ပြည်တွင်းကုန်သွယ်မှုသတင်း

      လက်ရှိဖြစ်ပေါ်နေသော နိုင်ငံရေးအခြေအနေများကြောင့် ဓါတ်မြေဩာဈေးနှုန်းနှင့် ပိုးသတ်ဆေးဈေးနှုန်းများမှာ ယခင်အပတ်အတိုင်း တည်ငြိမ်နေသော်လည်း ပစ္စည်းရောက်ရှိမှုနှင့် အရောင်းဝယ်နည်းပါးလျက်ရှိပါသည်။ ၂၀၂၅ခုနှစ် နိုဝင်ဘာလ တတိယအပတ်တွင် ဖြစ်ပေါ်လျက် ရှိသော ဓာတ်မြေဩဇာနှင့်ပိုးသတ်ဆေးဈေးနှုန်များမှာ ရွှေတောင်ပုလဲ (၅၀ဂရမ်) တစ်အိတ်လျှင် (၁၁၀၀၀၀)ကျပ်၊ ၁၅ပတ်လည်(၅၀ဂရမ်)တစ်အိတ်လျှင်(၂1၀၀၀၀)ကျပ်၊ ၁၆ပတ်လည်(၅၀ဂရမ်) တစ်အိတ်လျှင်(၂၁၀၀၀၀)ကျပ်၊ ဩဘာ(10:10:5) တစ်အိတ်လျှင်(၂၁၀၀၀၀) ကျပ်၊ ငှက်ကြီးတောင် (၁၀၀စီစီ) တစ်ဘူးလျှင် (၂၅၀၀၀) ကျပ်၊ Alarm 15 Wp (100ဂရမ်) တစ်ဘူးလျှင် (၂၅၀၀၀) ကျပ်ဖြင့် ရောင်းဝယ်လျှက်ရှိကြောင်းသိရှိရပါသည်။

          ပြည်တွင်းဓာတ်မြေဩဇာဈေးနှုန်းမှာ တစ်ခြားမြို့များထက်ဈေးနှုန်းမြင့်တက်နေသလို တစ်ဖက်မှာလည်း သယ်ယူပို့ဆောင်စရိတ်၊ ကုန်ကြမ်းထုတ်ပိုးမှုစရိတ်များ မြင့်တက်နေဆဲ ဖြစ်ကြောင်း လားရှိုးမြို့ပေါ်ရှိ စိုက်ပျိုးရေးအရောင်းဆိုင်များမှ သတင်းရရှိပါသည်။

DOCA(ရှမ်း)

          မြင်းခြံမြို့၏ စည်ပင်သာယာနယ်နိမိတ်အတွင်းရှိ အေးမြသီတာဈေးများတွင် ၂၀၂၅ ခုနှစ်၊ ‌နိုဝင်ဘာလ၌ ရောင်းချနေသော  စားဖိုဆောင်သီးနှံအုပ်စုဝင်ဖြစ်သော ကုန်စိမ်း သီးနှံဈေးနှုန်းများမှာ ခရမ်းချဉ်သီးတစ်ပိဿာလျှင် (၂၀၀၀-၂၅၀၀) ကျပ်၊ အာလူးသီးအကြီး တစ်ပိဿာလျှင် (၈၅၀၀)ကျပ်၊ အာလူးသီးအလတ်တစ်ပိဿာလျှင် (၇၀၀၀) ကျပ်၊ အာလူးသီးအသေး တစ်ပိဿာလျှင် (၆၀၀၀)ကျပ်၊ ပဲတောင့်ရှည်တစ်ပိဿာလျှင် (၆၀၀၀) ကျပ်၊ ခရမ်းသီးအရှည် သီးတစ်ပိဿာလျှင် (၂၅၀၀) ကျပ်၊ ခဝဲသီးတစ်ပိဿာလျှင် (၅၀၀၀)ကျပ်၊ ရုံးပတီသီးတစ်ပိဿာလျှင် (၃၅၀၀) ကျပ်၊ ငရုတ်သီးစိမ်း တစ်ပိဿာလျှင် (၄၀၀၀) ကျပ်၊ ရွှေဖရုံသီးတစ်ပိဿာလျှင် (၂၂၀၀) ကျပ်၊ မျှစ်တစ်ပိဿာလျှင် (၄၀၀၀) ကျပ်၊ ဂျင်းတက်တစ်ပိဿာလျှင် (၅၀၀၀-၅၅၀၀) ကျပ်၊ နနွင်းတက်တစ်ပိဿာလျှင် (၁၄၀၀၀-၁၆၀၀၀)ကျပ်၊မုန်လာဥနီတစ်ပိဿာလျှင် (၄၀၀၀) ကျပ်၊  ဂေါ်ရခါးညွန့်လက်ဆုပ်တစ်စီးလျှင် (၈၀၀) ကျပ်၊ ဂေါ်ရခါးသီးတစ်လုံးလျှင် (၂၅၀) ကျပ်၊ ၊ဂေါ်ဖီထုပ်တစ်ထုပ်လျှင်(၁၅၀၀-၁၈၀၀)ကျပ်၊ ပန်းမုံလာ ပွင့် (အလတ်) တစ်ပွင့်လျှင် (၂၀၀၀)ကျပ်နှင့် ဂျူးမြစ်တစ်ပိဿာလျှင် (၈၀၀၀) ကျပ်ပေါက် ဈေး များဖြင့် ရောင်းချကြောင်း၊ ယခင်လနှင့်နှိုင်းယှဉ်ပါ ယခုလတွင် ရွှေဖရုံသီး ဈေးနှုန်းမှာ အနည်းငယ် မြင့်တက်ခဲ့၍ ခရမ်းချဉ်သီး၊ ငရုတ်သီးစိမ်း၊ ခဝဲသီး၊ဂေါ်ရခါးသီးနှင့် ဂျူးမြစ်များမှာဈေးနှုန်းများ ကျဆင်းခဲ့ကြောင်း၊ ကုန်စိမ်းသီးနှံများကို ရှမ်းပြည်နယ်တောင်ပိုင်း အောင်ပန်းမြို့နှင့် မန္တလေးမြို့ ကုန်စိမ်းပွဲရုံများမှ မှာယူ ရောင်းချကြောင်း၊ ကုန်စိမ်းရောင်းချသူ တစ်ဦး၏ ပြောပြချက်အရရှိရသည်။

