ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

     ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် ဟင်းသီး ဟင်းရွက်အပင်များကိုစိုက်ပျိုးကြကြောင်း၊ ထိုဟင်းသီးဟင်းရွက်များကို ကန့်ဘလူမြို့မဈေးတွင် ရောင်းချကြောင်း၊ ၂၀၂၅ ခုနှစ်၊ နိုဝင်ဘာလ ဒုတိယပတ်အတွင်း နံနံပင်(၁)စည်းလျှင် (၅၀၀)ကျပ်၊ နံနံပင်(၂)စည်းလျှင် (၅၀၀)ကျပ်နှင့် နံနံပင်(၄)စည်းလျှင် (၁၀၀၀)ကျပ်ဖြင့် ရောင်းချကြောင်း၊ ဒုတိယပတ်အတွင်း ပင်စိမ်းရွက် (၁)စည်းလျှင် (၃၀၀)ကျပ်၊ ပင်စိမ်းရွက် (၂)စည်းလျှင် (၅၀၀)ကျပ် နှင့်ပင်စိမ်းရွက် (၅)စည်းလျှင် (၁၂၀၀)ကျပ်ဖြင့် ရောင်းချကြောင်း၊ ဒုတိယပတ်အတွင်း ဖက်ဖယ်ရွက် (၁)စည်းလျှင် (၃၅၀)ကျပ်၊ (၃)စည်းလျှင် (၁၀၀၀)ကျပ်နှင့် ပူစီနံနံရွက်(၁)စည်းလျှင် (၃၀၀)ကျပ်၊ (၂) စည်းလျှင် (၅၀၀)ကျပ်ဖြင့်ရောင်းချကြောင်း မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရ ပါသည်။

DOCA(စစ်ကိုင်း)

                မြင်းခြံမြို့နယ် ကျေးရွာအချို့သည် စိုက်ပျိုးရေးလုပ်ငန်းကို လုပ်ကိုင်စားသောက်ကြရာ စားဖို ဆောင်သီးနှံဖြစ်သော သခွားသီးကိုလည်း အပိုဝင်ငွေရရှိရန် စိုက်ပျိုးကြကြောင်း သိရသည်။ ဒေသထွက် သခွားသီးများကို မြင်းခြံမြို့ပေါ်ရှိ မြို့မစည်ပင်သာယာဈေး၊ အေးမြသီတာဈေးနှင့်စံပြဈေးတို့တွင်အချို့ကဖောက်သည်ပေးပြီး အချို့က ကိုယ်တိုင်ရောင်းချ ကြောင်း ဒေသသီးနှံများ မပေါ်လျှင် မန္တလေး မြို့မှဝင်ရောက်ပါကြောင်း သိရသည်။

          နံနက်ခင်းအစောပိုင်းတွင် ကျေးရွာသူ ကျေးရွာသားများက ဆိုင်ကယ်များဖြင့် မြင်းခြံမြို့ ဈေးသို့ လာရောက်ရောင်းချကြောင်း၊ နိုဝင်ဘာလ ပထမပတ်တွင် သခွားသီး(အဖြူ)ဈေးနှုန်းမှာ အကြီးတစ် လုံးလျှင် (၁၅၀၀) ကျပ်၊ အသေးတစ်လုံးလျှင်  (၁၀၀၀) ကျပ်၊ သခွားသီး(အစိမ်း)တစ်လုံးလျှင် (၁၀၀၀) ကျပ် ဈေးရှိကြောင်း သခွားသီးကို အတို့အမြှပ် အဖြစ်သော်လည်းကောင်း၊ သံပုရာသီးဖြင့် အချဉ်ပြုလုပ် ၍သော်လည်းကောင်းစသည်ဖြင့် စားသုံးကြသောကြောင့် ပုံမှန်အရောင်းအဝယ်ရှိကြောင်း ကုန်စိမ်းရောင်းချသူတစ်ဦးထံမှ သိရသည်။

DOCA(မန္တလေး)   

