ပြည်တွင်းကုန်သွယ်မှုသတင်း

       မြိတ်မြို့နယ်အတွင်းရှိ ရပ်ကွက်နှင့် ကျေးရွာများ၌ တို့ဟူးစိမ်းကိုပြုလုပ်ပြီး မိသားစု တစ်နိုင်တစ်ပိုင် စားဝတ်နေရေးအတွက် ဈေးများတွင် ပြုလုပ်ရောင်းချကြပါသည်။  တို့ဟူးစိမ်း များကို သရေစာအဖြစ် အိမ်များတွင် ပြုလုပ်စားသုံးကြပါသည်။ တို့ဟူးကျိုရန်အတွက် ကျိုချက် ရာတွင် ပဲစိမ်းမှုန့်ကို အသုံးပြုကြောင်း၊ ပဲစိမ်းမှုန့်တစ်ဆ၊ ရေနှစ်ဆရောစပ်၍ ပဲစိမ်းမှုန့် အလုံးအခဲလေးတွေ   မကျန်အောင် သေချာဖျော်ထားပြီး နာရီဝက်လောက် ခဏထားကြောင်း ၎င်းနောက် တို့ဟူးကျိုမည့်အိုးထဲသို့ ဇကာလေးနဲ့စစ်ထည့်ပြီး နနွင်းမှုံ၊ ဆား၊ ဆီအနည်းငယ်ထည့် ပြီး မီးအနေတော်ဖြင့်ကျိုရကြောင်း၊ စကျိုသည့်အချိန်မှစ၍ နှစ်မိနစ်ခန့်ကြာလျှင် အလုံးအခဲလေး တွေစဖြစ်လာပါက အဆက်မပြတ်မွှေပေးရကြောင်း၊ စကျိုသည့်အချိန်မှစ၍ ဆယ်မိနစ်ခန့်ကြာ လျှင် ကြွက်မြီးတန်းလာပါက မီးဖိုပေါ်မှချရကြောင်း၊ ထို့နောက် အဆင်သင့်ဆီသုပ်ထားတဲ့ လင်ပန်း(သို့)ခွက်တစ်ခုထဲသို့ လောင်းထည့်ပြီး မျက်နှာပြင်ကိုညီအောင် ဆီသုတ်ထားသည့် ဇွန်း နှင့်ညှိပေးရကြောင်း၊ ပြီးနောက် သုံးနာရီအအေးခံ ထားပြီးပါက တို့ဟူးစိမ်းများရရှိ၍ ဈေးကွက်သို့ ရောင်းချကြောင်းသိရှိရပါသည်။

     မြိတ်မြို့ ဈေးကြီးများတွင် ၂၀၂‌၅ခုနှစ်၊ နိုဝင်ဘာလ နောက်ဆုံးပတ်၌ ရောင်းချနေသော တို့ဟူးစိမ်းလက်လီ၂၅ကျပ်သားလျှင် (၁၅၀၀) ကျပ်နှင့် လက်ကား တစ်ပိဿာ လျှင်(၅၅၀၀)ကျပ်  ဖြင့် စားသုံးမှုများပြီး လူကြိုက်များကြောင်း၊ အရောင်းအဝယ်ကောင်းပြီး စီးပွားရေးအဆင်ပြေ လျက်ရှိကြောင်း တို့ဟူးစိမ်းရောင်းချသူ၏ ပြောပြချက်အရ သိရှိရပါသည်။

DOCA(တနင်္သာရီ)

       တနင်္သာရီတိုင်းဒေသကြီးသည် ပင်လယ်ကမ်းရိုးတန်းတည်ရှိပြီးမြစ်ချောင်းများပေါများသဖြင့် ပင်လယ်ရေလုပ်ငန်းများဖြင့် အသက်မွေးဝမ်း‌ကျောင်း အများဆုံးလုပ်ကိုင်ကြပြီး ယခုအချိန်သည် မိုးအကုန် ဆောင်းရာသီသို့ရောက်ရှိလာရာ ပင်လယ်ပြင်နှင့် ရေငံဝင်ရောက်သည့် မြစ်များတွင် လှေ ငယ်များ၊ ကျားဖောင်များဖြင့် ငါး/ပုစွန်များကို ဖမ်းဆီး၍ အခြောက်ခံကာ ငါးခြောက်များ၊ ပုစွန်ခြောက် များပြုလုပ်၍ ထားဝယ်မြို့ပေါ်ရှိ ရေထွက်ပစ္စည်းအရောင်းဆိုင်များသို့ ရောင်းချသကဲ့သို့ ပြည်တွင်းရှိ အခြားဒေသများသို့လည်း တင်ပို့ရောင်းချလျက်ရှိရာ ထားဝယ်မြို့ပေါ်တွင် ဖြစ်ပေါ်လျက်ရှိသော ပုစွန် ခြောက်စျေးနှုန်းမှာ စားသုံးသူသုံးစွဲမှု အများဆုံးဖြစ်သည့် ပုစွန်ခြောက် အလတ်ဆိုဒ် အသန့် တစ်ပိဿာလျှင် ၁၀၀၀၀၀/၁၁၀၀၀၀ ကျပ် ရှိကြောင်း ထားဝယ်မြို့၊ စည်ပင်သာယာစျေးကြီး အတွင်း မှငါးခြောက်တန်းရှိ စျေးသည်များထံမှ သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ ထားဝယ်မြို့ရှိ အနီးပတ်ဝန်းကျင်ကျေးရွာများရှိ ခြံငယ်များ၊ ဥယျာဥ် ခြံများတွင် စိုက်ပျိုးလျက်ရှိသော သံပရာပင်များမှ ထွက်ရှိသည့် သံပရာသီးများနှင့် အခြားဒေသများမှ ဝင်ရောက်လာသော သံပရာသီးများကို ကျေးရွာစျေးငယ်များနှင့် ထားဝယ်မြို့ရှိစျေးများတွင် ရောင်းချ လျက်ရှိရာ ယခုအချိန်သည် သံပရာသီး အသီးတင် ထွက်ရှိမှုနည်းပါးသည့် ရာသီဖြစ်သည့်အတွက် ထားဝယ်မြို့ပေါ်၌ သံပုရာသီးအရွယ်အစားအပေါ် မူတည်၍ တစ်လုံးလျှင်(၈၀၀)မှ(၁၀၀၀) ကျပ်အထိ ရှိကြောင်း ထားဝယ်မြို့ပေါ်ရှိ ကုန်စိမ်းရောင်းချသူများထံမှ စုံစမ်းသိရှိရပါသည်။