DOCA(မန္တလေး)

            ရေစကြိုထန်းသီးမုန့်သည် မြန်မာ့ရိုးရာမုန့်တစ်မျိုးဖြစ်ပြီး အဓိကပါဝင်စ္စည်းများမှာ ဆန်မှုန့်၊ ထောပတ်၊ အုန်းကြော်၊ ဖရုံယို၊ ထန်းသီးနှင့် ထန်းလျက်တို့ဖြင့် ပေါင်းစပ်ပြုလုပ်ထားပြီး အရသာမှာ နူးညံ့ချိုမြိန်ပြီး ထန်းသီးနံ့မွှေးမွှေးလေးဖြင့် ကိတ်မုန့် မလဲနိုင်သည့် အချိုပွဲတစ်မျိုး ဖြစ်ကြောင်း လူသိများသည်။ ၂၀၂၅ခုနှစ်၊ နိုဝင်ဘာလ၌ မြင်းခြံမြို့၊ အေးမြသီတာဈေးတွင် ရောင်းချနေသော ထန်းသီးမုန့် ရိုးရိုး၂၅ ကျပ်သား(၃၀၀၀) ကျပ်၊ ထောပတ်ထန်းသီးမုန့် ၂၅ ကျပ်သား လျှင်(၄၀၀၀)  ကျပ်ခန့်ပေါက်ဈေးများဖြင့်ရောင်းချကြောင်း၊ မြန်မာမုန့်ဖြစ်သောကြောင့်  လူကြိုက်များပြီး စားသုံးမှုများပြား၍ အရောင်းအဝယ်ကောင်းကြောင်း၊ ပခုက္ကူမြို့တို့မှမှာယူ၍ မြင်းခြံဈေးကွက်၌ ရောင်းချကြောင်းသိရှိရသည်။DOCA(မန္တလေး)

         ရှမ်းပြည်နယ်(အရှေ့ပိုင်း)၊ ကျိုင်းတုံမြို့သည် စိုက်ပျိုးရေးကို အဓိကထား စိုက်ပျိုးလုပ် ကိုင်သည့် မြို့တစ်မြို့ဖြစ်ပါသည်။ ရာသီအလိုက်သီးနှံမျိုးစုံ စိုက်ပျိုးကြသော်လည်း အဓိကအားဖြင့် မိုးဦးကာလ၌  မိုးစပါးကို အလေးထားကာ စိုက်ပျိုးရာသီတွင် ဒေသစားသုံးရန် ဆန်ဖူလုံ ပိုလျှံစေရန်အတွက် မိုးစပါးအဖြစ် ရွှေရင်အေး၊ ဆင်းဧကရီ(၃)နှင့် ငစိန်ကောက်ညှင်းစပါးကို စိုက်ပျိုးကြပါသည်။ ၂၀၂၅-၂၀၂၆ ခုနှစ်တွင် လယ် (၄၃၄၆၆) ဧက စိုက်ပျိုးခဲ့ပြီး ယခု (၁၅.၁၁.၂၀၂၅) ရက်နေ့အထိ (၄၃၃၆၉) ဧက ရိတ်သိမ်းပြီးဖြစ်ကြောင်း သိရှိရပါသည်။

