ပြည်တွင်းကုန်သွယ်မှုသတင်း

              ပဲခူးတိုင်းဒေသကြီး၊ တောင်ငူမြို့ အရှေ့ဘက်ရှိ ကရင်ပြည်နယ် သံတောင်ကြီးဒေသမှ ဒူးရင်းသီးများ ပေါ်နေပြီဖြစ်ရာ တောင်ငူမြို့သို့ ဒူးရင်းသီးများ ဝင်ရောက်လာပြီဖြစ်ပါသည်။ ဒူးရင်းသီးရာသီဖြစ်ပြီး လူကြိုက်များသောကြောင့် တောင်ငူမြို့ရှိ ဘုရင့်နောင်ဈေးနှင့် ညောင်ပင်ဈေးများတွင် ဒူးရင်းသီးရောင်းဝယ်ဖောက်ကားသူများဖြင့် စည်ကားလျက်ရှိပါသည်။

              ယခု အချိန်ကာလသည် ဒူးရင်းသီး ပေါ်ဦးကာလဖြစ်သောကြောင့် ဒူးရင်းသီးများ ဈေးကောင်းရလျက်ရှိပြီး ဈေးနှုန်းလည်း မြင့်နေသည်ကို တွေ့ရပါသည်။ ဒူးရင်းသီး ဈေးနှုန်းအနေဖြင့် အသေး (၁) လုံးလျှင် ၂၅၀၀ ကျပ်မှ ၄၀၀၀ ကျပ်၊ အလတ် (၁)  လုံးလျှင် ၅၀၀၀ မှ ၆၅၀၀ ကျပ်နှင့် အကြီး (၁) လုံးလျှင် ၈၀၀၀ ကျပ်မှ ၁၀၀၀၀ ကျပ် ဝန်းကျင်ထိဈေးကောင်းရလျှက် ရှိပါသည်။ တောင်ငူမြို့ ဒူးရင်းသီးပွဲရုံများသို့ ရောက်ရှိလာသော ဒူးရင်းသီးများကို ဒေသတွင်းအပြင် ရန်ကုန်မြို့ရှိ သီရိမင်္ဂလာဈေးသို့လည်း တင်ပို့ရောင်းချရပါသည်။ ရှေ့လ ဒူးရင်းသီး လှိုင်လှိုင်ပေါ်မည့် ကာလတွင် ဒူးရင်းသီးဈေးနှုန်းများ ကျဆင်းသွားမည်ဖြစ်ကြောင်း တောင်ငူမြို့ ဘုရင့်နောင်ဈေးတွင် ဒူးရင်းသီးရောင်းချနေသူ တစ်ဦးထံမှ သိရပါသည်။

DOCA(ပဲခူး)

             ယခုအချိန်ရာသီကာလသည် ကြက်မောက်သီးများ လှိုင်လှိုင်ပေါ်ချိန်ဖြစ်ရာ ပဲခူးဈေးကွက်အတွင်းသို့ ကြက်မောက်သီးများ စတင်ဝင်ရောက်လျက်ရှိနေပြီဖြစ်ကြောင်း သိရပါသည်။ အဆိုပါကြက်မောက်သီးများအား မွန်ပြည်နယ်အတွင်းရှိ ကျိုက်ထို ၊ဘီးလင်း၊ သထုံ ၊ မော်လမြိုင်မြို့များမှ အများဆုံးဝင်ရောက်လျက်ရှိကြောင်း သိရသည်။

             ကြက်မောက်သီးခြံများမှ တိုက်ရိုက်ဝယ်ယူသည့် ပဲခူးမြို့ဈေးကြီးမှ ကုန်သည်ကြီးများအနေဖြင့် အလုံး(၁၀၀)လျှင် ၈၀၀၀-၁၃၀၀၀ကျပ်နှုန်းရှိကြောင်း သိရပြီး လက်လီဈေးကွက်တွင် ကြက်မောက်သီးသည် လူကြိုက်များသည့်သီးနှံဖြစ်သောကြောင့် အလုံး(၁၀၀)လျှင်၁၀၀၀၀-၁၅၀၀၀ကျပ် နှုန်းဖြင့် ရောင်းချလျက်ရှိကြောင်း၊ တစ်နေ့လျှင်အရေအတွက်အားဖြင့် အလုံး(၃၀၀)မှ(၅၀၀)ကျော်အထိ ရောင်းချရကြောင်း ဈေးသည်တစ်ဦးထံမှ သိရှိရသည်။

