ပြည်တွင်းကုန်သွယ်မှုသတင်း

             မြင်းခြံမြို့နယ်အတွင်းရှိ စံပြဈေးနှင့် အေးမြသီတာ‌ဈေးတို့တွင် ရောင်းချနေသော ဘုရားပန်း အမျိုးမျိုးကို ရှမ်းပြည်နယ်တောင်ပိုင်းဖြစ်သောအောင်ပန်းမြို့နှင့် မန္တလေးမြို့တို့မှ မှာယူရောင်းချကြောင်း၊ ၂၀၂၅ ခုနှစ်၊ နိုဝင်ဘာလ၌ရောင်းချနေသော ပန်းမျိုးစုံဈေးနှုန်းများအနေဖြင့် မေမြို့ပန်း တစ်စည်းလျှင် (၂၀၀၀-၂၅၀၀) ကျပ်၊ ပန်းထိမ်ငိုပန်းတစ်စည်းလျှင် (၁၅၀၀- ၂၀၀၀) ကျပ်၊ သစ္စာပန်း တစ်စည်းလျှင် (၂၅၀၀-၃၀၀၀) ကျပ်၊  ဂျပန်အနီနှင်းဆီ ၁၀ ပွင့်ပါတစ်စည်းလျှင် (၃၀၀၀-၃၅၀၀) ကျပ်၊ လီလီပန်းတစ်ခက်လျှင် (၂၀၀၀၀) ကျပ်၊ စိန်လယ်တုံတစ်စည်းလျှင် (၁၅၀၀-၂၀၀၀) ကျပ်နှင့် နှင်းပန်း တစ်စည်းလျှင် (၁၀၀၀) ကျပ်ပေါက်ဈေးများဖြင့်ရောင်းချခဲ့ကြောင်း၊ ယခင်လ ဈေးနှုန်းများ အတိုင်း ရောင်းချလျက်ရှိ ကြောင်းသိရှိရသည်။ ဗုဒ္ဓဘာသာ မြန်မာလူမျိုးများသည် သဒ္ဒါကြည်ညိုစိတ်ဖြင့် မြတ်စွာဘုရား ကိုရည်မှန်းပြီး ဘုရားပန်းအမျိုးမျိုး ကပ်လှူကြသောကြောင့်ဘုရားပန်းများမှာဈေးကွက်တစ်ခုဖြစ်လျက်ရှိပြီးနေ့စဉ်ရောင်းချရကြောင်း၊ကုသိုလ်လည်းရဝမ်းလည်းဝ၍ မွန်မြတ်သော အရောင်း အဝယ်ဖြစ်ကြောင်း၊ ပန်းအရည်အသွေး လတ်ဆတ်မှုအပေါ်တွင် ဈေးနှုန်းများအနည်းငယ် ကွာခြားကြောင်း ဘုရားပန်းရောင်းချသူတစ်ဦး၏ ပြောပြချက် အရသိရှိရသည်။

DOCA(မန္တလေး)

 ၂၀၂၅ ခုနှစ်၊ ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်အတွင်းရှိ ကျေးရွာဆန်စက်များမှ ဝမ်းစာစပါးကြိတ်ခွဲထုတ်လုပ်ရာမှ ထွက်ရှိသော ဆန်ထွက်ပစ္စည်းဖွဲနုများကို ဒေသတွင်း သုံးစွဲရာ၌ ငါးမွေးကန်များ၊ ကြက်မွေးမြူရေးခြံများ၊ ဝက်မွေးမြူရေးခြံများနှင့် အခြားသောတိရိစ္ဆာန်အစာများ အဖြစ် အသုံးပြုကြပါသည်။

          ကျိုင်းတုံမြို့နယ်အတွင်းရှိ ငါးမွေးကန်များ၊ ကြက်မွေးမြူရေးခြံများ၊ ဝက်မွေးမြူရေးခြံများနှင့် အခြားသောတိရိစ္ဆာန်များ တစ်ပိုင်တစ်နိုင်မွေးမြူခြင်းများလာခြင်းကြောင့် စပါးကြိတ်ခွဲရာမှ ထွက်ရှိ သော ဖွဲနု၊ ဖွဲကြမ်းများသည် ကျိုင်းတုံမြို့နယ်အတွင်း၌ ဖွဲနု၊ ဖွဲကြမ်းများ လုံလောက်မှုမရှိပါသဖြင့် လဲချားမြို့၊ မိုင်းပျဉ်းမြို့၊ မိုင်းယောင်းမြို့၊ မိုင်းခတ်မြို့များမှ ကျိုင်းတုံမြို့သို့ ဝင်ရောက်လျက်ရှိ ကြောင်း သိရှိရပါသည်။

