ပြည်တွင်းကုန်သွယ်မှုသတင်း

  စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်ရှိ ချင်းတွင်းရတနာဈေး၊ မန်းကျည်းပင်ဈေး၊ သာစည်ဈေး၊ ဗန္ဓုလဈေး၊ ပြည်ထောင်စုဈေးနှင့်  ဝန်ထမ်းအိမ်ရာရှိ နန္ဒဝန်ဈေးသစ်တို့တွင် စက်တင်ဘာလတတိယပတ်တွင် ရောင်းချနေသော ကွမ်းသီးနှင့် ကွမ်းရွက် ဈေးနှုန်းများအနေဖြင့် ကွမ်းသီး(ရှယ်) ( ၁ ) ပိဿာလျှင်( ၃၀၀၀၀) ကျပ်ဖြင့်လည်းကောင်း၊ အလတ်စ ( ၁ )ပိဿာလျှင် ( ၂၅၀၀၀) ကျပ်ဖြင့် လည်းကောင်း၊ အသင့် ( ၁ ) ပိဿာလျှင် (၂၃၀၀၀)ကျပ်ဖြင့်လည်းကောင်း၊ ကွမ်းရွက် ( ရှယ်)  ( ၁ ) ပိဿာလျှင် ( ၇၀၀၀) ကျပ်ဖြင့်လည်းကောင်း၊ အလတ်စား ( ၁ )ပိဿာလျှင် ( ၅၀၀၀) ကျပ်ဖြင့် လည်းကောင်း၊ အသင့် ( ၁) ပိဿာလျှင် ( ၃၀၀၀)ကျပ်ဖြင့် လည်းကောင်း ဈေးနှုန်း အသီးသီးဖြင့် ရောင်းချလျက်ရှိပြီး စက်တင်ဘာလ ဒုတိယပတ်တွင် ၁ပိဿာလျှင် ( ၉၀၀၀)မှ ( ၁၀၀၀၀)ကျပ်ထိရှိခဲ့ရာ ယခုတတိယပတ်ဈေးနှုန်းများနှင့် နှိုင်းယှဉ်ကြည့်လျှင် ကွမ်းရွကဈေးများ ကျဆင်းလာကြောင်း သိရသည်။

DOCA(စစ်ကိုင်း)

  ကြံခင်းမြို့ရောက်လျှင် ထမင်းသုပ်သည် မဖြစ်မနေ စားသုံးကြသည့် ဒေသထွက်စားသောက် ကုန်တခုဖြစ်ပြီး မြို့မ ရပ်ကွက်တိုင်းတွင် ထမင်းသုပ်ဆိုင်များလည်းရှိကြပါသည်။ ဧရာဝတီတိုင်း‌ဒေသ ကြီး၊ မြန်အောင်ခရိုင်၊ ကြံခင်းမြို့နယ်၊ အောင်ချမ်းသာလမ်း၊ ရွာသစ်ရပ်ကွက်တွင် ဒေသထုတ်ကုန် ဖြစ်သော “သန့်ဇင်” ထမင်းသုပ်လုပ်ငန်းအား ကြံခင်းမြို့နယ်တာဝန်ခံမှ (၁၅.၉.၂၀၂၅)ရက်နေ့ နံနက် (၀၉:၀၀)နာရီအချိန် တွင် ကွင်းဆင်းလေ့လာခဲ့ပါသည်။

          ထိုသို့ကွင်းဆင်းခဲ့ရာတွင် ထုတ်ပိုးရောင်းချသည့် ကုန်စည်များတွင် ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြခြင်းရှိ/မရှိ စစ်ဆေးခဲ့ပြီး၊ ထုတ်လုပ်မှုအခြအနေ၊ အရောင်းအဝယ်ဖြစ်မှု အခြေ အနေများအား မေးမြန်းဆွေးနွေးခဲ့ပါသည်။ ၅ ရက်လျှင် တစ်ကြိမ် ထမင်းတစ်ပန်းကန်စာနှင့် အသင့်သုပ် စားနိုင်သော အသင့်စား ထမင်းသုပ် အထုပ်ငယ် ၁၀၀၀ ထုပ် ပုံမှန် ထုတ်လုပ်ဖြန့်ဖြူးလျက်ရှိပါသည်။ ထမင်းသုပ်တွင် ပါဝင်ပစ္စည်း (၆) မျိုးရှိပြီး ၎င်းတို့မှာ (၁) ပဲဆီသန့် ဆီချက်(၂) ငံပြာရည်(၃) ကုလားပဲ အကြက်မှုန့် (၄)  ငရုတ်အကြမ်းကြော်  (၅)  ပုဇွန်ခြောက်မှုန့်  (၆)  ကြက်သွန်ဖြူကြော် တို့ဖြစ်ပါသည်။ တချို့ကလည်း ပုဇွန်ခြောက်မှုန့်အစား ငါးကျည်းခြောက်မှုန့်ကိုသုံးစွဲကြသည်ကို တွေ့ရပါသည်။ အထုပ် ၁၀၀၀ လျှင် လုပ်သားခ အပါအဝင် ကုန်ကျစရိတ် ၁၀ သိန်းဝန်းကျင် ကုန်ကျပြီး အကျိုးအမြတ် အနေဖြင့် ၂ သိန်းကျပ်ခန့် ရရှိပါသည်။ အသင့်စား စားစရာများ ထွန်းကာလာသည့်အခါ ကြံခင်းထမင်း သုပ်လုပ်ငန်းသည်လည်း ခေတ်နှင့် အညီ ပါဝင်ပစ္စည်းများကို အသင့်ထုတ်ပိုး၍ ထမင်းတစ်ခါပြင်စာ အတွက် Ready Made အထုပ်များ အဖြစ် ဈေးကွက်ဝင်ရောက်လာပြီး ယခုအခါ မြို့နယ်အနှံသို့ ဖြန့် ဖြူးရောက်ရှိလာသော နံမည်ကြီး ဒေသထွက်ကုန်တစ်ခုဖြစ်လာခဲ့ကြောင်း သတင်းရရှိပါသည်။