DOCA(ပဲခူး)

       ပြည်တွင်းမွေးမြူရေးလုပ်ငန်းအတွက် အဓိကအစာကုန်ကြမ်းဖြစ်သည့် ဖွဲနု(Rice Bran) ဈေးနှုန်းသည် ယခုနှစ်အတွင်း၌ မြင့်တက်လျှက်ရှိကြောင်း သိရှိရသည်။ စပါးဘေးထွက်ပစ္စည်းဖြစ်သည့် ဖွဲနုသည် ယခင်နှစ်တွင် တစ်ပေါင်လျှင်(၁၀၅-၁၁၀)ကျပ် တစ်အိတ်(ပေါင်၇၀)လျှင် (၇၃၀၀-၇၇၀၀)ကျပ် သာရှိကြောင်း လက်ရှိအချိန်တွင် တစ်ပေါင်လျှင် (၁၉၅-၂၀၀) ကျပ် တစ်အိတ်(ပေါင်၇၀) လျှင် (၁၃၀၀၀-၁၄၀၀၀) ကျပ် အထိ ရှိနေပြီး ဖွဲနုကုန်ကြမ်း အခြေခံပြီးကျွေးသည့် မွေးမြူရေးလုပ်ငန်းများတွင် အခက်အခဲများရှိကြောင်း သိရသည်။

              ဆန်စက်များတွင် လုံးတီးဆန်များ ကြိတ်ခွဲခြင်းကြောင့် ဖွဲနုအထွက်နည်းပါ၍ ဖွဲနုဈေးနှုန်း မြင့်တက်ခဲ့ခြင်းဖြစ်ပြီး ဆန်စက်များအနေဖြင့် လုံးတီးဆန်ကြိတ်ခွဲရခြင်းမှာ လျှပ်စစ်မီး ပြတ်တောက်မှုများပြားလာသည့် အခြေအနေတွင် Generator Engine အသုံးပြုလည်ပတ်ရာ၌ ဆန်စက်၏ စက်ယူနစ်အားလုံး လည်ပါတ်ကြိတ်ခွဲနိုင်ခြင်း မပြုနိုင်သည့်အတွက် လုံးတီးဆန်များသာ ကြိတ်ခွဲထုတ်လုပ်ကြကြောင်း သိရသည်။

DOCA(ပဲခူး)

             ယခုနှစ် မတ်လအတွင်းက ထွက်ရှိခဲ့သည့် ဆောင်းမြေပဲများမှာ ယခုတစ်ပတ်အတွင်းမုံရွာ ဈေးကွက်သို့ နယ်အဝင်များခဲ့သလို အရောင်းအဝယ်လည်းဖြစ်ခဲ့ကြောင်း ကုန်သည်များထံမှ သိရှိရပါသည်။ မေလဆန်းပိုင်းမှစ၍ မြန်မာနိုင်ငံသို့ စားအုန်းဆီ အဓိကတင်သွင်းနေသည့် အင်ဒိုနီးရှားနိုင်ငံမှ စားအုန်းဆီပြတ်လပ်မှုကို လျော့ချရန်နှင့် ဈေးနှုန်းများထိန်းထားနိုင်ရန်အတွက် ပြည်ပနိုင်ငံများသို့ စားအုန်းဆီတင်ပို့ရောင်းချမှုအား ရပ်ဆိုင်းခဲ့ပြီးနောက် ပြည်တွင်းစားအုန်းဆီ ဈေးနှုန်းများ မြင့်တက်လာသည့်နှင့် အမျှဒေသတွင်းမှ ကြိတ်ခွဲထွက်ရှိသည့်မြေပဲဆီ၊ နှမ်းဆီနှင့် နေကြာဆီဈေးနှုန်းများလည်း အနည်းငယ်စီမြင့်တက်ခဲ့ကြောင်း ဆီကုန်သည်များထံမှ လေ့လာသိရှိရသည်။

