ပြည်တွင်းကုန်သွယ်မှုသတင်း

        ၂၈.၁၁.၂၀၂၅ရက်နေ့ နံနက် (၀၉:၀၀)နာရီအချိန်တွင်‌ မအူပင်ခရိုင်၊ ညောင်တုန်းမြို့နယ်ဆန်စက် အသင်းရုံးရှေ့တွင် ရပ်ကွက်နေပြည်သူများအား ဒုတိယနေ့အဖြစ်  ဧရာဝတီ ပေါ်ဆန်းဆန်နှင့် ဆင်းသုခဆန်များအား နေ့စဉ် ဆက်လက်၍ သင့်တင့်မျှတသော ဈေးနှုန်းဖြင့်ရောင်းချပေးသွားမည်ဖြစ်ကြောင်း သိရသည်။

       ထိုသို့ရောင်းချရာတွင် ဆန်စပါးလုပ်ငန်းကြီးကြပ်ရေးအဖွဲ့၏ ဦးဆောင်မှုဖြင့် ဆန်စက်လုပ်ငန်းရှင်များ၊ ဆန်စပါးကုန်သည်များအသင်းနှင့် သက်ဆိုင်ရာဌာနများ ပူးပေါင်းကြီးကြပ်မှုဖြင့် ညောင်တုန်းမြို့နယ်ဆန်စက် အသင်းရုံးရှေ့တွင် ရပ်ကွက်နေပြည်သူများကို ဧရာဝတီပေါ်ဆန်း ၃အိတ်၊ ဧည့်မထဆန် ၈ အိတ်ကို ဧရာဝတီပေါ်ဆန်း ၁ပြည် (၅၀၀၀)ကျပ်၊ ဧည်မထဆန် ၁ပြည် ၂၅၀၀ကျပ်ဖြင့် ရောင်းချပေးနေပြီး ပြည်သူများ အား လွပ်လပ်စွာဝယ်ယူလျက်အားပေးလျက်ရှိကြောင်း သတင်းရရှိပါသည်။ မြို့နယ်တွင်း ဆန်ဆန်ကြီးများအား မိမိတို့လက်ဝယ်တွင် ရောင်းချရန် သိုလှောင်ထားသော ပေါ်ဆန်းဆန်များအား ပစ္စည်းမှန်၊ ဈေးနှုန်းမှန်၊ အရည်အသွေးမှန်စွာဖြင့် ဈေးကွက်အတွင်းသို့ စဉ်ဆက်မပြတ် ထုတ်ရောင်းပေးရန်နှင့် သိုလှောင်ဈေးနှုန်းမြှင့်တင် ရောင်းချခြင်းများ (လုံးဝ) မပြုလုပ်ရန် အသိပေးထားကြောင်း သိရှိရပါသည်။

 DOCA(ဧရာဝတီ)

      တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်တွင် ငပိကို အဓိကထားလုပ်ကိုင်လျက် ရှိပါသည်။ ငပိကို ‌ဒေသထွက် ပုစွန်၊ဂွေး၊ငါး စသည့်တို့မှာ အဓိကရရှိပြီး ရေထွက်ကုန်ပစ္စည်းတစ် မျိုးလည်း ဖြစ်ပါသည်။ ဟင်းချက်ရာတွင် ဟင်းမျိုးခတ်အဖြစ် ထည့်သုံးကြသည့်အပြင် တို့စရာ ငပိထောင်းအဖြစ်လည်း သုံးစွဲကြပါသည်။ မြိတ်ဒေသထွက်ငပိသည် မြန်မာနိုင်ငံ အမြို့မြို့အနယ် နယ်သို့ တင်ပို့လျက်ရှိပြီး လူကြိုက်များသောကြောင့် ဈေးကောင်းရရှိကြောင်းလည်း သိရှိရပါ သည်။ ငပိအမျိုးအစားအမျိုးမျိုးနှင့် အရည်အသွေးပေါ်မူတည်ပြီး ဈေးနှုန်းကွာခြားမှုများလည်း ရှိ ကြောင်းသိရှိရပါသည်။ မြိတ်ဒေသထွက်ငပိကို ထားဝယ်မြို့က ပိုမိုဝယ်ယူကြကြောင်းလည်း သိရှိ ရပါသည်။