        မြင်းခြံမြို့ မြို့မစည်ပင်သာယာဈေးတွင် ဒေသထွက် ပဲမျိုးစုံများရောင်းချလျက်ရှိရာ ယခု နိုဝင်ဘာလ ပထမပတ်တွင် ဖြစ်ပေါ်နေသော ဈေးနှုန်းများအနေဖြင့် မတ်ပဲတစ်ပိဿာလျှင်(၃၅၀၀ မှ ၃၈၀၀)ကျပ်၊ ပဲဇီးကွက်တစ်ပိဿာလျှင်(၅၇၀၀/၆၀၀၀) ကျပ်၊ ထောပတ်ပဲ(ကြီး)တစ်ပိဿာလျှင်(၄၀၀၀) ကျပ်၊ ထောပတ်ပဲ(လတ်) တစ်ပိဿာလျှင် (၃၅၀၀)ကျပ်၊ ထောပတ်ပဲ(သေး)တစ်ပိဿာလျှင် (၃၂၀၀) ကျပ်၊  ကုလားပဲ V2 တစ်ပိဿာလျှင်(၃၉၀၀) ကျပ်၊ ကုလားပဲ 929 တစ်ပိဿာ လျှင်(၄၂၀၀) ကျပ်၊ ပဲစဉ်းငုံ တစ်ပိဿာလျှင်(၄၀၀၀)ကျပ်၊ ပဲပုပ် တစ်ပိဿာလျှင်  (၆၄၀၀)ကျပ်၊ မြေပဲဆီဆံ တစ်ပိဿာလျှင် (၇၆၀၀ မှ ၇၆၅၀)ကျပ်၊ မြေပဲလုံးဆံ တစ်ပိဿာလျှင် (၈၀၀၀/၈၂၀၀)ကျပ်၊ မြေပဲ ပြန့်လုံးဆံ တစ်ပိဿာလျှင် (၈၁၀၀/၈၂၀၀)ကျပ်၊ နှမ်းဖြူ တစ်ပိဿာလျှင် (၆၅၀၀)ကျပ်၊ နှမ်းညိုတစ်ပိဿာလျှင် (၅၉၀၀ မှ ၆၀၀၀)ကျပ်၊ ပဲတီစိမ်း တစ်ပိဿာလျှင် (၄၈၀၀ မှ ၅၀၀၀)ကျပ်၊ CPပြောင်း တစ်ပိဿာလျှင်(၁၃၅၀/၁၄၀၀)ကျပ် တို့ဖြင့် အရောင်းအဝယ်ဖြစ်ပေါ်လျက်ရှိကြောင်း သိရသည်။

DOCA(မန္တလေး)   

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သံပုရာသီးနှင့် သံပုယိုသီး နှင့်ပဲတောင့်ရှည်များစိုက်ပျိုးထားပြီး ယခုအချိန်တွင် လှိုင်လှိုင်ထွက်ပေါ်နေပြီဖြစ်ကြောင်းသိရ ပါသည်။ သံပုရာသီးများအား ဖျော်ရည်၊ သံပုရာချဉ်ဖက်၊ အသုပ်မျိုးစုံနှင့် သရေစာတို့တွင် ထည့်သွင်း စားသုံးခြင်း သာမက သံပုယိုသီးများကိုလည်း ကျန်းမာရေးအတွက် ဆေးဖော်စပ်ရာတွင်လည်း အသုံးပြုကြသဖြင့် သုံးစွဲမှုများသည့် သီးနှံများဖြစ်ကြောင်း၊ ပဲတောင့်ရှည်သီးများကိုလည်းကြော်စား၊ ချက်စားအမျိုးမျိုးပြုလုပ်၍ စားသုံးကြကြောင်း သိရသည်။

    ၂၀၂၅ခုနှစ်၊ နိုဝင်ဘာလ ဒုတိယပတ်အတွင်းဖြစ်ပေါ်လျက်ရှိသော သံပုရာသီးဈေးနှုန်းများမှာ သံပုရာသီး(အကြီး)(၁)လုံးလျှင် (၁၀၀)ကျပ်၊ သံပုရာသီး(အသေး)(၁)လုံးလျှင် (၅၀)ကျပ်ဖြင့်လည်း ကောင်း၊ သံပုယိုသီး(အကြီး)(၁)လုံးလျှင်(၂၀၀)ကျပ်နှင့် (အသေး)(၁)လုံးလျှင်(၁၀၀)ကျပ်၊ ပဲတောင့် ရှည်သီးဈေးနှုန်းမှာ ပဲတောင့်ရှည်သီး(၅)တောင့်ပါ (၁)စည်းလျှင်(၅၀၀)ကျပ်၊ (၁၀)စည်းပါ(၁)ထုံး လျှင်(၄၈၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသူထံမှ သိရပါသည်။