         ဈေးကွက်အတွင်း၌ စားအုန်းဆီဈေးနှုန်းနှင့်ဒေသတွင်းမှ ထွက်ရှိသည့်မြေပဲဆီ၊ နေကြာဆီများ  ဈေးနှုန်းကွာဟမှု နည်းပါးလာခြင်းများကြောင်းလည်း မြေပဲဆီ၊ နေကြာဆီများကို ဝယ်ယူစားသုံးမှု ပိုမိုများပြားလာသလို ကျန်းမာရေးနှင့်လည်း ပိုမိုညီညွတ်သည့်အတွက် ဝယ်ယူသုံးစွဲမှုပိုမိုများပြားလာခြင်းဖြစ်ကြောင်း၊ ဝယ်ယူသုံးစွဲမှုများပြားလာသည့်နှင့် အမျှမြေပဲဆီရောင်းအားမှာလည်း တစ်ရက်ထက်တစ်ရက် မြင့်တက်ခဲ့ကြောင်း၊ လက်ရှိဈေးကွက်အတွင်း၌ မြေပဲဆီတစ်ပိဿာ ပုံးမပါ(၈၀၀ဝိ/-)၊ ပုံးပါ(၈၅၀ဝိ/မှ ၉၀၀ဝိ/-)နှုန်းဖြင့် အရောင်းအဝယ်ဖြစ်လျှက်ရှိပြီး ယခင်လဈေးနှုန်းနှင့် နှိုင်းယှဉ်ပါက တစ်ပိဿာ (၅၀ဝိ/-) ခန့်ဈေးတက်ခဲ့ကြောင်း ဆီကုန်သည်များထံမှ သိရှိရပါသည်။

         ဒေသတွင်းဆီစက်များမှလည်း ကုန်ကြမ်းဝယ်ယူမှု များပြားနေ့သည့်အတွက် နယ်အဝင်ရှိသလောက် အရောင်းအဝယ်ဖြစ်လျက်ရှိကြောင်း၊ လက်ရှိမုံရွာဈေးကွက်အတွင်းသို့ ယင်းမာပင်၊ ကနီ၊ ချောင်းဦးနှင့် မြောင်နယ်များမှ အဝင်များလျက်ရှိပြီး မိုးမြေပဲစိုက်ပျိုးရန်အတွက် မျိုးအဖြစ် ဝယ်ယူမှုများလည်းရှိနေသည့်အတွက် အရောင်းအဝယ်သွက်လျှက်ရှိကြောင်း၊ ပြီးခဲ့သည့်ဧပြီလက မြေပဲဆံတစ်ပိဿာ(၃၅၀၀) မှ (၃၉၀၀) ပေါက်ဈေးရှိခဲ့ရာ ယခုမေလ တတိယပတ်အတွင်း၌ မြေပဲဆံ တစ်ပိဿာ (၃၈၅၀) မှ (၄၁၀၀) ထိ ဈေးနှုန်းဖြစ်ပေါ်ခဲ့ပြီး တစ်ရက်လျှင် အိတ် (၅၀၀) ခန့် အရောင်းအဝယ်ဖြစ်လျက်ရှိကြောင်း ဒေသတွင်းဆီစက်များနှင့် မြေပဲစာလှော်လုပ်ငန်းများမှ ကုန်ကြမ်းဝယ်ယူ စုဆောင်းမှုများရှိသလို မန္တလေးနှင့် ပခုက္ကူမြို့များသို့လည်း တင်ပို့မှုများရှိကြောင်း ကုန်သည်များ၏ ဆွေးနွေးပြောကြားချက်အရ သိရှိရပါကြောင်း တင်ပြလိုက်ရပါသည်။

DOCA(စစ်ကိုင်း)