          ယခု၂၀၂၅ခုနှစ်ဒီဇင်ဘာလပထမပတ်တွင် မြိတ်မြို့ပေါ်ရှိငပိဈေးနှုန်းမှာ (၈၀၀၀)ကျပ်မှ (၉၀၀၀)ကျပ်ရှိကြောင်းလည်း သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်မြို့တွင်ပဲပင်ပေါက်ကို နေရာအနှံအပြားတွင် တစ်နိုင်တစ် ပိုင် စိုက်ပျိုးကြပြီး ရောင်းချကြပါသည်။ ပဲပင်ပေါက်ကို ပဲတီပင်ပေါက်ဖောက်၍ ရောင်းချလျက် ရှိရာ ပဲတီစိမ်းအပင်ပေါက်ရာတွင် လည်း အသစ်ပေါ်သောပဲတီစိမ်းကို အပင်ဖောက်၍မရကြောင်း ပဲတီစိမ်းအဟောင်းကိုသာရှာဝယ် ပြီး ပဲတီပင်ဖောက်ကြကြောင်း သိရှိရပါသည်။ ယခင်အပတ် ဆိပ်ကြီးစည်ပင်သာယာဈေးကြီးနှင့် စမ်းချောင်းကုန်စိမ်းဈေးများတွင် တခြားကုန်စည်ဒိုင်များမှ လည်း ဝယ်ယူရောင်းချနေကြောင်း ကုန်စိမ်းရောင်းချနေသူထံမှ သိရှိရပါသည်။

          ယခုဒီဇင်ဘာလပထမပတ်တွင် တနင်္သာရီတိုင်းဒေသကြီး၊ မြိတ်မြို့ပေါ်ရှိ ပဲပင်ပေါက် ဈေးနှုန်းမှာ တစ်ထုပ်လျှင်(၅၀၀)ကျပ်ရှိပြီး တစ်ပိဿာလျှင်(၄၅၀၀)ကျပ်ရှိကြောင်း သိရှိရပါ သည်။

 DOCA(တနင်္သာရီ)

         ဧရာဝတီတိုင်းဒေသကြီး မအူပင်ခရိုင် ပန်းတနော်မြို့နယ်၌ မြေပဲဆန်များ ဝယ်လိုအားကောင်းပြီး အရောင်းအဝယ်ကောင်းမွန်နေကြောင်း   အရောင်းအဝယ်ကောင်းလာခြင်းသည်  မြေပဲဆီကြိတ်ခွဲထုတ်လုပ်သည့် လုပ်ငန်းများက မြေပဲဆန်များ ဝယ်လိုအားကောင်းလာခြင်းကြောင့်ဖြစ်ကြောင်း သိရသည်။   

       ပန်းတနော်မြို့နယ် ပဲဈေးကွက်၌  ယခုနှစ် စက်တင်ဘာလ ဒုတိယ ပတ်မှစ၍   မြေပဲဆန်များ  အရောင်းအဝယ်ကောင်းမွန်နေကြောင်း၊  အဆိုပါမြေပဲဆန်များ လက်ရှိပဲဈေးကွက်ထဲကို ဒေသထွက်မြေပဲတွေအပြင်  တခြားဒေသကနေ  မိုးမြေပဲတွေပါ ဝင်ရောက်လျက်ရှိပါသည်။ မိုးမြေပဲများ ဈေးကွက်အတွင်း စက်တင်ဘာလ (တတိယပတ်) တွင် မြေပဲဆန်အိတ်ရေ (၃၀၀/၄၀၀)ခန့် နေ့စဉ်ဝင်ရောက်လျက်ရှိပြီး မြေပဲဆန် ဈေးနှုန်းများအနေဖြင့် နိုဝင်ဘာလ (တတိယပတ်) တွင် ဆီဆန် (အဖြူ) တစ်ပိဿာလျှင် (၉,၅၀၀) ကျပ်၊ ဆီဆန် (အနီ) တစ်ပိဿာလျှင် (၉၅၀၀) ကျပ်နှင့် လုံးဆန် (အဖြူ) တစ်ပိဿာလျှင် (၈၅၀၀)ကျပ်၊ လုံးဆန်(အနီ) တစ်ပိဿာလျှင် (၈,၇၀၀) ကျပ်တို့ဖြင့် အရောင်းအဝယ်ဖြစ်လျက်ရှိကြောင်း၊ စက်တင်ဘာလ (ပထမပတ်) နှင့် နှိုင်းယှဉ်လျှင် မြေပဲဆန်ဈေးနှုန်း (၃၀၀)ကျပ်ထိ အနည်းငယ်ကျဆင်းပြီး ဈေးနှုန်းကျဆင်းရခြင်းမှာ မြေပဲဆန်များ ဈေးကွက်အတွင်း လှိုင်လှိုင်ဝင်ရောက်လာခြင်းကြောင့် ကျဆင်းရခြင်းဖြစ်ကြောင်း သိရသည်။

