ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် ကြက်သွန်နီစိုက်ပျိုးရာဒေသများဖြစ်ကြသော ပေါက်၊ ဆိပ်ဖြူ၊ ရေစကြို၊ ကမ္မ၊ ရေပြာနယ်တို့မှ ဆောင်းစိုက်(ပင်စိုက်) ကြက်သွန်နီများ အဓိကစိုက်ပျိုးလျက်ရှိပါသည်။ ယခု၂၀၂၄ခုနှစ်၊ မေလ(ဒုတိယပတ်)၌ ကြက်သွန်နီကုန်စည်ဒိုင်တွင် ပခုက္ကူမြို့နယ်ရှိ ပခုက္ကူကျွန်း၊ ပေါက်၊ ယောနယ်ဒေသတို့မှ ကြက်သွန်နီများသာမက စစ်ကိုင်းတိုင်းဒေသကြီးအတွင်းရှိ ပုလဲမြို့နယ်မှ ကြက်သွန်နီများလည်း ဝင်ရောက်အရောင်းအဝယ်ဖြစ်လျက်ရှိကြောင်း ကြက်သွန်နီကုန်စည်ဒိုင်မှသိရှိရပါသည်။

          မေလ(ဒုတိယပတ်)တွင် ယောကြက်သွန်နီဈေးနှုန်းမှာ ထိပ်စတစ်ပိဿာလျှင် ကျပ်(၁၈၀၀-၁၉၀၀)၊ အလတ်စတစ်ပိဿာလျှင် ကျပ်(၁၅၀၀-၁၆၀၀)၊ အနိမ့်စ တစ်ပိဿာလျှင် ကျပ်(၁၃၀၀-၁၄၀၀)ဖြစ်ပြီး ပုလဲကြက်သွန်နီ ထိပ်စတစ်ပိဿာလျှင် ကျပ်(၂၀၅၀)၊ အလတ်စတစ်ပိဿာလျှင် ကျပ်(၁၇၀၀)၊ အနိမ့်စတစ်ပိဿာလျှင် ကျပ်(၁၅၀၀)ဖြစ်၍ နေ့စဉ်ကုန်ချိန် ၄၀၀၀၀ပိဿာမှ ၁၀၀၀၀၀ပိဿာထိ အရောင်းအဝယ်ဖြစ်လျက်ရှိပါသည်။ မြို့မစည်ပင်ဈေးတွင်ရောင်းချနေသော ကြက်သွန်နီဈေးနှုန်းမှာ ထိပ်စတစ်ပိဿာလျှင် ကျပ်(၂၂၀၀)၊ အလတ်စတစ်ပိဿာလျှင် ကျပ်(၂၀၀၀)၊ အနိမ့်စတစ်ပိဿာလျှင် ကျပ်(၁၈၀၀)ဖြစ်ပြီး တင်ပို့မှုအနေဖြင့် မြဝတီနှင့် မြန်မာပြည်အောက်ပိုင်းသို့ တင်ပို့နေကြောင်း ကြက်သွန်နီကုန်သည်များထံမှသိရှိရပါသည်။

DOCA(မကွေး)

       မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် ပဲမျိုးစုံဖြစ်သော ပဲစင်းငုံနီ၊ ကုလားပဲအမျိုးမျိုး၊ ပဲယင်းနီ၊ ပဲယင်းဝါများ၊ ပဲနီ၊ ပဲထောပတ်နှင့် အခြားပဲမျိုးစုံစိုက်ပျိုးထုတ်လုပ်လျက်ရှိပါသည်။ မေလ(ဒုတိယပတ်)တွင် ပဲမျိုးစုံအရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။  ယခုအပတ်တွင် အရောင်းအဝယ်ဖြစ်နေသောပဲများမှာ ပဲစင်းငုံနီ၊ ကုလားပဲဖြူ လုံးကြီး၊ ပဲယင်း၊ ထောပတ်ပဲ၊ ပြောင်းဖူးစေ့(CP)၊ ပဲလွန်းပြာနှင့် နေလဲစေ့များ အရောင်းအဝယ်ဖြစ်နေပါသည်။  ပခုက္ကူကုန်စည်ဒိုင်သည် ပခုက္ကူမြို့၏ စီးပွားရေးအချက်အချာကျပြီး ရောင်းဝယ်ဖောက်ကားရာတွင်လည်း နေရာဒေသစုံမှ လာရောက် အရောင်းအဝယ်ဖြစ်နေပါသည်။

