်၊ မြောင်းမြမြို့နှင့် ခရိုင်အတွင်း မြို့နယ်များတွင် ပေါ်ဆန်းစပါး (၄၆)ပေါင် တင်း(၁၀၀)လျှင် ကျပ် (၁၂၅၀၀၀၀) ၀န်းကျင် ဆန်(၁)အိတ်လျှင် ကျပ် (၅၄၀၀၀)စျေး အလတ်စ မိုးဧည့်မထစပါး (၄၆)ပေါင်၊ တင်း (၁၀၀)လျှင် ကျပ် (၉၂၉၀၀၀)၀န်းကျင် ဆန်(၁)အိတ်လျှင် ကျပ် (၃၂၀၀၀/၃၂၅၀၀) စျေးနှင့် နွေစပါး (၄၆)ပေါင် တင်း(၁၀၀)လျှင် ကျပ် (၈၉၂၀၀၀) စျေး၊ ဆန် (၁) အိတ် ကျပ် (၃၁၀၀၀/၃၁၅၀၀)စျေးနှင့် အရောင်းအ၀ယ်ဖြစ်နေပြီး သြဂုတ်လ ဒုတိယပတ်မှာ စပါးစျေးသောင်းဂဏန်း ၀န်းကျင်နှင့် ဆန် (၁)အိတ်လျှင် ကျပ် (၂၀၀၀) ခန့် စျေးနှုန်းမြင့်တက်မှု ရှိကြောင်း ဆန်စပါးသတင်းများမှ သိရသည်။

          မအူပင်ခရိုင်၊ မအူပင်မြို့နှင့် ခရိုင်အတွင်း ပေါ်ဆန်စပါး (၄၆)ပေါင် တင်း (၁၀၀) လျှင် ကျပ် (၁၂၆၀၀၀၀) ဆန် (၁)အိတ်လျှင် ကျပ် (၅၄၀၀၀)၊ မိုးဧည့်မထစပါး (၄၆)ပေါင် တင်း (၁၀၀) ကျပ် (၈၇၇၀၀၀) ဆန် (၁)အိတ်လျှင် ကျပ် (၃၄၀၀၀) နှင့် နွေဧည့်မထစပါး (၄၆)ပေါင် တင်း (၁၀၀)လျှင် ကျပ် (၈၆၇၀၀၀) စျေး ဆန်(၁)အိတ်လျှင် ကျပ် (၃၃၀၀၀) နှင့် စျေးကွက်အတွင်း  အရောင်းအ၀ယ် ဖြစ်လျှက်ရှိပြီး ယခင်အပတ်နှင့် ယခုအပတ်စျေးနှုန်းမှာ စပါးစျေး သောင်းဂဏန်းနှင့် ဆန်(၁) အိတ် ကျပ် (၂၀၀၀)ခန့် စျေးနှုန်းမြင့်တက်မှုရှိကြောင်း ဆန်စပါး စာရင်းများမှ သိရသည်။

       ဖျာပုံခရိုင်နှင့် ခရိုင်အတွင်း မြို့နယ်များတွင် ပေါ်ဆန်းစပါး (၄၆)ပေါင် တင်း (၁၀၀)လျှင် ကျပ်(၁၂၆၅၀၀၀)၀န်းကျင်၊ ဆန်(၁)အိတ်လျှင် ကျပ် (၅၅၀၀၀)ခန့်စျေးမှ ယခုစျေး စပါးတင်း (၁၀၀)၊ ကျပ် (၁၂၈၄၀၀၀) ဆန် (၁)အိတ်လျှင် ကျပ် (၅၇၀၀၀) ဖြစ်သွားသည့်အတွက် စပါးတင်း (၁၀၀)လျှင် ကျပ် (၂၀၀၀၀)ခန့်နှင့် ဆန် (၁)အိတ်လျှင် ကျပ် (၂၀၀၀) ၀န်းကျင် ယခင်အပတ်ထက် စျေးနှုန်း မြင့်တက်၍ အရောင်းအ၀ယ်ဖြစ်နေကြောင်း ဆန်စပါး စျေးကွက်သတင်းများမှ သိရသည်။