        ပန်းတနော်မြို့နယ်မှ စားသောက်ကုန်ရောင်းဝယ်ရေး လုပ်ငန်းလုပ်ကိုင်သူများသည်မြေပဲဆန်များကို ဝယ်ယူကြိတ်ခွဲပြီး မြေပဲဆီ၊ မြေပဲဆန်၊ မြေပဲအခွံပါ စသည်ဖြင့် ပုံစံအမျိုးမျိုးထုတ်လုပ်ကာ ဝယ်ယူသည့်ဒေသများသို့ စနစ်တကျထုပ်ပိုး တင်ပို့ရောင်းချလျက်ရှိကြောင်း   သိရှိရပါသည်။    

DOCA(ဧရာဝတီ)

      ရွှေဘိုမြို့ပေါ်ရှိဈေးများတွင် ဘုရားပန်းမျိုးစုံရောင်းချလျက်ရှိရာ ရာသီအလိုက်‌ပေါ်သည့် ပန်းများအပြင် ဆယ်နှစ်ရာသီလုံးရရှိသည့်ပန်းများကိုလည်း ရောင်းချလျက်ရှိရာ နှင်းဆီပန်း၊ သစ္စာပန်း၊ ဂန္ဓာပန်း၊ ရွှေပန်း၊ ငွေပန်း၊  အောင်သပြေ၊ ညိုချောသပြေ၊ တော်ဝင်သပြေ၊ ပတ္တမြားသပြေနှင့် အာဆီယံသပြေဟူ၍ ပန်းမျိုးစုံ ရောင်းချလျက်ရှိကြောင်း၊ ၂၀၂၅ခုနှစ် ဒီဇင်ဘာလ (ပထမ)ပတ်တွင် ဖြစ်ပေါ်နေသော ပန်းမျိုးစုံဈေးနှုန်းမှာ နှင်းဆီပန်း(၁)ပွင့်လျှင် (၇၀ဝိ/-)ကျပ်၊ (၁၀)ပွင့် (၁)စည်းလျှင် (၆၀၀ဝိ/-)ကျပ်၊ သစ္စာပန်း(၁)စည်းလျှင် (၁၅၀ဝိ/-)ကျပ်၊ ဂန္ဓာပန်းတွင် အဖြူနှင့် အဝါ ဟူ၍ (၂)မျိုး ရှိကြောင်း၊  ဂန္ဓာပန်း (၁)စည်းလျှင် (၁၃၀ဝိ/-)ကျပ်၊ ရွှေပန်း ငွေပန်း(၃)ပွင့်ပါ (၁)ကုံးဖြင့် အ ကုံး(၂၅)ကုံးလျှင် (၁၅၀ဝိ/-)ကျပ်၊ အောင်သပြေ လက်တစ်ဆုပ်စာ(၁) စည်းလျှင် (၇၀ဝိ/-)ကျပ်၊ တော်ဝင်သပြေလက်တစ်ဆုပ်စာ (၁)စည်းလျှင် (၇၀ဝိ/-)ကျပ်မှ (၁၀၀ဝိ/-) ကျပ်၊ ပတ္တမြားသပြေ လက်တစ်ဆုပ်စာ (၁)စည်းလျှင် (၇၀ဝိ/-)ကျပ်၊ အာဆီယံသပြေလက် တစ်ဆုပ်စာ(၁)စည်းလျှင် (၇၀ဝိ/-)ကျပ်မှ (၁၀၀ဝိ/-) ကျပ်ဖြင့် ရောင်းချလျက်ရှိပြီး ညိုချောသပြေ လက်တစ်ဆုပ်စာ (၁) စည်း လျှင် (၂၀၀ဝိ/-)ကျပ်မှ (၃၀၀ဝိ/-)ကျပ်ရောင်းချပြီး ညိုချောသပြေမှာ အခြားသပြေများ ထက် ဈေးပို ပေးရကြောင်း ပန်းရောင်းချသည့် ဈေးသည်ထံမှ သိရှိရပါသည်။

DOCA(စစ်ကိုင်း)