         မေလ(ပထမပတ်)တွင် ပဲစင်းငုံ (နီ) တစ်တင်းလျှင် ကျပ်(၁၂၉၄၀၀)ဖြစ်ပြီး  မေလ(ဒုတိယပတ်)တွင် ပခုက္ကူကုန်စည်ဒိုင်၏ အရောင်းအဝယ်ဖြစ်ခဲ့သော ပဲစင်းငုံ(နီ) ဈေးနှုန်းမှာ တစ်တင်းလျှင် ကျပ် (၁၃၀၀၀၀-၁၃၀၂၀၀-၁၃၅၆၀၀)၊ မေလ(ပထမပတ်)နှင့် (ဒုတိယပတ်) ဈေးနှုန်းတို့ကိုနှိုင်းယှဉ်ပါက ပဲစင်းငုံနီတစ်တင်းလျှင် ကျပ်(၆၂၀၀)ဈေးနှုန်းမြင့်တက်နေကြောင်း၊ မတ်ပဲတစ်တင်းလျှင် ကျပ်(၉၉၀၀၀)ဖြင့် နေ့စဉ်အရောင်းအဝယ်ပုံမှန်ဖြစ်လျက်ရှိသည်။ အရောင်းအဝယ်ဖြစ်ခဲ့သော အိတ်ရေမှာ ပဲစင်းငုံ(နီ) (၅၀၀မှ ၁၀၀၀)အိတ်ထိ၊ မတ်ပဲအိတ်ရေ (၅၀မှ ၂၀၀)အိတ်ထိ ဥပုသ်နေ့မှလွဲ၍ အရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။

DOCA(မကွေး)

       စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ခရိုင်စီမံအုပ်ချုပ်ရေးအဖွဲ့၏အစီအမံဖြင့် စားအုန်းဆီများကို ခရိုင်ဆီလုပ်ငန်းရှင်များအသင်းမှ ဖြန့်ဖြူးရောင်းချပေးလျှက်ရှိရာ ၂၀၂၄ခုနှစ်၊ မေလ ၁၈ရက်နေ့တွင် အမှတ်(၃)ရပ်ကွက်ရှိ ကန့်ဘလူခရိုင်စုပေါင်းရုံးတွင် ဌာနဆိုင်ရာဝန်ထမ်းများကို တစ်ဦးလျှင်(၁)ပိဿာနှုန်း စားအုန်းဆီ(၁)ပိဿာလျှင် ၅၉၅၀ကျပ်ဖြင့်ရောင်းချပေးခဲ့ပြီး ဝန်ထမ်း(၁၁၈၄)ဦးအတွက် စားအုန်းဆီ ၁၁၈၄ပိဿာ ရောင်းချပေးခဲ့ကြောင်း ကန့်ဘလူခရိုင်ဆီလုပ်ငန်းရှင်များအသင်းထံမှသိရှိရပါသည်။

      အဆိုပါ စားအုန်းဆီရောင်းချပေးရာတွင် စားသုံးသူများကိုကျန်းမာရေးနှင့်ညီညွတ်သော စားသုံးဆီများသုံးစွဲနိုင်ရေး၊ ဈေးနှုန်းတည်ငြိမ်စွာဖြင့် ဝယ်ယူစားသုံးနိုင်စေရေးတို့အတွက် ခရိုင်စီမံအုပ်ချုပ်ရေးအဖွဲ့၊ မြို့နယ်စီမံအုပ်ချုပ်ရေးအဖွဲ့၊ စားသုံးသူရေးရာဦးစီးဌာနနှင့်တာဝန်ရှိသူများက ကြီးကြပ်ထိန်းကျောင်း ဆောင်ရွက်လျက်ရှိကြောင်းသိရှိရပါသည်။

DOCA(စစ်ကိုင်)

     စစ်ကိုင်းတိုင်းဒေသကြီး၊ ကန့်ဘလူခရိုင်သည် စိုက်ပျိုးရေးလုပ်ငန်းများကိုအဓိကအားထားလုပ်ကိုင်သော ဒေသတစ်ခုဖြစ်ပြီး သီးနှံစိုက်ပျိုးရာတွင်အထွက်နှုန်းများပိုမိုကောင်းမွန်စေရေးအတွက် စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများကို စိုက်ပျိုးသူတောင်သူများဝယ်ယူအသုံးပြုလျက်ရှိကြောင်း သိရသည်။

