ပြည်တွင်းကုန်သွယ်မှုသတင်း

         ပုသိမ်မြို့နယ်ပေါက်ကုန်းကျေးရွာနေ တောင်သူဦးညွှန့်ဝေပိုင် လယ်မြေတွင်ဟိုတယ် ကန်စွန်းများ စိုက်ပျိုးလျက်ရှိပြီး စတင်စိုက်ပျိုးချိန် နိုဝင်ဘာလမှစ၍ ၁လအကြာဒီဇင်ဘာလတွင် ခူးဆွတ်၍မေလအထိ ဈေးကွက်တွင်ရောင်းချလျက်ရှိကြောင်းသိရသည်။

        ဟိုတယ်ကန်စွန်းစိုက်ပျိုးရာတွင် နေ့စဉ်ရေလောင်းပေးရပြီး ၁၅/၂၀ရက် တစ်ခါခူးလျှင် စပါးခွံမြေဆွေးနှင့် ဓာတ်မြေဩဇာ ထည့်ပေးရကြောင်း ဟိုတယ်ကန်စွန်းမျိုးစေ့ ၆ဗူး ကို ၁ဧက အတွက်ကုန်ကျငွေ ကျပ် ၃၀၀၀ဝိ/- ဝန်းကျင်သာရှိ၍ ၁၅/၂၀ရက် တစ်ခါခူးလျှင် အစည်းရေ ၈၀၀/၉၀၀ ရရှိပြီး တစ်စီးကို ၆၅/၉၀ ကျပ် ဈေးရရှိသည့်အတွက် ၁ကြိမ်ရောင်းချရလျှင် ကျပ် ၆၀၀၀၀/၈၀၀၀၀ ရရှိပြီး စိုက်ခင်းသို့ လာရောက်ဝယ်ယူလျက်ရှိကြောင်း  စတင်စိုက်ပျိုးချိန်မှ စ၍ ၆လအတွင်း အကျိုးအမြတ်ရရှိနေသော ဟိုတယ်ကန်စွန်းကို ကျေးရွာနေ တောင်သူ အချို့မှာလည်း စိုက်ပျိုးလျက်ရှိကြောင်း တောင်သူဦးညွှန့်ဝေက ဆက်လက်ပြောကြားသည်။

DOCA(ဧရာဝတီ)

   ၂၇.၅.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိသည့်အပြင် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရှိပါသည်။

      ပဲတီစိမ်းမှာ မေလ၊ ပထမအပတ်မှစတင်၍ ရွှေဘိုဈေးကွက်တွင် အရောင်းအဝယ်ဖြစ်ခဲ့ကြောင်း၊ မေလ၊ စတုတ္ထအပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲတီစိမ်းတစ်တင်းလျှင် (၆၁၇၀ဝိ/-)ကျပ်ပေါက်ဈေးရှိပြီး အရောင်းအဝယ်ဖြစ်မှုမှာ (၅၄၀၀)တင်း/ (၁၇၆)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲတီစိမ်းတစ်တင်းလျှင် (၅၉၅၀ဝိ/-)ကျပ်ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ပဲတီစိမ်းတစ်တင်းလျှင် (၂၂၀ဝိ/-)ကျပ်ဈေးပိုမိုရရှိခဲ့ကြောင်း၊ ယခုအပတ်တွင် ယခင်အပတ်ထက် ပဲတီစိမ်းဈေးနှုန်းများမြင့်တက်လာသည့်အပြင် ဝင်ရောက်မှုမှာလည်းများလာကြောင်း  ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့်ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူး၏ လမ်းညွှန်မှုဖြင့် ဒုတိယဦးစီးမှူး ဒေါ်လှိုင်ဥမ္မာဦးသည် ပခုက္ကူမြို့ပေါ်ရှိ အိမ်ဆောက်ပစ္စည်းအရောင်းဆိုင်များဖြစ်သော ငွေသရဖူ၊ ဒို့တောင်သူ၊ ကျော်၊ မိုးမခ၊ သီဟကမ္ဘာ၊ သိန်းနှင့် ဟိန်းစည်အရောင်းဆိုင်များသို့(၂၂.၅.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် သွားရောက်ကွင်းဆင်းခဲ့ပါသည်။