          ယခုနှစ် မိုးစပါး တစ်ဧက၏ ကုန်ကျစရိတ်မှာ သွင်းအားစုအနေဖြင့် မျိုးစပါးပျိုးထောင်သည့် နေ့မှစ၍ မြေပြုပြင်ခြင်း၊ ထယ်ထိုးခြင်း၊ ထွန်မွှေခြင်း၊ ဘောင်ဖော်ခြင်း၊ ပျိုးနုတ်ခြင်း၊ စိုက်ခြင်း၊ အပင်ပြုစုခြင်း၊ ရိတ်သိမ်းခြင်း၊ အထွေထွေသွင်းအားစု စုစုပေါင်း (၁၂) သိန်းကျပ် ကုန်ကျကြောင်း တောင်သူကြီးများထံမှ သိရှိရပါသည်။

          ယခု ၂၀၂၅ ခုနှစ်တွင် မိုးစပါး တစ်ဧက အထွက်နှုန်းမှာ (၈၆) တင်းခန့် ထွက်ရှိကြောင်း သိရှိရပါသည်။ မိုးစပါး တစ်တင်းလျှင် လက်လီဈေးနှုန်းမှာ (၁၇၅၀၀) ကျပ်၊ လက်ကား ဈေးနှုန်းမှာ (၁၄၅၀၀) ကျပ် ပေါက်ဈေး အရောင်းအဝယ်ဖြစ်ခဲ့ပါသည်။ စပါးတင်း (၈၆) တင်းအတွက်  (၁၅) သိန်းကျော်ခန့် ရရှိပါသည်။ တစ်ဧက၏ အထွေထွေကုန်ကျ စရိတ် (၁၂) သိန်းနုတ်လျှင် မိုးစပါးစိုက်တောင်သူကြီးများအနေဖြင့် လယ် တစ်ဧကကို (၃) သိန်း ကျော်ခန့် အမြတ်အစွန်းရရှိနေကြောင်း သိရပါသည်။ ယခုနှစ်တွင် လုပ်သားခနှင့် ဓာတ်မြေဩဇာ ဈေးနှုန်းကြီးမြင့်ခြင်းတို့ကြောင့် အမြတ်အစွန်းနည်းပါးရခြင်းဖြစ်ကြောင်း မိုးစပါးစိုက်တောင်သူကြီး များထံမှ သိရှိရပါသည်။

DOCA(ရှမ်း)

 ပြည့်စုံ

          စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးလုပ်ငန်းကို လုပ်ကိုင်စားသောက်ကြရာမှ စားဖိုဆောင်သီးနှံဖြစ်သည့် ခဝဲသီးများနှင့် ကြောင်လျှာသီးပင်များကိုလည်း တစ်နိုင်တစ်ပိုင်စိုက်ပျိုးလျက်ရှိပြီး မုံရွာမြို့၊ သာစည်ဈေးတွင် လာရောက်ရောင်းချလျက်ရှိကြောင်း သိရပါသည်။

       ၂၀၂၅ ခုနှစ်၊ နိုဝင်ဘာလ စတုတ္ထပတ်တွင် မုံရွာမြို့၊ သာစည်ဈေးတွင် ခဝဲသီး ဈေးနှုန်းများမှာ လက်ကား တစ်ပိဿာလျှင် (၂၆၀၀/-) ကျပ်၊ လက်လီတစ်ပိဿာလျှင် (၂၈၀၀/-) ကျပ်တို့ဖြင့်လည်းကောင်း၊  ကြောင်လျှာသီးအကြီး တစ်တောင့်လျှင် (၁၃၀၀)ကျပ်၊ အသေးတစ်တောင့်လျှင် (၈၀၀)ကျပ်နှုန်းတို့ဖြင့် ရောင်းချလျက်ရှိကြောင်း ကုန်စိမ်းရောင်းသူများထံမှ သိရှိရပါသည်။

DOCA(စစ်ကိုင်း)