     ကန့်ဘလူခရိုင်အတွင်းရှိ စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများ၏ မေလတတိယပတ်အတွင်း ဖြစ်ပေါ်ခဲ့သောဈေးနှုန်းများမှာ ပန်းဖူး(50)kg တစ်အိတ်လျှင်(၉၀၀၀၀)ကျပ်၊ မြှားကမ္ဘာ(50)kg တစ်အိတ်လျှင်(၈၈၀၀၀)ကျပ်၊ အာမို(ကွန်ပေါင်း)(10:10:5) (50)kg တစ်အိတ်လျှင်(၈၂၀၀၀)ကျပ်၊ အာမို(ကွန်ပေါင်း) (15:15:15) (50)kg တစ်အိတ်လျှင် (၁၆၃၀၀၀)ကျပ်၊ ပိုတက် (50)kg တစ်အိတ်လျှင် (၁၂၂၀၀၀)ကျပ်နှင့် ရွှေတောနစ်(၅၀၀)စီစီ တစ်ဘူးလျှင် (၁၃၀၀၀)ကျပ်၊ မိုရယ်လ်မုန်း(၅၀၀)စီစီတစ်ဘူးလျှင် (၂၉၀၀၀)ကျပ်၊ ဟတ်ကာ(၅၀၀)စီစီတစ်ဘူးလျှင် (၂၆၀၀၀)ကျပ်ဖြင့်ရောင်းချလျက်ရှိရာ ယခင်ပတ်နှင့်နှိုင်းယှဉ်လျှင် ဈေးနှုန်းအနည်းငယ်မြှင့်တက်လာကြောင်း  စိုက်ပျိုးရေးသုံးဆေးနှင့် ဆေးပစ္စည်းရောင်းချသည့် လုပ်ငန်းရှင်ထံမှသိရှိရပါသည်။

DOCA(စစ်ကိုင်း)

     မန္တလေးတိုင်းဒေသကြီး၊ မိတ္ထီလာမြို့၊ မိတ္ထီလာကုန်စည်ဒိုင်တွင် ဆီထွက်သီးနှံများ၊ ပဲမျိုးစုံ သီးနှံများ၊ ဝါသီးနှံများ၊ စားဖိုဆောင်သီးနှံများ အရောင်းအဝယ်ဖြစ်လျက်ရှိကြောင်း၊ မိတ္ထီလာကုန်စည်ဒိုင်၌ မေလ ၊ တတိယပတ်အတွင်း ဖြစ်ပေါ်နေသော ဆီထွက်သီးနှံဈေးနှုန်းများမှာ  နှမ်း (ညို) တစ်တင်းလျှင် (၉၈၀၀၀) ကျပ်၊ နှမ်းဖြူ တစ်တင်းလျှင် (၁၁၅၀၀၀) ကျပ်၊ နေကြာစေ့ တစ်ပိဿာလျှင် (၄၀၀၀) ကျပ်၊ နှမ်းဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ မြေပဲဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ နေကြာဆီ တစ်ပိဿာလျှင်(၁၃၀၀၀) ကျပ်၊ နှမ်းဖတ် တစ်ပိဿာလျှင် (၂၆၅၀-၂၇၀၀) ကျပ်၊ ပဲဖတ် တစ်ပိဿာလျှင် (၃၁၅၀) ကျပ်၊ နေကြာဖတ် တစ်ပိဿာလျှင် (၁၈၅၀) ကျပ်ဖြင့် ရောင်းဝယ်ဖြစ်လျက်ရှိပြီး၊ ဧပြီလ ၊ တတိယပတ်အတွင်း ဖြစ်ပေါ်နေသော ဆီထွက်သီးနှံဈေးနှုန်း များမှာ  နှမ်း (ညို) တစ်တင်းလျှင် (၉၅၀၀၀-၉၆၀၀၀) ကျပ်၊ နှမ်းဖြူ တစ်တင်းလျှင် (၁၁၂၀၀၀) ကျပ်၊ နေကြာစေ့ တစ်ပိဿာလျှင် (၄၀၀၀) ကျပ်၊ နှမ်းဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ မြေပဲဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ နေကြာဆီ တစ်ပိဿာလျှင်(၁၃၀၀၀) ကျပ်၊ နှမ်းဖတ် တစ်ပိဿာလျှင် (၂၆၅၀) ကျပ်၊ ပဲဖတ် တစ်ပိဿာလျှင် (၃၁၀၀) ကျပ်၊ နေကြာဖတ် တစ်ပိဿာလျှင် (၁၈၅၀) ကျပ်ဖြင့် ဖြင့် အရောင်းအဝယ်ဖြစ်လျက်ရှိပြီး ယခင်လနှင့်ယခုလကာလ တူနှိုင်းယှဉ်လျှင် ဆီထွက် သီးနှံဈေးနှုန်းမြှင့်တက်လျက်ရှိပြီး၊ ကုန်ချောဈေးနှုန်းများ တည်ငြိမ်လျက်ရှိပါသည်။