          ထိုသို့ ကွင်းဆင်းရာတွင် ပစ္စည်းပြတ်လပ်မှု ရှိ/မရှိနှင့် မြေပြင်လက်ကျန်အခြေအနေများ၊ ကုန်ပစ္စည်းဝင်ရောက်မှုများနှင့် ဈေးနှုန်းဈေးကွက်အခြေအနေများကို သိရှိနိုင်ရန် ကွင်းဆင်း လေ့လာ ခဲ့ပါသည်။ ဘိလပ်မြေဈေးနှုန်းဈေးကွက်များမှာ ၂၀၂၄ခုနှစ်၊ မေလ(တတိယပတ်)တွင် ကြံ့နှစ်ကောင် တစ်အိတ်လျှင် ကျပ်(၁၁၀၀၀)၊ အယ်ဖာတစ်အိတ်လျှင် ကျပ်(၉၈၀၀)၊ အပါချီ တစ်အိတ်လျှင် ကျပ် (၁၀၆၀၀) ဈေးနှုန်းဖြစ်ပြီး (ဒုတိယပတ်)တွင် ကြံ့နှစ်ကောင် တစ်အိတ်လျှင် ကျပ်(၁၁၀၀၀)၊ အယ်ဖာ တစ်အိတ်လျှင် ကျပ်(၁၀၀၀၀)၊ အပါချီတစ်အိတ်လျှင် ကျပ်(၁၁၆၀၀)ဈေးနှုန်းဖြစ်၍ (ဒုတိယပတ်)နှင့် ဈေနှုန်းနှိုင်းယှဉ်ပါက ယခုတစ်ပတ်တွင် အပါချီတစ်အိတ်လျှင် ကျပ်(၁၀၀၀)၊ အယ်ဖာတစ်အိတ်လျှင် ကျပ်(၂၀၀)ဈေးကျဆင်းပြီး ကြံ့နှစ်ကောင် ဘိလပ်မြေမှာ ဈေးငြိမ်၍ အရောင်းအဝယ်ဖြစ်ကြောင်း၊ ပစ္စည်းပြတ်လပ်မှုမရှိသော်လည်း မှာယူသောစက်ရုံများနှင့် ကိုယ်စားလှယ်ဆိုင်ကြီးများတွင် ဘိလပ် မြေလိုသလောက်ဝယ်ယူ၍ မရရှိကြောင်း အိမ်ဆောက်ပစ္စည်းအရောင်းဆိုင်များမှ သိရှိရပါသည်။

DOCA(မကွေး)

       အညာဒေသ မုံရွာမြို့နယ်တွင် ရန်ကုန်မြို့၊ ကနီမြို့နယ်ရှိ တွင်းမဒေသတို့မှ အုန်းစိမ်းများဝင်ရောက်ကြောင်း၊ တစ်နေ့လျှင် အုန်းစိမ်း (၅၀၀) လုံးပါ ကား (၂) စီးဝင်ရောက်ကြောင်း၊ အုန်းစိမ်းတစ်လုံးလျှင် (၁၅၀၀) ကျပ်မှ (၂၀၀၀) ကျပ်အထိဈေးနှုန်းများရှိကြောင်း၊ တစ်နေ့လျှင် အုန်းစိမ်း (၁၀၀) လုံးမှ (၁၅၀) လုံးထိ ရောင်းချရကြောင်း၊ ရာသီဥတုပူပြင်းလာသဖြင့် အုန်းစိမ်းရေများ အရောင်းအဝယ်သွက်ကြောင်း အုန်းစိမ်းရေရောင်းချသူများထံမှသိရှိရပါသည်။

     အုန်းစိမ်းရည်တွင်ပါဝင်သည့် အာဟာရဓာတ်များမှာ ကိုယ်ခံအားစနစ်ကိုတိုးမြှင့်ပေးကြောင်း၊ ထို့ပြင် အရွယ်တင်နုပျိုစေပြီး ဘက်တီးရီးယားများနှင့် ကင်ဆာရောဂါများကို တိုက်ဖျက်နိုင်သောအစွမ်းလည်းရှိကြောင်း၊ အုန်းစိမ်းရည်မှာ အရသာရှိပြီး ကယ်လိုရီပါဝင်မှုနည်းသော သဘာဝအချိုရည်တစ်မျိုးဖြစ်ကြောင်းနှင့် ၎င်းမှာ အုန်းသီးခြောက်အရည်ထက် အာဟာရဓာတ်ပိုမိုပါဝင်ကြောင်း လေ့လာသိရှိရပါသည်။

DOCA(စစ်ကိုင်း)