DOCA(တနင်္သာရီ)

            ရွှေဘိုမြို့ ဈေးကွက်အတွင်း နိုဝင်ဘာလ၊ တတိယအပတ်တွင်ရောင်းချသည့် ပဲလွန်းပြာဈေးနှုန်းမှာ (၁)ပြည်လျှင်(၅၅၀ဝိ/-)ကျပ်နှင့် တစ်တင်းလျှင်(၈၈၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ် တို့၏အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲလွန်းပြာ (၁)ပြည်လျှင် (၅၅၀ဝိ/-)ကျပ်ပေါက်ဈေးရှိခဲ့သဖြင့်  ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့်ဈေးနှုန်း တူညီကြောင်း၊ ဈေးကွက်အနေဖြင့်ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ကောက်ညှင်းပေါင်း ရောင်းချသည့်သူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။

            ရွှေဘိုမြို့ ဈေးကွက်အတွင်း နိုဝင်ဘာလ၊ တတိယအပတ်တွင်ရောင်းချသည့် ပဲလွန်းဖြူဈေးနှုန်းမှာ (၁)ပြည်လျှင်(၆၈၀ဝိ/-)ကျပ်နှင့် တစ်တင်းလျှင်(၁၀၈၈၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲလွန်းဖြူ (၁)ပြည်လျှင်(၆၈၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ် ဖြစ်သည့်ဈေးနှုန်းတူညီပြီး ဈေးငြိမ်နေကြောင်း၊  ဈေးကွက်အနေဖြင့်ဒေသတွင်းရှိ စားသုံးသူများ၊ တစ်ဆင့်ပြန်လည် ရောင်းချမည့်သူများ၊ ကောက်ညှင်းပေါင်း ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)

       ရွှေဘိုမြို့ဈေးကွက်အတွင်း နိုဝင်ဘာလ၊  တတိယအပတ်တွင်ရောင်းချသည့် ပဲကြားဈေးနှုန်းမှာ (၁)ပြည်လျှင်(၁၀၀၀ဝိ/-)ကျပ်နှင့် တစ်တင်းလျှင်(၁၆၀၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲကြား(၁)ပြည်လျှင်(၉၂၀ဝိ/-)ကျပ်ပေါက်ဈေးရှိခဲ့သဖြင့် ယခုအပတ်တွင်ယခင်အပတ်ထက် ပဲကြား(၁)ပြည်လျှင်(၈၀ဝိ/-) ကျပ်ဈေးပိုခဲ့ကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ပဲပြုတ်၊ ပဲရေဖွရောင်းချမည့်သူများ၊ အလှူမင်္ဂလာပွဲလမ်း ဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

          ရွှေဘိုမြို့ဈေးကွက်အတွင်း နိုဝင်ဘာလ၊ တတိယအပတ်တွင်ရောင်းချသည့် ပဲနီလေးဈေးနှုန်းမှာ(၁)ပြည်လျှင် (၁၆၀၀ဝိ/-)ကျပ်နှင့် တစ်တင်းလျှင်(၂၅၆၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲနီလေး (၁)ပြည် လျှင်(၁၆၅၀ဝိ/-)ကျပ် ပေါက်ဈေးရှိခဲ့သဖြင့်  ယခုအပတ်တွင်ယခင်အပတ်အောက် ပဲနီလေး(၁)ပြည်လျှင် (၅၀ဝိ/-)ကျပ်ဈေးလျော့နည်းခဲ့ကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

           ရွှေဘိုမြို့ဈေးကွက်အတွင်း နိုဝင်ဘာလ၊ တတိယအပတ်တွင်ရောင်းချသည့် ဘိုပဲဈေးနှုန်းမှာ (၁)ပြည်လျှင်(၁၃၅၀ဝိ/-)ကျပ်နှင့် တစ်တင်းလျှင်(၂၁၆၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ဘိုပဲ(၁)ပြည်လျှင်(၁၃၅၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိ စားသုံးသူများ၊ တစ်ဆင့်ပြန်လည်ရောင်းချမည့်သူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)