      ယခုမေလ တတိယပတ်အတွင်း ပဲမျိုးစုံစျေးနှုန်းတွင် ကုလားပဲ (V2) တစ်တင်းလျှင် (၈၂၀၀၀) ကျပ်၊ ပဲစဉ်းငုံ (သစ်) တစ်တင်း လျှင် (၁၃၀၀၀၀)ကျပ်၊ ထောဖြူ (သစ်) တစ်တင်းလျှင် (၉၀၀၀၀) ကျပ်၊ ထိုင်ဝမ် တစ်တင်းလျှင် (၇၅၀၀၀)ကျပ်၊ 929 တစ်တင်လျှင် (၈၀၀၀၀) ကျပ် စျေးရောင်းဝယ်လျက်ရှိပြီး၊ ယခင်ဧပြီ တတိယပတ်အတွင်း ကုလားပဲ (V2) တစ်တင်းလျှင် (၇၈၀၀၀-၈၀၀၀၀) ကျပ်၊ ပဲစဉ်းငုံ (သစ်) တစ်တင်း လျှင် (၁၂၃၀၀၀)ကျပ်၊ ထောဖြူ (သစ်) တစ်တင်းလျှင် (၈၅၀၀၀-၉၀၀၀၀) ကျပ်စျေးရှိခဲ့ရာ ယခင်လနှင့်ယခုလကာလတူနှိုင်းယှဉ်လျှင် ကုလားပဲဈေးနှုန်း ဒေသတွင်း သုံးစွဲမှုများလာခြင်းကြောင့် ကုလားပဲ (V2)စျေးမှာ တစ်တင်းလျှင် (၂၀၀၀) ကျပ် ခန့်မြှင့်တက်ခဲ့ပြီး၊ ပဲစဉ်းငုံ ရာသီချိန်ဖြစ်သော်လည်း ပြည်ပလိုအပ်ချက်များရှိသဖြင့် ပဲစဉ်းငုံ တစ်တင်းလျှင် (၇၀၀၀) ကျပ်ခန့် စျေးနှုန်း မြှင့်တက် လာကြောင်း သိရှိရပါသည်။

    ယခုမေလတတိယပတ်အတွင်း ဝါတစ်ပိဿာလျှင် (၂၇၀၀-၂၈၀၀)ကျပ်၊ ငရုတ်သစ် တစ်ပိဿာလျှင်(၈၀၀၀)ကျပ်၊ ကြက်သွန်နီ တစ်ပိဿာလျှင် (၁၉၀၀-၂၀၀၀) ကျပ်၊ မကျည်းတောင့် တစ် ပိဿာလျှင် (၂၄၅၀) ကျပ်၊ ယခင်ဧပြီတတိယပတ်အတွင်း ငရုတ်သီး(သစ်) တစ်ပိဿာလျှင် (၈၀၀၀-၉၀၀၀) ကျပ်၊ ကြက်သွန်နီ တစ်ပိဿာလျှင် (၁၈၀၀-၂၀၀၀) ကျပ်၊ မကျည်းတောင့် တစ်ပိဿာလျှင် (၂၆၀၀-၂၇၀၀) ကျပ်ရှိပြီး ယခင်လနှင့် ယခုလနှိုင်းယှဉ်လျှင် ဈေးနှုန်းများမှာ ဈေးငြိမ်နေကြောင်း သိရှိရပါသည်။

DOCA(မန္တလေး)