          ယခု ၂၀၂၅ ခုနှစ်၊ ဖွဲနု (ကြမ်း/ချော) ၏ ဈေးနှုန်းများမှာ နိုဝင်ဘာလ ပထမအပတ်တွင် ဖွဲနု (၂၅) ကီလိုတစ်အိတ် လက်ကားဈေးနှုန်းမှာ (၃၁၀၀၀) ကျပ်၊ လက်လီဈေးနှုန်းမှာ (၃၂၀၀၀) ကျပ်၊ ဖွဲကြမ်း (၂၅) ကီလိုတစ်အိတ် လက်ကားဈေးနှုန်းမှာ (၁၈၀၀၀) ကျပ်၊ လက်လီဈေးနှုန်းမှာ (၁၉၀၀၀) ကျပ်ဈေးဖြင့် ရောင်းဝယ်လျက်ရှိပါသည်။ ယခင်လနှင့် ယခုလ ဈေးနှုန်းနိုင်းယှဉ်ပါက ဖွဲနု (၂၅) ကီလိုတစ်အိတ်လျှင် (၃၂၀၀၀) ကျပ်၊ ဖွဲကြမ်း (၂၅) ကီလိုတစ်အိတ်လျှင် (၁၉၀၀၀) ကျပ်ဖြင့် ဈေးနှုန်းတည်ငြိမ်ပြီး ရောင်းဝယ်ဖြန့်ဖြူးလျက်ရှိပါသည်။ ဖွဲနု၊ ဖွဲကြမ်း ဈေးကွက်မှာ ဝင်ရောက်မှု အနည်း/ အများပေါ်မူတည်၍ ဈေးနှုန်းများကို ပုံမှန်တွက်ဆ၍ မရနိုင်ပါကြောင်း ဖွဲနု၊ ဖွဲကြမ်း ဝယ်ယူရောင်းချသူများထံမှ သိရှိရပါသည်။

DOCA(ရှမ်း)

        မြင်းခြံမြို့ရှိ အေးမြသီတာဈေးတွင် လူသုံးကုန်ပစ္စည်းအမျိုးမျိုး၊ ကုန်ခြောက်ပစ္စည်းအမျိုးမျိုးနှင့် အသားငါး မျိုးစုံများ ရောင်းချလျက်ရှိရာ ဈေးရောင်းသူဝယ်သူများဖြင့် စည်ကားလျှက်ရှိသည်။ ၂၀၂၅ ခုနှစ်၊ နိုဝင်ဘာလ၌ အသားတန်းဈေးတွင် ရောင်းချနေသောဝက်သား(အသားသန့်)တစ်ပိဿာလျှင် (၃၇၀၀၀) ကျပ်၊ ဝက်သား(သုံးထပ်သား)တစ်ပိဿာလျှင် (၃၂၀၀၀) ကျပ်၊ ဝက်ပေါင်သား တစ်ပိဿာလျှင် (၃၃၀၀၀)ကျပ်၊ ဝက်နံရိုးတစ်ပိဿာလျှင် (၃၂၅၀၀)ကျပ်၊ ဝက်ကလီစာတစ်ပိဿာလျှင် (၂၄၀၀၀) ကျပ်၊ ဝက်အသည်းတစ်ပိဿာလျှင်  (၃၅၀၀၀) ကျပ်နှင့် ဝက်ရိုးတစ်ပိဿာလျှင် (၁၅၀၀၀) ကျပ် ပေါက်ဈေးများဖြင့် ရောင်းချလျက်ရှိကြောင်း၊ ယခင်လအတိုင်း ဝက်သားဈေးနှုန်းများ ပြောင်းလဲမှုမရှိကြောင်း၊ ဝက်သားသည် လူကြိုက်များသောကြောင့် စားသုံးမှုများပြီး ဈေးကွက်တွင် အရောင်းအဝယ်သွက်လျက်ရှိကြောင်း၊ နေ့စဉ်ဝက်သား အချိန်ပိဿာ (၁၅-၂၀) ခန့်ရောင်းချရကြောင်း၊ စားသောက်ဆိုင်များနှင့် ဝက်သားဒုတ်ထိုး ဆိုင်များမှလည်းနေ့စဉ် ဝယ်ယူမှုရှိကြောင်း၊ အရောင်းအဝယ် ကောင်းကြောင်း ဝက်သားရောင်းချသူတစ်ဦး၏ပြောပြချက်အရသိရှိရသည်။ ဝက်သားသည် အာဟာရ တန်ဖိုးအနေဖြင့် ဗီတာမင်ဘီဝမ်း၊ ဘီ6၊ ဘီ12၊ သံဓာတ်၊ ဇင့်ဓာတ်စသည့်ပရိုတင်းဓာတ်များ ကြွယ်ဝသော်လည်း ကျန်းမာရေးအရ အဆီပါဝင်နှုန်းကိုထိန်းညှိစားသုံရန် လိုအပ်ကြောင်း သိရှိရသည်။