          ဧရာ၀တီတိုင်းဒေသကြီးမှ အခြားတိုင်းဒေသကြီးများသို့ ဆန်စပါးထွက်မှုမှာ ၂၀၂၂ ခုနှစ်၊ ဇူလိုင်လအတွင်း ရန်ကုန်မြို့သို့ ကားလမ်းနှင့်ရေလမ်းမှ အိတ်ရေ (၁၀၂၂၆၇၂)၊ မကွေးတိုင်း ဒေသကြီးသို့ ရေလမ်းမှ အိတ်ရေ (၃၇၃၀၀) နှင့် တနင်္သာရီတိုင်းဒေသကြီးသို့ ရေလမ်းမှ အိတ်ရေ (၃၁၀၀၀) စုစုပေါင်းအိတ်ရေ (၁၀၉၀၉၇၃) တင်ပို့နိုင်ခဲ့ပြီး လက်ရှိတိုင်းဒေသကြီးအတွင်း ဆန်၊ စပါးစျေးကွက်မှာ မိုး/နွေစပါး လက်ကျန်များ လျော့နည်းလာပြီး စက်ပိုင်အချို့ ကုန်သည်ကြီး များနှင့် တောင်သူလက်ကြီးသမားများထံတွင်သာ စပါးလက်ကျန်ရှိနေပြီး စပါးလက်ကျန် နည်းပါးနေခြင်း၊ ရန်ကုန်၀ယ်လက်နှင့် ဒေသတွင်း ၀ယ်လိုအားရှိခြင်း၊ စက်ပိုင်နှင့် ကုန်သည်များ မှ စပါးရရှိအောင် စျေးပေး၀ယ်ယူမှုများကြောင့် စပါး/ဆန်စျေးနှုန်း အနည်းငယ်မြင့်တက်လျှက် ရှိကြောင်း ဆန်/စပါးသတင်းများမှ သိရသည်။

DOCA(ဧရာဝတီ)

              ကျောက်ဆည်ခရိုင် ၊ စားသုံးသူရေးရာဦးစီးဌာန ခရိုင်ဦးစီးမှူးဦးဆောင်သောဝန်ထမ်းများ သည် (၆-၈-၂၀၂၂)ရက်နေ့တွင် ကျောက်ဆည်မြို့၊အေးမြကြည်လင်စျေး နှင့် လေးမျက်နှာဘုရားဝန်း တို့တွင် နေလသုခဆီဆိုင်မှ စားသုံးသူပြည်သူများထံသို့ စားအုန်းဆီများအား လက်လီ ၊ လက်ကား ဖြန့်ဖြူးရောင်းချသည့်လုပ်ငန်းသို့ စျေးကွက်စောင့်ကြည့်စစ်ဆေးခြင်း လုပ်ငန်း များဆောင်ရွက်ခဲ့ပါသည်။ထိုသို့စစ်ဆေးဆောင်ရွက်ရာတွင် ကျောက်ဆည်ခရိုင်၊ စားသုံးသူရေးရာ ဦးစီးဌာန၊ ခရိုင်ဦးစီးမှူး ကမိမိတို့ဝန်ကြီးဌာနမှစားသုံးဆီတင်သွင်း၊ သိုလှောင်၊ဖြန့်ဖြူးခြင်းလုပ်ငန်း ကြီးကြပ်ရေးကော်မတီကိုဖွဲ့စည်းကာပြည်ပမှတင်သွင်းလာသည့် စားသုံးဆီများအား သတ်မှတ် အရည်အသွေးစံချိန်စံညွှန်းများနှင့်ပြည့်မီစေရေး၊စားသုံးသူပြည်သူများကျန်းမာရေးနှင့် ညီညွတ်သော စားသုံးဆီများကိုသုံးစွဲနိုင်ရေး၊စျေးနှုန်းတည်ငြိမ်စွာဖြင့်ဝယ်ယူစားသုံးနိုင်စေရေးတို့ အတွက်ကြီးကြပ် ထိန်းကျောင်းလျှက်ရှိကြောင်း၊ ယခုဝယ်ယူခွင့်ရရှိသည့် ကုန်သည်များအနေဖြင့် စားအုန်းဆီများကို ရန်ကုန်အထိုင်စျေး ရည်ညွှန်း လက်ကားစျေးနှုန်းအပေါ်  သယ်ယူပို့ဆောင်ခ ကုန်ကျစရိတ်များ ထပ်ပေါင်း၍ ၂% အမြတ်ထက် မပိုသော စျေးနှုန်းဖြင့်ရောင်းချရမည်ဖြစ်ပြီး စျေးကွက်အတွင်း ဖြစ်သင့်ဖြစ်ထိုက်သည့်စျေးနှုန်းများဖြင့် ရောင်းချစေရေး ၊ စျေးနှုန်း အဆမတန်မြှင့်တင် ရောင်းချ ခြင်းများမပြုလုပ်စေရေးတို့အတွက် မိမိတို့အဖွဲ့မှကွင်းဆင်းပြီး စျေးကွက်စောင့်ကြည့် စစ်ဆေးခြင်း လုပ်ငန်းများ ဆောင်ရွက်ရခြင်းဖြစ် ကြောင်းရှင်းလင်းပြောကြားခဲ့ပါသည် ။ ကျောက်ဆည်မြို့ရှိ စားသုံးဆီ ဝယ်ယူခွင့်ရရှိသူ ဦးပေါ်လာမှ ကျောက်ဆည်မြို့ ၊ အေးမြကြည်လင်စျေးနှင့်လေးမျက်နှာ ဘုရားဝန်းတို့တွင် စားသုံးသူပြည်သူများ အားစားအုန်းဆီ(၁)ပိဿာလျှင်(၆၁၀၀/-) ကျပ်နှုန်းဖြင့် ရောင်းချခဲ့ကြောင်းသတင်းရရှိပါသည်။

DOCA(မန္တလေး)