            ရန်ကုန်တိုင်းဒေသကြီး ၊လှိုင်မြို့နယ် သီရိမင်္ဂလာဈေးတွင် မေလ (၁၁) ရက်နေ့မှ မေလ (၁၆) ရက်နေ့ အထိဖြစ်ပေါ်ခဲ့သော သစ်သီးဝလံဈေးနှုန်းများမှာ ဖျာပုံမှ နှင်းသီး အလုံးကြီး အလုံး ၁၅၀ ပါ တောင်းတစ်တောင်းလျှင် ကျပ် ၁၀၀၀၀၊ ကျိုက်ကော် မှ နာနတ်သီး အလုံးကြီး ၁လုံးလျှင် ကျပ် ၁၅၀၀ မှ ၁၂၀၀၊ အလုံးလတ် ၁လုံးလျှင် ကျပ် ၁၀၀၀ မှ ၈၀၀ ၊ အလုံးသေး ၁လုံးလျှင် ကျပ် ၆၀၀ မှ ၄၀၀၊ ဗန်းမော်၊ ကသာ မှ ဖရဲသီး (855) အလုံးကြီး ၁လုံးလျှင် ကျပ် ၆၀၀၀၊ အလုံးလတ် ၁လုံးလျှင် ကျပ် ၄၀၀၀၊ အလုံးသေး ၁လုံးလျှင် ကျပ် ၃၀၀၀ ၊ သဲတော၊ ဝမ်းတွင်း မှ ဖရဲသီး (211) အလုံးကြီး ၁လုံးလျှင် ကျပ် ၂၅၀၀၊ အလုံးလတ် ၁လုံးလျှင် ကျပ် ၁၅၀၀၊ အလုံးသေး ၁လုံးလျှင် ကျပ် ၁၀၀၀ ၊  မှော်ဘီ၊ တိုက်ကြီးမှ မာလကာသီး အလုံးကြီး ၁လုံးလျှင် ကျပ် ၅၀၀၊ အလုံးလတ် ၁လုံးလျှင် ကျပ် ၃၀၀၊ အလုံးသေး ၁လုံးလျှင် ကျပ် ၂၀၀၊ မန္တလေး(ပေါ်တော်မူ) မှ သရက်သီး (စိန်တလုံး) အလုံးကြီး အလုံး ၅၀ ပါ တစ်ခြင်းလျှင် ကျပ် ၁၇၀၀၀၊ အလုံးလတ် အလုံး ၇၀ ပါ တစ်ခြင်းလျှင် ကျပ် ၁၄၀၀၀၊ အလုံးသေး အလုံး ၈၅ ပါ တစ်ခြင်း လျှင်ကျပ် ၁၀၀၀၀ ၊ မအူပင်(ရွှေတောင်ပေါ်) မှ သရက်သီး (ရင်ကွဲ) အလုံးကြီး အလုံး ၈၀ လုံးပါ တောင်းတစ်တောင်းလျှင် ကျပ် ၁၂၀၀၀၊ အလုံးလတ် အလုံး ၉၀ ပါ တောင်းတစ်တောင်းလျှင် ကျပ် ၁၀၀၀၀၊ အလုံးသေး အလုံး ၁၀၀ ပါ တောင်းတစ်တောင်းလျှင် ကျပ် ၈၀၀၀၊ မအူပင်(ရွှေတောင်ပေါ်) မှ သရက်သီး (မချစ်စု) အိတ်စွပ် အလုံးကြီး အလုံး ၅၀ လုံးပါ တောင်းတစ်တောင်းလျှင် ကျပ် ၄၅၀၀၀၊ အလုံးလတ် အလုံး ၆၀ ပါ တောင်းတစ်တောင်း လျှင်ကျပ် ၃၀၀၀၀၊  အလုံးသေး အလုံး ၈၀ ပါ တောင်းတစ်တောင်းလျှင်   ကျပ် ၂၀၀၀၀၊ ပြင်ဦးလွင်မှ စတော်ဘယ်ရီ ၅ ပိဿာတစ်ခြင်းလျှင် ကျပ် ၃၀၀၀၀၊ (၁၀) ကျပ်သား၁ဗူးလျှင် ကျပ် ၇၀၀ ဈေးတို့ရှိကြောင်း သီရိမင်္ဂလာဈေးရှိ မြန်မာနိုင်ငံသစ်သီးဝလံ ပန်းမန်ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း (MFVP) မှသိရှိရပါသည်။

DOCA(ရန်ကုန်)