DOCA(မန္တလေး)

       မုံရွာမြို့၊ သံလမ်းဈေးတွင် ဂေါ်ရခါးသီးများ ရောင်းချလျက်ရှိရာ ဂေါ်ရခါးသီးသည် ရှမ်းပြည်နယ်တောင်ကြီး၊ အောင်ပန်း၊ ကလောနှင့် ရွာငံ၊ ရေဦးဒေသများမှ အဓိက ဝင်ရောက်လျက်ရှိကြောင်း သိရှိရပါသည်။

          ၂၀၂၅ ခုနှစ်၊ နိုဝင်ဘာလ စတုတ္ထပတ်တွင်  သံလမ်းဈေးတွင် ဖြစ်ပေါ်နေသော ဂေါ်ရခါးသီဈေးနှုန်းများကို ဂေါ်ရခါးသီးအသေး(၁)လုံးလျှင် (၅၀၀)ကျပ်၊ ဂေါ်ရခါးသီးအလတ် (၁)လုံး လျှင် (၇၀၀) ဂေါ်ရခါးသီးအကြီး(၁)လုံးလျှင် (၈၀၀)ကျပ်နှင့် ဂေါ်ရခါးညွှန့်ဈေးနှုန်း (၃၀၀)ကျပ်မှ (၃၅၀)ကျပ်ဖြင့်  ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

                 မျှစ်ခြောက်သည် လူကြိုက်များသော အစားအစာအဖြစ် စားသုံးကြကြောင်း၊ မြင်းခြံမြို့နယ် အတွင်း‌ရောင်းချနေသော မျှစ်ခြောက်များကို ပခုက္ကူမြို့နှင့် ရေစကြိုမြို့တို့မှ တင်သွင်းရောင်း ချကြောင်း၊ ၂၀၂၅ခုနှစ်၊ နိုဝင်ဘာလ၌ အေးမြသီတာဈေး၌ ရောင်းချနေသော မျှစ်ခြောက် တစ်ဆယ် ကျပ်သားလျှင် (၄၅၀၀)ကျပ်ခန့်ပေါက်ဈေးများဖြင့် ရောင်းချကြောင်း၊ အထားအသိုခံသော မျှစ်ခြောက်အား တောရောမြို့နေလူဦးရေ ဝယ်ယူစားသုံးမှုများပြားကြောင်း စားဖိုဆောင်အုပ်စုဖြစ်သော မြစ်ခြောက်သီးနှံကို စားသုံးမှုများပြား၍ အရောင်းအဝယ်ကောင်းကြောင်း၊  ကုန်ခြောက် ရောင်းချသူ၏‌ ပြောပြချက်အရသိရှိရသည်။ မျှစ်ခြောက် (မျှစ်)သည် ပရိုတင်းဓာတ်၊ ဗီတာမင်၊ သံဓာတ်နှင့် ပိုတက် ဆီယမ်ဓာတ် စသည့်တို့ပါဝင်ပြီး ကယ်လိုရီနည်း၍ ကာဗိုဟိုက်ဒရိတ်၊ အဆီနှင့်သကြားဓာတ် လည်းနည်းပါးသဖြင့်  ကျန်းမာရေးအတွက် အထောက်အကူပြုကြောင်း၊ တားရှည် ခံဓါတုဆေးမပါသော သဘာဝမျှစ်များကိုရွေးချယ် စားသုံးသင့်ပါကြောင်း လေ့လာသိရှိရ သည်။

DOCA(မန္တလေး)