DOCA(စစ်ကိုင်း)

  တောင်ငူမြို့သည် စစ်တောင်းမြစ်နှင့်ခပေါင်းချောင်း အနီးတွင်တည်ရှိသောကြောင့် ယခုလို မိုးကုန်ခါနီးတွင် ယင်းချောင်းများမှ ဖမ်းယူရရှိသော ဒေသငါးများပေါများသော ဒေသတစ်ခုဖြစ်ပါသည်။ မြစ်၊ ချောင်းများမှ ဖမ်းယူရရှိသောငါး၊ပုဇွန်များမှာ လတ်ဆတ်၍ ချိုသောကြောင့် လူကြိုက် များလှ ပါသည်။

          တောင်ငူမြို့ရှိ စစ်တောင်းမြစ်နှင့်ခပေါင်းချောင်းဘေးတွင်တည်ရှိသော ကျေးလက်ဒေသမှ ယင်းမြစ်၊ ချောင်းများမှ ဖမ်းယူရရှိသော ငါး၊ ပုဇွန်များအား တောင်ငူမြို့ပေါ်ရှိ ဈေးများသို့ တိုက်ရိုက် သော်လည်းကောင်း၊ ဖောက်သည်သွင်း၍သော်လည်းကောင်း လာရောက်ရောင်းချလေ့ရှိပါသည်။ စားသုံးသူအိမ်ရှင်မများအနေဖြင့် တိုက်ရိုက်ရောင်းချသောဈေးသည်နှင့်တွေ့ပါက ဈေးနှုန်းချိုသာလေ့ ရှိပြီး ဖောက်သည်ယူ၍ ပြန်လည်ရောင်းချသူများထံမှ ဝယ်ယူပါက ဈေးနှုန်းအနည်းငယ်မြင့်ပါသည်။

          ဒေသငါးနှင့်ပုဇွန်ဈေးနှုန်းများအနေဖြင့် ငါးခူ (၁) ပိဿာလျှင်ယခင်လက ၃၀၀၀၀ကျပ် နှင့် ယခုလတွင် ၂၀၀၀၀ကျပ်၊ ငါးနုသန်း ယခင်လက (၁) ပိဿာလျှင် (၃၅၀၀၀) ကျပ်နှင့်ယခုလတွင် ၂၅၀၀၀ကျပ်၊ ချောင်းပုဇွန်အလတ် (၁) ပိဿာလျှင် ယခင်လက ၄၀၀၀၀ကျပ် နှင့်ယခုလတွင် ၃၅၀၀၀ကျပ် ဖြင့်ရောင်းချပေးလျှက်ရှိရာ ယခင်လများနှင့် နှိုင်းယှဉ်ပါက ဈေးနှုန်းအနည်းငယ် ကျဆင်းသွားကြောင်း တောင်ငူမြို့ ညောင်ပင်လေးဈေးရှိ ငါး၊ ပုဇွန် ရောင်းချသူတစ်ဦးထံမှ သိရှိခဲ့ပါ သည်။

          ယခုလိုရာသီတွင်မှ ပေါ်သော ဒေသငါးများကို ချက်စားပါက ခံတွင်းမြိန်စေသော ဟင်းတစ်ခွက် ဖြစ်ပါသည်။ မိခင်ကိုယ်ဝန်ဆောင်ချိန်မှ ကလေးအသက်နှစ်နှစ်အထိ ရက်ပေါင်း ၁၀၀၀ အတွင်း ငါးကလေးများကိုပုံမှန်စားသုံးခြင်းဖြင့် အဟာရချို့တဲ့မှုကို ကာကွယ်နိုင် ကြောင်းလည်း လေ့လာသိရှိရပါသည်။ ထို့ကြောင့်နေ့စဉ်စားသုံးသော မိသားစုထမင်းဝိုင်းတွင် ရာသီပေါ် ဒေသတွင်းငါးဟင်းအား စားသုံးခြင်းဖြင့် ခံတွင်းမြိန်စေပြီး အဟာရလည်းပြည့်ဝ ကျန်းမာရေးနှင့်လည်း ညီညွတ်မှုရှိနိုင်ကြောင်း လေ့လာသိရှိရပါသည်။

DOCA(ပဲခူး)