DOCA (ဧရာဝတီ)                       

   ပုသိမ်ခရိုင်၊ ကန်ကြီးထောင့်မြို့ပေါ်နှင့် အနီးတစ်ဝိုက်ရှိ ကျေးရွာများမှ တောင်သူများသည် ဒေသထွက်ကုန်နှင့် စားဖိုဆောင်သီးနှံများကို တစ်ပိုင်တစ်နိုင် အနေဖြင့်လည်းကောင်း၊ စီးပွားဖြစ် အနေဖြင့်လည်းကောင်း သီးနှံများကို စိုက်ပျိုး၍ အနယ်နယ်အရပ်ရပ်သို့ တင်ပို့ရောင်းချလျက်ရှိပါသည်။

          ၂၀၂၅ ခုနှစ်၊ စက်တင်ဘာလ တတိယပတ်တွင် ကျောက်ဖရုံသီးဈေးနှုန်းမျာ (၁) လုံးလျှင် (၄၀၀၀) ကျပ်နှုန်းဖြင့် လည်းကောင်း၊ အလုံးကြီးအလှ (၁) လုံးလျှင် (၆၀၀၀) ကျပ်ဖြင့်ရောင်းချ လျက်ရှိကြောင်း နှင့် ရွှေဖရုံသီး ဈေးနှုန်းမှာ (၁) လုံးလျှင် (၂၀၀၀) ကျပ်၊ အလုံးကြီး အလှ (၁) လုံးလျှင် (၄၀၀၀) ကျပ်ဖြင့် လည်းကောင်း ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)

    ရွှေဘိုမြို့ပေါ်ရှိဈေးများတွင် ရာသီစာသီးနှံများ၊ သစ်သီးဝလံများများရောင်းချသည့်အပြင် နွေ၊ မိုး၊ ဆောင်း ရာသီမရွေးရရှိသည့် အုန်းသီးများကိုလည်း ရောင်းချလျက်ရှိပါသည်။ အုန်းသီးများမှာ ဒေသမှထွက်ရှိသည့် အုန်းသီးများအပြင် အခြားဒေသမှ ထွက်ရှိသည့် အုန်းသီးများကိုလည်း ရောင်းချလျက်ရှိပါသည်။ အုန်းသီးမှာ အုန်းစိမ်းနှင့် အုန်းသီခြောက်ဟူ၍ ရှိကြောင်း၊ အုန်းစိမ်းများမှာ အညှာမပြတ်ခူးဆွတ်ရ၍ သာသနာပွဲများနှင့် ကန်တော့ပွဲများတွင် အသုံးပြုကြကြောင်း၊ အုန်းသီး ခြောက်ကိုမူ မုန့်များပြုလုပ်ရန်နှင့် သရေသစာစားသုံးရန်အတွက်အသုံးပြကြကြောင်း ၊ ၂၀၂၅ခုနှစ်၊ စက်တင်ဘာလ(တတိယ)ပတ်တွင် ဖြစ်ပေါ်နေသော အုန်းသီးဈေးနှုန်းမှာ သာသနာပွဲအုန်း(၁)လုံး လျှင် (၆၀၀ဝိ/-)ကျပ်၊ ဒေသတွင်းထွက်ရှိသည့် အုန်းသီးခြောက် (၁)လုံးလျှင် (၄၀၀ဝိ/-)ကျပ် နှင့် အခြားဒေသမှ ထွက်ရှိသည့် အုန်းသီးခြောက်(၁)လုံးလျှင် (၄၅၀ဝိ/-)ကျပ်၊ (၅၀၀ဝိ/-)ကျပ်၊ အုန်းသီး ခြောက်ကိုခွဲစိတ်၍ အစိတ်ဖြင့်ရောင်းချကြောင်း အုန်းသီးစိတ် (၁)စိတ် လျှင် (၄၀ဝိ/-)ကျပ်ဖြင့် အ ရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာမြို့၏(၁၇.၉.၂၀၂၅)ရက်နေ့ ဆီထွက်သီးနှံဈေးနှုန်းများမှာ မုံရွာကုန်စည်ဒိုင်ဈေးနှုန်းအရ မြေပဲလုံးဆံနီ တစ်ပိဿာလျှင် ကျပ်( ၈၁၀၀ )၊ မြေပဲလုံးဆံဖြူ တစ်ပိဿာလျှင် ကျပ်( ၈၅၀၀)၊ နှမ်းဖြူ တစ်တင်းလျှင် ကျပ် (၉၅၀၀၀)ကျပ်၊ နှမ်းညိုတစ်တင်းလျှင် ကျပ် ( ၈၈၀၀၀ )၊ နှမ်းနက် တစ်တင်းလျှင် ကျပ် ( ၂၁၀၀၀၀)ကျပ်၊ နေကြာစေ့တစ်ပိဿာလျှင် ကျပ် ( ၆၀၀၀ )တို့ဖြင့် အရောင်း အဝယ်ဖြစ်လျက်ရှိကြောင်း သိရသည်။

DOCA(စစ်ကိုင်း)